Cow Bean (TKO Gateway) (Closed)

晚上，去了坑口吃飯。這家餐廳以溫和的大地色作為主調，座位寬闊，窗外正對著街景和東港城，坐得舒服，不覺侷促。餐單的選擇多元化，除了牛扒、飯、漢堡包、還有烏冬等。值得一提還有一個沙律吧，限取一次。和友人一人點了一份牛扒，都是五成熟。⭐️紐西蘭肉眼扒200g $158配菜有沙律和薯條。牛扒已經預先切好，入口無渣，頗有肉香，不過稍微腥味重，如果七成熟更好。⭐️加拿大西冷牛扒200g$158 西冷扒煎得剛剛好，入口鮮嫩，肉味香濃。⭐️3D青蘋果$42⭐️紅蘋果蛋糕$42原顆蘋果，幾乎可以以假亂真呢！外皮是糯米皮，煙煙韌韌，裡面是乳酪蛋糕，還有蘋果蓉，層次分明，頗有新意。▫️環境舒適，可以跟朋友悠閒地聊天，實在不錯！

早排經過COW BEAN發現佢轉哂餐牌,個格局又唔同左,連野食都變得大眾化同年輕化左於是就同朋友試下見到佢門口個度有個大大既招牌推介呢個三色牛丼,個賣相好似都幾正咁就叫左一個裡面有紐西蘭特級肉眼扒、牛柳、加拿大肥牛每種牛既油脂及質感亦不一樣不過隻溫泉蛋一出到黎見佢爆開左,有啲失望但反正都係要黎撈勻啲飯,所以都OK飯沾滿左燒汁同蛋槳,口感豐富滑溜紐西蘭肉眼扒(200g )我同朋友都好鐘意鋸扒,點知一黎到見到扒已經早已切成粒狀頓時覺得失去了要動手鋸開牛扒既樂趣叫左三成熟,不過出到黎似乎熟到7成3D青蘋果甜品的確係用心之作,像真度幾高外皮係一層青色既朱古力糖衣，非常光滑令身入面竟然真係收埋一粒粒青蘋果肉同Mousse青蘋果帶微酸同爽口，Mousse較甜

好耐無行坑口勒，依度咁多商場，一個連一個，我其實唔係好識分同行🤣。行到咁上下，開始累，快d搵間餐廳坐低等老公。見到依間係 Pokka Cafe 開既新分點，個樣「四四正正」，試下佢先～佢個menu勁多牛既菜式揀，同個餐廳名好貼切，正當我睇緊食咩時，有個人靜雞雞坐左埋黎......老公到左勒～依度主打食牛，當然要試下佢d牛啦三色牛丼飯紐西蘭頂級肉眼牛扒、紐西蘭特級牛柳及加拿大進口肥牛，可以同一時間品嚐3種唔同既牛。我咁貪心，梗係點依個啦～黎勒，面頭係一條條既蘿蔔絲，下面原來係溫泉蛋，再下面係係滿滿既牛😁紐西蘭頂級肉眼牛扒：少少肥，5成熟，外面煎香左，橫切面仲見到中心紅，超香牛油味。紐西蘭特級牛柳：無牛扒咁肥，外面煎得香脆，仍見中心紅，以5成熟烹調方法，處理得非常好。而且仍然好香牛味，好林。及加拿大進口肥牛：薄薄一片，配日或姜汁好入味。日式溫泉蛋，蛋白同蛋黃汁都好流心，超滑👍🏻感覺依碗就好似日本既姜汁燒牛肉飯再加5成熟既牛柳同5成熟既牛排。鍾意牛既人，一定非常滿足！老公都係鍾情安格斯西冷牛扒，佢要5成熟。粒粒都外面脆，仲見中心紅，好嫩，一d都唔靭。好濃郁牛肉味，又juicy, 唔使點旁邊既

pokka 轉左呢個cow bean之後一路話想黎試下哈哈, 終於今日試到星期日都要等下位..大概20-25分鐘到就有位..有個2人餐...但野唔太岩我我想食牛嘛...咁就揀佢ge set lunch我地叫左一個盒子西冷 一個盒子肉眼等左一陣 野飲先到順帶一提由於個湯太奇怪我無加12蚊要到係什豆忌廉蒜蓉湯😂西冷肉眼一食d 沙律 d 醋又咸咸地酸酸地撥開d 睇就望到塊扒rest 唔夠出晒血水d 薯條😑吸晒d醋 血水...好食落塊扒 好乾🤦🏼‍♀️🤦🏻‍♀️無牛味塊肉眼仲硬過塊西冷 當然158蚊, 唔可以要求太多但係如果咁ge質素都要158...我覺得食飛鷹價錢平d 味道仲好d😰😰

