咖啡事多 (Closed)

星期天到尖沙咀誠品看書增長知識，在書店內有一家叫 「咖啡事多 」的特色咖啡館，看起來特別有趣，剛好有靠窗位置，可看到維多利亞海港，我馬上飛撲上前一個屁股坐下來。這店子裝修概念是香港 70 年代生活環境，一下子又回到兒時，咖啡價錢很平宜，一邊看風景一邊看書一邊喝咖啡簡直是完美！👍☕️我的黑咖啡豆香甘醇香濃可口，非常醒腦提神。😋

🏞環境沒法挑剔的小咖啡店，雖然沒有華麗的佈置，桌椅也不怎麼舒服，但面對維港景色，可以暫時忘記這城市的一切紛擾，身心都可以放鬆一下，讓時間停頓於此，真正無壓力的周末。☕咖啡的味道也非常平衡穩定，不酸不苦，是咖啡職人的水平，喝得人心情舒暢愉快! 🥤還有一個角落裡有不少竹製的咖啡杯出售，圖案各有特色，看著也覺得提升了個人藝術氣質，選擇了對的地方，實在是一個消磨時間的不錯選擇!

休閒的平日諗住坐下，享受一下維港景色。嚟到呢間Cafe已經比店員呼喝下，停下要探體溫。面對這半年來嘅疫情探體溫並不是一件奇怪的事，但服務員的態度可以好些嗎？點餐時亦沒有展示笑容，服務員姐姐我同你有仇咩？與顧客對話時語氣亦不好，只想說服務員的態度實在令人強差人意👎🏻

香港人，不，一般人類都對海景永遠懷著不知名的熱愛。看著大片大片藍色的水，便會覺得心安平靜。我也不例外。某晚夢見了大海，便決定這星期內必須看到海。雖然我的「必須」隨時都會改變，但這次還是成行了。不是專誠來到這間餐廳的，只是從中環搭船過來尖沙咀，總需要進一進商場，過一過冷河，才能思考去路。城市人的垢病。於是我鑽進誠品，美其名打書訂，實則只是想涼冷氣。然後看見了這間有落地窗面海的咖啡店。半自助服務形式。自己找位置，先訂單付款，食完請收拾枱面和歸還餐盤。好處是沒人管，不限時，想坐多久便多久。Iced Americano $32味道很普通的Americano。咖啡味不濃，有點淡。鐵飲筒，雖然環保，但在這段時期，讓人有點擔心衛生的問題，不過相信店家應該比顧客更害怕，會做好衛生的。我也是放了進去，喝了一口才發現是鐵的（在發呆），既然已經用了，就用下去吧！Salted Caramel Cheesecake $45實在不合我口味啊🙈過甜，奶香不自然，像用了奶精，味道沒有層次。就這樣看著景色由黃昏慢慢入夜，思考著甚麼不思考著甚麼，靜靜的消耗時間。其實食物不太出色也是好的，吸引力低一點，沒有那麼多人嘛！😂

TST 尖沙咀 • Colour Brown咖啡事多 ☕️📍尖沙咀梳士巴利道3號星光行2樓誠品生活L203號舖Salted Caramel Cheesecake $45Flat White (L) $48花了一個悠然的下午在誠品看書📚鹹焦糖是小編的All-time favourite，鹹焦糖芝士蛋糕更不在話下🍰蛋糕可見有三個層次，濃重的奶香，芝士的甜膩中帶有焦糖獨有的鹹鮮，口感幼滑。Flat White正正常常，但個拉花可改善🧐不過海景補救，睇下書，好舒服☺️➰👅 味道：🌟🌟🌟👀 環境：🌟🌟🌟💫👩🏼‍🍳 服務：🌟🌟🌟💰 抵食：🌟🌟🌟

今日晏晝過咗嚟尖沙咀行街, 本來想過尖沙咀海傍一個新開商場逛下, 但實在有啲遠, 懶懶地又行到攰攰地, 諗住喺附近搵個地方坐低唞一唞, 就行咗過嚟星光行呢邊一間Cafe。人頭湧湧, 卒之搵到兩個位坐低... 叫男朋友睇吓餐牌飲乜, 我負責去買, 行到埋去收銀話我哋想嗌嘅其中一杯嘢飲賣哂😅.... 男朋友再揀另一杯, 收銀話呢一版嘅都冇晒😓.. 我地相當無奈, 簡直有一種叫乜冇乜嘅感覺, 只係晏晝五點會唔會有啲過分呢... 卒之男朋友嗌左杯最普通嘅青檸蜜, 只係想飲杯嘢啫🥺... 我嗌左杯cappuccino ☕️ 味道還可以, 個拉花都算氹返我少少啦..

