小巷咖啡 (Closed)

第一次係TOP地下層食野，比依間野套餐既價錢吸引左，平時食個漢堡套餐最平都要90蚊以上，依度最貴果個餐都係69蚊。而且隔離間炸雞69都係兩舊雞加薯條，對比之下先決定試食左漢堡。咁我就叫左最貴果個套餐，極尚牛肉漢堡套餐，寫明有雙份牛肉同煙肉，個漢堡份量好足，我一個人差d食唔曬，麵包皮好鬆軟，煙肉很香，唯一不足是牛肉有少少乾，芝士可以多一點。薯條亦份量不少，而且非常脆，感覺是即炸的，再附送一杯熱茶，食完非常滿足。