Video
Additional Information
外賣自取
胡椒豬肚湯底需兩日前提早預訂 2791 2007
Opening Hours
Mon
Closed
Tue - Sun
11:30 - 23:00
Above information is for reference only. Please check details with the restaurant.
勞動節本來打算拍住拖去西貢食海鮮。但實在太多人，而且食海鮮的餐廳大多近海邊，海風雖然清爽，但我覺得很寒冷於是周圍逛逛後，發垷了這間裝潢優雅舒適的餐廳。5時多進店，店內已有不少客人。我點了醉香豬手上海面、薯條及一杯菠蘿青檸蜜一間風格簡約的餐廳，其上海面竟然是傳統中式面館的風味，面粉味極純正，而湯亦同出一轍，清香依然。伴著的蔥花非常清新，是因為近大自然的關係吧? 而醉香豬手的味道可用2個字形容: 醉．香豬手的皮及根已呈啫哩狀(見圖)，非常吸引一碗面有3嚿醉香豬手，正~薯條($18) 一上枱，非常熱騰騰。薯味十足，不肥膩，反而感覺很輕怡。一路食，會愛上它^^餐廳不設加一，感覺親民，讚~!
continue reading
西貢食嘢離不開泰國菜,西餐同海鮮.當然好啦~但係就唔多特色食物!而做得比其他餐廳特別真係莫過於"好煮意"啦~~~~我係度都係常客~都食左一年~上年一開鋪佢得7-8樣食物可以提供~ Now~ 起碼30至40樣!最重要係樣樣好食~~~!價錢又唔係天價~平靚正~咖喱正!清湯腩正!醉雞醉豬手正!喇唦OMG!台式牛肉麵就食硬啦~兒家重多咗拉麵$52(本人食過,同你去日本拉麵店食比$80-100係一樣的!).價錢都係$34 起~全日提供火煱你話死未!而我真係見過一早有人吃雞煲!!!好周星馳(你懂的)~~~我可能有 d HARD SELL,因為我係常客,PROMOTE 下啦~因為係有HEART餐廳!茶餐廳~西貢多的是~但同樣地hea做都係對等的 所以這間直係冇得彈~好食!廁所都要講下!可以話係比西貢餐廳任何一間都乾淨~ 係重視衛生的餐廳RESPECT!上水係本店~但係上水只係做雞煲~所以如果有機會黎西貢一定要試下咖喱,喇唦,清湯腩,台式牛肉麵等等!!!!值得!!!!!成日食開的~~~~
continue reading
難得老公放半日，帶我同BB去東霸行吓，吸收吓新鮮空氣~風景真係好靚~六角柱好特別，仲好多牛同牛屎 要等BB再D大先好玩，抱住行，好攰呢老公安排好哂行程，之後就去西貢行吓，見時間差不多就食埋飯~行咗幾間，最後決定試呢間，見冇咩人，可能未到晚飯時間啦~ 抱住BB當然坐沙發位，服務員唔多，反應好慢，慢幾拍先有餐牌....餐牌有好多選擇，講得出都有，湯粉﹑烏冬﹑打邊爐﹑咖哩﹑鐵板.......帶住阿囡當然要快食!!!!!點咗個蝴蝶蝦咖哩﹑肥牛鐵板飯﹑黑松露喊檸檬﹑熱好立克先上黑松露喊檸檬﹑熱好立克，前者好望落有D黑色物，浮吓浮吓，飲落幾得意~後者當然無咩特別~再來係蝴蝶蝦咖哩，買相唔錯，咖哩﹑飯蝦分開，咖哩好好味，唔太辣，個蝦炸又唔會太干~~~最後肥牛鐵板飯，上菜前服務員先提醒會彈汁，叫我地小心彈到BB，熱辣辣，好大煙，好多油，味道喊D......同老公都覺得咖哩好味好多!!BB開始喊，快食完就走了~
continue reading
愉快的一天西貢Boat Party後一行五人在西貢想打邊爐就去呢間未試過既好煮意試下, 聽人講話呢間湯底特別正睇左MENU湯底係幾特別! 有雞煲，有抗氧化蕃茄，皮蛋莞茜… 最後叫左藥膳醉雞湯底, 美國安格斯雪花肥牛，手打墨汁墨魚丸，招牌咖哩牛坑腩，冷盤四川口水雞等。重點推介手打墨汁墨魚丸！墨丸同雞都非常新鮮，加埋少量醉酒味一流！！！！！其它料好似魚卜，四寶丸，水餃同鵝腸都不錯。舒服有卡位，老闆娘招呼週到，所以我同朋友會再黎 ！！！！！
continue reading
閒日同屋企人揸車去清水灣玩之後就揸入西貢覓食近近地就隨意揀左呢間野試下門口貼有報紙介紹佢地既特色野食入到去感覺有别於普通茶餐廳環境舒服乾淨，連洗手間都好乾淨相比起其他茶餐廳既洗手間吾會一陣異味坐低後老闆娘見到我地帶住個兩歲小朋友就送左包糖比小朋友 感覺好親切三個大人一個小朋友點左佢地出名既手打墨汁墨魚丸面，咖喱牛坑腩飯同鐵板牛肉飯(可選擇普通肥牛或安格斯肥牛)其他就點左炸雞翼同炸薯條佢地既手打墨汁墨魚丸係配佢地既特製醬汁，有辣有吾辣，我地就點辣既黎食，開頭覺得呢個配搭好怪(個人認為，平時食丸都吾點醬)，但出奇地好食。咖哩牛坑腩飯既牛腩舊舊都好大又令(吾似有啲餐廳啲牛腩又"鞋"又韌)本人自己比較食得辣，所以啲咖哩對我黎講吾太辣，好香椰汁味。而鐵板牛肉飯都不失所望，都係好好食。炸雞翼我估係蒸過先炸，入面吾會有血水，炸得岩岩好，吾會太老又脆卜卜。炸薯條同炸雞翼都係即叫即炸，香脆可口。總括黎講所有我地點既野食都好滿意，全部野食熱辣辣送上黎，吾會話吾夠熱甚至凍。本人從來冇打過仼何食評，平時都係影下相放上社交網站。但今次老闆娘服務態度真係可以話好到不得了平時茶餐廳邊會甘細心甘好禮貌佢見到小朋友支水就黎飲完，自己上前問要吾要幫我地倒啲暖水，真係有啲意外。平時都係自己叫人比水，第一次有人主動上黎問，齋係誠意方面已經攞滿分。見老闆娘心地好，又體貼又比到人親切既感覺高級餐廳服務可能更好，但都比吾上老闆娘個份真心同誠意。老闆娘仲話佢地既野食真係自己handmade，希望有多啲人欣賞。有見及此，所以上黎特登開個ac黎介紹下大家有機會黎到西貢都可以試下今次偶然地黎呢間餐廳食估吾到會有甘難忘既經驗由於開頭太肚餓，有啲冇影相就食左haha
continue reading