同仁四季音樂主題餐廳 (Closed)

今晚兩公婆去拍拖揀左間有得聽歌的餐廳食晚飯，唔係播music呀，係有人live唱歌餐廳嘅氣氛都唔錯，每唱完一首歌都會有人拍手！呢度可以揀食中菜或者打邊爐，我哋今晚就食中菜。唔想諗嘅話可以揀套餐：不過我哋就散叫。冷盤叫左個五小碟，一次食到五樣嘢最好味係個海蜇同埋隻鮑魚！鮑魚有咬口，又彈牙；面頭仲有海膽同魚子，味道好豐富！之前要左兩隻蒸聖子Size都幾大，而且食得出聖子好新鮮！蒜蓉粉絲蒸海鮮永遠係最佳配搭欖角醬燒排骨都幾好味，夠濃味，送飯一流，不過份量少得啲蟠龍雙弄其實係大蝦兩食賣相好精美蝦球爽甜蝦頭就炸脆左！壓軸有貴妃海皇泡飯原來係用脆米泡飯！個海皇湯仲好足料我見餐廳大部分人都係打邊爐的，下次試下先！

更早前同朋友試一間新開既椰子雞煲🙄🙄，同朋友行完而家，攰到死😰😰😰，都無乜要求想搵間有位既餐廳，見到呢間無乜人就入左去睇一睇menu差d赫死😱😱，心諗中伏⋯⋯不過都入左黎無理由走，甘就賴野🙄🙄如常地叫個椰子雞🐔🐔，一d肉一d海鮮，肉相比價錢算少，亦食唔出特別新鮮，海鮮唔知關唔關佢事，總之我食完就肚痛，係肚痛其實附近有唔少餐廳，今次真係唔小心，以後唔好貪無人就入去，無人係有原因⋯⋯⋯

同事話放工打邊爐，一班同事幾個去食呢間同仁四季，同事話開左甘耐未試過，一於去食一次同知4個人去食，食左2千幾，貴都唔緊要，湯底無味😨😨，加湯仲要另外收錢，真係無野好講，打邊爐，只要湯底ok👌🏻👌🏻，食物新鮮，基本上唔會差得去邊，可惜個湯無味，d肉大概都係急冷肉，唔怪得個場得幾枱以為人少少傾下計都好，點知嘈宣巴閉，想傾下計都唔得，還好員工算唔少，服務算ok👌🏻👌🏻👌🏻，不過都應該無下次😰😰😰

嗰日有啲夜，十點零鐘先去到餐廳，但門口個經理都好熱情招待我哋。當時live band 已經收左皮個大screen 就播住啲大陸人唱歌嘅片段，感覺好似返左大陸咁揀左個348一位嘅海鮮火鍋套餐，加88蚊可以轉椰子雞鍋。海鮮拼盤嘅料算好一般，最靚嘅嘢都係粒大元貝同龍躉片，其他就有時任食火鍋都有得剔椰子雞鍋唔錯嘅，啲湯滾左就落雞煮三分鐘，有個漏斗計時雞幾好，幾爽滑新鮮，椰子湯底鮮甜不過之後打邊爐係直接加水，連上湯都無差唔多食完雞嘅時候惡夢就開始，大概十點半，個音樂個screen同部分燈就熄左，跟住就開始問有無嘢加同幫你埋單。。。一問之下先知原來貴店閂十一點其實呢個時候先係啱啱開始正式打邊爐，我地要喺幾個字內食哂啲嘢。。。。呢個用餐體驗絕對唔愉快，如果你係十一點要收工，就唔好十點仲比人入去啦，又唔一早講明火鍋料嚟講都唔錯嘅，不過係貴左啲。兩個埋單$860，我諗你問邊個邊個都會話貴，如果你話貴在個環境，我都無嘢好講，比錢睇抖音視頻，當中伏囉。如果同區要食咁上下嘅海鮮火鍋我會推介釣魚翁，起碼九點半後有優惠