身為坑口之友 之前 Pokka Cafe 我無食過, 因為被家人老友評為最失望嘅分店...見佢開番間 CowBean, 之前又見做團購, 好奇心底下, 忍唔住要黎食番次~ 坐位都 ok 嘅, 唔係迫嘅~同埋暫時見親都唔使等位, arm 曬想即刻有得食嘅我地~ 呀牛牛愛好者, 第一時間就話佢有心水, 等佢發板~哦~ 好囉, 你叫囉咁~ 見到 "西班牙軟雪糕咖啡", 我自己 ff 係似我平時飲開好飲嘅意大利 Affogato...黎到見到係凍嘅, oops, 係我誤會咗~唔緊要啦, 我地照開心仔咁飲~ 可惜, um...真係好一般, 雪糕太溶, 好快漏出杯外, 相係我一放上枱, 就插飲管影的~咖啡質量 so far so good, 但呢杯整體黎講 好難飲到 balance 嘅味道, 有攪佢 但大部份時間苦, 係埋尾時甜感正路~我地 2個都覺叫嘢食感覺會抵啲~ XD (記得好似四十幾蚊一杯)三色牛丼 $108我覺得拎開啲蘿蔔絲 睇得開心啲~不過佢就話蘿蔔絲好重要又好味, 因為牛肉份量都幾多下, 可以幫佢解膩 清清味蕾喎~三款牛肉都好夠份量~紐西蘭頂級肉眼扒 + 紐西蘭等級牛柳 + 加拿大肥

經常經過cow bean門口，都覺得門口宣傳的牛肉很吸引，終於有一天來這裏吃晚餐。紐西蘭肉眼扒，肉已切成小塊，非常方便，牛肉味濃郁，不會太韌，保留了口感，薯條也夠香脆。西班牙軟雪糕咖啡滿滿的軟雪糕，又滑又濃郁，咖啡香濃。三色牛丼飯，上有溫泉蛋，打散拌飯吃，飯粒變得滑，三種肉不同口感，非常滿足，上面的蘿白絲也很清爽，所以吃這麼多肉也不會覺得膩。紅蘋果蛋糕，造型還原了一個蘋果，非常可愛，切開後是白朱古力包著慕絲，還有玉桂蘋果，不會太甜，蘋果的酸性中和了甜味，非常加分。

坑口Pokka裝修後轉了新的模式餐廳名為Cow Bean甫進入餐廳，已聞到陣陣牛肉香。餐廳環境寬敞舒適，閒日晚飯時間，亦有不少客人。三色牛丼$108有紐西蘭特級肉眼扒、牛柳、加拿大肥牛每種牛肉的油脂及質感亦不一樣配上日式燒汁及溫泉玉子，口感更為豐富滑溜丼飯上有白蘿蔔絲及蔥粒，進一步增添口感，亦可去除油膩感烤牛扒-紐西蘭肉眼扒(200g )＄158牛肉是美麗的五成熟，充滿肉汁及香味配上薯條及芥辣極為開胃軟雪糕特飲黑牛$43西班牙咖啡入口香醇，苦澀味淡配上軟滑的雲呢拿雪糕，為夏日揭開序幕下次來，好想試試餐廳的甜品呢！

