蓋世堡

Open Now

Now Closed

家下好多酒吧d小食通常都係叫外賣的，就算酒吧自己煮的都難食，離不開d行貨春卷薯條，但蓋世堡勁呀《泰國菜》，我心諗唔係掛？講笑咩！！！非常意外，超正，一流，食材新鮮好味，好過九龍城d泰國舖，酒吧又乾淨寬敞舒適，讚👍🏻

可以飲酒又得、食飯又得、吹水又得嘅好地方！地點適中、地方寬躺、幾多人都可泊枱或分枱、仲有間格位置！又可以私人聚會！歷史悠久嘅洒吧、人人都有歸屬感！每人佰零二佰蚊、又可飲洒又可食泰國菜！冇得頂

喺呢個疫情底下，冇得飛去泰國，估唔到喺香港都食到充滿泰國風味嘅泰菜。泰式生菜包正😋生蝦新鮮肥美記得預訂。冬陰公非常足味燒牛肉沙律冇得頂喜歡食牛嘅朋友一定要叫。咖哩好開胃，啲汁點薄餅最有驚喜係燒雞腎，夠香口，個汁先係重點，完全泰國風味泰式烤魚夠鮮味仲有金邊粉同炸鴨舌，食到唔停口仲有燒豬頸肉，炸蝦餅，泰式鳳爪，泰式湯粉都係好想試，不過已經食到勁飽。見到隔離枱食嘅鹵水拼盤，炸魷魚鬚，炸餃子都好正，下次一定要試

第一次去酒吧有咁好食嘅泰菜 原來係泰國姐姐主理 環境舒適 員工親切友善 地方闊落 朋友聚會 生日派對 晚飯聚舊絕對係一個唔錯嘅地方 朋友無介紹錯 今次點咗泰式生蝦 蝦不但非常大隻而且十分新鮮 最重要配上碟醬汁 酸辣度適中 泰式燒牛肉配合品酒一流 冬陰功湯直頭必點之選 燒牛肉沙律可以係女士減肥恩物 另外咖哩雞配上牛油薄餅 食唔停口 至於飲品方面有多款cocktail ,draft beer & bottle beer 都有 價錢亦屬於平民價 飲埋食埋平過外面食泰菜啊

再一次相約好友門們睇波飲野, 撞啱師傅又冇咩野做, 於是決定早少少落黎坐下, 順便食少少野啦; 本來諗住唔食架喇, 但一陣要飲酒, 所以都係食少少打底穩陣d!於是就睇下有咩好食啦, 一個人當然唔會叫太多啦, 於是諗左一陣就揀左樣簡簡單單嘅食物, 就係五香肉丁餐肉公仔麵, 等左一陣就有得食!先講下賣相, 紅紅嘅湯底已經勾起師傅唔少食慾, 再睇真的都有兩塊餐肉, 先試下個湯底, 味道當然係好味精啦, 但咁樣絕對正常, 食公仔麵喎, 有味精有咩咁出奇; 不過湯底配埋肉丁嘅辣汁又真係幾正, 再食下肉丁發覺肉身夠鬆, 絕對唔會實的的, 唔錯, 可惜肉丁份量太少, 如果可以再多d就正喇; 餐肉本來就冇咩好講, 不過呢度嘅餐肉就唔算好味, 食得出唔係豬仔牌, 甚至梅林牌都應該唔係, 味道唔好, 扣唔少分; 而公仔麵就煮得幾好, 冇過腍或過硬, 可以啦!總括黎講呢度嘅食物質素喺酒吧黎講算唔錯, 絕對食得過, 廿八蚊個雙拼公仔麵, 都算抵食, 而且服務態度友善, 感覺真係唔錯; 坦白講黎得酒吧都唔會點樣寄望佢地嘅食物好味得去邊啦, 而呢度偏偏又算掂喎, 問你服未? 所以就算喺劈酒前當食埋飯, 都係一個唔

有咩野好過一班好友, 三五知己坐埋一齊睇波飲嘢, 撞啱歐洲國家杯舉行期間, 師傅亦唔執輸昨晚相約一班好友, 一齊欣賞死亡之組!波未開, 先醫肚, 如果唔係點同自己嘅球隊打氣; 靚正好友"正哥"就負責發板幾個小食, 有正哥嘅至愛芝士焗西蘭花拼青口, 鐵板金菇肥牛卷, 小食拼盆同埋炒椰菜!邊傾邊玩邊等, 不知不覺都唔知等左幾耐, 率先登場嘅係鐵板金菇肥牛卷, 當初喺餐牌睇到呢個小食, 師傅曾經質疑呢個小食會唔會用鐵板上; 當個小食到時果然係用鐵板上, 師傅頓時覺得佢地制作認真, 再見佢地喺客人面前淋d黑椒汁, 感覺係即刻變左全場焦點; 趁熱辣辣即刻試下金菇肥牛卷先, 師傅覺得牛肉就冇咩味, 好明顯係冇調味, 韌左少少, 但金菇就好爽口, 冇韌嘅感覺, 連埋黑椒汁一齊食都幾正!芝士焗西蘭花拼青口嘅西蘭花都幾爽口, 但一d都唔硬, 而青口嘅肉質幾爽口, 加上幾鮮甜, 喺酒吧黎講算幾出色, 甚至好過一d餐廳添, 加上芝士夠多夠香, 好正! 小食拼盆有日式螺肉, 炸蝦丸, 鹵水鴨腎同埋炸豆腐, 日式螺肉冇咩特別, 一如其他日式食店, 可以; 炸蝦丸炸得幾香, 唔算多油, 不過未算出色; 鹵水鴨腎就

果度D 價屬中上, SO 都凈係去睇波/ 吹水都唔係好抵!搞下聚會就OK !

似是一個大家庭,內裡無拘無束,人人暢談暢飲,吃喝玩樂應有盡有,輕鬆自在的渡過每個晚上。

以旺角o既bar o黎講, 依間環境算唔錯, 起碼唔擠迫~ 琴晚有朋友生日(雖然唔係正日), 11:30pm去reserve 12:00一張十人檯~ D waitresses好nice咁幫我預備, 仲幫我雪住兩個蛋糕~D朋友到齊, 個waitress就拎兩個點晒蠟燭o既蛋糕出o黎, 仲送o左一支香檳我, 蛋糕唔駛收切餅費~ 依度o既啤酒12:30後, 星期日至四$110/6支, 星期五六$120/6支~ Diamond Black就$150/6支~ 好抵!!!