Coffee Spec (Closed)

同老婆共進晩餐，出奇地好食。黎到長沙灣，探完外母後，她叫我同老婆去試下。點知幾好食喎價錢都唔係貴但係個味道同素質係超一般的水凖。兩個人食晚餐只係二百幾，超平。叫了一份牛油果三文魚焗飯同鰻魚抄飯，超香唔油有口感好食。加30元仲可以轉餐有西蘭花湯，蒜蓉包同餐飲。我同老婆很滿足！2杯野飲好正，職員話夏天特飲黎。但係好fruity好match.

這間餐廳下午茶蛋糕好好食，今日約了個朋友見面，我們2個都飽飽地，唔想食D咁heavy嘅野，係喱間餐廳有提供蛋糕tea set, 所以入去食下啦！ 結果我們2個人點了2份蛋糕set, 一份係cheese cake 令一份係lemon tat.味道好正！cheese cake 又香又滑又唔太甜，最重要係唔漏，食完超滿足的感覺。可比美酒店的級數，但價錢只係38😆😆😆😆另一份係lemon tat, 味道清香，酸酸的但係唔太甜，好味。另外加了18元一杯佢地一杯summer drink，lemon blue 又好好飲，好消暑的感覺。🐶跟餐另一杯要了一杯ice coffee，都好好欲。我見隔離枱點了份水果tat, 佢地話好食，今日食唔落了，唯有影張先，下次去食過。餐廳職員話D 蛋糕係佢地home made, 怪不得跟外面餐廳不一樣的感覺啦！

去長沙灣批發市場後當然要醫醫肚啦之前過個間叫牧羊少年現在關閉了轉了另一家叫Coffee Spec都唔知好吾好吃，入去後跟之前裝飾差不多，諗住跟上手廚師差不多。結果給我們一個新的驚喜， 食物數質比之前個間好味很多。本人點朋友點了一個套餐和一個散點，隻豬手又香又脆，食道停不了口，不過酸菜不夠酸。另一個點了一份意大利飯，份意大利飯又香不油又好食.真係一流的質數！價錢我覺得唔貴合理，因為個質數和味道真係物有所值.最後還有一杯香味可口的拿鐡咖啡真的太滿足了.本身還想要一個心太軟但係無貨，他們職員說今日只出20份，賣完即止. 因為全部係自家制， 貨量有限. 職員還送了一張50元的優惠券給我希望我下次光臨.

本想去另一間但無訂位而要等，因而轉戰這食店，剛好有張枱，入内坐下便看到無數杯，有特色，選了兩個晚餐，一是沙律伴炸牛和炸虎蝦意大利飯，首先來了西洋菜湯，是攪拌出來的，有口感，跟住來了客炸薯皮先，因在facebook簽到而送的，入口香濃加有些酸忌廉點，主菜牛來了，賣相非常吸引，牛和烟肉炸得夠香而不硬，虎蝦上碟更形格，肉夠新鲜而意大利飯D汁非常入味帶香，甜品是蕉糖燉蛋，甜度適中，雖已好飽也能把它吃曬，非常滿足。而跟餐的咖啡特飲也相當不俗。

朋友生日安排係牧羊後的COFFEE SPEC, 今次真係好正， 之都食過好幾次， 食物質數好得。 所以今次朋友生日特別安排係這餐廳， 特別訂了個生日CAKE.個朱古力Cake好靚好食好好味好鬆軟，入面仲有啫喱tim架。。。好好味架，下次一定叫多d朋友過lai食先得^^

這餐廳係朋友介紹我食的本人巳經食過3次， 每次的食物都很有質數令我有意外經喜。今次朋友約我食飯， 他們推薦我食這間， 我心想我早巳食過2次啦！但係我無出聲，因為我也很喜歡食這間。今次我朋友發板佢點了一份All day breakfast, Baby Ribs 和火焰豬手。 份all day breakfast 係佢地的新菜式個黑松露抄蛋係我至愛， 好好食呀，其他野都夠熱同埋好香。Baby Ribs 超juice一d都唔老仲有肉香味份量又足， 唔似出面d餐廳又干又無香味只得一排， 希望他們能夠保持水準啦！我真係覺得值得出介。個火焰豬手又香又脆好食， 不過火焰只有5秒，我拿出相機就無火啦。

