翡翠拉麵小籠包 (Closed)

原本想一家人10人去慶祝生日，因為人數眾多所以在出發前3小時打電話預約，以免去到座位不足，但打了30分鐘都不能接通。我的家人曾多次光顧尖沙嘴分店，認為尖沙嘴分店的食物、環境及氛圍是所有分店中最好的。於是我就打去其他分店詢問，是否有其他電話號碼可以聯絡尖沙嘴分店？但其他分店的店員卻表示所有分店都只有一個獨立電話，沒有其他方法可以聯絡其他分店。最後我只好打去其他餐廳預約，只用了大約1分鐘就已預約好。對於今次的情況，我和家人都表示十分遺憾與失望，希望翡翠拉麵小籠包尖沙嘴分店能改善。

今日去shopping，去海港城，近排去海港城攞到啲優惠券，滿$100可以減$50 ，好似幾好咁。見好多打工仔排緊，我又試吓先。叫咗個搞，阿細道理，有啲離譜喎。小籠包幾好食，果然係招牌菜。醉雞就網絡正常，但係冇雞味，亦都冇酒味。個炸醬麵，頂你一啲豬肉都冇，我都食定啦。最尾個牛展面，雖然有4塊不過冇味。 喺度食都好貴，冇優惠券唔會再理，有都未必幫襯呢一間，主要係個質素要改善，價錢其實都係其次。仲有+1囉好冇

平時都有食開，接近晚飯時間就順便食埋。手抓餅每次都會點，夠脆，好味雞絲粉皮比較fresh蘿蔔酥味道不錯，但今次炸得唔夠透上海粗炒唔知平時係咪都係甘，完全唔似係炒，好多水的感覺😂新品高力豆沙唔好食

不過不失叫左個口水雞同擔擔麵都係我一向去開crystal jade會叫既菜尖沙咀海港城分店今次第一次去覺得個口水雞同擔擔麵都唔同左味尖沙咀呢間，個人覺得比較起上黎無咁好食

之前就去過幾次青衣城嗰間，Crystal Jade La Mian Xiao Long Bao,今次就去海港城呢間試吓，今日安排試菜🤩😋其實佢嘅價錢係十分之經濟，但係佢嘅小籠包係用新鮮🐷豬肉，並唔係用雪藏豬肉，所以絕對都係用心出品，有時候食lunch唔知食啲咩佢確實係一個唔錯嘅選擇，價錢又抵食，佢而家仲有個app🙆🏼‍♀️，你download左之後可以用app排隊，咁唔使企喺度浪費左咁多時間❤️海景

午餐行過見無人排隊所以試一試，聽聞質素唔錯而且環境舒適醉雞，第一碟上菜時發現有條黑色既毛髮。即時同侍應講之後換番一碟新既換左碟新既。老實講，酒味都好夠，但有陣苦味，雞既肉質就正常唔系特別滑。上海粗炒，份量好夠，料都好足，但過份地油左小小，但都好幾好食京蔥炒牛肉，牛肉既份量都算多，唔硬身，大人細路都岩食聲稱必叫嘅小籠包，比預期中參差，唔夠多汁同埋皮比較厚櫻花蝦炒飯，聞落好香，飯質都唔錯，但唔太夠味價錢屬中上，三個大人500蚊左右埋單

今日媽咪話想食上海菜，上次食過呢間唔錯，於是就book位，諗住同媽咪試吓，點知大失所望😢😢😢😢今次叫咗個花雕醉雞 炒飯同埋小籠包🥟🍛首先，個花雕醉雞啲雞咬落去仲係紅卜卜，完全唔熟，酒味亦欠奉❎🍷反而炒飯比較理想，飯粒比較乾身，可惜味道偏淡🥴🥴🥴而且炒飯嘅料亦都唔算多😭而小籠包都麻麻哋，即使上台即刻食，但小籠包個皮都已經非常之比水蒸氣焗林左，變做一pat嘢咁🥺🥺🥺最尾叫咗個酒釀丸子，應該係成餐飯最好食嘅一樣野😂😂😂丸子有咬口，而且甜度適中👅

