晶荷軒

Open Now

Now Closed

迪士尼酒店既幾間餐廳一向有水準，今個夏天，迪士尼就邀請咗米芝蓮一星主廚陳國強和 Chef Ricky 張錦祥，推出期間限定既「星級客廚煮理」。一向都仲意嘆靚中菜既我，第一間介紹既係晶荷軒1. 麻辣鮮鮑魚⭐️⭐️⭐️⭐️鮑魚超新鮮和爽和，辣辣地唔會太辣，好好食和幾惹味😆2. 脆香花膠煎帶子⭐️⭐️⭐️好彈牙，配合酸酸甜甜既醬汁幾好食，不過兩碟前菜來講，個人仲意麻辣鮮鮑魚多d3. 松露菌皇龍蝦球 ⭐️⭐️⭐️⭐️⭐️呢個係得獎名菜，龍蝦好鮮甜，配上黑松露、羊肚菌和白菌等高貴食材，實在好正😋😋😋4. 藍莓牡丹酥⭐️⭐️⭐️⭐️碟上有迪士尼城堡既彩繪，真係好靚，個酥都好鬆化好食😍😍🍽 環境 ⭐️⭐️⭐️⭐️🤵🏻‍♀️ 服務 ⭐️⭐️⭐️⭐️⭐️💵 CP值⭐️⭐️⭐️⭐️🤓 Overall ⭐️⭐️⭐️⭐️⭐️😇 回頭度⭐️⭐️⭐️⭐

嗰日staycation 嚟玩整點心，包埋食午餐～米奇鴛鴦糕：佢係一面芋頭糕，一面蘿蔔糕～賣相就幾靚幾有特色，煎得幾金黄色，不過食落就粉咗啲鹹咗啲，都唔差嘅青檸珍珠元貝沙律：青檸珍珠勁酸！元貝好薄同埋有少少雪味，呢個真係好難食，我食咗一啖冇食lu…蠔汁叉燒豬仔包+醫神海鮮雞肉包：賣相可愛，味道幾好！海鮮豆腐羹：味道正常，普通酒樓嘅湯羹味～欖醬靈芝菇炒牛小排：啲牛太生…生到咬唔開，同埋調味太重，好鹹…上湯鳳尾蝦燴伊麵；伊麵略為稔咗啲，但味道都唔錯嘅，正常酒樓伊麵味～唐老鴨綠豆蓉包拼陳皮紅豆沙湯圓：唐老鴨包賣相好靚好得意！味道都幾好！紅豆沙冇陳皮味，太稀太甜，似飲糖水多啲，湯圓係芝麻湯圓，皮夠薄，幾好，不過芝麻略為甜咗啲～總括嚟講我覺得食物麻麻，比較好食嘅係啲包點～

今日有人生日，所以到迪士尼酒店嘅中餐廳食飯。好驚喜嘅係主題式嘅中餐廳都有咁高質素嘅食物，而價錢相對下又唔算太貴，有免費泊車，有好服務，相當唔錯！又冧又滑的叉燒，仲有蜂巢可以食，所以encore咗！口水雞有好濃嘅花生味，適中的辣度，雞件都嫩滑！👑蘿蔔牛小排賣相一般，不過好驚喜！牛小排超級冧，又牛味重，有少少辣，相當出色！百合津白，仲有啲好爽好爽的橙色菇，奶油味重！迪士尼小炒皇的確係份量「小」，全部配料都有用模印米奇老鼠嘅頭和手掌，不過蝦都爽，炒得ok,個殼唔太脆蝦沙律🥗個汁比較酸，幾開胃。蝦多士，味道可以😌藜麥准山蝦浸菠菜👑呢個好味，出色之選