食過一次番尋味 成日都好想再食番同仁既椰子雞煲 今晚約左屋企人過黎 一齊試下 音樂依然是主打項目 食飯之餘聽埋歌同仁四季除左特色飲品之外 連特製玄米茶都好出色 清香甘甜 好解渴😍椰子雞煲黎了 先飲椰子雞湯 濃濃的椰子味同雞味侍應仲貼心咁幫忙潑走上面層油成隻雞俾你食 雞肉大大舊 仲非常滑溜tim連椰子肉都可以食埋 個湯又甜 又潤 我今次飲左幾碗😍😍飲哂個雞湯 加埋湯 開始打邊爐喇 今次照叫左安格斯牛 仲叫埋紫淮山 淮山好正氣 食落又甜 吸收哂個湯既味道仲有同仁出品既木耳水餃 皮薄餡靚😀

人生最開心不過，朋友們一叫即興食飯,今次我地選擇衣間係因為比佢有 live music 吸引，又可以椰子🥥雞，又有音樂聽。打邊爐最怕就係地方窄同枱細。 但係衣到完全唔需要擔心，因為佢地方大，夠晒位！今次我地選擇左四人餐，開初都怕唔夠食，但侍應同我地講食左先，唔夠先再叫，好在有佢提醒，之後飽到差點食唔晒！我地當然唔會比佢食唔晒，做大㗰鬼啦～ 食物質素好新鮮！魚係即劏既，其他海鮮都好新鮮。盡對會再回頭既火煱店！

呢排日日落雨, 放左工都係響商場搵飯食算, 費時四圍行.呢間同仁開左一排都未食過, 晚市原來有打邊爐或小菜, 夏天打邊爐簡直係享受, 所以決定打邊爐.侍應姐姐推介呢度既招牌湯底椰子雞鍋, 見半份雞同其他鍋底都係差幾十蚊, 有半份雞食好似抵D, 所以就叫黎試下.個湯底有D椰子肉, 好清, 要先煲滾, 熄火先再放雞件浸熟佢, 所以時間上係較一般湯底耐少少, 不過傾住偈等又唔算太耐, 全程有侍應姐姐幫手整, 所以唔洗煩.雞肉都幾多, 食落啖啖肉, 好滑溜, 因為個湯夠清, 所以唔會搶左雞既鮮味. 侍應話最合適係先食晒D雞之後先開火再打邊爐, 不過我地太餓, 所以食左一半已急不及待開火.先淥安格斯肥牛, 紋里分明, 唔會太薄, 淥一陣剛剛熟就食得, 牛味非常濃郁, 好軟滑, 一D都唔韌, 呢碟細份都係128蚊好抵食.仲要埋豬豚肉, 薄薄地好快熟, 入口都好嫩滑, 淥得耐左都唔鞋, 整體豬牛雞都好好味.鮮炸響鈴每次打邊爐都要, 呢度炸得夠鬆, 過一過湯, 半脆半林, 索晒D湯都好正.野菌拼盤有4款菇菌, 款款我都好鍾意, 最正係長條型果款, 唔係度度有得叫, 菇菌夠乾淨, 份量唔會太少.到7點幾

假日又同家人食飯，見到新開嘅一間餐廳，環境好像不錯！原來入面仲有人現場唱歌，好有氣氛！價錢一啲都唔貴！仲有特色飲品俾小朋友可以選擇！呢度主打海南風味，首先要左一份椰子燉雞湯試一試，椰香十足！湯好甜！雞亦好甜！而且一點也不油膩！上湯燴龍蝦伊麵份量好多！龍蝦彈牙！皇湯帶子浸時蔬，湯底有點像龍蝦鮮甜味，帶子好大隻好甜，所以生菜亦好甜！黑松露竹笙紅燒豆腐超級好食，黑松露味十分香！豆腐炸得外脆內軟，豆腐亦都好滑好有豆味！估唔到咁好味！最後亦點了文昌雞，雞好滑好嫩！亦好有鮮味！同以前海南島食嘅一樣！真的令人懷念嘅味道！

