同仁四季音樂主題餐廳 (Closed)

昨天到此和家人吃團年飯，之前聽到同事說有live band，長輩又喜歡聽歌，所以決心帶他們來看下！一入餐廳，個場真是十分不錯，新浄，地方算寬敞，吊燈也很搶眼，我們被安排對住個台坐，十分正！一開始就點了碟文昌鷄，美國手切牛，冰菜，韓式年糕、丸類等。食物質素都很好，一點也不是酒樓級數。文昌雞很大碟，冰菜新鮮爽口，推介韓式年糕，同平時的不一樣，好吃。後來點了個海膽刺身，唯一覺得量少，少貴。服務員，經理服務很好，但歌曲大部分都是新潮普通話歌，長輩唔識聽。

老友薯先生建議小週末去8咪半呢間同仁四季同壽頭賀壽。老友揀度有2個原因 : 1. 佢係半個深圳人，在深圳試過覺得幾好，所以推介 2. 主角壽頭喜歡打邊爐，而呢間亦近主角的住處。呢度環境OK，座位寬落，空氣算流通，星期五六日9點前有live band 唱歌 。當晚都點咗首生日歌俾壽頭呢!當晚預訂咗8點至8點半入座。主角7點半就到咗，不過都要到大約8點半先人齊，期間侍應姐姐每行過一次，就過來叫我們點湯底一次，並一而再，再而三的向我們推薦$798的象拔蚌配半隻雞的椰子雞湯底套餐。待人齊後，都真係點呢個象拔蚌椰子雞湯底套餐，仲點咗鳳爪和椒鹽鮮魷2樣熟食同八爪魚刺身 ; 打邊爐配料就點咗桶蠔、水餃、粟米、牛柏葉、皇帝菜連同所贈送的豬肉片6款當晚有7-8成枱滿座，上菜速度也算快，5分鐘，就上湯底，熟食都係10分鐘就有啦，碟椒鹽鮮魷仲滾熱辣 ! 15分鐘就上齊晒 ! 侍應姐姐推薦正價野食就非常熱情，但對於優惠野食，就隻字不提。要拎電話影張咗個張海報問，先冷淡咁答，話like facebook 先有豬肉送架。再問，係咪9點後有半價 ? 侍應姐姐繼續冷淡咁答話，係有半價，不過要9點入座，同埋海鮮、飲品、

依家香港有好多任食嘅邊爐 但係相對嘅質素其實冇咁好 所以決定去試吓唔係任食嘅餐廳 見到呢間餐廳有live music 而且個椰子雞湯煲好似唔錯 結果叫咗個每人二百幾蚊嘅set(兩位起) 椰子雞湯清甜幾好飲 牛肉嘅質素亦都唔錯 魚皮超級好食但係啲丸就冇乜特色 值得一提嘅係佢嘅醬油幾好食！

侍應愛理不理, 投訴無門。我們今晚去打邊爐，有啲侍應好有個人風格， 除咗肯擺放好餐具外，當您問及其他一般的服務時，佢哋扮跟進，然後走咗去頭也不回，（例如洒杯有唇印，叫侍應換杯，結果佢拎走咗隻杯後不回頭）；就是您去投訴，部長也只可以敷衍您，我相信係因為係勞工吧。算了吧，我相信侍應比起客人難尋，消費者可以選擇別的。我們叫了手打丸、一隻龍蝦、椰子雞煲底、安格斯牛肉等等，質素不過不失。

同仁四季音樂主題餐廳吃過四次，頭幾次都有live band演奏，演唱質素也不錯，一般吃西餐才有音樂伴美食，想不到這間偏中式餐廳也能吃到，餐廳環境環綠，佈置天花吊燈，頗為典雅。古法馬拉糕$18：我很少見到會如此擺位，為何呈現對角三角形，是廚師想我計算出兩邊是否等角三角形嗎?我嘗試下測試量度AB是否=AC，計算出來的結果原來是AV=上原亞衣。至於口感方面，咬落頗為蓬化，色澤暗黃，小小面包香，古法馬拉糕一般會落紅糖，而紅糖含有葉酸，據說可加速血液循環，是男女老幼強身既妙品，妙品。老陳皮山竹牛肉球(3粒)$19：冬天來了，平躺著的陳皮像外衣一樣為牛肉球保溫，一般是用滑捋捋白雪雪的腐皮，這裡用的是苦盡甘來的老陳皮，所謂："消化不良食布冧，百年陳皮勝黃金"，陳皮有理氣化痰作用，對感冒特別有幫助。醬皇鼓蒜蒸鳳爪$24：鳳爪本來就是雞中肉質好吃的部份，最好的品嚐方法當然是吮(lun)其骨，皆因貪其筋脈緊緻，這種咬勁十分獨特，這裡鳳爪又夠入味，但我喜歡更麻一些的鳳爪煮法。香麻叉燒酥$28：酥脆的層層叠叠外皮，鹹香的艷紅叉燒餡心，"紅唇烈燄，極待撫慰，咬下一啖，迷失得徹底..."瑤柱蛋白炒飯$88：瑤柱菜