又到左迪士尼之旅嘅時間啦，除咗玩同嘆之外，連埋樂園裏面都有數之不盡嘅餐廳，國際美食包羅萬有，美食質素有好有壞，價錢都真係幾有驚喜，但預咗入嚟玩就一定要破費啦，今日第一餐就係來自香港迪士尼酒店裏面嘅晶荷軒，顧名思義餐廳設計為荷花，無論大至燈飾小至枱櫈都係混入左荷花同木嘅元素，好有中式嘅格調，餸菜方面都係中菜為主，嚟到呢度梗係要試啲特別嘅餸菜啦😆😆今次我哋試嘅呢一份就係”迪士尼特色點心午餐”，呢個二人嘅lunch set睇落去菜式比較少，但食落嘅份量又真係夠飽喎😍😍🦀彩棠蟹肉豆腐羹:呢個豆腐羹好清甜，佢嘅蟹肉超多，影落去一絲絲嘅都係蟹肉嚟，絕對唔孤寒，所以先可以餚出咁鮮甜嘅羹，豆腐切成細粒，又夠嫩滑，再加上玉子點綴，熱辣辣呈上，好味🤭🤭🥗柚子鮮元貝沙律:其實佢每度餸都會分開兩細碟，本身睇落去都覺得份量有啲少，其實每樣食食吓會夠飽，呢個沙律佢足足有三隻元貝，沙律菜都係特別嘅配搭，例如紅椒，青瓜，芽菜等，佢同一般西式沙律唔同，但食落質感都唔錯，亦都唔會有臭青味，配上千島醬超開胃，元貝都新鮮，隻隻都大粒，食落都有鮮味😋😋🍞迪士尼特色點心包括有，蠔汁叉燒豬仔包，綠色小人菜肉包同埋米奇煎薄餅，呢幾款

襯週末兩日連假入迪士尼度假酒店staycation, 咁啱個package又無包到lunch set, 正好可以去晶荷軒試下佢地出名嘅Disney特色點心！之前睇YouTube/食評都見有不少造型“走樣”，慶幸今次嘅各個角色造型正常，令我地放下心頭大石。不過Disney特色點心只限週末及公眾假期午餐時段，訂位後會有email詢問想預訂什麼款式特色點心，上菜速度都幾快，而且服務態度非常好，見我同同伴不停打卡，不但主動提出幫我地影相，仲會較好角度，非常專業！裝潢設計融合中西設計，但畢竟開業都有幾年，自然比坊間新派中菜廳顯得老舊，但打住迪士尼酒店旗號，尚算可以。老實說，味道還好，算係不過不失，今次主要都是衝著特色點心而去，對迪士尼迷來說，打卡一流。

第一次嚟迪士尼酒店食嘢，今次試佢既中餐，出乎意料地好食。叫咗個兩個一人套餐同兩個兒童餐，佢啲料非常足，最印象深刻一定係佢碗花膠湯羹，非常足料。蝦、牛柳粒不過不失，海參、鮑魚味道唔錯，幾入味，雪梨陳皮甜品我就唔太識欣賞。兒童餐，小朋友見到米奇樣炒飯都算開心。

總結先放在開頭:打卡可以黎，帶小朋友可以黎，如果單純為咗食好野就不必了當日為咗轉下心情，黎迪士尼食下特色點心，特色點心需要提前預約，我地點左大部分:同家鄉煎薄餅一隻味道，係用模具壓出黎，比較厚，都算點心入面比較好食既，鹹鹹香香，但上檯五夠熱辣。其實本身上食評網見到d相，都覺得外形五係好美觀但實物睇落係ok既，兩款包都係甜餡，不過不失。豆沙包，又係不過不失的味道，打卡專用。呢個菜肉包就真係有d失望，首先個包本身就細，然後入面個餡仲少，小籠包既餡都多過佢，好無存在感，可以五點叉燒包，不如酒樓普通叉燒包天鵝酥反而係成餐點心最好食既，夠香酥熱辣最後全餐最伏，三色凍糕，個樣已經模糊唔夠靚，仲要食落又無奶香味，三隻好似差唔多味，但實在食唔出咩味，隔離個士多啤梨仲好食d我記得三色凍糕都幾貴下，千祈唔好嗌好彩事先都係為咗打卡先黎，係無失望既，符合期望，不過成餐都五平既，話曬喺迪士尼入面，大家可以參考下再決定

