湊湊火鍋‧茶憩 (家樂坊)

Open Now

Now Closed

放假約埋屋企人黎到人氣火鍋店 湊湊火鍋‧茶憩 食火鍋。限時2小時，一坐低選完湯底就可以 QR code落單。紅顏花膠雞鍋單鍋198我地選擇左花膠鍋做湯底，個湯金黃色，一睇就知個湯底勁濃郁，有大量既花膠，仲有雞肉，雞脾菇，冬菇，仲有幾隻鮑魚仔，認真豐富。成碗湯充滿骨膠原，養顏又好味，飲左幾碗湯就可以搵店員幫手加水打邊爐喇。美國特選級牛肩胛158肉類既選擇都幾多，宜款牛肩胛顏色鮮紅，肉質又軟又嫩，十分推薦。雪花牛肉粒98牛肉粒估唔到咁大粒🙈牛味極香濃又有咬口。基圍蝦108蝦相當新鮮，用竹籤穿住方便放落鍋度煮，蝦肉彈牙又鮮甜。精制牛筋丸49牛丸大大粒又好香濃牛味。聽講佢地既企鵝丸都好出名，下次再黎食下。酥炸黃魚 68炸芋頭48我地叫左2款台式小食黎食。炸魚皮就食日食，炸黃魚就真係未食過，件件魚肉十分香口又好酥脆。炸芋頭既份量十分多，質感粉嫩，內軟外脆。時菜湊湊（小）98宜個係一個蔬菜拼盤，一次過食到哂咁多款蔬菜，份量仲極多。各種蔬菜都好新鮮又爽脆。桔香冬瓜34宜度既台式飲品都好出名，成日專程黎買，味道酸酸甜甜又大杯，非常解喝。宜度仲要1人19蚊既茶錢，不過除左包貴妃烏龍茶，鴨血豆腐無限添加之

湊湊火鍋自從經朋友介紹過後，一試難忘由而家起分別幾間分店做緊台灣夜市主題！！每晚6點開始，每桌惠顧滿$500就可玩1次！！玩左兩次，仲贏到杯珍珠奶茶！好玩每次黎打邊爐都不能不點的大杯裝大紅袍珍珠奶茶 $33 大大杯，茶底香濃～經典珍珠奶茶 $27飲落就似出面台飲可以飲到熟悉味道聽朋友提過呢度紅顏花膠雞鍋 好出色，今次決定試試！ （$198單鍋）整鍋係金黃稠湯汁完 10 小時的膠原蛋白威力！足料花膠、雞肉、鮑魚、花菇及野米～打邊爐前各飲兩碗，食極都仲有！小食類：點了 荔枝蝦球 外層脆脆，爽彈有芝心 台式小香腸 $58 一片片切好跟蒜片，幾滋味！鹽酥雞 $58有台式風味，啖啖肉！牛肩胛 $138 牛味濃而肉都軟稔巴沙魚 $58 擺盤精美，份量都幾多企鵝丸 $59 墨魚漿做成嘅企鵝！甘可愛叫黎打卡都開心每位$19/自助吧，除左醬料外，亦有提供涼拌前菜、滷肉飯、水果將近食完會送上菠蘿沙冰同我最愛梅子茶凍！！而家過咗 9:30 有宵夜 8 折優惠，會再抵好多！

