一番風味 (Closed)

灣仔道係中學時代的地盤，見證了大大小小的店舖特別是一番風味這個位，以前店門口就係巴士站。但係唔個點解從來都無幫襯過。直到十多年後終於有機會啦一走入店內發現原來裡面空間頗大，平日時間竟然滿坐，真係有點驚訝因為只有2個人，所以點了3樣食物，怕浪費蒜蓉粉絲蒸蟶子，上枱熱辣辣，蟶子清理得好乾淨。粉絲底應該係預先調左味，整體係惹味韮菜炒咸肉，有驚喜，好有穫氣。咸肉係五花腩位，咸味不重，突出了咸鮮味，如果唔係叫左蟹粥，應該可以食2大碗飯蟹粥算係必點食物，幾乎每枱都擺放左一煲。蟹的體積比想像中大，相信是劃一的，因為睇到附近的都係一樣。蟹膏大部份都融入粥裡面，成煲都染成咸蛋黃色，加入蔥花已經足夠。粥底係稠稠的，同水蟹粥形成強烈對比，十分飽肚滿足ps. 如果係2個人去食，要考慮清楚叫唔叫蟹粥，因為份量真係頗多。

上上個月跟男朋友去澳門吃過蟹黃麵之後就愛上了蟹黃這個東西，當知道灣仔這裡有一家有名吃蟹黃粥的店，就迫不及待訂位跟男朋友來吃了，果不其然來到現場真的坐無虛席！菠蘿咕嚕球先來個酸酸甜甜的開胃咕嚕球，這個皮炸得剛剛好，不會有厚粉的感覺，差點在粥還沒來之前我就忍不住整盤吃完XD真的是胃口大開了！XO醬炒斑塊看起來份量沒有很多，但其實每一塊都很大塊，啖啖肉耶！而且微微的辣整個就很好配飯或粥。招牌蟹粥嘩！主角要出場了！真的望穿秋水的！看到這盤金黄色的蟹黃粥，雙眼都發光了！吃下去每一口都有濃濃的蟹黄味，比起澳門的水蟹粥要更好吃一點，整隻蟹很大，無論蟹黃還是蟹肉都很多很鮮甜，兩個人吃一盤超級飽的！！下次可以叫多一點朋友來一起吃！！

一番風味主打中式海鮮小菜一入店見到佢地既特色牌匾 甚有格調由於一行四人 所以我地選左晚市海鮮套餐 $988餐前小食共有兩款貢菜食落清香脆口 幾特別陳醋拍青瓜好開胃同消暑星洲辣汁炒軟殼蟹軟殼蟹炸得非常鬆脆可口 星洲辣汁辣度好輕微 略帶甜味而且份量十足 一共四大隻 一人一隻避風塘炒海蝦海蝦幾新鮮 食落肉質鮮美彈牙精華喺晒蝦殼之上 所以要啜多幾下微微帶辣非常惹味！蒜蓉粉絲蒸蟶子鮮味係夠的 不過蟶子有點過熟所以質感有點韌 粉絲吸左醬汁同海鮮既鮮味 幾爽滑欖豉蒸龍躉球龍躉魚肉份量好多 值回票價而且魚肉真係超嫩滑 又鮮甜加入欖豉風味十足終於到左重頭戲招牌羔蟹粥羔蟹蟹肉鮮甜無比！！果然係名不虛傳蟹羔非常多 幾乎每一啖都可以食到！而且粥底好綿 味道又甜又香蒜蓉炒時蔬 今次係時令嘅菜心品質非常新鮮 食落爽甜正好清下腸胃！

星期六喺灣仔做嘢，午飯時間想食個快飯，行過見到呢間一番風味門面貼左好多訪問同介紹，好啦，就入去試吓先。午市個餐牌睇落都好吸引，有好多特別菜式選擇。呢期鍾意食雞，叫咗個鹹香雞試吓。上菜時間都好快，雖然睇落唔算十分美觀，雞嘅數量都唔少。味道方面就一般，喺唔係好入味嘅情況下又無醬油薑蓉點，就有點兒那個。如果上菜前睇到雞毛，其實可唔可以處理一下先⋯⋯服務方面，應該怪人手太充裕，定係星期六午巿客人少？兩位樓面悶到縮咗入去走廊度襟手機，連埋單都要個客叫先睇到，雖然係好爽手，但感覺就唔係太好。聽聞晚巿就好出名，搵日有閒情逸致先考慮再試試。