一入到依間Pokka Cafe其下嘅Cow Bean就覺得佢嘅裝潢都係同Pokka Cafe一樣夠曬格調。即刻睇下餐單，發現選擇都幾多下而我就擇咗紐西蘭肉眼扒，友人就擇咗三色極上牛丼。首先嚟嘅係兩杯嘢飲，分別係西班牙軟雪糕咖啡同埋黑牛。佢咖啡上面嘅係雪呢拿雪糕，雪糕嘅甜味啱啱好同咖啡嘅苦味中和咗，飲落都幾夾同埋幾smooth。而黑牛就係雪呢拿雪糕加可樂，飲落好有懷舊嘅感覺，係以前茶餐廳先會飲到，依舊一樣咁好味。之後就嚟到我地嘅主菜，就係三色極上牛丼同埋紐西蘭肉眼扒，夠曬豐富。三色極上牛丼一個丼飯就包含咗三款唔同嘅牛，有肉眼牛扒、牛柳同埋肥牛，絕對係一個丼飯多重享受。加上牛嘅份量都夠曬多，食曬啲飯都仲有好多牛淨，一啲都唔會慳皮。而喺丼飯嘅中間仲有一粒流心蛋可以同嚟撈落啲飯到，配搭埋入面嘅珍珠米，夠曬滿足。紐西蘭肉眼扒 一送到上嚟個擺盤好靚，有少少沙律菜同埋醋汁唔會太heavy幾開胃，牛扒已經事先切好一嚿嚿，每嚿大細都啱啱好一口可以食到，唔洗再嘥時間去切。肉眼扒煎得好香，煎得啱啱好仲有少少紅色，食落一啲都唔會韌，而且肉眼扒嘅肉味好夠，加埋佢配搭嘅汁，食落好惹味。薯條係幼身炸得夠曬香脆，食埋

Pokka 不知不覺轉了新形象, 感覺年輕了。先來一杯熱水, 漂亮雅致的花杯既熟悉亦窩心。當我正在掙扎要選紐西蘭肉眼扒(Rib Eye)還是加拿大的西冷扒(Sirloin)，侍應很貼心地告訴我兩者的分別。原來，肉眼扒取自肋脊部近胸位置，此部位較少運動，脂肪比較多，所以吃起來肥瘦肉融為一起，肉質柔軟鮮甜；而西冷扒則取自於背脊一帶最柔嫩的肉，帶有嫩筋，所以吃起來較有嚼勁，牛味亦較濃。至於紐西蘭牛與加拿大牛，兩地的空氣也清新、草也乾淨，所以分別不大，但有些嘴刁的人會認為紐西蘭牛在雪花分佈和口感上不及美加牛。聽完侍應專業的分析，我真是十分佩服，最後我點了紐西蘭肉眼扒，因為之前比較多食西冷，想試試兩者的分別。牛扒上枱的時候，看見是已經切好一粒粒的，鍾情据扒的食客可能會有點不習慣，因為習慣了自己据，直覺會比較新鮮熱辣。但原來這種做法是Cow Bean（Pokka)的新概念特色「Steak N Easy」，主要是方便客人可以輕鬆進食。我們選擇了六成熟，因為個人不太喜歡太生的牛肉，想不到肉質仍然可以保持鮮嫩，而且牛味比想像中更濃郁，再加上伴碟的沙律菜、薯條和輕量意粉，真係一個幾perfect的配搭！特

環境唔錯，地方闊敞，適合帶小朋友一齊去食。服務有禮又細心，牛肉多汁有口感，我叫左個7成熟紐西蘭肉眼扒，好好食，再黎個佢地好出名既3D蘋果慕絲蛋糕，個蛋糕唔甜好有層次。

呢間cow bean第一次入去係因為覺得幾得意然後發現佢係pokka cofe旗下，就即刻對佢有偏見 XD 。其實知道呢件事之後都食咗好幾次了，算係平價版嘅pokka cafe，應該中央廚房出貨，水平一直都keep到唔錯。但係價錢嚟講就唔算平，份量又唔算大，啲menu又古怪（走fusion路線？） 我一個女仔食都唔會飽，雖然講到好多缺點咁，但係又唔知點解成日想食 佢地menu成日轉，次次嚟都會點唔同嘅菜。暫時都未食過好伏嘅野點名讚佢嘅咖啡，好香濃