平時我比較鍾意嚟湊湊鍋打邊爐因為有勁大杯台茶、無限添加麻辣鴨血豆腐、仲有自助吧小食同水果以上都係我喜歡食嘅嘢🌸而且家樂分店啲位夠大食得舒服～ 座位仲有得叉電添店員都好nice 抵讚👍🏻🔸自助吧（$38/位）多達30款火鍋調料，仲有麻辣魚皮、中華沙律、滷肉飯、水果🍉。小食炸地瓜球超好食！外脆內Q，芋地又香又甜。🔸台式麻辣鍋（$198）每次嚟我都必點麻辣鍋，有好香嘅中藥滷味、麻辣香，湯底嘅鴨血同豆腐都煮到入哂味，又夠辣，好好味。🔸伊比利亞黑豬肉（$138）🔸精選羔羊肉（$98）🔸烏雞肉卷（$88）烏雞卷係我次次都會叫的，肉質鬆軟、脂肪少，有咬口又唔會韌，好食。黑豬肉同羊肉嘅肉味都比較濃郁，羊肉配麻辣湯，個味好夾。🔸美國特選牛肩胛肉眼（$138）🔸美國特選牛板腱（$138）牛肩胛肉味比較濃、有咬口，牛板腱肉花分布平均，入口嫩滑有彈性，肉味適中。🔸黃金條酥（$68）🔸響鈴（$58）揀咗2款脆口嘅食物，浸落湯3秒，吸盡湯汁但又保持脆嘅口感，而且好快就食得，正！🔸檸檬紅茶（$27）🔸經典珍珠奶茶（$27）必點！！嚟到一定會叫，奶茶比例剛好，又夠滑。檸檬茶可幫助解膩，可以揀甜度。大大杯超正。

味道：🌟🌟🌟🌟🌟相信大家對呢間火鍋店一啲都唔陌生🤟🏻今次要介紹呢間火鍋店係因為呢排餐廳其中幾間分店用咗台灣夜市來做主題🇹🇼（旺角家樂坊店、銅鑼灣店、將軍澳店及上環南豐店）幾特別之餘仲設有夜市遊戲區🎯遊戲區主打套圈圈遊戲♥️只要係六點後消費滿$500就有一次機會💸將圈圈拋進⭕️住啤酒樽就會得到唔同金額嘅優惠卷或者現金卷💰大獎仲是$1200 的現金券添😎仲值得一提嘅係餐廳設有宵夜時段🫶🏻夜晚9:30後入咗就會有八折優惠😈下次收工約埋Fd打邊爐圍威喂又多個選擇啦👻
❶臺式麻辣鍋 $138個人超推薦呢個湯🌶係以心雞骨同牛骨小火慢燉 6 小時而成👨🏻‍🍳再加入咗多種中草藥材濃縮熬制多 2 小時🥘總共用 8 小時烹調一鍋正宗嘅台式麻辣火鍋🔥完全係集結「麻辣醇辛甘香」六種風味👍🏻而且仲可以無限任添鴨血同埋豆腐👹❷美國特選級牛肩胛 $158牛肩胛嘅雪花睇落好細緻 食落肉質軟嫰🐄厚薄適中 牛味濃郁🐮❸伊比利亞黑豬肉 $138黑豬肉嘅脂肪比例啱啱好 外觀呈鮮紅色🐷肉質細膩 比平時食到嘅豚肉更有彈性🐽❹巴沙魚 $58巴沙魚預先已經退冰🎣脂肪較少 食落口感軟嫩 味道鮮美🐟❺企鵝丸（墨魚漿製）$59企鵝丸黑白墨汁製

