一番風味 (Closed)

今日去左灣仔電腦商場買野，晚餐就同朋友係附近搞惦！中菜館主打蟹粥，我同朋友都好鐘意食海鮮，晚餐超岩口味。避風塘炒大蝦。蝦肉爽口彈牙，避風塘口味好惹味！炒得濃香乾身，蝦肉彈牙鮮甜！蒜蓉粉絲蒸蟶子。底下粉絲好正！吸收哂醬汁和蟶子的味道，蟶子唔會乾口，入口爽嫩仲鮮甜！蒜蓉炒菜心。叫個菜食下先！菜心超爽甜！蒜蓉味剛剛好唔好太清淡！主角出場！蟹粥！金黃色蟹粥好驚喜！蟹味好濃郁好鮮甜！粥底綿密，好似食左成隻蟹入口咁！粥底鮮甜度好高！

今日難得放早就同老公去灣仔附近商場行街行到夜晚大概七點鐘到，老公話好肚餓想食啲海鮮類嘅小炒，我就提議有一間喺灣仔英皇娛樂廣場附近嘅，之後我哋行過去等左5分鐘就有位坐低好好彩嗰日係星期三冇乜人唔使等太耐。一坐低店員就推介我哋食個蟹粥之後我哋另外點左豉椒炒聖子，仲有避風塘炒蝦先，講過蟹粥完隻蟹係喎粥入邊而且啖啖肉，仲有好多蟹膏真係可以清下腸胃而且味道調校得好好之後到豉椒炒聖子好大條而且味道很好送飯一流最後到避風塘炒蝦蝦本身都好大隻而且味道很重炒得好甘香真係值得一試個人推介一定要試蟹粥因為真係好抵食而且服務員態度都很好。

今日時日好好天氣，去左灣仔附近逛街，附近商場都好多野行行到夜晚黑，覺得有啲肚餓就想食啲小炒靈機一觸，知道附近有間食小炒好好味之後用咗5分鐘去行。好彩嗰日係平日唔算太多人，等左5分鐘就有得入去坐，入到去服務員介紹餐牌有咩食就推介我哋食蟹粥，之後我哋點左市招炒聖子，仲有避風塘炒蝦，先講蟹粥非常入味而且原隻蟹係喎粥入邊，一邊啖啖肉仲有蟹膏，非常入味之後避風塘炒蝦亦都係非常出色，好友鑊氣而且蝦好大隻吵得非常入味聖子非常大條送飯一流，而且服務員態度很好經常為我們添加水值得一試。

從不少朋友口中聽過灣仔一番風味餐廳，一直聽名字以為是日本餐廳，原來是專吃中式小炒的餐廳。一行幾個點了幾道菜，先上的是餐前的開胃少食。兩道都非常醒胃，加上了少少辣椒和醋，酸酸辣辣的🤪因為兩道都是蔬菜，吃多了都不覺得飽，大可以多吃接下來的海鮮！然後是軟殼蟹😋軟殼蟹我比較常在日式料理吃到，包括手卷。這麼完整，加上辣汁的煮法都是第一次品嘗。👍🏻很多羔，又大隻！第三道是不少的蒜蓉粉絲蒸蟶子，每條都很粗，啖啖肉，加上蒜蓉碎和蒜片和粉絲這些調味的材料，覺得很好吃！本來都怕很腥的，幸好都沒有！最後壓軸的當然是羔蟹粥，是一番風味的招牌菜！粥底充滿了蟹羔和蛋黃味，很濃郁，飲了一碗後已經飽飽地🤭不過一定要食埋隻蟹，是原隻上的！這個絕對是必點，還要趁飲呢！

今晚下班到附近灣仔食晚飯。好友説想吃蟹粥，所以我們就上網找一下有沒有好吃的蟹粥店。見到這間餐廳的comments也不錯，所以就來到試試。一入餐廳，會有種懷舊香港風情，也許因為有些以前香港的黑白照，幾有feel。菜譜有很多不同的選擇，也有很多不同的海鮮菜式。我特別喜歡吃海鮮，所以很開心。這裏的食物很新鮮，而烹調得好吃。下次會再來試試其他海鮮菜式。我們叫了以下的食物吃，感覺滿意滿足。招牌蟹粥（糕蟹）$388一熱啦啦，剛㷛起就上枱。真係又香又好吃。非常真材實料，好多蟹膏，蟹味濃，蟹肉結實鮮甜。粥是綿綿粥，而且入味，不會太水，食完會有飽肚的感覺。黃金蝦$118-炸漿脆鬆化，脆炸漿上又有金香的咸蛋黃味，蝦肉彈牙，而且很鮮。非常好味。蒜茸粉絲蒸扇貝$116-扇貝很新鮮，粉絲吸了蒜茸的香味和扇貝的鮮甜味加上特別調過的鼓油汁，真的相當美味。