掛足成日3號風球，"貝碧嘉"無阻我出街食飯嘅雅興， 因為好期待聽日掛8號😂。 叫咗幾款小菜 菜脯肉鬆煎蛋 $78我其實唔係好鍾意食菜脯呀! 覺得佢個味好奇怪，但係呢一個菜脯煎蛋出乎我意料之外， 菜脯嗰個鹹度配上蛋嘅淡味， 竟然覺得佢有啲香味，我食咗兩大件。 XO醬炒斑球 $188平時冇乜機會食到有咁多骨膠原嘅餸， 今日可以補一補啦!招牌膏蟹粥 $388唔理得咁多喇！邪惡我都要揀呀！ 嘩嘩嘩…… 只係半邊膏。啲蟹膏一啖一啖喺個口裏面， 不得了！甘香可口， 成煲粥都充滿咗蟹膏同埋佢嘅香味， 又點會唔好食吖?返到屋企先發現3號風球冇咗， 但我冇失望喎！因為個肚好滿足

下午到灣仔區工作，心血來潮很想吃粵菜，於是搜搜附近有沒有好吃的。見這家的蟹粥不錯就來試試看。 蟹粥的蟹黃蟹膏比濃厚， 粥的份量亦十分多， 並不只有稀粥水， 而是十分濃的稠的粥， 每一啖都有粥米！它不是有很重的海鮮味但有著濃郁的蟹膏味，整個粥底都染成橙色，而且材料很足，膏蟹比兩隻手掌還要大! 今次亦想吃海鮮所以點了黃金蝦， 十分美味同時咸蛋整成一小粒一小粒，能够吃出蛋黃， 蝦殼亦十分脆可以吃不用吐掉！菜也很夠鑊氣，不錯，可再來。雖然環境較擠逼要搭枱，但蟹粥的確令人驚喜！

去開灣仔呢一頭通常都係食越南粉泰國嘢又或者係西餐。一係就食一啲好多人先食到嘅中菜廳，價錢亦都唔平⋯⋯一起跳500-600😅剛好有朋友介紹話食呢一間餐廳，見佢門面乾淨簡約，以黑白為主，感覺幾舒服，所以都冇睇餐牌入咗去⋯⋯入到去先知原來係主打食海鮮🙈其實自己本身對海鮮有少少敏感，不過我冇諗到今次食完真係冇咩問題喎！可見得海鮮非常新鮮！因為得我同肥腩兩個，我又唔係食好多，所以只係點叫三樣嘢就收手啦！其中一樣野係我最鍾意食最鍾意食嘅蟶子。完全冇沙粒，非常爽口！粉絲同蒜蓉都配撘得啱啱好！不會太咸！正！食到一半，已經上咗蟹膏粥！真係好興奮！因為佢不停咁喺度滾😎仲見到好大個蟹蓋同埋成煲都係蟹糕！正！真係好值得回味同好好好好食！個粥係杰撻撻的，唔會越食越水！每一啖都有蟹膏嘅鮮甜味， 我舀起五碗，碗碗都熱辣辣，佢個煲真係好勁！不會吃到蟹殼和沙子，佢個鍋仲好保暖添！冬天一定番轉頭再食！雖然依家係夏天，但係冷氣好足夠，唔會話有個風位特別凍！特讚！蟹膏真係一籮籮，食到要打包！唔好講笑，裏面真係好多肉，雖然已幫你斬件，但每一件都有蟹肉食！真材實料！蟹肉仲係好鮮甜，唔係剩係煲到得番啖肉！其實食咗咁多野已經好飽，

