湊湊火鍋‧茶憩 (家樂坊)

Open Now

Now Closed

✨想念台灣嗎？有冇諗過一間火鍋店可以食到正宗嘅台式火鍋，台式小食，台式即叫即制嘅茶飲，最驚喜嘅就係可以玩到台灣夜市嘅遊戲，你話和友人一起黎［湊湊火鍋·茶憩］有個美好嘅相聚係咪好開心呢？今日我就一次過可以感受到，有得玩又有得食，氣氛重超級好，等我介紹一下有啲咩好玩，好食，好飲，引誘下大家先😎✨首先呢度環境裝修一流，好有台式風味，空間感大，座位寬躺，坐得超級舒服，一入座已經有貴妃烏龍茶比客人潤一潤喉，之後可以慢慢用QR code點餐，點餐後可以去醬料自助吧揀選你心愛的醬料，有成差不多三十多款配搭，更有幾款啱你口味😋🌈另外係全晚最期待嘅湊湊夜市主題活動由5/8～31/8 每晚六點開始有得玩夜市遊戲 「套圈圈」堂食每檯惠顧每滿$500 可獲得遊戲機會一次 （每次10環）$1000 就可以玩兩次如此類推（折後價計) 大獎是$1200 的現金券 ，仲有其他好多小獎品，就算冇獎品一樣玩得開心👩🏻👩🏻是日晚餐二人前▪️鴛鴦鍋🥘臺式麻辣鍋 $ 138選用雞骨同牛骨小火慢燉 6 小時高湯，再用不同種類的中草藥材濃縮熬制多 2 小時，總共用 8 小時烹調一鍋正宗嘅台式麻辣火鍋， 集結「麻辣醇辛甘香」六種風味，

本身成日經過其他分店都覺得門口黑黑地都唔係好想入去。今次上網睇咗圖先覺得可以一試就去左呢一間分店度食叫咗個黃魚蟹黃煲蟹黃🦀就分開上嘅打開見到咁靚，拎咗2個嚟撈飯蟹黃撈飯呢個就係個湯底，好夠魚味啲黃魚魚塊無骨，啖啖肉另外仲有嗌咗幾特色嘅墨魚滑企鵝仔🐧食落都幾okay仲有豬手個皮都彈牙另外有嗌烏雞卷同午餐肉烏雞卷切到好薄薄地同平時打邊爐食嘅雞肉質感唔同值得一試仲有叫咗杯大紅袍珍珠奶茶🧋茶味濃郁三個人食咗六百幾

今時今日香港都多左好多過江龍餐廳，有台灣嘢、日本嘢、韓國嘢、泰國嘢好多好多。當中台灣嘢有食火鍋嘅、食甜品嘅、食滷肉飯嘅、食蛋餅嘅，包羅萬有。今日就同朋友上網搵到呢間食火鍋嘅台灣過江龍餐廳。佢哋出名在於唔單單可以食到正宗嘅台式火鍋，仲可以一路飲台式飲品一路食火鍋👍認真貼心周到～雖然而家無得去台灣 , 唯有食住台灣野去填滿去台灣既慾望 HAHA🥰首先一入到去環境已經好唔錯, 淡淡暗暗既高級感 , 乾淨企理 , 勁多台式風格既醬醬料選擇🥰🥰我當然都唔執輸叫左杯充滿台灣特色嘅冬瓜大紅袍，飲到冬瓜清甜嘅味道同埋大紅袍帶微微甘苦，混合之後就完美平衡左個種紅茶嘅苦澀味道，又可以消消濟☕ 表面有濃密細膩嘅泡泡，幻想加埋芝士奶蓋一定更滿足🐷湯底就叫左兩個口味, 清清淡淡 , 但味道相當夠 , 健康得黎又養身 。整體都食得好舒服 , 下次可以帶屋企人黎試下 。

終於有機會比我大吃特吃 , 緊係要搵間好食環境舒適既火鍋店 , 識我既都知我對火鍋高要求 , 今日呢間絕對入到我心目中既火鍋最愛三甲名單 。 環境 正 !! 沉得黎帶高貴感 , 夠乾淨 , 火鍋埸乾淨好重要 , 食得舒服 , 氣氛都唔同。 配料選擇多台式特色食物 , 台式飲品 , 打卡影相一流 , 最緊要食物質素同選擇既湯底配唔配。 既然係黎食餐勁 , 緊係我發板。 首先叫咗一份毛肚$68雖然睇落簡簡單單唔需要事先調味但都幾考驗細心同埋仔細因為毛肚始終係內臟，屬於牛嘅瓣胃，所以都需要清潔得好乾淨，如果唔係就會食到腥味異味。但呢度都做得好好，放湯煮完後食到毛肚口感脆爽，口感似比較薄平嘅牛百葉🐮牛肉方面叫咗兩份美國特選級牛肩胛$118肉類雖然睇落係薄薄一片但其實攤開都幾大一塊，所以煮完都發覺唔係一開始肉眼底到咁少😝美國牛肩胛口感軟嫩有濃濃嘅牛香味道🐮，食完都忍唔住叫多左一份🤣另外叫咗一份伊比利亞黑豬肉$138豬肉鬆軟又唔會話太肥好難入口🐷成餐飯無人唔滿意XDXDXD