在誠品書店自成一格的咖啡店，大大個對海的落地玻璃。在誠品看書看太耐，想找個地方休息下，絕對是不二之選。又可以買本書，一邊睇，一邊歎咖啡～個海景真的讓人很放鬆，但會曬。而且咖啡的種類很多元化，也可以轉用豆奶。豆腐芝士蛋糕 加 latte 第一次嘗試豆腐味的蛋糕，一直覺得豆腐和芝士不夾。但這個蛋糕平行到豆腐和芝士的獨特口味。再者，豆腐口味十分特別，亦都非常濃郁的大豆味。每一啖都好足料，而且好新鮮。淡淡香味，又不會有奇怪的味道。而latte 咖啡和奶的比例很不錯，不會太淡味。加上，即使變凍了，咖啡的酸味也不會太澀和酸。一杯讓人感到舒服的咖啡，令午後時光加添一番風味。

今日諗住輕鬆d就黎左哩間食lunch.叫了一個椰香喇沙雞絲意粉，一個all day breakfast 同咖啡。店員一開始有同我地講意粉要等20分鐘，咁都ok la, 同埋諗住可以食住all day breakfast同飲住野先。點知等左好耐，又餓。一樣野都冇黎到，望下隻錶，原來已經過左35分鐘，再吹店員，先黎第一碟加埋咖啡，但係竟然黎左意粉先，明明all day breakfast冇話要等，點知仲遲過個意粉😠最後要等多10分鐘先黎埋個all day breakfast. Total 所有野黎晒，用左45分鐘。唔明all day breakfast點解要等45分鐘喇沙味變左咖哩意大利粉，唔係我想要嘅口味，份量大少，等左咁耐，幾啖就食晒，唔值$88。All day breakfast 味道ok, 份量太少，等得太耐。後記：之前黎過叫外賣熱朱古力，都不太好，感覺差過麥當勞，好淡好水。總括： 唔會再食。因為講左等20分鐘，結果係等多左一倍時間，而野食同飲品都有ok有麻麻🙄🙄，價錢、份量同質量都唔成正比。

喺尖沙咀誠品睇完書後周圍行吓，發現咗有呢間餐廳，俾個境吸引住，即時搵個位坐低嘆番個Tea!原本係坐喺近窗邊位置，個景真係好正，坐咗幾分鐘頂唔順😂😂太曬啦，唔想直接同陽光玩遊戲，轉返個冇咁曬嘅位置！其實一樣可以望到景架我叫咗個All the breakfast，份量唔多，下午茶啱啱好，鍾意佢其中一款腸仔係辣辣地，好味乳酪係原味，酸左少少，隻味我麻麻地，食左一半就停左手。咖啡都唔錯，夠香濃！其實坐得喺呢間餐廳，應該都唔係為咗食物，大家都係為左個景而黎，係咪先！I will be back

放工後肚餓又唔想即刻返屋企。就決定黎呢邊望海休息下同醫肚。六點半嘅蛋糕都冇乜選擇，得返芝士蛋糕同蘿蔔蛋糕，最後選擇後者，感覺好似冇咁肥膩。明明蘿蔔蛋糕就咁喺雪櫃拎出嚟，都唔知點解我要等成十分鐘先有🤦🤦 蛋糕冇乜特別唔係特別好食但都唔係特別難食，好重糖霜味🙄🙄🙄🙄 呢個質素$45 很貴，其實我係咪應該點咖啡😑 (但飲左又訓唔着）可能因為呢度係餐廳所以海景為冇上面嗰層咁多人， 可以安靜喺度睇書，但下次我唔會再點辦過嚟食。 平時呢度都會有意粉all day breakfast或者lunch set，見有海景位唔排除下次再俾多次機會食其他嘢。