今日同屋企人一共四個人去書展，書展人山人海，我地3點去排左好耐先入得。我地四個人既目的一致，就係要幫表妹買暑期功課啦！結果行左一日買左10本好慘呀！夜晚去左灣仔食飯，經過入左一番風味。我地見到海鮮套餐，即刻就叫左啦！我地都好鐘意食海鮮架！招牌羔蟹粥，蟹粥好足料超鮮甜，金黃色蟹羔煮成粥，鮮味極濃，粥底又綿密。避風塘炒蝦，蝦肉大大隻好爽甜，避風塘式煮法非常香口。蒜蓉粉絲蒸蟶子，蒜蓉極是香口，粉絲濕潤吸收哂蒜蓉香，蟶子無沙夠哂爽甜。欖豉龍躉球，魚肉爽嫩好彈牙，豉汁味濃夠滋味！星洲辣炒軟殼蟹，微辣醬汁香濃，軟殼蟹夠哂爽脆，唔會好油膩！最後仲有個炒菜！

朋友好鐘意食海鮮，今晚約左幾位朋友出黎聚舊，一齊食個海鮮餐。早早知道一番風味的蟹粥極有名氣，今晚帶同朋友再黎一試。四人有個海鮮套餐，諗都唔諗就叫左個套餐啦！先來最出名既招牌羔蟹粥，蟹糕好豐富好金黃，蟹味極濃極重，粥底好鮮甜好滋味！避風塘炒蝦岩哂朋友口味，香口乾身大蝦炒得咸香，蝦肉夠哂爽口彈牙！蒜蓉粉絲蒸蟶子，粉絲吸收哂醬汁香味，蒜蓉味又夠濃郁，蟶子大大隻入口無沙好爽嫩。欖豉龍躉球，魚肉大大件拆哂骨，豉汁味濃，魚肉入口唔會好霉，反而彈牙啖啖肉！星洲辣炒軟殼蟹，軟殼蟹夠脆口，味道微辣，好惹味呀！最後仲有個炒菜解解膩！朋友大讚好味道！

母親大人是蟹控，這次帶她來這裡吃蟹粥沒錯！兩個人吃得超滿足！😋😋👍🏻👍🏻先來點了一人一隻大元貝，帶子肉新鮮，粉絲爽口，舖上蒜蓉和蔥更帶出鮮味黃金蝦🦐大蝦沾上一層薄薄的粉漿，炸到金黃色，蝦肉肉質結實，新鮮，而精華就在於那粉漿裡混合的鹹蛋黃，四個字形容：油香鹹酥👏👏重頭戲來了！哇份量好多啊，裡面有成隻蟹，用蟹黃煮成，由於是潮州粥，所以米粒還保持原粒狀，沒有煮融。可以裝到每人三碗，份量絕對夠！好多肉！真材實料，蟹粥食到了蟹的鮮甜，真係好好味蟹蓋還有蟹膏呢！可惜爸爸今天唔得閒黎，下次一定出動全家呀哈哈

與家人相聚吃飯，想起早前吃過的一番風味很不錯，決定再訪。黃金蝦每枱必叫的黃金蝦沒有令人失望，鹹蛋黃包裹著肥美大蝦，大蝦隻隻肥美飽滿，外皮炸得香脆甘香，十分惹味，送飯一流！果然是每桌必點的菜式！蒜香炒龍躉爸爸最愛食龍躉，龍躉件頭很大，皮厚肉香，滿滿的份量，配上青綠西芹可以解膩。避風塘炒蟹滿滿的鋪著大肉蟹，蟹肉豐滿鲜甜，炸蒜炸得很香，味道融入蟹肉之中，單是炸蒜本身也可以吃上幾碗白飯，每次來都再三回味！

