Cup Bop Korean Restaurant

Open Now

Now Closed

第一次食，叫咗個牛骨湯，上到來好大碗，但入面得四舊不算大既牛骨，上面的牛肉真係太少味道真係幾好，個湯牛味好濃，好飲到停唔到口，但肉真係少到可憐，配飯食真係唔夠，兩啖冇咗，食完成肚湯水。有提供泡菜同辣青瓜做前菜，同樣份量都係超mini。做為女仔我都覺得太少份量，唔夠食。最後膽粗粗問店員可唔可以添前菜，佢都拎咗俾我，但我聽到廚房個阿姨好似有D愕然，應該平時係唔會俾多份前菜俾人既。試過就算，都多街坊係到食，但我應該唔會再幫襯啦。價錢都頗貴，冇嘢飲，呢個餐都要$98，好似食咗陣風😂

晚市要5百幾落樓，水都無杯，飯又無湯又無，可能午市好食點掛，我唔會再幫襯，一個豬肉套餐連野飲都無包，小菜先得果幾碟，咁我不如去尖沙咀食唔好？ 住左係大角咀幾十年， 我之前唔試佢係有原土因的⋯

見到有人話呢間餐廳炸雞好好食就想試了❣️前排要去大角咀拎蛋糕就去食了🥰餐廳細細間唔係好多位,店主應該係韓國人仲好nice🤭但要注意lunch同dinner menu 唔同‼️lunch係麵食多啲,dinner menu 可以睇後面🙌🏻🔺無骨蜂蜜檸檬炸雞 $78/6件每一件炸雞都係大大件而且肉質好嫩,外皮又脆😍而蜂蜜味就係雞底部,檸檬味就係表面,兩款味加埋真係好好食🍯🍋有少少似西檸雞味🤭🔺炒年糕 $48年榚好煙靭而且一啲都唔硬🤍醬汁好掛汁但就偏辣少少🌶配料仲有魚榚片同椰菜🔺芝士薯仔煎餅 $110本身抱有頗大期待點知一上枱就失望了🥲薯仔餅上面係芝士片唔係mozzarella cheese🧀但好彩都係有溶哂而且都偏多💛薯仔餅都算偏脆但就好厚身🥔除咗有薯仔仲有洋蔥同紅蘿蔔🧅🥕都豐富但整體煎餅普通,性價比不高🤤好味度 : 9/10🔙回頭率 : 9/10 (想試吓麵類)

雖然有咁多大間嘅韓國過江龍， 但出奇地好食嘅韓式炸雞其實一啲都唔容易搵到。 竟然畀我喺大角咀呢間唔起眼嘅小店食到超級好味嘅炸雞！ 另外要推介嘅係佢嘅韓式湯飯同冷麵, 製作認真 👍韓國嘅老闆同老闆娘好友善， 我帶過去嗰度食嘅韓國朋友山長水遠都要經常去光顧， 咁質量同性價比都唔需要多講 🫰檸檬蜜糖炸雞炸雞整到外脆內滑好juicy。 70蚊可以有半份（六塊）抵食。辣牛肉湯飯 好足料嘅辣牛肉湯， 牛肉好淋好入味， 再加上韓國特色蔬菜同粉絲， 配飯一流。海鮮煎餅每一嚿仔都有好多海鮮。辣年糕粉絲裏面仲有魚板塊食完一啖又一啖

呢間韓國餐廳絕對唔係大角咀其他打卡餐廳咁樣，冇靚裝修，冇闊落嘅座位，冇乜人知，亦冇乜人排隊，佢哋主力係一家三口打理，食物味道好地道，最重要係嗰種親和力❤️平時堂食我一定會叫部隊鍋，今次就嗌外賣，所以試吓叫大醬湯配飯🍚、芝士炒年糕🧀、牛肉紫菜包飯🥩～嗌完外賣10分鐘去到餐廳，已經包好哂即刻有得攞，超級快手😮大醬湯配飯係第一次食，撈飯一流，入面有海鮮、脆肉瓜🫠芝士炒年糕比我想像中辣好多，唔係好食到🥵牛肉紫菜包飯就正常發揮，每次去都會嗌，有時晚市已經賣哂，今次好彩都仲有得嗌😬午市餐牌仲有其他麵類但到而家都未有機會食，下次真係要試下個炸醬麵好冇食先得🤭今次埋單$214，兩個人食其實食唔哂😂

