小巷咖啡 (Closed)

第一次係TOP地下層食野，比依間野套餐既價錢吸引左，平時食個漢堡套餐最平都要90蚊以上，依度最貴果個餐都係69蚊。而且隔離間炸雞69都係兩舊雞加薯條，對比之下先決定試食左漢堡。咁我就叫左最貴果個套餐，極尚牛肉漢堡套餐，寫明有雙份牛肉同煙肉，個漢堡份量好足，我一個人差d食唔曬，麵包皮好鬆軟，煙肉很香，唯一不足是牛肉有少少乾，芝士可以多一點。薯條亦份量不少，而且非常脆，感覺是即炸的，再附送一杯熱茶，食完非常滿足。

琴日行旺角肚餓搵地方食嘢，見到佢買套餐平$10蚊，就決定膽粗粗去試吓，食完之後發覺抵食個包又大薯條夠熱同新鮮，美中不足嘅係佢冇咖啡賣，明明門面寫住小巷咖啡但係又冇咖啡賣有啲奇怪，但係漢堡係出色嘅，下次有機會再行去旺角一定會再幫襯

今天係旺角 做完運動後，慢慢感覺有啲肚餓了路過T.O.P 商場，見到有間店 食漢堡包🍔搵到啦，「小巷咖啡 」重有得減$10優惠，即管試下。原價 $55 嘅 「芝士牛肉漢堡套餐」配薯條及罐裝飲品 (減 $10 😀=$45 ）太好了店員叫我揾個位坐下，稍後送上食物嘩！份量多、頗大牛肉煎得香，肉質鮮及juicy，夾住芝士，爽脆生菜、番茄、茄汁，真的滋味熱辣辣 香脆 薯條 ，令人難忘, 太飽，剩餘少量，浪費了冰凍 soda 雪碧, 爽😊 解喝 消暑總結：個人覺得算是不錯，大家不妨試試

喺T.O.P 商場行過，見到呢間餐廳重開，宜家主打食澳洲牛肉burger，見重開期間有減$10優惠，所以就去試下。估唔到真係有驚喜。呢個招牌牛肉漢堡套餐配薯條及罐裝飲品 (折後$49)見店員係即叫即煎烤漢堡扒，雖然等既時間相對耐，但係以高溫煎烤令到肉質更鮮香更juicy，搭配芝士，煙肉，爽脆生菜及番茄，真係令人一試難忘呀！而薯條炸得夠透，熱辣辣，食完一條又一條~整體嚟講，我覺得呢間漢堡小店質素唔錯，嚟開旺角不妨去試試！

喺旺角行行吓想食野又唔知食乜好_(´ཀ`」 ∠)_於是就去左T.O.P入邊嘅foodcpurt坐低諗吓先同朋友share最好就係食漢堡包加薯條於是就試咗呢間小巷咖啡-📌 美國至尊牛肉配薯條（💰68）呢個價錢其實都幾抵✨大大個包🍔仲要一攞上手仲係超熱(⁎⁍̴̛ᴗ⁍̴̛⁎)而且估唔到佢有兩層牛肉🥰而且仲有肉汁🥰牛肉仲有少少筋幾有口感👍🏻可惜就有少少鞋配菜都好清新✨薯條🍟炸得好香脆🤤唔會林身🤤而且仲係粗薯條‼️薯仔🥔份量都幾多‼️仲係熱辣辣十分新鮮‼️‼️-Foodcourt隨便食黎講都算幾好食份量都幾夠。不錯

店內有一位女收銀員同兩位男師傅，There was a lady cashier and two man chef.比完錢佢話陣間叫我，咁我行左個圈。After I paid, she said she will call me back so I walked around.返來見到女收銀員*徒手*落麵包粒，煙肉，車厘茄！When I am back, I saw the lady cashier put the bread and bacon and tomato by *bare* hands! 吾係用匙羹吾係用夾！Not by spoon not by tongs!仲冇帶手套！Not even wearing gloves!跟手唧沙律醬，將隻碟放上餐盤，再托個餐盤出來...Then she squeezed dressing on top, and then place the plate on a tray, and then served.成個過程兩個男師傅睇住，三個仲一路有傾有講！Two man was witnessing the whole process. Thre

嚟到旺角新商場想試下新嘢。見到有咖啡飲即刻去試。叫左吉列魚柳漢堡$58 及 Cappuccino $32. 作為午餐一啲都唔平。魚柳飽好大個，但飽嘅質地好硬好乾。魚柳好細好薄，醬汁量少。薯條普通。杯Cappuccino 勁多奶咖啡味唔夠。食物方面相信要多加改良才可以有競爭能力吧！