要食傳統嘅中菜相信好多人都會選擇位於灣仔嘅一番風味！一來地點就腳二來佢哋菜式永遠唔會令你失望👍🏻今次已經係第三次幫襯，人人嚟到都會食佢哋個招牌蟹粥，今日我除左招牌蟹粥外最想同大家介紹嘅就係蛋黃黃金蝦。佢哋嘅蛋黃黃金蝦做得非常香濃美味，一來有蛋黃既香二來保持住有蝦嘅鮮味同爽脆！除咗蝦之外我哋仲試咗蔥爆牛仔骨，佢地既蔥爆牛仔骨最特色之處就係唔係用碟上而係用瓦煲煮沸後即上，因此格外夠火候！完全迫出蔥同牛肉嘅香味。西芹炒斑塊，佢哋個斑塊肉質結實，而且夠新鮮夠鑊氣。師父無返咁上下功夫都唔會做得到！最好當然要試埋佢地個招牌蟹粥，為呢頓晚餐完美作結！

有留意開我食評嘅朋友都應該知道我鍾意食中菜多過西菜🤓尤其是一啲有地道風味同色彩嘅中式菜更加係我嘅首選🤤 而我今日就去咗位於灣仔嘅一番風味試吓佢哋個招牌蟹🦀粥，除咗招牌蟹粥我重特別試左佢哋嘅黃金蝦🦐、西芹炒班塊同埋洋蔥爆牛仔骨！ 首先講吓個黃金蝦鹹蛋黃味道非常濃郁，配上原隻剝殻嘅鮮蝦外香內裡爽脆十分好吃，喜歡吃濃味菜色嘅朋友一定要試，係我推介菜色！ 食完黃金蝦我哋仲食咗由瓦煲原煲上既洋蔥爆牛仔骨，由於牛仔骨係以瓦煲原煲炮製，因此味道濃郁而且十分之有鑊氣。 食完兩味濃郁味道嘅餸菜之後我哋特別揀咗一個有比較多蔬菜既菜式，就係西芹炒斑塊，食西芹炒斑塊最主要必須有兩樣條件就係西芹要夠爽脆，二就係斑塊必須肉質結實唔好太散，而一番風味呢個美西芹炒斑塊材料新鮮，完全可以達乎呢兩個條件。 而最後當然要講下佢個招牌蟹粥，呢一個佢哋嘅招牌名菜果然名不虛傳用原隻糕蟹炮製，成個粥蟹膏嘅香味同埋顏色，令你食過返尋味，呢味餸係除咗黃金蝦外另一個我最喜歡嘅菜式！ 如果大家下次嚟呢一度食飯記得要食呢一個招牌蟹粥呀！

今日又要去灣仔上堂，經過灣仔道見到呢間一番風味，門面睇落都好光鮮企理，於是就同老婆走入去幫襯下。準備點餸，看看四周，發覺很多食客都有叫膏蟹粥，於是我們就叫咗一鍋試下。另外叫咗薑汁芥蘭，同埋黃金蝦。先嚟膏蟹粥，成隻蟹上，絕不欺場。另外粥嘅顏色唔係白色，係橙色! 就知道蟹膏嘅成分有幾多。 先試一口粥，夠曬熱辣辣。另外蟹肉都好鮮甜。跟住就嚟黃金蝦，上碟時見到有蝦頭同蝦尾，以為中間啲肉要剝殼，但當咬落口時發覺原來蝦身嘅殼已經搣咗，食落啖啖肉。呢一方面真係超細心同加分! 食埋薑汁芥蘭，真係捧住個肚走。另外這裏服務都好好，值得一讚!

出發去會展之前，隨便在附近吃個午餐。海鮮湯斑粒泡飯十分大碗，份量十足。橙紅的湯有魚的清甜，又有蝦的鮮，味道不俗。吸了湯的飯太腍，旨在飽肚。連皮的斑粒有清清的魚鮮味，皮有膠質的黏。湯內還有大量新鮮的菇。雖然蝦仁下得多，但無味的雪藏蝦仁成了敗筆。梨山醬汁骨排骨炆得幾腍，跟泡飯一樣混了大量菇，夠健康。帶少少甜的汁都可以，幾開胃。白飯的乾硬度控制得宜，拌醬汁吃都不錯。方便、快捷又平平地吃個午餐，都算可以。