昨日同朋友來到這裡吃晚飯，明明以往翡翠都有一定的水準，現在大不如前。點餐服務很好的，唯獨食物質素真的一般。招牌擔擔麵的湯底很稀，份量亦過份小，連分成兩小碗想兩人享用都做不到。而且溫度亦不夠，是暖的，很快就涼了。另外吃的食物葱油撈麵，一點味道也沒有，食物來到的時候不像是之前吃過的味道，已經叫了待應換新的一碗，結果亦是一點油都沒有，很乾很難吃。感到失望。小籠包還不錯，不過所謂的上海拉麵店，麵條一點也不好吃的話，真的不值得一去。

今日突然好想食上海野，咁就即慶約班friend，睇吓佢地得唔得閒出黎食啦，佢地又咁岩冇約人，咁就一於搞個即興上海美食團啦。我地有D friend冇放得咁早，所以我地去到都很晏了，不過唔緊要，冇損我地心情😁。我地去到已經可以即刻入坐了😄，今日我地大家都消耗左好多能量😥，一定要食返多D野，吓，話時話，個度D環境都幾舒服，我地一開始叫左個上海小龍包先，佢地個小龍包真係肉汁鮮味，好多汁，好真呀。跟住黎一個水煮牛肉，D牛肉鮮嫩，美味，又唔會話好辣，真係好正呀。再黎一個嫩雞煨麵，個湯底好清甜，D麵又好好味，今餐真係好滿足，冇揀錯😎。

又見到匯豐喺翡翠拉麵有promotion 忍唔住又捉咗老公去食 因為佢好鍾意食呢度嘅小籠包先介紹下個Menu先 匯豐信用卡持卡人嘅最紅優惠係二人套餐低至七折 可以揀一個前菜一個點心兩個小菜同埋一個主食 另外加多兩杯嘢飲添首先上嘅係五香牛肉拉麵 以前落通常都會問要唔要剪面 依家全部清一色都會幫我地剪面 問都懶得問 個面我覺得清左少少 冇咩味 所以要加辣椒醬落去食 跟住上嘅係糖醋雞球 酸酸甜甜好開胃 其他地方好多時啲配菜都係三色椒同埋菠蘿 呢度少有地有蕃茄 而且唔會煮到爛晒 咬落都好有口感 雞頭外脆內軟而且好多汁一啲都唔乾 食咗一舊忍唔住好快就要食第二舊鎮江排骨煮得好淋 我估冇牙都食到 味道方面同個雞球都係酸酸地 個人就鍾意雞球多啲跟住有瑤柱賽螃蟹 我食落好滑唔知係咪加咗好多牛奶 瑤柱嘅比例都唔少最後到我老公最愛嘅小籠包 粒粒都好飽滿 夾嘅時候要小心啲 因為好容易會穿 果啖湯超濃超好味 仲要皮薄餡靚 真係無得輸最後埋單連正價加一 $400有找

同朋友聚餐想食上海菜 就想試下尖咀嘅分店8點45分入座唔洗等位 環境清靜又乾淨好快就點咗必食嘅 1.上海小籠包 ($40/4隻)皮夠晒薄 肉餡大大舊 超爆汁2.蔥油乾撈拉麵($54)翡翠必點嘅蔥油撈麵 唔油膩又超香又爽口 完全會食上癮3. 四川擔擔麵 ($62)本人唔太食得起辣 又唔記得叫走辣 但侍應好貼心問需唔需要剪麵 方便分食 好貼心 略嫌花生醬唔夠多4. 鮮肉鍋貼 ($45/4隻)除咗蒸小籠包 就要口痕食埋煎鍋貼超級香口 但皮是厚的 肉汁也是有的 餡也是大大舊5. 最後要介紹前菜小食: 涼拌海蜇 ($78)份量都叫多 超級有咬左好爽皮 每一條都咁晶瑩剔透