正所謂開心打邊爐不要停！上星期就繼續打😙 去左呢間服務滿分既台式火鍋🥰 不是放題形式，而係散叫或套餐都有🙆🏻‍♀️ 湯底全部都係台式，仲有好多好獨特係限量供應既湯底🙌🏻 我地既豐富大餐如下..🍲鴛鴦鍋 - 紅顏花膠雞鍋 + 蟹粉黃魚鍋🥩美國特選級牛板鍵🍖伊比亞黑豬肉🐚文蛤🐙企鵝丸（墨魚漿製）🥬皇帝菜🍗鹽酥雞🐟酥炸黃魚柳🍢鴨血豆腐（免費任添）🧋冰大紅袍奶茶🍋冰翡翠檸檬茶🍧梅子茶凍（附送）🍍菠蘿沙冰（附送）..先講湯底，每款湯底都大有來頭！首先，紅顏花膠雞鍋，用上優質花膠及低皮脂雞肉以文火熬煮至金黃色，然後再加野米、鮑魚、花菇提鮮，熬煮十小時而成！滿滿的膠原蛋白🤩 未打邊爐前已經要先飲兩碗滋潤下！..而蟹粉黃魚鍋係限量供應，另配有兩隻蟹形狀既碟仔奉上蟹黃！超足料！而黃魚鍋裡面，好多魚肉，且嫩又滑，蟹黃可以單食可以撈埋落湯一齊飲，又係要未打邊爐前就要飲兩碗🤤..飲完湯，就開始打邊爐啦！美國牛板鍵肉味濃郁，好好味！黑豬肉肉質好軟腍👍🏻 企鵝丸其實就係墨魚丸，而且有黑白兩色，賣相好精緻，打卡一流！文蛤即類似大蜆咁，好新鮮！..鹽酥雞同酥炸黃魚柳炸得好香脆，味道唔會過鹹過多調味料，好ok!! 鴨血豆

食物多種類，價錢雖然不是太便宜，但都可接受，肉類都頗新鮮可口，每張枱都有適當距離，所以大家說話，唔會影響其他人，雖然係自己用手機落單，但如果需要服務員協助，他們都會好快幫忙。

去台灣旅行還是遙遙無期最掛住既係台灣既夜市同宵夜必備既麻辣鍋·湊湊火鍋新推出以台灣夜市為主題比大家回憶下夜市既氣氛 · 打下卡偽旅行一下餐廳設有夜市必備既「套圈圈」遊戲大家除左可以品味台灣 · 仲可以玩味台灣♡ 台式麻辣鍋（$198）正宗台底麻辣鍋 · 辣度溫和不嗆口重點係麻辣鍋必備既鴨血豆腐可以無限添加♡ 美國特選級牛肩胛肉眼（$138）大大塊的牛肩胛 · 肉味濃郁油脂不算重但肉質軟腍♡ 蝦夷扇貝（$68）扇貝肉大大粒 · 新鮮爽嫩♡ 企鵝丸｜墨魚漿製（$59）超可愛既造型 · 真係唔捨得食😂真材實料 · 口感爽彈 ♡ 牛柏葉（$68）份量十足 · 最愛吸哂湯汁既牛柏葉♡ 白蘿蔔（$38）清甜無根 · 充當纖維代表🙈ꕤ以下都可以即食小吃ꕤ♡ 香鹵大腸（$68）鹵得夠入味 · 大腸處理得好好♡ 鹵牛蹄筋（$68）牛蹄筋口感軟腍 · 黏口感好正♡ 黑虎蝦蝦卷（$68）Q彈彈牙而蝦味濃郁♡ 荔枝蝦球（$68）充當顏值代表 · 荔枝既造型口感爽彈 · 有內有外既代表♡ 大紅袍珍珠奶茶（$37）茶同奶比例調配得好好 · 茶香味濃而珍珠用木薯粉製成 · 口感Q彈有咬口 ༞༞༞༞༞༞༞༞༞༞༞༞༞

湊湊火鍋🥢喺香港都有唔少分店今次就揀咗喺家樂坊呢間嘅火鍋同朋友一齊打個邊爐！~~其實湊湊火鍋真係我嘅飯堂之選有時一班人唔知食咩通常都係去呢間但係今次呢就有幾個朋友未試過就帶佢哋嚟試吓啦！打邊爐最緊要係咩除咗個爐之外梗係個湯底啦！佢呢個紅顏花膠雞湯底真係一試難忘個湯底好龍好像好份量非常之足料😋😋😋😋一嚟到個湯底我就即刻攞嚟撈返碗飯先🤣另外食台式火鍋當然唔少得台式麻辣火鍋湯底啦🤣🤣🤣一辣一滋潤叫晒2個湯底簡直係大滿足！另外叫咗個海鮮拼盤上面啲海鮮都非常新鮮！牛肉都好靚絕好有誠意！仲有嗰個企鵝丸子又得意又好食中間仲有啲爆漿而且呢度環境都非常好裝修新穎坐得好舒服食得好開心又係一次好快樂嘅聚餐回憶啦😆😆😆