呢間餐廳差到我要特登開Account寫食評🤬午餐嗌咗個炸醬麵外賣，喺OpenRice啲餐牌見到22年9月仲係$50，去到俾錢話而家要$68，短短八個月加幅36%，加幅驚人👍🏻貴都唔緊要，最緊要你值呢個價。但係返到屋企一打開，哇，個麵得半個嘅份量，炸醬真係得啲醬，一粒肉都見唔到，薯仔翠玉瓜嗰啲都係勉強得幾粒，啲配料仲少過即食炸醬麵，食完好似冇食過嘢咁🫠講真呢個麵真係$10都唔值呢間餐廳已經back list，永遠都唔會再食👋🏻👋🏻

Cup Bop的炸雞🍗較很多在香港的韓國炸雞店更好吃，而且價錢也算便宜，性價比高。Cup Bop是韓國人主理的韓式小店，店內播着韓文節目，老闆和店員溝通用手韓文，感覺很韓國。老闆是一對韓國夫婦🎎，已經在香港生活差不多40年。可能比你和我在香港的時間更久lol。老闆非常友善和親切，殷勤介紹菜式，而且很着緊我們喜不喜歡餐廳的菜式。以前一向對韓國菜不算特別喜歡，因為覺得韓式食物的味道千篇一律，都是辛辣/醃製的味道，沒有太多變化。但是，受韓劇的影響，被這種軟文化耳濡目染下😆，也漸漸喜歡韓式食物。而且韓國菜很有家的感覺，都是一些簡單小菜，並且顏色鮮艷，感覺很溫馨。而Cup Bop的無骨蜂蜜檸蜜炸雞更令阿薯對韓式炸雞刮目相看，因為它的炸雞每隻都是熱辣辣和完全不會油膩。而且炸雞外脆內軟，外皮香脆可口，沾滿甜甜酸酸的蜂蜜，十分開胃。入面的雞肉嫩滑，滿滿肉汁。而另外的雪濃湯和韓式炒牛肉配飯，就略為普通，沒有什麼出色的地方。雪濃湯較好，因為當中的牛肉較有牛味。阿薯十分推薦Cup Bop的炸雞，覺得比一般連鎖炸雞店更好吃，未去到韓國又想感受下韓國風味，Cup Bop的炸雞絕對可以幫到你。📜🥢無骨蜂蜜檸蜜炸雞

首先入到店鋪看見老闆同太太用韓文溝通，心想食物味道一定可以，叫了一個牛肋骨湯飯。食物到了臺上，總是覺得有點問題，不像平時去韓國餐廳的感覺……？後來想了為什麼沒有拌菜，問了店員一聲有冇…店員立即回應，我還未問要什麼，過了一陣就端來一小碟拌菜。這表示如果客人不問，就不會提供，這是什麼韓國餐廳呢? 令我覺得我是去了一間香港人開，但假扮是韓國餐廳。去到韓國餐廳，對了期待聞味道之外，拌菜亦是其中一個賣點。店員端來的伴菜有傳統泡菜、青瓜泡菜、同一般食炸雞時啲白色酸蘿蔔，這個酸蘿蔔又是真的令我感到意外，因為一般食牛肋骨湯是配泡菜蘿蔔的，而且伴菜的分量亦少得可憐，每樣大約一茶匙的分量，酸蘿蔔有三粒，真的不捨得食。主菜牛肋骨湯味道是可以的，但可惜骨頭多過肉，食完數個枱上總共有七塊骨頭，當中祇有三塊附有小片牛肉。至於白飯，不知道點解會有少少怪味道，相信可能是廉價的珍珠米加上放了太久而造成。最後趕快食完，整體來講食物不計泡菜的話味道是可以的，但可惜份量實在小得十分可憐！心想下次應否再來試一試別的菜式……之後埋單要75港元，這也是令我覺得分意外的，因為原本價錢68港元，店員說堂食要加一……。好，加一沒有問題，