星期六6點零見到好多餐廳都開始多人，見到湊湊唔使等位就有得入，就入咗去食。今次係第三次食，但未食過呢間。一開始出去自助吧到攞醬料嘅時候，好多料都冇晒。要等服務員fill返。呢一間嘅滷肉飯係最好食。湯底方面揀咗椰子雞煲同埋花膠雞，每次食佢個花膠雞都會每日飲一碗花膠湯先，超級推介各位女士飲😚😚飲完湯之後店員都會即刻問你使唔使加湯，佢成日都會睇吓你啲湯飲晒未，驚你燶底😆佢啲嘢食份量唔多，我哋兩男兩女，都要嗌三碟後先夠食😂每碟得5-6塊，不過佢個底有菜，如果鍾意食娃娃菜嘅可以唔使特登嗌其他菜都夠食！

＊呢一站旺角＊👉👉👉午市👈👈👈😋Taiwan Style Noodle with Soy Sause 台式鹵三寶拌麵(6/10)＊牛肚牛筋牛腩份量多，平均每款有3件，三寶上色，但味道偏淡，唔太好到鹵水味道＊牛肚牛筋質感不錯，易咬開，但牛腩偏柴，太乾身，似食緊濕少少嘅牛肉乾＊拌麵太乾，上碗時完全無落醬汁，本身牛三寶又淡味，所以成碗本身都超超超淡味＊小食款式多1. 肉燥菠菜＋粟米：味道正常2. 海帶＋魚皮：爽口，味道有少少香辣味道，有香口3. 豆腐＋鴨血：超級入味，一咬開麻辣汁「爆」晒出黎👉p.s.我食過湊湊火鍋及飲品係不錯的，估計只係午市比較遜色👈

打邊爐係我至愛🤣🤣說去就去的火鍋🍲之前都有食過，湯底好多選擇，但係我地都係揀台式麻辣湯底，入面鴨血同豆腐可以無限添加！食物方面，選擇好多每款都想試，可惜無呢個能力💰🤣🤣個人最鍾意牛帕葉，好爽口，份量多鴨血同豆腐都好好味👍超入味，最重要可以免費添加😂企鵝丸好得意搞笑🤪味道正常～仲有經常買黎飲嘅大紅袍珍珠奶茶！$33呢到嘅奶茶係我最鍾意的，大紅袍茶底好突出，有別於其他茶飲店。堂食份量超大杯！

預約9:30打邊爐，一坐低叫左2人餐加其他單點及飲品，無耐有人黎同我地講9點後入座8折比二人餐抵，我地就轉左啦。點知上菜慢，上菜一直都唔齊又上錯，兩杯野飲一直遲遲未到，追問先知又話無落單又剩，有d野食落左單無晒又唔講聲，照打落單。到10:30杯野飲先到，仲要兩杯變一杯，都仲要比錯，唔係我地order個一款。一直想搵人幫手都搵唔到，湯底冇人加湯一早燶晒，最後竟然有個侍應行上嚟加水⋯ supposed係加湯的⋯ 自助吧又咩都無，好耐先refill。本來我地都係係位舉手搵侍應，去到後來真係頂唔順要行出去搵人幫手，前前後後都行左幾次。最後埋單經理無按優惠比八折，好彩自己有對單先追得番。成餐飯真係食得好唔愉快及順暢。侍應服務態度冇問題，但質素真係好差，尤其去到後半部份人都唔見埋，餐廳應該諗吓究竟是否員工培訓出現問題，定係餐廳優惠/菜單更新左而員工唔知呢

話說我平時都好鍾意食花膠，但都比較花功夫，所以通常都係出街先會食到。以前係喺去婚宴嘅時候或者過時過節去酒樓會有得食，但因為疫情關係都好耐無食啦。😭上網見到好多人推介呢間打邊爐店嘅花膠湯底，我地就叫咗雙拼：花膠雞鍋 加 台式麻辣鍋花膠雞鍋越煮越濃郁越煮越濃稠超級正🐔令你不禁想一淡一淡咁不嚟飲 配料都有好多選擇，最深刻係個伊比利亞黑豬肉🐷豬肉肉味濃而且肉質鬆化 就算煮耐啲都唔會話好老好乾好硬咁👌另外叫咗啲丸類同埋蔬菜嗰啲都好好味同個鍋底好配合！

不漏都好鍾意出街食打邊爐，雖饒都會有啲人話喺屋企食比出街食平得多，但我覺得感覺就係唔一樣😤今日就搵咗呢間喺旺角家樂坊地庫嘅“湊湊火鍋”。佢哋係自選湯底然後再自行加錢添加想食嘅配料，食物擺盤都係精緻又花心機嘅❣️第一次去當然要試最多人推薦嘅酸菜白肉鍋同自己私心想試嘅椰子雞鍋🍲酸菜白肉湯底還原度好高，飲得出酸菜獨有嘅酸酸咸咸嘅味道，重食到唔少酸菜係裡面；椰子雞湯就感覺養生，潤潤嘅感覺。肉類叫咗美國特選牛小排🐮油花中等油肉均勻，口感都好唔錯👍

