角落吾茶 (Closed)

呢間嘢一直都留意咗幾耐，見幾文青feel一直都想試下。前日入去睇menu，都已經見到冇乜人，舖頭主打係檸檬茶，仲有啲珍珠奶茶咖啡咁。其實望落去個menu，如果唔鍾意飲檸茶真係冇乜太多選擇，咁我就膽粗粗嗌咗杯百香果檸檬茶，嚴重懷疑佢沖嘢飲嗰啲器皿係冇洗過，唔知點解杯嘢有椰青味，成杯嘢飲落去勁奇怪，百香果味已經冇乜，檸檬茶再加埋嗰陣椰青味真係不行，飲完一啖之後就冇再飲過，真係飲唔落，唯一可以讚嘅就係唔係好甜😓講真一杯35蚊真係完全唔抵飲，雖然話啲檸檬係鮮檸檬切片，但係唔值。

之前一直冇留意開呢間舖頭，我有次夜晚路過見到咁夜都未閂門，就諗住比次機會試吓，一行到入去已經覺得同平時嘅嘢飲舖唔同。入邊嘅裝修好特別，好似真係台灣嘢飲舖嗰種藝術風格，仲有位俾人坐低飲埋杯嘢，同事都好有禮貌，係我猶豫緊要飲乜嘢嘅時候亦都有幫我推介，好好人。跟住聽到佢哋舖頭係用新鮮嘅香水檸檬就決定要試一試，本身以為同平時檸檬茶可能冇乜分別，但係飲落先知真係有種特殊嘅香氣，好好飲。杯嘢又唔會太甜，啱啱好適合我呢啲唔係好鍾意飲甜嘢嘅人再加上店舖內嘅氛圍令人好放鬆好自在，我會再回頭返嚟飲嘢㗎。

係呢一區，佢夏天嘅時候有優惠又活動：買二送一，近排嘅買一送一，中秋嘅青蛙陪小朋友玩，每個月都會有1-3杯新野飲，都唔會差唔會唔好飲，過年個時候又會有個新年快樂嘅杯套，依家又有一個新嘅，仲有個干秋卑我哋影相，仲會有一啲韓團嘅應援，我自己比較鍾意鴨屎香嗰杯茶底清香，又唔會好甜，我有問過佢哋員工用嘅係咩糖，佢哋話係用比較健康嘅蔗糖唔會好甜，除非係小部分用果醬嗰啲野飲先會好甜，我自己去買都去會特登叫少甜或走甜，我自己飲完之後推卑fd，佢哋都話好飲，我依家自己出門想飲野都唔會去其他店飲，依家都淨係去角落吾茶飲了，個老細都好好傾，推薦大家去試一試𠴱邊嘅檸檬茶

本身超中意飲手搖飲😎見附近開呢間野，當然試，第一次鴨屎檸檬，叫少甜，都好甜，吾緊要😏第二次買兩柸，老公個柸叫加珍珠，番到去無加，自己再叫另一柸，完全吾知咩黎，無味🥺我好似係叫鮮果類既野😞第三次重搞笑，有怪味😢係怪味😞好恐怖😱堅持既我🤨隔左排又身痕再試，最後要say goodbye😫係你好有heart,但我買柸野飲啫，正常d可以嗎🧐我周圍都飲得落口，都吾係搞到無地咁，無味，約十蚊買柸水？☹️係，你好talk得，但吾好掛住傾比漏晒野😩所以，我都覺太跨張，我成曰見有d人買，我試應該係自己吾好彩，所以再試😒但呢知吾好彩已n次了。😡

首先係佢樣樣野都無。本來想飲火龍果酸奶，不過佢話冇火龍果，改芒果酸奶，佢話其實酸奶都冇但可以叫鮮奶。諗住飲茶類啦，叫四季春都係冇四季春🥲🥲🥲 結果店員推薦我飲呢杯，我抱住堅毅嘅精神都決定試吓。✿ 鳳凰單叢 ($20) 加芝士奶蓋(+$8)個名好靚嘅呢杯其實係烏龍茶，但睇個色都知呢杯野係冇茶味。重點係我加咗芝士奶蓋，一整起佢就係咁嘅樣😂 店員仲話佢哋嘅芝奶係會同茶溶為一體！呢個真係顛覆咗我對芝奶嘅認知😂

開頭見到新開就入去試下，試咗佢地果杯招牌檸檬茶唔差嘅！第二次試咗佢地杯芋泥芋圓鮮奶唔差得過我之前超鐘意飲清玉珍珠芋泥（可惜依家冇咗）有時見到佢地推特飲都想try try！