疫情之下 迪士尼酒店也要減價促銷 仙杜瑞拉套房一晚包早午晚3餐 2大2小入住只收6281 午飯在晶荷軒 全包兩份荷花悠閒午餐 因早餐是自助餐 很豐富 大家仍未肚餓 小朋友只要求可愛做型點心 - Duffy和大白 一鹹一甜的包 外型神似 是兒童恩物呢2份午餐是位上 前菜是海蜇蝦沙律 甜甜酸酸的醬汁 大大只的蝦和菜都很新鮮8款點心中可任選三款各一件 我們要了帶子鳳眼餃 味道好 黑松露上素水晶球 餡料很清爽 荔蓉天鵝酥 入口鬆化芝士南瓜角 有點失望 外形普通 吃下去像鹹水角 芝士南瓜味都不突出老火湯沒有湯料 只是純湯水 我感覺是響螺湯 火候足 沒有味精黑松露醬炒牛小排 牛肉嫩滑 配菜也很好味榆耳百合魚湯浸娃娃菜 清清淡淡也不錯甜品是香芒豆花涼粉 妹妹話唔甜 有少少苦 應該是涼粉的味道 她不習慣我們共4人 因為2份午餐是免費 最後賬單包括2位茶錢和2份點心包 我是白金卡會員 有75折 只收了207元呢

三月疫情未退，沒有遊客去香港廸士尼樂園玩，非常慘淡，要香港人自己吃住撐！今天book咗晶荷軒食中午，無試過這間餐廳，二人一枱，非常舒服，坐低職員開始不停為你服務，實在眼明手快，當你食完一款就好快出現收碟，保持清潔。套餐不用分，兩公婆都是一人一份，唔錯，一邊食飯，一邊望住樂園的公園，好Chill...全程慢慢食，用咗兩小時，加上靜靜地，好難得的體驗！帶子沙律好新鮮，點心有可愛，三眼仔好樣衰，蟹肉豆腐羹，小炒，炸雞，好好味，還有最愛吃鮑魚飯，超香的鮑汁，最後仲有甜品，大滿足上網訂了套戲，食完拍拍籮柚就走人，爽!

來吃午餐之前一晚已在探索家酒店吃過中菜覺得很不錯吃 所以對這邊期待很大🥲首先，餐具和裝修都好靚 坐近窗邊位置的話，風景更chill🥰不過已full所以就坐梳化位蒸的點心還可以，味道正常沒有特別但其他例如腸粉真的很差😌上台時已冷冰冰豉油又太淡味（本人食野已經偏淡🤣）2款卡通包就更普通(只是照片太可愛必須點，但來到時原來賣相差點🥲🥲🥲）感覺下次不會特登再來，中菜的話還是探索家酒店那邊的好很多，但如果未吃過的人來一次試一下也無妨🤪環境還是很值得到訪的

雖然啲野麻麻地，香港難食中餐排行榜點都會有佢一席之位，但係staff態度非常好，見我地拎住公仔黎影相，仲主動送公仔用既紙口水肩🧸.黑松露小籠包 $98晶荷軒炒飯 $288小籠包預左唔會好正宗，但係呢兩樣菜已經係成餐飯最好食🤣.米奇煎薄餅 $88芝士南瓜酥好油。芝士南瓜酥冇芝士味，南瓜亦中和唔到油膩感，有啲食唔落。.迪士尼Duffy紅豆蓉包拼雙色凍糕晶荷軒甜點精選 $188紅豆蓉包好普通，遜色過平時街外茶樓，外表內裡都好麻麻地。其他甜品太甜、太油膩，最鍾意食甜品既我都真係食唔落。