原來荃灣中染新城呢度開咗一間專食海南文昌雞嘅餐廳，呢個菜唔係四圍都有，好吸引！入面嘅裝修都唔錯，好寬敞！坐得好舒服。先來一個燉椰子雞湯，湯底好清甜，一點也不油膩。椰味香濃。海南文昌雞比想像中更滑！好有雞味！同平時食開嘅雪藏雞味道截然不同。雞味帶甜！肉質嫩滑！果然冇介紹錯！蒜蓉粉絲蒸扇貝好大隻！好清甜鮮味肉厚！粉絲嘅份量亦都好多，好彈牙！蒜味十足，好好食！龍蝦伊麵對比起來比較普通，但肉質尚算彈牙！紫霞蟠龍雙弄好特別！原來係將一隻虎蝦蒸煮過後，以保蝦嘅鮮味！肉質好彈牙甜美！下面哪紫米亦帶有鮮味！好特別！蝦頭用日本麻醬灑上，變成好像一個沙津開胃！蝦肉又大又肉厚又彈牙最後送嘅椰汁糕和桂花糕都唔錯！

這間位於荃灣中國染廠大厦裏的「同仁四季音樂主題餐廳」不但有註場的 live Band 音樂演奏，一路食一路聽住音樂，令人聽得放鬆食得輕鬆，在這樣輕鬆愉快的心情下進食，再加上以精選泰國椰子，不含激素天然飼養的走地海南文昌雞，做成的湯底清甜可口，滋養心肺，實在值得一試。皇牌清潤椰子雞鍋套餐四位用 $1288食物種類多可以一次試多幾款食物，啱晒多心的我皇牌清潤椰子雞鍋 - 味道清甜加上原個椰青水做湯底，新鮮雞放在湯中三分鐘，之後再等三分鐘，生熟情度剛剛好，雞肉非常滑溜。原粒帶子 - 帶子新鮮爽脆CAB美國安格斯肥牛 - 肥牛脂肪分佈平均牛味重西班牙杜洛克豬腩肉 - 豬腩肉入口有嚼勁之如卻一點都不韌珊瑚蚌 - 珊瑚蚌爽脆有鮮味脆骨鯇魚腩 - 脆骨鯇魚腩切得較為厚身入口脆脆魚油四溢日本廣島蠔 - 日本廣島蠔大大隻漲卜卜外脆內軟蠔味突出爽脆牛柏葉 - 牛柏葉放湯時間不要太久以免變韌手打鮮蝦丸 - 大大粒的手打鮮蝦丸，蝦味濃厚彈牙加上其他新鮮食材份量絕對足夠我們大吃一頓非常滿足。

一向都愛食椰子雞，見到呢間餐聽除左有椰子雞之外仲有小有既Live Music聽，一於過黎試下。呢度裝飾佈滿蒲公英燈飾，偶爾望上天花甚覺漂亮。🐔生態原味椰子雞鍋（小）$198等待湯底煲滾後，侍應就會將雞件、椰子肉放到鍋中，然後以漏斗倒轉計時，夠鐘就可進食啦。湯底用上椰青水，帶出天然清甜味。雞肉略為結實，味道略淡，但沾上以辣椒、沙姜、青桔做既醬料，味道自然出色。🥢CAB安格斯肥牛 $128肉質軟稔，口感幼嫩。🥢扇貝 $96本身想叫蟶子皇，甘岩賣哂，店員推薦扇貝所以就順便簡左。新鮮即開夠大隻，帶鮮甜味。🥢廚師手打丸雙拼（半份）$68半份只有四粒，但對於我地兩個一人兩粒黎講剛剛好，兩款味道分別不大，同樣彈牙。🥢養生木耳水餃 $38餡料非常多，而且好紮實，有爽脆木耳絲增添口感，味道一般。🥢海鮮菇 $38除左口感好之外，具有獨特蟹香味，相對常吃既金針菇更好味。🥢紫淮山 $58淮山就食得多，紫淮山真係第一次食，味道方面分別不大，但帶有大量花青素，營養更豐富。🥢養生淮山麵 $58最後要食返D殿粉質，第一次食淮山麵，口感似食緊長壽麵，味道自帶甜味，個人幾鐘意。

