角落吾茶 (Closed)

新屎坑總有三日香，屋企附近開咗一間非常有文青feel嘅仿台式奶茶舖，見個interior design幾特別，即管試吓係咪內容同陣容都咁好。舖頭主打香水檸檬，除咗有啲好普通嘅珍珠奶茶選擇之外，居然有咖啡，仲係招牌香水檸檬咖啡。我就試吓呢味招牌貨。一飲之下，除了勁難飲，還是勁難飲。呢種檸檬嘅香味同咖啡一啲都唔夾，掩蓋左咖啡嘅味道之餘，又嘥咗本身檸檬嘅香味，搞到成杯野又酸又澀仲有渣。咁我都俾機會佢哋，問吓有關其他飲品嘅資訊，點知佢哋除咗香水檸檬之外，關於其他飲品一無所知。唔知都算，佢哋居然冇興趣知。我心想，我身為客戶，佢哋又假假地都新開張，稍為豎起隻耳仔當收吓客戶啲料到好吖，點知佢哋一啲興趣都冇。我嘅感覺係佢哋淨係對自己識嘅嘢有興趣，讕係有誠意咁分享俾啲客知，但係就完全冇心聽取客戶嘅意見。佢哋嘅服務態度同個logo一樣，成把頭髮浸落杯嘢飲度，嘔心！