今日同朋友嚟咗呢間餐廳食海鮮，我哋四個人就叫咗個晚市海鮮套餐，不過幾啱我哋食咁開始嘅時候就有啲開胃嘅小菜，分別係醋黃瓜同埋唔知咩菜🤣🤣不過係酸酸地幾開胃然後就分別有唔同嘅海鮮菜式，首先有避風塘炒蝦，不過蝦略嫌細隻，係幾惹味嘅。 然後有我幾鍾意嘅 軟殼蟹，雖然餐牌寫炒，但其實應該係炸，啖啖肉我鍾意。聖子係我第二個最愛， 夾埋蒜蓉簡直係係絕配，蒜蓉粉絲都好好食。而蟹粥就10分鮮甜，食完仲想encore。

午餐叫。焗朱扒飯。點知落左單 但原來廚房無煮。隔左半個鐘 未有野食。我唯有催伙計點解咁耐。伙計一陣靜雞雞放低 一碟水汪汪的 洋蔥朱扒飯。問伙計 點解唔係我叫嘅焗飯。伙計話 你碟飯焗窿左 ⋯⋯⋯⋯。我當時無語。等左半個鐘  俾碟 唔使煮的碟頭飯。舖頭改名。一番「窿」味。

第二次晚上來到一番風味食海鮮晚餐，好彩訂咗枱都仲有位，四個人點了四人海鮮晚餐。避風塘炒蝦🍤蒜蓉炒得超香口，海蝦大大隻， 每人分到三四隻，脫了蝦殻，鮮味十足！超開胃！蒜蓉粉絲蒸蟶子，一條條蟶子好像魷魚般煙’銀‘，蒜蓉粉絲又入味，配搭有口感。為了中和一下，點了一味惹味烤茄子🍆濃濃肉碎配醬汁鋪滿在原條茄子上面，雖然說是烤茄子，但是水份十足，肉醬很適合撈飯吃！欖豉龍躉球，魚肉份量不多，不過豆豉的味道很香，而且伴碟的木耳很香口！整體海鮮都不錯，環境適合和朋友聚會！

大約一年前黎食過一年後今日再黎水準果然保持到決定打編食評讚下拒餐廳主要食Fusion 既中菜、同埋海鮮今晚又係一班老朋友食飯一於食中菜圓枱可以傾下計啦😌Book 左7:30 pm 有d朋友要OT 決定叫住d野食 邊食邊等點知一叫就叫哂😂同員工講慢慢一樣一樣上就得架喇 姐姐都笑我地😆我就食過兩次，有朋友都食過但第一次食既人都讚，環境企理 乾淨野食新鮮除左有一個哥哥對拒講野要大聲d外😆其他都好好服務啊一次會再帶朋友黎試海鮮🐠🐟

突然很想食蟹粥，便上網找了找！看到這家用招牌蟹粥作賣點！便一心前來試試看！餐廳叫一番風味，只是看名字可能覺得是吃日本菜店內也很大，6時多已有大小檯客人。不過多數是遊客。日式鵝肝炒牛柳粒 $108名稱是日式，但菜式是中菜啦！色香味俱全份量比我想像中算大！牛柳粒很入味新鮮，但由於叫了蟹粥，所以沒有叫白飯一同享用鵝肝不會很多，但應該有經過少少煎炸，入口脆脆的蒜蓉粉絲蒸扇貝 $116 兩隻 （時令價）一人一隻，試檯已覺得很驚喜，因很久沒有吃過這樣大的扇貝！我覺得價錢還可以吧！有大量粉絲，醬汁不少！扇貝是大大隻，非常新鮮，沾了醬汁食用十分滋味招牌糕蟹粥 $388 （時令價）等了一會兒，主角便到了！就是這鍋蟹粥！跟平常吃的很不同！你可看到顏色是橙黃色的，平常吃是白色的！店員會先幫你剩兩碗粥出來，你可看到已有蟹糕在面。吃落啖啖蟹糕，蟹味也嘗算足夠，不會少了蟹的鮮味蟹蓋也完整在內，也有少量蟹糕由於吃完了蟹粥已非常滿足，下次再其他小菜

作為一個香港人, 一直都唔明, 點解廣東菜係世界既地位好似無西餐咁高。原因就係太少呢一類餐廳。個薑蔥炒蠔 真係次次去都想食 係就係價錢貴少少, 但係值! 差d一碟唔夠想要多碟。其他餸就average水準 都唔錯。過親黎灣仔會再黎!