其實曾經聽過煮場但冇諗過特登去一去，就係唔特登，先會發現有驚喜。🤣今日係港島區做完野，然後跟同事去旺角走走，醫一醫肚。一出地鐵，以為要上地面行半條街搵野食啦，掛住 Facebook 勸人理智和平。唉！嘥氣！寫食評好過。點知俾師兄帶咗入「煮場」，係入面有幾間店既，大概有十間以內啦。都新淨既，行咗一圈，師兄都係第二間買咗個海南雞飯坐低咗，我見星期六OT，有得 cam 公司，就緊係搵好食啦，開頭諗住間拉麵幾唔錯，哈，點知唔係 food court 既，坐出去同師兄一齊食，佢話要加10蚊，有得 cam 都唔係咁黎益佢啦，結果 second choice呢間店(小巷咖啡)係西式，有意大利飯，即管試下「牛油果醬雞肉意大利飯」，係唔啱我口胃果種。我諗住牛油果醬係會有牛油既味啦，其實唔係啦，即係大埔道係深水埗唔係係大埔既朋友一樣。「意大利飯」應該係...忌廉creamy既飯粒既印象既，又唔係喎。即係你話佢唔好食咩，又唔係！但你叫我用一個意大利飯既標準呢，佢唔合格。但佢賣相，味道，價錢都係OK架喎。佢仲有一杯沙律既，但好地地又要用多個膠杯，係唔係要為環保出少少力呢?

I love avocado so got the avocado soy milk smoothie.I bet the staff was happy when I ordered because it meant she could make herself one.Anyway, the soy milk in the drink tasted really good and enhanced the avocado with the refreshing notes of soy bean.It wasn't too sweet so it was thick and satisfying.

飲品對我黎講非常之重要，見佢餐牌圖片咖啡係有拉花果隻，但係最終出黎既咖啡好似機沖咖啡咁，一pat白色泡沫係面，少少朱古力粉，飲開咖啡既就會明白分別之處，有點失望。食物一般 不過不失 無乜特別。

自從T.O.P落成後，只係去過樓上餐廳，從未踏足地庫的美食廣場，今日路經，時間亦無多，便快速搜索一下有甚麼啱食。行了一圈，好快便決定小巷咖啡。餐廰有兩個午餐推介均為 $38 ( 留意係 "推介"，並不是套餐 ) , 下面一行細字 : 加配沙律、餐湯、咖啡、飲品係每樣承惠 $16我選了一客南瓜松子意大利飯再加一杯咖啡 ~南瓜飯賣相算唔錯，一大片圓型粟米脆脆置於意大利飯中心，南瓜味遍淡 ，但食落口感creamy 。咖啡(另加$16 )好大杯 ，喝了一半便放棄。美食廣場主張客人自行報拾檯面， 所以如果不兼煩 ，可自行將托盤連餐具放於指定位置 ，再由員工處理

話說呢期車媽媽減磅中，通常午餐都是吃菜、生果，晚上也會用餐但份量盡量吃少，但這天中午要去Shopping總要吃點飽肚些的才有力行街嘛！到了旺角新場T.O.P內看看有什麼合口味！最後選了輕食的小巷咖啡 Cornerstone Cafe！ 選中這一間因為看見那厚腿蛋治非常吸引！餐廳亦都很用心製作我足足等了10分鐘終於等到我的三文治！ 怎料原來是烘了底的腿蛋多士，也沒關係返正看上去賣相非常吸引！吃下去多士雖然經過烤烘但不覺得十分香脆，而火腿正常味道不會過鹹，蛋亦炒得挺滑溜不老，可惜的是一點味道也沒有！我說的是蛋及調味都消失得無影無蹤！整件多士也只能說句不值一提，還要收到＄32一客！相信這店也應該沒下次了！

其實我幾喜歡新開幕既top商場入面好多野行,餐廳都多我見未夠鐘去開飯諗住叫個小食等下先聞說小巷咖啡既咖啡飲品唔錯就叫左一份熱狗薯條同飲品滿心等了25分鐘換來這份熱狗,腸唔夠熱,麵包係凍,薯條唔夠熱相當令人失望希望加以改善

平時食開大力水手炸雞今日特別唔想食炸野所以揀左呢間嘅意粉一開始都覺得應該同普通卡邦尼差不多不過食落都有啲野講佢嘅奶油味唔重亦都唔係好creamy但係要讚嘅係佢芝士同bacon都好多料食到最後啲bacon仲有得剩不過即使係足料 唔夠奶油已經唔夠好食食到最後會乾身啲所以都係中上嘅

途經T.O.P.，搵倒呢間垃圾餐廳，19:20落單，叫左個卡邦尼意粉+沙律，個收銀同我講要等15-20分鐘同埋睇單號，而我個單號係1918。好啦，我甘心等左20分鐘都未見有，然後個收銀話：整緊呀，要等多陣。我足足等左33分鐘，見倒單號1920出左先，咪過去問做咩1918仲未出，個收銀理直氣壯咁話：我地係跟單做，整緊㗎啦。我話跟單做點解1920會出先呢，佢都係會答我：整緊㗎啦。🤦🏻‍♀️所以各位下次黎呢間食，要小心啲，分分鐘你等仲耐過食。