Cow Bean (TKO Gateway) (Closed)

有日經過見到坑口呢一間餐廳好多人排隊，原來係Pokka Cafe旗下既餐廳，有鐵板牛扒、炒飯或者烏冬套餐，價錢都幾親民。所以搵日放工就黎試吓啦，夜晚七點半都有20幾人排緊隊，建議如果想食，最好早少少入座。我叫咗一份紐西蘭肉眼$135（300g)套餐加$29，仲包一個意粉、野菜沙律（另加$10配煙三文魚）、韓國柚子蜜。沙律菜新鮮爽甜，沙律汁酸酸甜甜,幾開胃。牛扒嚟到嘅時候係三至四成熟，可以因應個人喜好再加熱。建議首先將牛扒切開，睇一睇個生熟程度。如果生熟程度滿意，就可以放喺啲配菜上面，加上醬汁就食得啦。牛扒非常厚身，牛肉味濃，肉質有嚼勁。每一啖都好好食，呢一個價錢來講性價比甚高。鐵板豚肉炒烏冬$78另加薯條$12豚肉好香，讚岐烏冬配上香菇、椰菜、粟米等等仲有燒汁，有口感得來又幾惹味。有少少意見就係烏冬比較容易癡底，個鐵板可以唔使咁熱。薯條炸得香脆，又不會太燶，好滋味。侍應服務態度好好，會好細心咁解釋餐牌同埋食法，服務迅速，值得一讚。

唸住去食坑口pokka cafe, 原來已轉專食鐵板牛專門店cow bean pokka cafe, 都係有牛扒食，就入去試試。😎Menus 好精簡，最主要係食鐵板飯或烏冬、鐵板扒。扒餐可以加$29 ，加配三樣套餐組合!美國肉眼扒，厚身又大塊，濃郁牛肉味！上枱嗰陣時大概四五成熟，如果覺得太生，可以係鐵板上面再煎多陣。咁大塊，又夠香， ＄158價錢算幾抵食！😊套餐組合加$13 ，可以升級龍蝦湯。龍蝦湯味道都鮮甜，入邊加咗啲龍蝦肉粒。鐵板三文魚炒飯，上枱嗰陣時，待應會講清楚程序點去炒呢個飯。炒熟啲三文魚，加埋只醬汁同埋系統就搞掂！ 燒肉汁鹹鹹香香，同三文魚炒飯都幾夾。提子梳打，夠氣但偏甜。沙律用玻璃樽裝住入邊，已經加左香醋調味料，生菜都好新鮮。😊👍🏻

早幾⽇黎到坑⼝shopping，行經見到cow bean呢間野就走入去⾷埋野先！下午茶時段，估唔到⾷鐵板呀！不過都有好多選擇，唔同地⽅，唔同size，咁就⽅便d！⼤有⼤⾷ 細有細⾷叫左個鐵板三⽂⿂炒飯(秘製咖哩汁) 同 紐西蘭 ⾁眼(300g)原來 ⾁眼個set可以+$29 配埋主菜+沙律+飲品 我地share左 巴⾺⽕腿野菜沙律 跟 韓國梨果汁 因為好少⾒沙律菜好新鮮 仲有parma ham有鹹香好想再⾷多d野個⾁都好juicy配埋d洋蔥好惹味仲有跟薯條 勁快俾我地KO晒⾄於個鐵板三⽂⿂炒飯 好惹味 炒好晒配料 再落咖哩汁 加埋個溫泉蛋 好正正⼦ ⼜唔會太鹹 味道剛剛好

今日超遲食lunch同 同事講 仲有1小時就off情願收工 慢慢食好d估唔到 佢地附和我仲話近近地坑口cow bean鐵板 都唔錯好耐無食過鐵板呢樣野成個window都係鐵板menu不得了3 個女仔咩都可以講一餐而且靜靜地 唔會好多人大家都好feel free鐵板三文魚炒飯(咖哩汁)開頭以為係日式咖哩 原來都有d辣個waiter叫我地炒熟d材料，再落蛋最後加汁 味道ok 但有點 刺激美國特級牛小排(胡椒) 仲有沙律同野飲再跟主食呢個係 5 成熟 大家都覺得 牛小排好好味唔軔 好易咬 好有肉味配埋spaghetti 估唔到飲品有 韓國梨汁