新屎坑總有三日香，屋企附近開咗一間非常有文青feel嘅仿台式奶茶舖，見個interior design幾特別，即管試吓係咪內容同陣容都咁好。舖頭主打香水檸檬，除咗有啲好普通嘅珍珠奶茶選擇之外，居然有咖啡，仲係招牌香水檸檬咖啡。我就試吓呢味招牌貨。一飲之下，除了勁難飲，還是勁難飲。呢種檸檬嘅香味同咖啡一啲都唔夾，掩蓋左咖啡嘅味道之餘，又嘥咗本身檸檬嘅香味，搞到成杯野又酸又澀仲有渣。咁我都俾機會佢哋，問吓有關其他飲品嘅資訊，點知佢哋除咗香水檸檬之外，關於其他飲品一無所知。唔知都算，佢哋居然冇興趣知。我心想，我身為客戶，佢哋又假假地都新開張，稍為豎起隻耳仔當收吓客戶啲料到好吖，點知佢哋一啲興趣都冇。我嘅感覺係佢哋淨係對自己識嘅嘢有興趣，讕係有誠意咁分享俾啲客知，但係就完全冇心聽取客戶嘅意見。佢哋嘅服務態度同個logo一樣，成把頭髮浸落杯嘢飲度，嘔心！

係樓下開左間奶茶舖就去試吓，點知好有驚喜大紅袍奶茶 芝士蛋糕奶茶茶味濃郁好正！ 燕麥奶昔系列好有驚喜 估唔到可以咁match 同埋夠健康 有心機係誠意之作 仲有其他特別嘅嘢飲😍👍🏻

成杯一d芋頭味都冇, 芋泥係面hi少少就算，一d誠意都冇。30幾蚊杯，我唔expect全部都係奶囉，大佬。 芋圓又冇咬口，又冇芋頭味，成口糖漿🤢🤢 唔怪得咁少人幫襯

好好飲，啲料好好，服務態度好好，簡直係完美，呢啲良心企業應該多多支持，難得香港仲有呢啲咁有良心的企業，杯野真係好好飲，感受到一種人情味，呢啲係香港不可以缺少嘅精神，而且人地檸檬茶做的好好飲，而且仲係用香水檸檬，第一次聽，飲落口第一啖係香味，而且不會酸，第一次飲到咁好飲嘅嘢飲，好鍾意，而且收銀哪位好好人，會同我介紹點解要開這間舖頭，而且，特別來講，佢啲係飲品舖，唔係奶茶舖，全部都係好健康嘅飲品，好鍾意❤️，下次會繼續來

發現一間寶藏奶茶鋪🧋🧋呢度嘅黑芝麻芋圓奶茶勁好飲！半甜甜度岩岩好，個人係非常之中意！仲有杯野飲賣相有種水墨畫嘅感覺, feel so artistic 😍價錢不貴，只係36蚊~冬天一杯落去，養身又好飲（仲可以做熱飲添）~

假期唸住去friend屋企玩，經過簡單有間新野，望落去乾淨同簡潔，睇過招牌似係新野黎，冇聽過，見個menu第一個係香水檸檬，心唸係咪有香水味嘅檸檬🤣，店員有好有耐心，知第一次黎，會好有耐心去講解，之後先知香水檸檬係個檸檬名黎，之後就叫咗杯招牌試下味啦，飲落去果一刻，佢真係唔酸，仲有啲甘香嘅味道，飲完過多一陣，喉嚨仲會有啲回甘嘅味道，一直以為檸檬係普普通通嘅檸檬茶，點知原來都可以咁好飲！值得推薦🌟之後順手幫friend買埋🌝

鋪頭用香水檸檬作主打 叫了一杯招牌香水檸檬茶 杯野同個名一樣 檸檬香又新鮮 無酸苦味 飲完好清新 出面都無呢類飲品 好多都用水果再配香水檸檬 好少見到出面會用真水果 加上檸檬茶可以整咁多唔同類型 飲完好香唔會酸苦 同凍檸茶好唔同感覺 一定會再試其他野 未見過咁用心製作店鋪 鋪頭個外型白色 文青感覺 加上光線充足 睇得出都幾細心佈置 呢人會講解產品 服務幾好 新店 服務一直要keep住 好多打卡位 見到個千秋即坐上去 個千秋木製 坐上去好好玩 間鋪個有個人樣公仔 做佐藍色光 可以影相

第一次試飲朱砂痣檸檬紅茶好好飲唔同一般檸檬茶用咗香水檸檬咬落去以為食緊檸檬，點知原來食緊西瓜茶味一般，口感唔同，有新鮮感👍最後食埋啲檸檬，冇咁酸，好新鮮，值得推介

無意中喺屋企附近發現咗呢間飲品店老細好有心，好talk 得，好有親切感飲品健康得嚟又好飲睇得出佢係一個好有心去經營呢間奶茶店嘅老闆，第一次去嘅時候會同你介紹佢哋店舖嘅招牌飲品，同埋好細心咁樣詢問你對於茶飲嘅喜好🥰佢會等你試飲完之後再問你使唔使加糖🤩同埋佢哋舖頭嘅飲品全部都係選用蔗糖🎀簡直係健康之選🔮好耐都冇去過咁有良心咁有人情味嘅飲品店✅會繼續keep住幫襯🤓可以為呢間咁高質嘅小店打食第一篇食評，楽しい❣️