今次係第二次食完cow bean之後打食評，個人覺得質素都仲係keep得好好。前幾日紅日諗住帶埋屋企人去食，但見好多人又忙所以拖到琴日平日先食，而且平日冇咁多人服務好好。一入門口肥姐姐已經出左黎接我地入口，黎過一次佢都好似認得我黎過好好招呼。一入就坐左窗口位，環境幾好。之後叫左個新出嘅三色牛肉丼飯，肉眼扒，芝士薯條同有個粟米濃湯飲下。🍚🍖🧀🍟🥣丼飯每種肉口感都唔同，而且自己鍾意蔥，撈埋d牛一齊食都好正🤤肉眼牛扒就可能煎過左少少龍，熟左少少都接受到唔算太硬，仲有肉汁幾juice。本人都係一個芝士愛好者，預期係好多芝士汁淋滿個薯條面，不過實際唔係，可能我諗太多😂薯條岩岩炸起又熱又脆，加岩個薯條真係極邪惡。仲有杯凍咖啡真係好好飲，一開始咖啡味濃濃地，但慢慢俾冰溝淡左之後又係另一個層次嘅味道，真係唔識形容解議大家可以試下，個奶同糖水唔洗落太多，唔係就少左咖啡原本個味。整體食第質素唔錯，不過唔知係未幾日紅日員工太忙太辛苦，個個面色都有d憔悴，不過佢地都keep住笑容幾好服務態度，而肥姐姐又幾好傾，食住好野同佢傾下計又係一番樂趣。價錢可能就偏貴左少少不過之前申請左會員卡就有折，價錢中上，可能一兩個

假日中午係商場覓食，見呢間西餐廳新開，係外面睇餐牌好似六七十蚊價錢都ok，就入咗去試食啦。點知睇個set lunch餐牌，基本上全部都一百蚊以上，Kiwi同友人都呆咗，咁今日假日可能會貴啲，而且入咗嚟就算啦，試下。盒子美國安格斯西冷牛扒。百幾蚊嘅嘢食就裝咗係個紙盒度，有啲gimmick咁，但份量唔多，薯條唔算好熱，牛扒有啲韌，唔係好值呢個價。特色雜扒。有腸，羊扒，雞扒。影得再close都唔覺份量多。可能有羊扒嘅關係比較貴，食落都唔差嘅，啲肉都幾腍，又有啲豆類伴碟食下啱啱好夠飽。嘢食唔算太差，但有店員態度麻麻，而且又唔係平，我諗我唔會試第二次。

自從上次新年食完餐好Jeng嘅和牛之後真係好難唔再試所以今次又專登係西貢專登開車入去再食夜晚七點半左右去食門口都算幾多人 心諗會唔會全部人都係等食和牛呢好彩 皇天不負有心人 等左十幾分鐘左右就入得仲要 嗌到最後一份嘅和牛 今次叫左五樣野食Appetizer 叫左個三文魚沙律 酸酸甜甜 好開胃主菜方面點左三樣野有招牌菜M9和牛 一份盒子紐西蘭肉眼扒天婦羅炸蝦咖哩飯M9和牛真係唔洗再多講 入口啲牛肉味就已經出緊黎軟得黎但又唔會好乾 依然係咁juicy肉眼扒就稍為無咁完美 可能和牛真係太好食但係依然咁juicy仲要帶少少肥肉 咬落口好滿足咖哩飯就真係幾意外 一開始會以爲啲蝦會霉霉地 無咁新鮮果種 點知又另外一回事 咬落口好熱好辣口 啲蝦睇得出係新鮮嘅 至少啲肉食落口係彈牙先 咖哩唔會話辣味好重 反而甜甜地重頭戲黎啦 原本已經食到好飽 但係又突然間想食甜品wor睇睇下本menu見到有個“邪惡特濃朱古力Waffle"我就心諗 我身為一個朱古力控 無理由唔去試掛結果 淨係睇個樣已經值門票價 唔捨得食下面有一塊好大嘅Waffle做底 仲有朱古力冬甩 朱古力雪糕 朱古力醬 老實講 真係好滿足四個人加埋

放工後行過東港城，見到有一間新餐廳，出於新店都要一試既出奇心，menu都無睇就羅左飛好在二人位唔洗等好耐，十五分鐘到就有得入座要左一個set dinner，散叫一個沙律，一個薯條同一個意粉，野食好快都黎到，散叫沙律比想像中細，但菜幾新鮮main course牛扒，幾好食，但切碎上幾意想不到煙肉卡邦尼意粉芝士黑松露炸薯條最好食係呢個另一個驚喜係呢個coffee係冰滴咖啡跟餐甜品總結: 全部item賣相都一流，味道係一般以上，價錢就見仁見智，但我地太飽，無叫到出名既甜品，所以我一定會encore