上網搵下大角咀韓國菜 見到大家recommend 呢間 所以試吓啦 之前試過一次 已經好失望 叫左豬肋骨湯飯 冷拉麵 紫菜圈 個豬肋骨湯飯完全係冇味，冷拉麵有啲黐埋一舊 ，唯一得個紫菜卷好食 。今日貪方便近近地。 想食紫菜圈 再去吃一次 ，紫菜圈果然是唯一好食的 sold out 左 甘就叫左個牛肉湯飯 真係彻底再失望 味道淡 牛肉靭 完全不能用好味形容 只能飽肚 再者 吃完離開 你會發現自己一身勁臭的油煙味 ，從未如此給過一個差評 真係便 但好難食

依間韓國餐廳都係有一次無意中發現，因為佢嘅地點真係有啲隱蔽，唔喺平時最多餐廳坐落嘅嗰幾條街，而且附近都比較多車房，連經過嘅路人都唔多。係一間名符其實嘅家庭式小店，店裡面空間細，見人多嘅時候會喺餐廳門口開埋摺檯坐出面。成間鋪都非常韓式，老闆係韓國人，一入到去已經聽到佢地講韓文，電視播住韓文節目，比人一種地道嘅感覺。而餐牌上面所賣嘅野都係好典型嘅韓式美食，中午同夜晚餐點會有少少唔同，不過都係得單點，見學生餐先會有包埋飲品。而最令我期待嘅係見到依度都有得食韓式炸雞，我超中意食甜辣炸雞，見到張圖已經覺得吸引加上見價錢又唔貴，就即刻叫左半份。另外叫左個紫菜包飯同埋粉絲炒年糕。紫菜包飯估計應該本身已經整好哂，落完order之後好快就送到，另外一齊送到嘅仲有前菜，有三款(泡菜、豆腐、黃瓜)。紫菜包飯方面有三款味道可以揀，今次試左原味，不過估唔到$30依個價錢竟然都會有10塊，見到嘅時候即刻覺得好抵食! 味道亦係好唔錯，幾足料同埋麻油味幾香。粉絲炒年糕嘅分量亦唔少，裡面仲夾雜左啲魚糕，而且年糕頗為煙韌，口感十足，不過我覺得都幾辣，對於唔太食得辣嘅人嚟講要瘋狂飲水，但味道嚟講係正常發揮。今餐最令我期待嘅

🍗無骨蜂蜜檸檬炸雞 $78 另收加一 (9.5/10)即叫即炸，炸粉好薄，外脆內軟，雞肉好嫩滑有肉汁，蜂蜜蜜糖甜甜地酸酸地好開胃，真心好好食，好過好多連鎖炸雞，個人覺得好食過李家😆🍴泡菜海鮮鍋 中 二人 $198 另收加一 (8/10)超級足料，有帶子青口蝦魷魚八爪魚蜆，豆腐翠玉瓜紅蘿蔔金菇椰菜，好足料好豐富！四隻蝦六隻青口！個湯似大醬湯，鹹鹹辣辣，不過唔會太辣，迎合左香港人嘅口味！有海鮮嘅鮮味，蝦肉爽口彈牙，青口都爽口，魷魚彈牙，元貝雖然細細粒但都好多，成個湯海鮮係非常之多，蔬菜同豆腐就正常份量，兩個人食係啱啱好唔會太濟太飽，全部都係蛋白質冇咩澱粉質，幾正宗好食，飲完湯唔會覺得有味精！推薦指數: 8.5/10真心已經成為咗我嘅寶藏小店，老闆非常之親切有線，好有禮貌，嘢食都好好食價錢又唔平，用料良心又大份，推薦😆