又打邊爐啦！不過今次不是火鍋放題，是台式火鍋。今次去了間近期頗有人氣的台式火鍋店，這裡的裝修非常典雅，燈光比較昏暗，十分有feel，所有座位都是獨立包廂，坐位十分寬敞和舒適。店中放有二三十款的醬油，還有2款水果任食的。我們點了個鴛鴦鍋，一個是紅顏花膠雞鍋和季節限定的蟹黃魚鍋。花膠鍋料十分多，有很多花膠和雞肉，仲有野生薏米，湯底相當濃稠。店員建議我們先要飲湯，之後會加湯打邊爐。湯味相當濃郁。另一蟹黃魚湯鍋，上台已附送2小碟蟹黃，我們一碟放入湯內，另一碟可直接食或撈飯。一啖入口的蟹黃，十分甘香味濃。這個湯底是用煎過的魚放湯，所以是奶白色，沒有腥味，再加入蟹黃，更加提鮮。而且魚件都相當多。飲完這兩個湯，已經飽了一半了！我們點了-美國特級牛肩胛 非常淋軟和牛味濃郁-伊比利亞黑毛豬 肉質軟滑，肉味濃-文蛤活-皇帝菜-企鵝丸 賣相很可愛，成隻企鵝，有半邊是黑，是用墨魚汁調配的，食落爽口彈牙。-酥炸黃魚 ，煎得外脆內軟-鹽酥雞-大紅袍奶茶-翡翠檸檬茶 飲品相當大杯，味道唔錯。

“勵志鍋 台式麻辣鍋鴛鴦鍋”($138)“食妝鍋 紅顏花膠雞鍋鴛鴦鍋”($138)“美國特選級牛肩肉眼”($138)“精選羔羊肉/加拿大松阪豬”($98)“企鵝丸/海鮮棒棒糖”($59)“台灣香腸”($58)“黑虎蝦蝦捲”($59)“大紅袍珍珠奶茶”($33)“翡翠鮮橙綠茶”($30)一直都好想食呢間台式火鍋湊湊😍最近終於有時間book位去食😛餐廳空間感夠哂大,坐位十分舒適☺️入座後店員會送上一壺貴紀烏龍茶🫖自助醬料區選擇超多,連台式滷肉飯都有😍嚟湊湊必點嘅一定係勵志鍋-台式麻辣鍋因為裏面嘅鴨血同豆腐都係任加😍湯底十分香但唔會辣到好辛苦🌶想試多個湯底嘅我地就揀咗鴛鴦鍋另一邊要咗食妝鍋-紅顏花膠雞鍋湯底金黃色,質地好濃稠入面仲有唔少花膠,仲有鮑魚仔☺️肉類點選咗美國特選級牛肩肉眼🐮精選羔羊肉🐐加拿大松阪豬🐷3款肉質都好唔錯☺️特別鍾意松阪豬除咗砌到成朵花咁超靚,食落仲好爽口😚嚟湊湊仲有一樣必點嘅係超可愛企鵝丸🐧其實即係墨魚丸,一份有6隻食落好彈牙,墨魚味又夠香☺️海鮮類就點選咗又係打卡一流嘅海鮮棒棒糖原來係用上魚滑,蝦滑加入紅蘿蔔同茴香製成除咗火鍋配料呢道仲有唔少台式小食叫咗台灣香腸,黑虎蝦蝦捲