中染翻新後，除左有好好行既ikea ,仲多左好多餐廳，間間都各有特色，今次同朋友就揀左同仁四季同仁餐廳環境闊落，仲有live band ，一邊打邊爐一邊聽歌都係第一次~呢度可以揀打邊爐或小菜，我地想食佢既椰子雞鍋，所以揀左前者~首先當然係混醬先~椰子雞鍋(半份) $198店員幫我地攪好個鍋，等d雞熟就可以起筷，先飲個湯，非常清甜天然既椰青水，椰味好香，每人都飲左兩三碗先肯請店員加湯比我地開始打~雞肉質亦嫩滑~手切安格斯肥牛(大) $358肥瘦適中，雪花紋路都好靚，肉質軟嫩~紫淮山 $58唔係時時食到，所以見到價錢又唔貴即點，新鮮爽脆仲好健康~手打丸雙拼 $68蝦丸同墨丸，各兩粒，鮮味彈牙~最後仲點左份好耐無食過既魚麵，爽滑有魚味唔鯹~

之前在珠海吃過椰子雞鍋非常喜歡，知道荃灣有椰子雞鍋，於是便山長水遠入荃灣試一試。這裏有別於一般火鍋店，店內樓底很高環境非常舒適，晚上七點開始還有歌手表演，而且歌手唱得很動聽，真的捨不得走，侍應招待也很好。原味椰子雞鍋(半份) 椰子水滾後便可加雞，有沙漏計時，約六分鐘後便可熄火喝湯吃雞。文昌雞皮薄油脂少，肉質結實又嫩滑，配沙姜和青桔汁，能提升味道；湯底很清甜，椰子肉很嫩，我們二人差不多喝了九碗湯才再加水後才開始打邊爐。頂級A4和牛(小) 上枱時份量好像不多，原來有些和牛是叠着而且每塊和牛都很長，所以足夠二人吃。和牛的雪花很平均，吃時腍滑而且牛味濃郁，極力推薦。手打鮮蝦丸 蝦丸鮮甜彈牙，值得一試。Asahi Draught 啤酒很夠凍，非常配合打邊爐。

上次行過見到同仁四季有live band覺得幾特別就黎試下啦🤭兩個人叫咗半份生態原味椰子雞鍋 ($198)新鮮嘅雞配上新鮮嘅椰子 帶出清甜嘅感覺之後要左CAB安格斯肥牛 ($128)最值得推薦嘅係手打丸雙併 ($68)墨魚丸加上鮮蝦丸 打邊爐食簡直一流其他配料都好普通 按自己喜好食就得不過佢杯青檸梳打 ($38) 好夢幻 好飲🤗________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

估唔到荃灣都有咁正既打邊爐！今晚收工約左朋友打邊爐佢話8咪半新開左間同仁高質得黎又有live band一於去試下！裡面環境夠大 幾舒服而且仲有自彈自唱 超正要左大熱既椰子雞鍋落雞既時候仲有個漏斗計住時間保證個雞剛剛好熟湯底好清甜飲落啖啖都係好香好甜既椰子水椰子肉都好稔雞肉嫩滑爽口淨食個湯底都已經好滿足！響鈴好香脆 浸一浸就食得配埋自己調配既醬食 一級棒呢到既醬都有好多選擇落青檸真係第一次見但食落真係幾得意沙茶醬都好好食安格斯牛肉粒牛味好濃郁食落牛肉汁爆哂出黎又夠嫩滑 超級正！大推！手打丸雙拼蝦丸同墨魚丸都好大粒好爽口手打既真係零捨唔同鯇魚片都好爽脆彈牙食落好新鮮呢到所有食材都好新鮮好高質環境同service都一流推薦比大家！