先將將佢地最主打嘅湯底每款湯底都有好特別好吸睛嘅名：邂逅鍋：🦀蟹粉黃魚鍋🦀聚會鍋：🍄珍鮮菌菇鍋🍄治癒鍋：🌶️老四川風味麻辣鍋🌶️勵志鍋：🇹🇼台式麻辣鍋🇹🇼食妝鍋：🐔花膠雞鍋🐔回味鍋：🐟辛酸菜魚鍋🐟表白鍋：🍅番茄牛膝骨鍋🍅超級超級多款我就叫咗個🇹🇼台式麻辣鍋🇹🇼加🐔花膠雞鍋🐔同朋友分著食都分別叫咗啲伊比利亞黑豬肉美國特選級牛小排海鮮棒棒糖青蟹扇貝墨魚仔松版魚糕最得意係個海鮮棒棒糖用咗唔同嘅海鮮切碎再雪藏做成棒棒糖嘅形狀🍭 好適合我哋港女打卡📸我哋四個都覺得雖然價錢唔算係最平但都絕對有性價比 因為真係靚材料 靚環境而且嘢食又好味😋

湊湊火鍋原來係香港已經不經不覺開咗八間分店🙈 佢哋嘅餐牌改名都好得意，並唔係好似一般火鍋店或者餐廳一字排列將食材配料列哂出嚟，而係將食物跟種類合埋一齊，相當有心機🖊️首先講「揚之物」就即係揚物亦係炸物嘅意思。我哋點咗一份香酥排骨 - 就係炸嘅豬扒切成粒粒🐽 食到好酥脆有豬肉香味；一份黑虎虎蝦卷 - 見到餐牌有寫建議將佢落鍋涮煮，吸滿湯汁會更對味食到蝦膠嘅味道都幾鮮🦐；酥炸魚片 - 用嘅係黃魚嘅魚片，薄脆薄脆🐟。跟住都叫咗毛肚、美國特選級牛小排、包心貢丸，好飽足🥰

珍珠奶茶好大杯 聽聞係想主要俾啲叫咗麻辣火鍋湯底但覺得太辣嘅人解解辣🙈雖然我哋呢次唔係嗌其中一個招牌台式麻辣湯底但都好想飲佢哋嘅珍珠奶茶🤣 無衝突㗎嘛😗珍珠佔整杯珍珠奶茶嘅大約五分一 睇落未必好澎拜但因為個杯確實好高🤣珍珠係細細粒嗰種 好煙煙韌韌好嚼勁🧋奶茶底就飲得出茶味比奶味香濃突出野食叫咗竹笙、炸雞塊、包心豬骨湯貢丸、美國特選級牛肩胛同埋最緊要湯底：椰子雞鍋&酸菜白肉鍋🥬好欣賞佢地嘅湯底味道濃郁惹味得嚟又唔會令你覺得好死鹹要不斷飲水嗰種好辛苦👍🏻

我自己平時食打邊爐或者湯麵都好鐘意落包心丸類，因為表層會有湯底嘅味道而咬開粒丸之後又會有包心餡料嘅味道😝 講到包心丸類我嘅首選一定係包心芋泥貢丸 但因為呢度無所以就叫咗個同屬包心丸類嘅豬骨濃汁貢丸🍡 結構就係貢丸包著濃縮嘅豬骨濃汁湯底 一份四粒每粒都圓碌碌大大粒咁貢丸係一如既往煙煙韌韌嘅口感 入面豬骨味道的確好濃郁但又唔會話濃到好似一舊膏咁奇奇怪怪🤣另外都叫咗一碟美國牛肉 沙巴魚同蝦夷扇貝 牛肉好鮮甜 海鮮就好新鮮好好味🐮🐟

話說閉關喺屋企辦公咁耐今日終於同男朋友出嚟是我哋最最最最鐘意嘅台式火鍋🍲因為都幾肚餓所以就叫得豐富啲要咗個雙人套餐$698👩‍❤️‍💋‍👨首先鴛鴦鍋湯底可以係八款裡面揀兩款 我哋就叫咗一辣一唔辣：台式麻辣鍋+紅顏花膠雞鍋🥣肉類係伊比利亞黑豬肉同烏雞卷二選一 加美國特選級牛小排 我哋就叫咗伊比利亞黑豬肉🐔伊比利亞黑豬肉比平時食開嘅更有彈性同埋豬肉香味但又唔會過份油膩🐽推薦係企鵝丸同芝士魚腐二選一 因為我對造型食物唔太感興趣所以叫咗芝士魚腐🧀魚腐彈牙夾雜著香濃嘅芝士 芝士控必點✨海鮮叫咗鮑魚2隻蔬菜叫咗爽脆之選萵筍主食叫咗吸湯嘅冬粉🍜兩個人食完都真係超級飽🤣🤰