誠品入面有間有海景嘅coffee shop，食個下午茶真係好寫意。同女朋友叫兩款食物，有咸有甜分黎食啱啱好。牛油果多士($82)。原本以為係牛油果蛋沙律，原來係一件多士放牛油果粒，一件放流心蛋。味道不過不失，伴埋沙律菜賣相唔錯。朱古力($28)。超濃郁，女朋友飲到好開心。三式甜多士($62)。肉桂蘋果多士好香。朱古力醬多士太濕。紅豆多士好足料，甜度最高。配埋有脆米嘅乳酪，大滿足。Flat white($38)。正正常常無驚喜。

立食完壽司之後大家都意猶未盡都想坐下傾下計甜品一下食神2號就介紹咗呢個地方唔係講笑環境一流因為唔係太多人卒之搵到個尖沙咀地方係冇乜遊客，正我哋每人嗌咗杯嘢飲，然後再叫兩個cake share 一下我同2號就決定今次到我哋埋單不過呢度啲嘢飲都唔錯我叫咗杯凍mocha加cream不過呢蛋糕就一般我哋叫咗兩款蛋糕分別係檸檬蛋糕同埋芝士蛋糕兩個蛋糕都太甜同埋只係甜味，檸檬味道好假🙈總括來講呢度蛋糕可以唔使試

今日嚟到尖沙咀，咁啱行到星光行附近，就決定搵間咖啡店嚟坐下享受下人生。你一間咖啡店喺誠品入邊，經過左幾次都未去試，今日有時間就決定試吓啦。咁我見佢都有唔同嘅咖啡同埋蛋糕選擇，仲有啲人食緊全日早餐同埋三文治沙律添。咁鍾意食檸檬撻嘅我就選擇左呢一個檸檬撻啦。坐喺海景前邊，食住檸檬撻真係好舒適嘅感覺啊！可惜檸檬撻有少少令我失望，因為佢個cream係凝固左一舊好似棉花糖咁，同埋整體個撻有少少乾身，好似說左一段時間，如果可以新鮮少少就好啦🙈💃🏻

同朋友行誠品行到有啲餓,見到呢間cafe有海景又幾casual,就決定坐低食啲嘢我哋點咗牛油果多士丶班尼迪配煙三文魚巴馬火腿沙律菜.估唔到有咁多牛油果,而且牛油果熟得啱啱好,而且牛油果味好香甜,隻蛋都煮得啱啱好,一吉穿隻水波蛋,蛋汁就滋潤咗塊多士~ 好窩心有舊檸檬個班尼迪汁好正,煙三文魚同巴馬火腿都好味兩碟嘅沙律菜都好新鮮,個沙律醬酸酸甜甜好惹味由於已經差不多傍晚,我哋唔敢飲咖啡,飲咗熱朱古力,還可以啦. 下次早啲嚟試佢嘅咖啡先~Tips: 黃昏西斜店內會好曬,甚至落窗簾,如果想歎埋海景就早少少嚟喇~

新年假期未完, 相約朋友喝喝咖啡, 友人帶我到尖沙咀誠品內的Colour Brown 喝咖啡, 約早上11點左右到達, 當時只有一到兩桌在吃早餐, 環境近窗光線很充足, 晚上應該都尚可看到小小夜景。看到餐單上有牛油果多士, 雙眼已發光, 2話不說已打算下單賣相還好, 本身沙律醬料味道足夠, 味道剛好, 只是菜不夠新鮮, 稍為乾身, 不夠清脆及水份水煮蛋不過不失..可加一點味道會較佳, 主角牛油果普通, 牛油果味不濃, 不厚, 牛油果味跟調味相同, 沒有誰比誰出色, 反而被松子搶去了不小分數Honey Ginger Coffee看了很久都找不著想喝的, 那選個大路的, 外型賣相不吸引我, 因為通常這些都是喝奶味重, 味道可以, 不算好喝或難忘也沒衝動想再喝, 有姜味但不突出, 原本咖啡味也不突出... Honey 是我喝到一半才知道要攪拌, 可以淨下一半比重反差, 反而味道變得突出, 整體不過不失, 沒有驚喜。值得一提是, 我們由早上11點左右坐到下午3,4點, 1點後人流比較多, 但也不有催趕我們也屬難得, 只是位與位比較貼近, 多人後週邊比較嘈吵