場內有人駐唱唱歌，歡迎點歌。現場環境加埋歌聲配搭，更加有胃口！🤤🤤環境都好寬敞，好闊落！每張枱都隔咗一條通道方便待應上菜！點咗一個招牌椰子雞湯底，煲滾咗湯底好香椰子味飄出，椰子煲得好腍一咬就斷開，湯可以當老火湯飲。打邊爐必叫雪花牛肉、紫准山、蟹棒、桂花蚌、墨魚丸仲有鯇魚片。食材都好新鮮，特別係海鮮類，桂花蚌同鯇魚片都好爽口。紫准山就好粉，吸晒椰子雞湯味道，好正！蟹棒絕對唔係假蟹肉，係真既，食落唔錯！

同仁四季音樂主題餐廳呢間餐廳深圳都有🤔雖然抵食唔少 但係要等好耐先有位😭所以今次試著香港呢間先🤤.今次星期五嚟不過人流好明顯比隔離果間少一大截😂原來佢逢星期五～1800-2100都會有live band performance想有feel啲就記得呢段時間嚟啦😆.生態原味椰子雞鍋🥥 (一份$338/半份$198)e個就係呢間嘅招牌菜！嘩嗰椰子味勁香🤤首先放咗啲雞入去先食完雞先打邊爐🤤呢度啲人會主動過嚟serve跟著個漏斗嘅instruction煮到啲雞啱啱好又滑又嫩🤤見到我哋食完雞 佢仲會好細心咁過嚟 幫我哋舀走啲油👍記得食埋一條條嗰啲椰子 同飲下啲湯🤤啲椰子好香 又淋淋咁 超jeng椰子控必試💯.廚師手打南瓜鮮蝦丸🥡 ($98)原本諗緊究竟南瓜可以點融入落啲手打丸度🤔原來南瓜就好似 紅菜頭融入落啲嘢食度咁幫啲丸染色🤣其實食落無南瓜味 但係因為加咗南瓜 所以啲手打丸就變咗橙色🤤整體 就係橙色嘅鮮蝦丸😂入面加咗啲蟹籽 豐富咗啲口感佢係手打 所以都幾彈牙😋始終呢度啲廚師手打丸係推介之一 所以都一試無妨.頂級安格斯拼盤🥩 ($398)真係頂級🤤啲一片片嘅牛烚一烚 夾上嚟果陣仲透少少粉紅色 好似

今次到另一間 有歌聽的火鍋店表演者唱得唔錯，如果貼出表演者名稱及時間表就好。有Coupon送竹庶水。椰子雞煲 到底放雞後要煲及焗多久，員工可能是新人，回應各有不同，令客人混淆。但个湯好喝安格斯牛肉 唔錯推介 呢度的丸，有不同口味。水餃就比雲吞好食。輕鬆周五好去處。

Food in general was so so. I have been to other places for coconut soup base hot pot and had better food quality and menu. Felt sorry for the Live band as their music was pretty good, but it is not an appropriate audience. I just don't see the point.

秋風起，邊爐期。最近涼涼地，約朋友食飯就少不免揀打邊爐。依間餐廳有live music襯托住咁打邊爐，都幾特別，不過就難d傾計呀。我哋叫一個套餐，再另外加點其他配料。套餐湯底係椰子雞，有好清嘅椰子水，等滾起就可以放雞落去煮，用漏斗計時，時間啱啱好之後，先試吓個雞，好嫩呀，仲吸咗椰子味香味，飲啖湯，好甜呀！個套餐有一個海鮮拼盤，包括龍蝦，鮑魚片，蠔，蝦，都幾豐富。海鮮幾新鮮喎，蠔相當肥美，鮑魚片又爽脆，樣樣都好鮮美。另外仲有安格斯牛拼盤，切片牛唔洗煮好耐，好快就食得。牛好有牛香，點一點柚子汁，又有另一個風味，都幾唔錯。雲吞同水餃都好飽滿，都係我嘅推介。整體: 6.5/10

通常我去過一D好食既食肆我都會再去，仲要係有人唱住柔和音樂甘享受住美食，上次食過火鍋，價錢同食物質素，服務都無問題，所以今次就試下去食中菜晚飯，由入座到一直食更既期間，一直都有留意D職員既工作態度，首先要讃下佢地D員工，職位無論由小至大，個個都好勤力，見到佢地就算好忙都好，都會對D客人好好招呼，要比個👍佢地先，以我自己點既食物黎講，我覺得全部都煮得吳錯，好味，要讚吓個廚師既手藝吳錯。首先我叫左兩隻冰鎮包魚試下先，都幾大隻，食落既口感彈牙，可以用刀叉來享受，又吳貴，68元一隻南非八頭包，後尾再叫多四隻，兩個人隨左食幾個餸之外，仲食左6隻大大隻既包魚😂，如果計埋叫左個餸入面有三隻包魚，即係總共食左9隻包魚，真係一D都無誇張😂😂😂😂A.八頭南非冰鎮包-彈牙好食（偏咸待改善）B.鍋燒𦍑沖蠔—-面頭粉吳厚夠薄身蠔大隻， —————-個鍋保暖溫度食到尾都仲係熱! C.鮮准山木耳浸包魚———百零元個餸，———入面已經有三隻包魚，認真超值抵食! D.蒸沙巴龍躉—時間蒸得恰當剛好離骨夠滑!E.芹香炒帶子————配菜爽口，味道適中！