7月頭同老公黎左呢間野試....估唔到有驚喜！佢有兩層的，所以多人的話都唔怕無位，不過要訂位就真，因為我都見一路都有人出出入入！首先，佢個豬手....真係又香又脆，又大件，兩個人差點食唔哂，個蜜糖芥末醬又夠蜜糖味！佢上枱前會問一問你灑唔灑少量酒精做火焰豬手，如果唔岩酒精既人可以同佢講唔洗，我個人認為本身豬手皮已經夠脆！加上我倆都不好酒精！所以我地無加，一樣咁好味！讚！豬肋骨又夠肉汁，唔會制得太乾！讚！佢d花茶又夠清香！老公飲左個特濃古古力！佢都話好香！ps:其實呢間餐廳應該係主打咖啡，但可惜我同老公都唔好咖啡，請見諒未能比意見！甜品又是另一值得一試的！因為我本人不太好甜品的，但我都覺得甜品好味！因為佢唔會甜到漏個種！好清！今晚甜品係日本芝士蛋糕！（呢個唔記得影相）下次會帶朋友食生日飯試一試佢既diy蛋糕～因為佢個蛋糕雪櫃好吸引！下次再報告^^最後要補充服務員既服務....很細心，隻豬手太大隻，服務員見到我地既反應...主動問我地洗唔洗幫手切...好快手就幫我地切好...又不會切到浪費豬手肉！

依間cafe 晏晝時間都幾多人下，但穿過一條窄窄既樓梯，上到去，卻別有洞天，空間豁然開朗許多。上面有一間房仔，牆上寫滿了名人的quote，帶點普普藝術風格，頗具藝術氣息。坐下很快，就有侍應過來，語氣親切得體，對這間餐廳的服務平添幾分好感。揀左個青醬燒牛肉通粉，侍應提醒我這是沙律,冷的，我說不要緊，(因為沙律感覺上好健康呀)。同行的友人叫了個帆立貝意粉 沙律一般都係上先，我的也不例外，食落冰涼，通粉又幾有彈性。青醬既味道不重，都係偏清新多一點。燒牛肉涼食，咬落都算嫩口，入味，唔算好咸。成個沙律面頭撒左唔少既芝士粉，食落有幾濃既芝士香味，但整體搭配未見出彩，只能說是正常水準。飲既cappucino，綿滑細緻，可惜不是很濃。

中午約左人食飯，搵到附近有間cafe，就過來試一試。午飯時段都幾多人，侍應把我們引到樓上去，果然舒服得多。我叫了一個菠蘿煎豬扒，主菜未到，餐湯先來。餐湯係羅宋湯，望落都覺得有點兒稀，而事實就真係幾淡，餐湯令人失望，甘主菜呢? 都係感覺沒有太大特別。菠蘿片幾香甜，而豬扒( 其實並非厚切，而厚切才能顯出餐廳功力)，就沾到些菠蘿汁而感覺頗為甜口。肉質幾嫩，本身醃得有點咸。跟餐揀左薯菜，薯角就真係做得幾好食，好酥脆，唔會話腍左。所以成個餐可能最好食既就係啲薯角。最後先飲熱飲，叫左熱咖啡，屬一般正常水準，不算太濃，還算可以啦。

今天又到荔枝角覓食，這間每次經過都想吃。本來想點窩夫，但得知中午時段廚房負荷不來所以中午沒有ala carte。午餐選擇多，今天點了個龍蝦汁元貝扁意粉。跟餐有餐湯，也有包，加10元可轉特別飲品。一般都喝咖啡的我今天因為生病了所以點了蜜糖洛神花茶。意粉賣相吸引，帶子亦十分大一隻，可惜虛有其表。龍蝦汁沒有龍蝦味，整份意粉偏淡。份量倒是十足。洛神花茶真材實料，可惜蜜糖味不夠。這餐實在中規中矩，應該沒有要再來的必要。