之前間唔中都會經過呢度，見到環境好大，裝修都靚，坐得又舒服～店鋪用QR code落單，都幾方便❤️整體評分：7.5/10味道：7.2/10服務：7.5/10環境：7.3/10人均消費：$400-500地址：湊湊火鍋‧茶憩 (家樂坊) (旺角)旺角登打士街56號家樂坊地庫B3號舖首先值得一提嘅係佢哋個涼拌魚皮好好食😍😍全程食咗超多🤣湯底：我哋揀咗台式麻辣鍋（$198）：湯底香濃，風味十足😋而且因為係台式火鍋所以唔會太辣，重點係鴨血同豆腐仲無限添加！！😍😍😍所點嘅有：-海陸拼盤 $588-荔枝蝦球 $68-茉莉奶綠加珍珠 $31-經典珍珠奶茶 $27 首先海陸拼盤入面已經包括晒海鮮同牛肉,全部非常高質😍😍擺盤都夠晒精緻，份量都多,海鮮非常新鮮，其中墨魚仔好好食彈牙十足肉又夠厚，牛肉都OK～另外荔枝蝦球好有驚喜，新鮮即炸熱辣辣，外層係荔枝果肉入面係蝦球，層次口感好豐富！😍 飲品方面：茉莉奶綠加珍珠同埋經典珍珠奶茶都好有驚喜！個人覺得好飲過出邊好多珍珠奶茶店！😍又夠大杯，經典珍珠奶茶奶香十足，而茉莉奶綠相對會再清香好多最後每位仲會送鳳梨沙冰同梅子茶凍，鳳梨沙冰入邊真係食到菠蘿，好有夏日氣息😍而

雖然香港與台灣好近，但依家唔似以前咁可話飛就飛😮‍💨最近湊湊火鍋·茶憩於8月以台灣夜市做主題，除有台式火鍋及各款台式小食外，更設夜市攤位遊戲，有得食又有得玩，啱哂一眾掛住台灣嘅朋友😌餐廳環境舒適，服務又唔錯，入座後即送上貴妃烏龍茶，飽足後更送上沙冰及梅子茶凍😋另小食麻辣鴨血豆腐亦可無限添加，離開時更為每位客人多打包一份帶走🥰自助吧每人加$19即可享用涼拌小食、生果、滷肉飯及多款醬料等。🇹🇼食妝鍋 - 紅顏花膠雞鍋（$198）以花膠、雞肉、野米、鮑魚及花菇熬煮，湯底呈金黃色，口感極度濃郁且似湯羹，而且花膠份量多得誇張，整個湯底都有滿滿骨膠原，養顏又好味，啱晒女士們🥰🇹🇼美國特選級牛肩胛（$158）肉質呈鮮紅色，賣相新鮮吸引😍輕淥一陣就食得，牛味濃且軟嫩😌🇹🇼基圍蝦（$108）以竹籤貫穿蝦身，避免蝦身受熱後收縮變彎，較方便食用；蝦肉鮮甜帶爽，食得出係新鮮蝦😌🇹🇼企鵝丸（$59）以墨魚漿製成，口感彈牙，另企鵝造型令賣相加分不少，真係好可愛😍🇹🇼鹽酥雞（$58）🇹🇼荔枝蝦球（$68）兩款小食新鮮即炸熱辣辣，入口香脆惹味，好有台灣味道😌🇹🇼手工蝦滑（$68）蝦滑爽口彈牙，夾雜粒粒蝦肉，夠晒真材實

