Coffee Spec (Closed)

經朋友介紹，話佢屋企附近有間高質數又價錢唔貴嘅餐廳，於是想跟男朋友提早慶祝聖誕節。一般聖誕餐都要4-500元一位，我真係覺得唔值，所以想提早食聖誕餐囉！之前我哋試過點咗兩個S E T，1)原隻龍蝦伴意大利扁意粉2)香蒜白酒花甲扁意粉。嘩真係原隻龍蝦上㗎，最特別D意粉連汁都係用龍蝦燴㗎，好鮮甜㗎。另外個白酒花甲夾埋D香蒜都唔會互相搶味。唔係講假真係超正😋現在心思思又上咗佢網站睇下有咩食，原來佢哋有出聖誕memu都係百幾二百元一SE T，真係現時少見的良心餐廳。結果我同男朋友決定聖誕正日再去食過。溫馨提示呀！記得要打去BOOK位呀！

新手上黎寫食評，希望以後幫到大家共同對抗人生最大既哲學難題，今晚食乜好？今日去到長沙灣搵食，喺呢個沉悶既區域裡面有間悠閒Cafe，非常相宜既價錢但有住唔錯既食物質素。去圖！大約三點半到埗，下午茶餐牌價錢非常相宜叫左三個餐有三杯野飲，女友眼利見到牆上黑板寫左樣叫espresso cola既野飲，雖然照字面睇應該都能夠理解係一樣咩飲品，但我地照問一問waitress妹妹以防誤會點知waitress都要返轉頭問一問老細先confirm到我地係正確的，espresso cola就係espresso 加cola內裝有花心思，富空間感之餘擺設也整齊美觀，很有休閒小店的感覺。總結：一間可以一來再來既小店，食物性價比很高，是一個很值得在這裡度過一個悠閒下午的咖啡店。

餐廳前身係牧羊少年咖啡店，當時也有幫襯過，結業後現正呢間餐廳沿用返前身的裝修。午餐時段來到，也有幾人在排隊等入座，我跟老公兩人去到，剛好有一張二人枱客人埋單，所以店員好快可以安排我地入座。我點了set lunch menu 中的黑椒鴨胸炒意粉，餐飲試了一杯 短笛拿鐵。order 後大約兩分鐘，店員就送來餐湯＋焗蒜蓉包，餐湯是忌廉粟米湯，中規中矩沒什麼特別，那個焗蒜蓉包幾脆又香口👍🏻主菜來了，熱辣辣的意粉，黑椒+彩椒一起炒，辣味剛好，唔會太辣太黑椒味，鴨胸都幾好食。最後來到是我很期待的短笛拿鐵，其實是我第一次試，平常我去cafe 多數選latte ， 短笛拿鐵份量是一個很小的杯子，比一般的Latte 更濃郁香醇，很好喝

估你唔到一個唔算貴既價錢竟然有咁靚既賣相同味道Like一定再泥今日食果個芝士汁龍蝦意大利粉原隻龍蝦上真係好驚喜再加上芝士濃厚既味道簡直一流另外即磨咖啡亦都好香拉花好靚呢間餐廳一定再泥

價錢合理，令我感到意外既就係$88可以食到原隻龍蝦，物超所值龍蝦原汁原味，服務員服務貼心，佢地態度友善，會細心記住我既需要👍🏽野飲叫左即磨咖啡，味道香濃環境方面，地方舒適，下次會再幫襯。

難得星期六，當然要食好d，對自己好d啦，經朋友介紹，來到位於長沙灣的Coffee Spec食lunch，裡面環境不錯，有很多咖啡杯做擺設，極具咖啡特色，本人享用了一份芝士龍蝦意粉午餐，估唔到只需88元，就可以有一隻原隻龍蝦食，非常抵，非常讚，意粉亦用了龍蝦汁去煮，整個意粉龍蝦味非常濃郁，呢個龍蝦午餐，絕對值得嘗試！

要愛上一間餐廳，只需用心對待客人便可，難得遇到一間餐廳的食物材料是本人最愛的movenpick 雪糕，一般高級餐廳只用哈根大師/dreyer 的雪糕，難得找到一間平民化餐廳而用到此品牌，真的小之又小，令我一試難忘， 要愛上一間餐廳就如此簡單.....

Coffee spec新開的，係長沙灣同荔枝角之間，雖然有d難去，但好彩都算近我工作地方，總算識路今次同朋友黎左呢間食tea，個tea menu都OK清晰同埋都幾吸引，但唔抵食，對我講黎呢個tea都算好貴有D好飽肚，有D唔算太飽，因應番當日的狀態吧叫左野食，點之等勁耐先黎，20分鐘都仲未到，超無奈不過我都等得既，唔太趕時間點左個小食拼盤，芝士波唔會濕笠笠，所以都幾好食，芝士醬爆出來，唔錯唔錯雞翼好熱，外面夠脆，不過好細隻薯角OK啦，無咩太出色既地方個墨魚丸有d墨魚粒粒味道口感勁似打邊爐，無味的，感覺超差沙律菜都幾新鮮的，無咩雪既feel檸檬茶無咩茶味，少冰都好多冰