很久沒有來Pokka 了、記得它的牛扒餐做得不錯、今晚落機直接跑來坑口Pokka 吃個豐富晚餐。記得以前曾經買過Pokka Cafe 的會員卡、覺得價錢偏貴、之後就再沒有去了。相反現在這間專門吃鐵板牛扒的Cow Bean by Pokka 的價錢比原先的Pokka Cafe 相宜多了。美國特級牛小排 $188 可任選三款白飯/意粉/薯菜、野菜沙律、蜆肉麵豉湯、飲品。轉了龍蝦湯、幾creamy 濃郁、不過有點鹹。薯條熱辣辣炸起夠香脆、牛小排七成熟、裡面還保留著肉汁、烤洋蔥、粟米同焗薯都好滋味～鐵板豚肉炒烏冬 $78鐵板上熱辣辣、燒汁烏冬好入味、加上燒洋蔥、爽口多汁的本菇、粟米、炒得好香、好味又抵食👍🏻另外鐵板餐加$26 就有1664 啤酒、好抵！

近日經過坑口cow bean發現多左好多人排隊，原來餐廳推出左新菜單，係好多香港人鍾意既鐵板餐，而且係平民價錢！難怪咁多人排隊。第一次食cow bean, 廳內裝修也不錯，坐位也挺舒適。菜單主打鐵板餐，主要有牛扒同鐵板炒飯/烏冬。點了美國肉眼扒，$158有300g, 係平民價錢。上菜時侍應叫我們先切開睇下生熟程度啱唔啱心水，若覺得太生可以切細件用鐵板再煎，最後才加汁。一切開大約六七成熟，個人認為再熟少少就perfect, 所以煎左一陣。塊鐵板真係好夠熱，正！味道方面都唔錯，牛味重，肉質鮮嫩，而且300g真係好大塊，食完塊肉已經夠飽。跟餐加$29仲有薯條、飲品同湯。薯條係我最愛既軟硬度。飲品點了熱韓國梨汁，原來熱飲係咁好飲架，仲有啲梨肉添！另外點了鐵板豚肉炒烏冬，一來到熱辣辣，要自己再加汁同炒多幾下，幾好玩丫。烏冬係高級既煙韌烏冬，而個汁甜甜地，幾好味，配上啤酒好夾呀。

第一來坑口食飯，經過Cow Bean被這裡的鐵板牛香吸引，決定來試試。才晚上六點多一點，餐廳已經坐滿客人，門口也排了十幾二十人在等位，看樣子餐廳口碑一定不錯，我們大可以放心試試。Cow Bean走大眾化路缐，餐廳內裝修並不豪華但勝在簡潔形格。餐廳主打鐵板牛扒，有來自澳洲、紐西蘭及美國的西冷扒和肉眼扒供客人選擇。因為朋友唔食牛肉，所以今日為佢揀選了鐵板臀肉炒烏冬。還配了一客龍蝦湯。鐵板烏冬很入味，燒汁惹味，豚肉油香滑溜。除了可以選擇牛扒來源地外，還可以選擇200g或300g的份量的牛扒，這樣就不會浪費食物。美國肉眼扒，300g, 牛扒味濃軟淋，鐵板上台，香氣四溢

Cow Bean晚市餐牌選擇不算多，主要是以牛扒和鐵板飯/烏冬為主。餐廳屬Pokka Cafe集團，但價錢親民，扒餐也只是百多元。人氣美國肉眼扒300g有份量，比臉還大切肉時已感到其肉質之軟腍墊底的粟米又甜又多汁。美中不足的是洋蔥切得長短不一。加$29就可以將扒餐升級為combo。原本套餐是蜆肉麵豉湯，但我再加$13升級至龍蝦湯。湯中有幾粒龍蝦肉，頗彈牙。韓國梨汁竟然有冷熱選擇，侍應送來時還真的燙手，要待會才能喝。鐵板櫻花蝦元貝炒飯可選咖喱汁或秘製燒肉汁。蔥花和温泉蛋是另上的，要趁熱與鐵板飯拌勻。元貝未算鮮味，但加上醬汁後味道也不錯。

第二次嚟呢度食上次食感覺已經一般今次見佢晏晝有8 90既鐵板牛餐諗住試多一次叫咗個澳洲西冷鐵板牛同一個豬肉炒烏冬呢個價錢來講我預期食物質素都會好少少點知嚟到牛扒好硬叫嗰陣佢冇問幾成熟烏冬食落亦都一般般 唯一好嘅就係侍應服務唔錯最搞笑係咁跟餐奶茶都冇得叫得咖啡...而上一次食 叫咗個二百幾蚊嘅晚市牛扒餐黎到得幾舊 其實嗰陣已經覺得夜晚5抵食質素又麻麻最後講返句 以後一定唔會再去食以上只係個人意見 唔排除佢平時會好好食