新年前就同屋企人去左迪士尼staycation，順便去埋晶荷軒食團年飯~ 餐廳有多款可愛造型嘅迪士尼角色點心，睇得又食得。晶荷軒以荷花為主題，裝潢雅致，座位闊落，服務好唔錯呢~ 男女老幼 一家大細 都咁岩~▪️唐老鴨綠豆蓉包、黛絲鴨崧子紅豆蓉包 $88完全係為咗佢個qq樣而嗌！兩款豆蓉都好smooth，甜度適中，正常發揮~▪️Baymax Bun $88/兩件醫神海鮮雞肉包 口感鬆軟。餡料就真係少左啲，但勝在有彈牙蝦肉，好重胡椒味呢~▪️Duffy & ShellieMay甜包 $88甜包幾有咬口，一款係班蘭味，一款係紅豆味。兩款蓮蓉都好香滑，甜度唔會太高，班蘭味毫不人工~▪️水晶點心精選 $208 墨魚籽帆立貝燒賣、黑松露上素水晶球、帶子鳳眼餃、芝士雞粒鮑魚盞 (各兩件)帶子鳳眼餃 餃皮煙韌，蝦肉彈牙。鮑魚盞 厚厚嘅撻皮夠晒酥化，鮑魚彈牙，底下嘅餡料食落就比較似白汁磨菇雞，略嫌芝士味唔太突出。▪️布拉三式腸粉 $158南瓜斑片腸、翠苗鮮蝦仁腸、紅菜頭上素腸腸粉滑溜，但皮就偏厚左啲。南瓜味唔算好突出，但斑片軟腍，魚味都幾岀。鮮蝦腸蝦肉彈牙，素腸就有好多菇，幾有口感，但整體調味偏淡。▪️珍寶海鮮春卷

宜家冇得出街晚巿，唯有約中午食團年飯😢呢隻豬手不得了，肉嫩多汁，入口清爽唔油膩，非常入味。餐廳仲好好心機第一刀俾我地切🤣仲幫我地起埋骨，話幫我去新一年去走啲衰氣🙈好心心❤️成個餸仲有蝦球，褔袋，鮑魚，蠔豉，髪菜…好似食盆菜咁🙈新一年係要食好啲嘅🤪同場加影黑毛豬蜂蜜叉燒，木魚金沙豆腐，避風塘一口牛，當然唔少得甜品🤭BTW啲芒果勁酸……😖

本身約左今日入迪士尼同囡囡慶祝生日😢😢但疫情關係要關閉主題樂園，咁老公約左一家五口黎酒店食野。疫情收緊，只可以4人一枱🙄🙄我2大2小+1B唯有分開枱坐。咁我地叫左個午餐（2位起）每位$338（四菜一湯一甜品）同兒童餐每位$148（For 2囡囡）。整體味道尚可。有金卡關係就有折。所以值得一去。由於今日係閒日，如果想食打卡點心的話（公仔包）就要星期六、日、公眾假期午餐先供應😃😃😃服務態度非常良好

去完亞博 諗唔到食咩 唯有試下打去晶荷軒睇下有無位 點知有位黎哩度明顯係為公仔點心😂當時係13:45 三眼仔無晒🥲咁就叫左圖片果啲 賣相令人開心🥳米奇頭 一面係蘿蔔糕一面係芋頭糕 哩個設計幾好 而我都中意食哩個 啲包包賣相靚 但都預左佢係皮厚 內裏就比較少 蝦餃 燒賣（大大粒）都係正常既 迪士尼小炒王 即係荷蘭豆+翠玉瓜+蝦+菇 等等都係正常的味道 不過朋友話啲蝦凍左就比較重雪味另外3粒Tsum Tsum 以為3粒唔同味 我仲每粒分3份😂 朋友話 其實都係同一個味 最後 個甜品拼盤 米奇頭啫喱 我覺得好難食🥲一杯杯果杯係涼粉 我試左一啖 個汁唔知咩味 反正唔好味🥲朋友都係食左一啖 另一個朋友就話無味 都係擺左係度 最頂果個蘇（唔知咩名堂） 佢做得好鬆化 細細粒都易入口 而我覺得最好食係青綠色既煎堆 好食 又香芝麻