通常有Live Music都係西式既餐廳，但呢度係食中菜同食中式火鍋既主題餐廳，食住火鍋欣賞live music，好有新𩓙感覺，歌手唱得好聽又有氣氛，最特別佢每張枱都放個筒壷滴漏計時間，教你食個椰子雞，食物新鮮好食，最鍾意個桶蠔，又大隻又鮮味，座位坐得舒服，地方夠寬闊，吳會有壓迫感，果壺茶飲落去幾特別，飲落似橋麥味道，吳同平日酒樓一般既中國紅茶，D待應服務都算吳錯，歌手唱歌柔和，彈琴又彈結他，但估吳到個歌手連拉二胡都識，有人點左一首比較舊既歌，佢就用二胡拉出來，好嘢，比個like👍你，臨走前仲問左個待應點解餐廳個名甘得意，叫同仁四季，原來佢話係中國好出名有好多分店，香港是第一間，我覺得呢度好食好座環境好，我下次會試下中午去飲茶同夜晚去食晚飯。

今日下午我們喺荃灣愉景新城行完之後，表姐夫話喺隔離中國染廠大廈有間火鍋店叫「同仁四季音樂主題餐廳」嘅出品都幾好，所以我們就決定去食晚飯！一入到去，見到店內嘅環境非常舒適，坐位亦相當寬敞，而且喺中間有Live Band位置，可以一邊食火鍋，一邊聽歌，真係一種享受！我們叫咗夏日·豐盛海鮮火鍋套餐：湯底有兩款選擇，分別係濃湯豬骨鍋同鮮魚湯芫茜皮蛋鍋，本來係祇可以揀一款，但因我們人數多，有兩個鍋，所以我們兩款湯底都要咗！環球海鮮盛盤係依我們嘅人數嚟砌成，款式種類都幾多，而且全部都好新鮮！套餐火鍋配料：美國安格斯肥牛肉嘅肥瘦度啱啱好，脂肪分佈亦好平均，肉質極之軟滑，牛肉味相當濃郁！西班牙杜洛克豬豚肉嘅肉質好爽滑鬆軟！脆鯇魚肉同脆鯇骨腩都好新鮮，食落非常爽脆彈牙！日本廣島蠔好肥美肉厚，味道好鮮甜！手打四寶丸都幾大粒，而且係新鮮手打，所以口感超鮮味彈牙！淮山麵嘅麵質好煙韌軟滑，而且有淡淡清香嘅淮山味！田園時蔬同野菌拼盤全部都清洗得好乾淨衛生，味道好清甜！

食物質素ok 嘅，但想講吓個環境，打住邊爐聽 live music 係好新穎的 idea，但打親邊爐多數都人多，枱又大張，如果想傾吓計，去其他餐廳會好d，呢度好嘈：音樂大聲，沒有地氈吸音，傾計好似鬧交咁😵另外，我地五大一小打邊邊，叫咗四份海鮮餐。咁張枱有兩個爐頭位，係篏入枱果種設計，位置分別係圓枱兩邊。但餐廳規定要五份餐或以上先有兩個鍋🙄我明白餐廳有所謂嘅規矩去賺錢，但都應該考慮吓顧客方唔方便：你要半枱人伸長隻手跨過張枱（甚至要企埋起身）去另一個爐度夾嘢食⋯ 好唔方便囉☹️ 最後我地唯有單叫多一鍋湯底。其實五人一鍋係可以的，但請餐廳考慮吓改善張枱同爐嘅設計，將個鍋放係枱嘅正中間。最後一個小意見：侍應可以唔洗咁 hard sell 叫客人加錢升級椰子雞鍋🙄

年輕時，我也是live band的女主音所以每當有live band演出的餐廳，我都會去食個飯，順便聽下歌......估吾到荃灣都有，仲要係火鍋店入面唱，甘有新意真係估佢吾到個女主音好年輕，唱得好好，亦會同食客互動，非常好👍🏻隻雞加左入去椰子湯入面滾，皮爽肉嫩😊下次要叫一隻先夠食新鮮，鮮甜👍🏻不過我喜歡薄切🔪烏冬最後一定要點，吸收曬d精華😊新鮮👍🏻所有材料都新鮮，好難會吾好食我是牛魔王，這個牛肉是全晚最差的食物👎🏻👎🏻👎🏻👎🏻👎🏻👎🏻我很明白，冇一間打邊爐會係所有食物都好食，所以下次我都會黎，不過就一定吾會再叫牛肉整體是滿意的😃