這間火鍋店一直我都好中意，除了他們的湯底正，他們的飲品都好吸引，所以周不時都會來打邊爐！旺角分店空間感大，座位不會好迫，可以跟朋友輕鬆打邊爐！一坐低就會奉上貴妃烏龍茶，差不多食完又會有沙冰和梅子茶凍，會唔會太正！紅顏花膠雞鍋拼酸菜白肉鍋，他們的花膠雞湯一向都好濃郁，味道好鮮甜，入面有花膠、鮑魚、野米，材料豐富，很養顏！而酸菜白肉湯湯底味道酸酸味味，令人胃口大開！美國特選級牛肩胛，牛肉肉質鬆軟、牛肉味濃，而且份量都幾多，正呀！伊比利亞黑豬肉，豬肉都幾薄切，只需淥一陣已經熟，豬肉味道都幾濃，不錯！企鵝丸，造型可愛的企鵝丸其實是用上墨魚漿製成，口感彈牙，而且幾有墨魚的味道！文蛤活，蜆肉新鮮鮮甜，蜆肉脹卜卜，不錯！黑虎蝦蝦卷，蝦肉用上腐皮捲住，腐皮炸到脆卜卜，蝦肉爽口彈牙，十分惹味！台灣香腸，台灣香腸外皮脆卜卜，香腸食落甜甜地，跟附有的生蒜一齊食，口感更正！黃金鮮桔茶，每次黎都會飲，酸酸甜甜，而且帶有茶的澀味，十分開胃！冬瓜大紅袍，有冬瓜茶的甜味，亦有大紅袍茶的澀味，味道不錯！

一直好想去呢間湊湊火鍋！餐廳以台式火鍋為主打，今日就去咗家樂坊呢間！環境好闊落，空間感大，坐得好舒適！咁岩撞正佢地8月有台灣夜市主題，有得玩又有得食！🍭紅顏花膠雞鍋($198)通常一見到有花膠雞就會點😆 貪佢有膠原蛋白夠養顏滋補！湯底好濃郁，除咗花膠同雞，仲加入野米、鮑魚、花菇提鮮，熬制10 小時而成，花膠份量唔少！🍭美國特選牛肩胛🍭美國特選牛板鍵🍭鮑魚🍭企鵝丸兩款都幾好食不過牛板鍵牛味出啲好食啲！鮑魚大大粒嫩滑～ 最鍾意係企鵝丸！造型趣緻又好食，係墨魚漿整，好q彈可口！我地仲食咗啲台式小食如滷水牛肚同鹽酥雞～ 出面自助吧有任食水果、前菜、炸物、飯等等都幾好食！飲品就點咗熱嘅珍珠奶綠，珍珠口感軟糯，好飲！最後仲送咗菠蘿沙冰同埋梅子奶凍！✨夜市梗係唔少得有攤位遊戲，18:00後消費滿$500 就可以參加套圈圈遊戲次！大獎係$1200現金券！(p.s. 留意台灣夜市活動只限於家樂坊、銅鑼灣、將軍澳及上環南豐分店)✨晚上9:30 後入座仲有8折！

星期二晚上臨時搵火鍋食，見呢間7:30仲有得book位，其他好多餐廳呢個時段已爆，又見朋友食過話好食（其他分店），所以一試。七點半前到達，門口無人排隊，好快便安排入座，二人位空間感足夠，裝修都好有中國特色。揀左椰子雞湯底，送來後加熱好耐都唔滾，聞起來或飲起來都無椰子香味。Bar枱拿前菜醬料，辣椒粒被拿光，店員竟說不會再加，已用完（當時未到八點）我們點了海鮮及牛肉雙拼，及細蔬菜盤，擺盤賣相是幾好的，但食落才知出事，蝦不新鮮，有點霉肉，帶子沒鮮味。重點來了，牛肉很大塊，但無論煮的時間多短，牛肉口感都是超級硬，像柴皮，加上湯底沒味，要點很多醬料才勉強入得口，食到一半後牙骹已攰，放棄了。蔬菜盤都不大新鮮，金菇已有點黃，但大致上比海鮮牛肉盤好。好後悔來呢間食，二人食了差不多$1100，但食物質素比任食火鍋（尤其是牛肉）還要差得多，中了大伏，以後都不會再試湊湊任何分店了。回想最好味的食物是自助bar枱的西瓜及贈送的甜品梅子茶凍。