COMEBUYTEA (東港城)

Open Now

Now Closed

葡萄柚清香烏龍蘆薈Q ($38)試過唔同鋪既葡萄柚茶飲，始終覺得最好飲係comebuy tea配料/茶都可以自由配搭Comebuy tea既葡萄柚汁最濃，而且蘆薈份量夠，唔會飲極都飲唔到個人叫開微甜少冰，甜度都已經好足夠夏天飲超級清新解渴👍

Comebuytea 既人氣NO1，重乳烏龍厚奶芋！好重奶味，小芋圓比較有咬口😘😘整體黎講都係好飲嘅，只係價錢比較貴。烏龍味唔係好出，應該奶比較多，本人都比較喜歡🤣

前晚去咗comebuytea換領印花卡，叫咗葡萄柚汁清香烏龍配珍珠，comebuytea一路嘅等候時間都唔會短，清香烏龍個茶底都幾香，葡萄柚汁果肉今次特別多咁，而個珍珠嘅黑糖已經可以令成杯茶夠甜，所以嗌走甜就啱啱好啦。

而家嘅台式飲品真係遍地都係，嚟到東港城咁就嚟咗試呢間comebuytea。佢嘅裝修係非常簡單，同埋係開放既，大家都可以見到佢哋即刻點樣整你杯嘢飲，相當透明。今次就試咗爆款top 1 重乳烏龍厚奶芋。奶味好重，烏龍茶味都好出，入面仲有啲芋圓添。不過戶縣就相對冇咁特別啦，如果大家係比較想食芋圓可能呢個就唔係一個好選擇。不過以台式飲品來講呢杯飲品嘅份量係相當之大，所以都相對CP值較高，係解渴嘅好選擇。不過我買嘅時候係夜晚，可能人手相對比較少，其實只係得三四個客，但係我都等咗15至20分鐘。

佢有三種方法配搭1.茶底 2奶茶$28 /3.果汁 $30我用最鍾意佢哋嘅茶加果汁 唔單止卡路里而且好fresh😚我叫咗炭焙烏龍加葡萄柚原汁 配料就揀咗寒天晶球 半糖！咁樣嘅配搭啱啱好 飲到茶香後 會感覺到葡萄柚既澀味 如果你係鍾意飲好甜嘅台飲 呢個配搭就未必啱你🙈

香港賣奶茶的店舖一大堆，早就喝到不想喝了。由其是我們這種視減肥為終生事業的人！珍珠奶茶甚麼的，都給我滾！不過這間店舖有我喜歡的小芋圓🤔那減肥嘛～可以明天再減^^ 總不能天天就喝水嘛。喝茶減肥效果也不錯。我最喜歡綠茶（因為很香）+厚奶（別問我減肥跑那去了）+百香果汁（因為甜甜的才好喝）+小芋圓x2(看我多愛）也可以加個黑糖晶球，加個蘆薈很健康。忘了那次我加了好幾份配料，店員說杯不夠放了，硬了放就沒多少水了。我一意孤行的結果是，感覺像喝台式糖水。

食完晚飯個仔話想飲杯珍珠奶茶，之後就去咗東港城嗰間comebuytea買杯嘢飲下，之前初初開既時候真係好好飲，炭焙烏龍有好香濃嘅茶味，唔會好似出面其他既淨係得奶味，寒天Q爽口彈牙，有時要珍珠亦都煙韌有𡁻口，但耐左有時冲得唔係幾好，半糖變全糖，亦冇乜茶味，但有時又冲得ok都可以接受，其實都失左信心，抱住好彩既心態去買，雖然唔係好貴但亦都唔算係平，今次真係頂唔順，都係叫同一樣嘢，完全冇茶味，半糖變冇糖，寒天Q難食到嘔，我個仔5歲形容係難左既提子，之後攞返去同職員講，佢仲話咁咪飲緊涷既奶水，我真係比佢吹到啤一聲，佢話冲過杯比我，但又一路執緊野收工，我真係接受唔到冲杯咁嘅嘢比人飲，我以後都唔會再幫襯

Comebuy真的是小時候，初代進軍香港的珍珠奶茶界拓荒者之一。 不過以往對他的印象是沒有很好喝，加上近年珍珠奶茶再次風靡全港，所以也沒有再喝過combuy了。但今次再喝發現他在茶底用了功夫，茶味比以往更明顯，不再是普通的沖粉奶茶，真的喝到茶香味。他們家是沒有珍珠的，有的只有芋圓等可供配搭，試過後只能説很難食。。。超粉，超沒有嚼勁。總結comebuy的茶比以前進行，還是大大的進步，希望他們配搭的芋圓也會再下功夫，不然真的不推薦加錢加，只喝奶茶就好。

行開東港城見到呢間相當特別嘅comebuy,同平時台式飲品店一樣有得揀甜度，多冰少冰等等，但呢度再自由啲，有得揀茶底同埋配咩汁（檸檬汁/芭樂汁等等）,而且標榜即泡茶，見幾得意就試試。後面勁大枝管裝住茶葉，跟據你嘅選擇去取茶，然後即時係左下部機泡，唔知係咩技術啦，總之兩分鐘左右就出咗現泡新鮮茶，感覺好專業。然後中間嘅職員開始加料，搖埋茶就出貨。成個生產過程勁公開，好似好均真。於是叫咗杯烏龍葡萄柚汁椰果半糖試試，飲落...又未算好特別。我估我唔識品茶，又未好感受到新鮮現泡茶同其他沖好咗嘅有好大分別。係香啲嘅...好在佢未算好貴，當作包埋睇生產