今次再去番呢間餐廳有又新驚喜下午茶叫左个炸魚薯條D炸魚外脆內嫩之後叫左个蘋果批唔同某快餐店昵間D蘋果批自制每次要預訂D批外面脆內裏d汁留出來有唔甜非常好食再加上一杯花茶簡直一間極品Ps留左一个開胃沙津

秘密花園, 牧羊少年咖啡.. 可能係呢區工作既人都曾經食過呢2間café 原來係同一位置原來開左另一間café,… 不知不覺已經第三手喇….🙈睇返食評, 原來Coffee Spec 已經開左有一段日子, 今日同數位同事一齊黎呢度食lunch~ 位置黎講對比我公司都比較遠, 差不多要行10分鐘既路程先會黎到.Café 有2層, 上層如果冇改變過裝修, 好似大概有15個座位到, Book左位關係黎到就有位, 之後都見到café坐滿晒人.. Lunch Set 供應時間: 11:30 – 14:30包是日餐湯, 主食 & 咖啡/茶, 另外可加+$10 可轉指定特定飲品 (龍脷柳, 西冷, 豬仔脾等既main可配飯/意粉/薯菜) Set lunch不時會轉換, 今日唔算太肚餓所以叫左個『🐟香煎龍脷柳伴黑松露忌廉汁』🐟香煎龍脷柳伴黑松露忌廉汁 配 薯菜 $88開頭仲有d驚龍脷柳會好細條, 但令我刮目相看! 😳龍脷柳原條上枱, 當然唔係超級大條果d喇!!!😍😍😍size都算幾大份而且薯菜都幾多~👍🏻龍脷柳有事先煎香過, 因為有煎過關係令龍脷柳外層帶點實肉, 而且唔會一切就散開, 配上黑松露忌廉汁都

同朋友走左黎HIGH TEA，好耐都冇同果位朋友一齊傾下計，大家講講笑，傾傾心事既感覺真係好依間cafe shop有上下兩層，而我地就揀左落地玻璃窗位坐低，成個環境比人一種休閒感，大家坐得舒服，自然就多左野傾～我點左黑椒牛肉鐵板意粉，口感有少少油膩，意粉麵質較幼滑，份量適中，食出香口惹味嘅黑椒味，牛肉中規中矩，口感煙韌，整體嚟講都算入味，相比其他餐廳嘅下午茶，價錢公道，味道唔錯，但出餐時間較慢，等嘅時間耐，食完就嗱嗱臨買單走人。

早前跟朋友去活動，完事後在此嚐了一個下午茶小食我們點了個滋味小食拼盤HKD46有雞翼，芝士波波腸，八爪魚丸及香脆薯角另加15可享各款飲品由於我們好幾個人，所以店家幫我們一次過出，份量正常，味道不錯，雞翼味道最討好全部都外脆內軟，味道不會太鹹其中點了這2款咖啡很不錯，熱鮮奶咖啡咖啡面有拉花，味道香濃，口感幼滑而這杯凍鮮奶咖啡，雖然加了冰，但同樣唔會稀，同樣濃而香，味道討好

上星期日食了一個幸福的下午茶，這間餐廳叫coffee spec 不單只咖啡好味又滑又香，仲有杯smootie飲！嘢食一啲唔馬虎，有芝士焗扇貝、黑松露蒜蓉包蒜味濃又脆^_^摩天輪裡有8款甜品，我最喜歡馬卡龍同個撻。映埋相放上網呃👍🏻！我女朋友仲讚我搵到呢間嘢，叻叻🐷！😍😍😍提提，呢個摩天輪要訂架！好彩食到last個(侍應:仲有一份)。下次要訂定先☺️

同同事行開長沙灣見到呢間餐廳未試過，所以就試下，入到去原來有下午茶套餐，價錢又唔貴，性價比高，果日我地點左一個all day breakfast 同一份焗薯皮。all day breakfast 個黑松露蛋，超正，其他配搭又精緻，份焗薯皮份量大，脆身，又唔會太乾，好好味，加多$18 仲有杯summer drink(簿荷朱古力沙米同黑白椰香沙冰），飲品唔會太甜，總括來講，可以再去，下次會試埋個晚餐。

昨日朋友生日同佢慶祝，於是去了一間其它朋友介紹的西餐廳叫coffee spec, 位置麻麻地有點難找，但當入到去餐廳有另一翻的感覺，環境優雅舒適。員工有良好的服務態度，介紹菜式給我們，抵讚！隻豬手又脆又多汁😆，個蜜糖芥末汁好正！不油利！個套餐有埋甜品同咖啡，掋食！我仲like埋佢地個網站仲有個焗薯皮送。😆carbonea個汁濃厚剛剛好，痴住d意粉又唔會太硬同太軟，好美味！✌件homemade cake都好有心思，我同職員講我朋友生日佢地就係碟條做了小心思😆，令我朋友好開心。