呢排食得多西餐突然想食中式小炒好熱又唔想過返去九龍跟住近近地就搵到呢一間如果只睇舖頭名仲以為係食日本野去到原來係老香港情懷主題時移勢逆老店慢慢消失新開的舖頭又想延伸這個舊時代的事物是今非昔比的感覺還是由回憶裡的加乘去食出別有一番風味?!舖頭裡的裝修都是簡單的佈局地方寬敞食得小菜一定要夠鑊氣我地揀緊野食時隔離枱已傳黎陣陣香味睇完介紹緊係要食海鮮為主我地都唔執輸先要叫個必食金榜蟹煲因為製作需時所以再慢慢揀多個鮑魚和蒜香炒龍躉球蒜香炒龍躉球$148熱辣辣即叫即炒龍躉球比我想像中大件和肉厚非常鮮味西芹亦唔會炒得太老果皮蒸鮮飽 （$58一隻）一D 都唔韌用埋大量果皮一齊蒸除左鮑魚的鮮味仲有陳舊的果皮味你話點唔好食主角金榜蟹煲（少辣）跟法包 $348一大鍋加埋全隻大蟹分件上食落係有D 似喇沙唔會好辣少少帶甜加埋蟹味超級無敵好食係意料之外的好味本身跟法包都唔夠唔想浪費D汁所以叫左白飯不過食得呢蟹鍋就有少少犧牲就係儀態呢個時候緊係落手食啦咁大隻蟹可以用唔用手都一定練過筷子功舖頭好體貼深明練過功的人太少佢地洗手地方好方便仲有提供皂液(洗緊手, 又點會影到相俾大家睇)蟹羔頂住蟹蓋蟹鉗大大隻肉質結實新鮮生前

放工之後，我地就急急腳去左搵食，搵到呢間灣仔地道老字號，又係食海鮮,就入左去！一黎到d姐姐就推介哂我地食咩，我地問左係咪新鮮之後就叫左野食！首先黎到既係呢味避風塘炒蟹，斬唔知幾耐無食過呢一味菜。呢道菜最緊要係蟹夠新鮮，同埋蒜要炒得夠香，呢個菜兩方面都做到！之後，就到呢一味蒜蓉蒸粉絲，呢個菜只要夠新鮮就好正，唔好話我唔提你，最好食係粉絲！最後就係呢一道黃金蝦，即係咸蛋黃炸蝦，咸蛋黃炸梗係又香又好食，而且蝦係炸到就咁食都得，所以超級推介！

我同老婆都好耐冇黎食蟹粥喇，好掛住佢D香濃鮮甜既蟹粥，又可以過去玩具街行下睇下野。今晚來到店舖，他們的枱椅都有改動過，之前冇咁多大枱，而家地方令到很適合大夥兒用餐。【日式鵝肝沙牛柳粒】一來到非常之香，鵝肝炸過，裡面非常嫩滑，但又是新穎的吃法，我從未試過，牛柳粒很軟淋，餸飯是一流！【招牌蟹粥-糕蟹】蟹粥係用膏蟹煮的，所以會好快賣完。個蟹粥都算大煲兩個人食每人都有三大碗。一打開超香蟹味成煲粥燈黃色，每一啖都食到蟹膏，勁香濃。值得推介!!!【風沙鮑魚】我地到最後都會叫返個風沙鮑魚，因為太好食了，其實咩叫風沙??店員慢慢解釋比我地聽風沙即係避風塘炒法差唔多，仲帶少許微辣，今次鮑魚炒得真係岩岩好又不會過老鮮嫩得黎又夠爽口。

近來喜歡到灣仔的一番風味吃晚飯，他們的家常小菜火候十足，地方寬敞很適合大夥兒聚餐，餐廳主打海鮮尤其出色，種類繁多。我倆首先點了招牌蟹粥，用料豐富選料上乘，利用羔蟹鮮味烹調出綿綿香濃的粥味，推薦大家一定要吃，味道令人回味！然後有我最愛的黃金軟殼蟹，顧名思義就是用咸蛋黃來煮，煮法特別不會太咸，值得一試。我們還點了蒜茸粉絲蒸扇貝及蒜茸炒芥蘭，份量充足而且都十分好吃。總括來說餐廳食物質素不俗，價錢經濟實惠性價比高，定會再來！