因為知道匯豐卡有優惠，所以就過泥食下上海菜。尖沙咀店真係好多大陸客，基本上店內7成以上都係遊客。。。我地點左呢個套餐加多份小籠包小籠包：皮吾靚，一夾個底就穿，汁都流走哂。仲有小籠包上面個摺位好似吾熟甘，好硬又粉好差☹️上湯菜肉雲吞：一份有6粒，呢個就嫌吾夠熱只係暖。但個味道幾好食，雲吞又夠大粒，上湯都好飲既。鎮江排骨：份量都好多，排骨好入味好食。好大舊肉，食幾舊肉都覺得飽啦。黃金魚塊：其實係咸蛋黃醬炸魚，好好食。炸魚係即炸咖，所以脆卜卜夠哂熱。外面拌匀蛋黃醬真係好正，一碟6件，忍吾住食哂京蔥爆牛肉：份量好大碟，炒得好香又夠味。牛肉算嫩滑，京蔥都吾辣好食。不過因為太夠味，就甘食得多幾舊就覺得好咸木須肉炒麵：我仲以為呢個肉係好特別，原來一樣係普通既豬肉炒麵我覺得似豉油皇炒麵🤣所以呢個無乜驚喜。。。檸檬薏米水同桂圓杞子雪梨茶：飲品真係普通。。。味道甜甜地，只係因為套餐已包括，否則吾要也罷。。。呢度環境如果坐邊既卡位係可以望到海港景色好靚。其他位就較迫，環境亦超嘈。員工就無乜服務咖啦，因為真係見到佢地好忙。

1） 入到去， 成張「鄧」都係飯粒，菜碎🤢 少少水滴定吾知係汁⋯⋯⋯ 真係好嘔心2） 叫左花雕醉雞，紅油炒手，小籠包⋯⋯⋯⋯雞嘅酒精濃度應該有70%以上， 得酒味但好淡，雞好淋好難食⋯⋯ 其次係紅油炒手，爛雲吞一堆， 不予置評！ 最黎個頭籠包算正常！ 一定！ 一定吾會再黎三樣野食⋯⋯⋯⋯ 埋單$220！ 吾知食左咩⋯⋯⋯⋯ 痴線的嗎？ 點解會仲開到門⋯⋯⋯⋯ 服務態度又差⋯⋯⋯⋯ 又等位⋯⋯⋯ 加上黃金周出黎 真係中晒伏啊！ 認真睇到呢篇野嘅人 信我！ 吾好去

原本諗住去3樓另一間餐廳食飯，唔知係咪因為星期五大排長龍，唯有係水牌搵第二間。當時已經開始肚餓，見到呢間餐廳個名有小籠包，就選擇食佢。攞左2人飛，只係等3張枱，5分鐘就入到去。入左去，佢至話係搭枱，諗左幾秒，肚餓當然照去。原來係1間vip房分3枱客，好在有靚海景，打和啦。坐定開始睇餐牌，有晚市套餐，118大元有小籠包，主菜，白飯，豆漿。同散叫比較下，京蔥牛肉嘅性價比最高，就選擇呢個主菜。原本諗住叫担担面，但係黎到張單竟然係無左，即刻轉左上海排骨面。上菜時，等旁邊客人上完，先開始有野黎。先黎小籠包，食得出係誠意之作，應該係全晚最好味。跟住黎京蔥牛肉，一食落口覺得係乾炒牛河嘅汁，冇左京蔥嘅味道，整體係好食，只係少左d特色。最後黎上海排骨面，面份量唔多，女仔一個人都食得晒，排骨外皮係脆嘅，有驚喜，成個面都係比較清淡。最後食晒野，收晒碟，都仲有主動幫我地加茶，服務加分

平時都有食開，今日就黎到海港城分店。叫左上海粗炒、涼拌海蜇同埋上海排骨拉麵。上海粗炒落單後唔洗4分鐘就到，已經心知不妙，一食落去唔熱，暖既，一食就知係翻叮貨，超級失望。聽到隔離桌落單，待應仲話上海粗炒需時較耐，真係唔知係佢講笑定我唔樂彩。海蜇，口感不爽脆，冇味。上海排骨拉麵係最正常，但大x樂排骨菜飯既排骨仲樂食過佢。總結今餐係樂失望，之前食其他分店都質素不錯，海港城分店應該係眾多分店中最難食又求其既一間。