夏日炎炎, 行開東港城, 見呢間COMEBUY裝修好PRO 店面擺滿了不同茶葉產品, 好似 茶飲方面好正宗！ 同以前的裝潢完全不同了. 記得中學時代, 仲未有喜茶,奈雪水果茶出現時,我最愛是COMRBUY 的百香果綠茶飲品, 過左差不多十幾年啦, COMEBUY 仲係到, 一於再試下, 回味回味一下. 今次點左第3人氣飲品 - 鳳梨茉莉椰果Q HKD35第一感覺價錢比以前的貴了很多, 哈哈味道方面, 茉莉花茶底好清香, 配有真的鳳梨果肉, 飲起來好甜甜酸酸的鳳梨. 好醒胃, 與茉莉花茶好岩, 鳳梨甜酸帶起茉莉花茶底, 變得不再單調, 另外, 椰果爽口, 令飲品口感豐富了. 夏天飲消暑良品, 是值得一飲的。美中不足 覺得落單方面好似有點繁雜， 好似按配料收費那樣子 不是直接寫明 那款飲品幾多錢 要自己配不同料不同收費 !

台式茶飲開到周圍都係， 咩款式種類都有。但對於好茶之人來說，依間comebuy tea 係必試。睇店舖嘅裝修就知店內著重茶底，所以要必定要叫冇奶冇其他味道嘅純茶先可以試得出龍與鳳。Order 左桂花烏龍寒天，半糖。 飲得出桂花嘅香同清新嘅烏龍，仲有微甜嘅桂花糖。成件事完全唔同平時飲珍珠奶茶果種愈飲愈膩嘅感覺， 而係會有種清幽解渴嘅感覺。終於試到一間唔係只顧搞花臣，而係真正著重‘茶’嘅茶飲店。P.s. 後來先知道comebuy tea 同comebuy 唔同， 好茶之人不要去錯。

今日兩公派食完晚飯，經過見到comebuytea，咁就買杯飲下，之前都係飲開其他珍珠奶茶店，開始覺得好厭停左一排，經過見未飲過comebuytea 就買一杯試試你啦話說佢每一杯製造時都會出煙，十分得意係等緊既時候，見有得免費試飲茶當然拎一杯試下，又幾好飲，飲完都忍不住再飲多杯。叫左一杯炭焙烏龍，加左仙草同黑糖晶球，老實說，茶是可以的，可能是小編加得太多配料，整杯好像超過一半都是配料，感覺不太多，每一口飲下去也好像要吃好多配料，加上小編已食過晚飯，感到很飽，所以大家記得唔好加配料，叫它配搭好的飲料已經很足夠

和朋友食飽飯後，還是要堅持再買杯Comebuy飲，因為覺得這家的奶茶真的好好飲☺️☺️☺️☺️他的機器好特別，好像珈啡機一樣，會噴蒸氣的，看起來好先進🤩🤩我們揀了店裡的No.1排名：厚奶烏龍黑糖Q(加黑糖晶球和仙草）再少冰，半糖。這裹的烏龍茶味好突出，入口好重茶味好清新🥳🥳🥳，因為叫了半糖，所以也不會很甜，不會有東西粘貼着舌頭，加了仙草和黑糖Q,很有口感😁😁😁😁Come buy tea 幾乎是我最喜歡喝的一家奶茶店😍😍

這間店在東港城開了一段時間，我都是最近才開始嘗試這間店的飲品，畢竟附近太多高質茶店。但店內的一部會噴煙的沖茶器，感覺很有趣，像是沖咖啡的一樣。我總共試了兩次，第一次買了鳯梨苿莉綠茶加寒天（少冰微糖）。本來我想要無糖的，店員跟我説最好不要點無糖，因為有配鳯梨。味道不錯，寒天有咬口，但還是覺得有點甜。第二次買炭焙烏龍加寒天（少冰無糖）。今次不配任何果汁，可以容易嘗出茶的味道。男朋友都很喜歡這個味道！可以再買！！

位於將軍澳坑口，䇄立多年的大型商場「東港城」，近乎經歷了重大租約變動重組，原本在「東港城」多年的超級市場終於搬離「東港城」，取而代之的「一田超市」還為「東港城」迎來大量新食肆。自此「東港城」商場裡面的食肆生態立刻有了，近乎三百六十度的轉變，就連原本位於「東港城」二樓「A區」的開放式商舖，裡面的租戶也有了翻天覆地的重大改變，原本的名牌雪糕店變成了台灣茶類飲品店。我之所以把「東港城」二樓「A區」的新租戶說是「台灣茶類飲品店」，而不是近期香港大熱的手調飲品店，因為這間位於「東港城」二樓「A區」的飲品店「ComeBuy Tea」，是沒有純粹「黑糖珍珠撞奶」飲品提供。此台灣飲品店「ComeBuy Tea」，除了沒有純粹黑糖珍珠撞奶飲品提供之外，取而代之是「ComeBuy Tea」有完全不含任何日本鮮牛乳的飲品提供，只有飲品上面的奶蓋，含有少量牛奶成份而已。另一方面，「ComeBuy Tea」店舖裡面有一個頗為引人注目的設計，那設計就是一個個類似排氣管的煮茶爐具。無論是食客抑或行人經過「ComeBuy Tea」，都會被「ComeBuy Tea」煞有介事的排氣管噴氣聲所吸引住。換言之，「ComeBu