如果唔係朋友推介, 我都絕少會走到去長沙灣食飯, 呢間餐廳唔難搵, 最重要係唔嘈, 我真係好怕嘈的食肆, 同朋友吹水都好似鬧交咁 , 而呢度就靜靜地, 可以靜靜地咁同朋友傾下計, 所以未食已經覺得舒服 今晚我地兩個女仔黎食, 但好CRAZY, 竟然點左三份餐, 好似有D過份忌廉湯 + 蒜蓉包：湯比出面餐廳的足料d, 濃d, 好味..而蒜蓉包一向都係我至愛, 所以一定喜歡食火焰豬手：我好鍾意食烤/焗的豬手, 所以每次有豬手我都會點的, 呢個有埋火睇喎..掂啦! 豬手口感唔錯架, 而且佢跟果個汁真係好正, 絕對值得一試牛仔骨：比我地預期中的份量多, 夠juicy唔un...炸魚薯條：因為想食薯條所以點左呢個, 薯條好味的, 個魚夠滑, 但可能我鍾意有口感d的關係, 所以我覺得呢個係3個之中失色左d, 但朋友就話ok, 所以佢食多d....甜品：原先諗住點心太軟架, 但原來個set dinner有跟甜品, 我地食完3份野食已經好飽好飽, 所以就冇叫心太軟而食set的甜品, 但就有d後悔, 口感同味道都真係好一般, 所以食左兩啖就停左手, 我地都話早知點個心太軟總括黎講, 我同朋友都覺得如果我

早日經過一間門面幾好既西餐廳，感覺唔錯，同埋見係新開冇幾耐既樣子所以入去試試。一開始叫左個 appetiser 食食什麼炸芝士煙肉非常唔錯，外面脆卜卜入面煙肉唔燶之餘仲多汁。Main course 就羊架Medium既熟度冇乜蘇味！正！唔洗配mustard 都好夠味應該係用高質既羊肉。價錢百幾蚊！好過去花X餐廳啦。呢間野小本經營非大財團最後疑似老闆/經理仲問食成點好有heart。下次會再撐呢間餐廳👍🏻

放假訓到下午2點，口痕痕， 唔知食咩好。 聽講屋企樓下間餐廳好似幾好口啤於是膽粗粗一條友去試下。 好彩佢地有個all day breakfast食， 上手個間d野食一般般， 點知今次接手哩間又幾好食， 個黑松露抄蛋 係我的至愛， 野食新鮮好味夠熱，之後加埋杯latte ,我太滿足了。 值得推介!

晚上8時左右到達，門口可以泊車，十分方便。餐廳分兩層，樓上雅座十分寛敞，整個氣氛亦非常舒適。點了三文魚天使麵，黑松露意大利飯，帶子魚汁意粉和德國燒豬手四款都非常值得推介其中燒豬手皮脆肉嫩，外層香脆可口，內層肉質鮮嫩，完全不需用刀切開，令人一試難忘。黑松露意大利飯除了用料充足，意大利飯煮得洽度好處，保留一點點的嚼感，配合清香黑松露，食畢齒頰留香，必食之選。(唔記得影相就摷散左sor)三文魚天使麵簡約之中亦有驚喜，三文魚玫瑰份量充裕，鮮味一流，天使麵配以麽菇，牛油香味之餘又清新宜人，上佳之作。帶子墨魚汁意份除了賣相一流，煎帶子爽口彈牙，墨魚汁除了令外觀更吸引，更發出一絲絲海洋鮮味，感覺滿足。飲品方面，點了熱的水果茶和calpis荔枝特沙冰，同樣清新解渴，其中calpis荔枝沙冰竟有點點果肉其中，誠意滿分~總括以言，今餐所有餐點均超越預期的美味，另外加上店員彬彬有禮的服務態度，敬業樂業的精神，令人非常放鬆，成就一躺難忘的餐飲體驗。p.s. 宜家食有張印仔卡，食滿50元會有一個印仔夠10個可以當現金券使用~多謝戴眼鏡的男店員熱誠有禮的解說和招待！

結婚一週年紀念，朋友介紹一間未去過嘅餐廳，膽粗粗就去試下，原來前身係一間牧羊少年嘅餐廳，現在改名係coffee spec,去到環境跟前身差不多，沒驚喜，坐低之後，點了兩樣出名main course,其中一樣係火焰豬手和牛油果忌廉三文魚焗飯加多一樣甜品-心太軟。火焰豬手：德國豬手食得多，第一次食火焰豬手係外脆內軟，咸度恰可，嗰個茉芥蜜糖汁味道出色，值得一讚，又可以影相，氣氛又好。忌廉三文魚焗飯：外表平平無奇，心想可能中伏，但一食落口，估唔到牛油果跟三文魚味道出奇地配合，一定要試心太軟：movenpick 朱古力雪糕配心太軟，重本制作，超濃朱古力配撘，勁味美。