cow~cow牛牛來了，門外輪候食客衆多，食物的吸引及價錢，令人嘩然。~~~趕快地點了4份套餐紐西蘭西冷牛扒300g$118澳洲西冷牛扒300g$108及澳洲肉眼扒200g$88美國西冷牛扒300g$138只需要加$29，便可自選组合A-D，A:飯/意粉/薯條; B: 蜆肉麵豉湯; C: 沙律，可另外加$10三文魚或巴馬火腿; D: 飲品有汽水、忌亷溝鮮奶、柚子蜜等等。以個人經過試味之後，纽西蘭西冷牛扒是比較好味。至於成熟度，要靠自已的。原因是送上時只有4至5成熟，需要自行切塊後，再經鐵板上的熱烘烤，變成自已的所須度數。即時變了一級大廚呢!

Yesterday I went to Cow Bean ate my lunch,this is my first time to eat dinner in this shop.Their food are very delicious like Australia beef steak,it was very yummy and also I think their service were very nice too , when we order food they will very nice to ask us what you want to order,when they see our table doesn't have any water they asked 'Do you need any water?'Also when the steak come they were nice to tell us need to cut half and see the beef are already good or not . But the bad things

我們這一家都係牛魔王家族，不論大人定細路都勁中意食牛，平時會周圍去搵地方食牛， 而呢日我地就去左cow bean。睇完餐牌，我地點左個二人餐，盒仔安格斯，法國生蠔同埋芝士牛肉漢堡。二人餐總共有7樣野，沙律、餐湯、小食、主菜、飯麵、甜品及餐飲。沙律是可以到沙律吧一次，隨自己喜好裝滿一碟沙律，沙律吧食材新鮮，紅腰豆、鷹咀豆、茄子等等都好食。蟹柳栗米忌廉湯附餐包，餐包係普通貨色，湯味道可口但略為稀。小食、飯麵同主菜都係三選一，我地揀左串燒墨魚仔伴黑松露醬薯條，本格特式雜扒及黑松露炸雞意大利飯。墨魚仔爽口，薯條香脆，點黑松露醬都係不錯既配搭。雜扒有雞牛兩款同腸仔，配菜有紅腰豆、鷹咀豆同沙律菜，比起用青豆栗米等雜豆有誠意。雞扒嫩滑，牛扒則煮得熟左d。 好彩我地有另外叫一份五成熟既安格斯牛，雖上菜時已切粒，不過啖啖嫩口亦都保有肉汁，食得很滋味。黑松露炸雞意大利飯，炸雞脆但不油膩，意大利飯煮得好creamy，軟稔中帶點煙韌，試過有d餐廳一係太硬，一係就稔晒。生蠔尚算鮮美，不過不試也無差。跟餐甜品比較失色，只是普通啫喱，很甜。整體上食物用料唔差，味道亦中上，價位中等，值得一試。

今日滿心歡喜同屋企人黎cow bean食下午茶,諗住好耐冇黎，所以俾多次機會佢地，咁岩佢地又推出買野飲送下午茶，所以就黎試吓。我諗住叫個焗蜜糖多士，點知佢就話賣晒,依家只係下午四點鐘。唔緊要，咁我就叫個帶子忌廉意粉，佢就話呢個都冇，連番茄湯拉麵都冇喎⋯⋯跟住就改咗呢個牛肉烏冬，點知佢就話冇烏冬，真係好神奇。🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️😘🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️唯一可取嘅就係啲嘢飲都算ok d!🤪🤪

$19蚊一隻生蠔，好細隻，唔值呢個19蚊價錢紐西蘭牛扒：本身話200g，一上台已經唔覺得有200g，等左30分鐘到未到，上到台都係暖，唔熱雞翼拉面：雞翼浸於湯一段時間先上台，外面層粉已經浸到溶哂，好難食，拉面太淋服務一般，明明有位都叫你拎飛等，野食又遲上台唯獨可讚係個跟餐甜品：迷你芒果蛋糕好好食

這家餐廳經常吃，之前沒有會員都吃過好幾遍。說實說，價錢不是最相宜，但勝在性價比合理，所以最後還是買了會籍。環境：人不是太多，基本不用等位食物：主餐牌比較好，套餐的湯水準不一有時好有時一般吧，跟餐甜品不吃也罷，咖啡必點性價比：還好，與價錢相符點了沙律，不便宜，但食材新鮮，愛吃草的孩子可以一試這個有三款牛肉在內邊，138相當超值，蛋煮得剛好，牛小排是五成熟，非常不錯👍🏼是我在這的最愛 跟餐有湯跟前菜，水準非常高單點的咖啡，非常香醇，來這必點咖啡