好耐冇同屋企人去韓國餐廳，因為通常都偏貴，但近排睇開韓劇又好想食，所以嚟咗呢間由韓國夫婦經營嘅餐廳🤣蜜糖檸檬炸雞 ($68/6塊) 非常大嚿，而且熱辣辣脆卜卜，完全滿足到想食香口嘢嘅願望🥳成個盤鋪滿蜜糖，食完一啖唔夠嘅可以再點，甜甜地又唔會膩，仲有啲BBQ嘅感覺😆雞肉嫩滑多汁，又唔會話脆皮下面有層好油好厚嘅肥膏，所以整體嚟講真係唔錯，甚至比一啲較出名嘅韓國餐廳做得更好👍🏻辣豬脊肉湯($80)表面有啲好特別粉，原來係韓國人一定會落嘅芝蘇粉，我哋貪玩就咁試下，好似九層塔、超濃味，建議都係撈勻先食🤣佢會令湯更濃更杰身，的確有種昇華嘅作用，近骨嘅豬肉果然更彈牙，而且有四大嚿，兩個人分就啱啱好🥰當然唔少得撈埋啲白飯落去食，因為就咁飲湯真係會太濃😝最後係好有家庭感覺嘅芝士薯仔煎餅($80)，見到用料好足，包括蘿蔔絲同洋蔥絲，薯仔反而唔似主角，無論睇落定食落都係😂不過對於飽飽地嘅我哋就幾好，加埋辣椒醬就更加唔會滯，個人覺得邊邊冇芝士嘅位仲好味，因為煎到好脆身😝但此終頭兩樣食物幾高質，所以呢個煎餅就冇咩特別🙈見到老闆好親切招呼客人，又會用”廣東話”問下啲食物點，老闆娘就好努力喺廚房煮嘢食，真係好似韓劇

韓國人幾乎每餐都有湯飯，所以都好好奇佢哋嘅湯係咪咁好味，尤其是睇落好濃郁嘅雪濃湯，所以就嚟咗呢間由韓國夫婚打理嘅餐廳🤩一入到去老闆已經好親切咁say hello，又會即刻安排座位同比餐牌，仲用”廣東話”同我講呢度有炸雞😆每枱都有一份3款小菜(多人嘅話可以問佢攞多份～)，分別係泡菜、豆腐同青瓜，味道質感正常，只係份量比較少🙈大約10分鐘後，熱辣辣嘅雪濃湯($68)就嚟到，入面仲有好幾塊牛肉同粉絲🤩牛肉唔係好嫩嗰種，不過肉味幾重，啲湯都好濃郁，白飯吸滿曬汁真係好正🥰湯嘅份量好多，鍾意飲湯汁嘅人會好滿意，但如果想食啖啖肉就未必啱，以大角咀嚟講價錢唔算特別平，不過老闆同老闆娘都好用心經營，而且食物都係即叫即整，如果經過附近都可以去試試😉

一入到鋪頭，韓國人店家就好熱情招呼我地。我地點餐時，店家極力推介，話唔係好食咁簡單，係非常之好食，好搞笑果然嚟到個賣相已經好吸引 炸得好金黃 睇落都知個皮好脆呀食落口啲炸粉好薄 食落真係好脆，而且中間雞肉仲keep到啲肉汁好juicy好滑！個蜂蜜檸檬汁又唔會太杰太漏 酸酸甜甜咁，同炸雞非常之夾呀果然冇介紹錯呢個泡菜煎餅賣相平平無奇，但食落好有驚喜煎餅唔會太厚太重粉感，煎到脆脆地薄身 好香口，而且啲泡菜都爽口 唔會好霉。大推薦 香港好難搵到咁好味嘅泡菜煎餅最後到牛肉鍋，2人份量都好多，入面有好多唔同嘅菇類、豆腐、粉絲同菜，當然唔少得啲牛肉啦。湯底都好濃郁，蔬菜索哂啲湯好好味整體都好好食，一定會再幫襯呀

太耐無去韓國好掛住家鄉嘅味道🥲大角嘴呢間韓國菜小店由一對韓國夫婦主理，保證正宗👍🏻唔想成日都只係韓燒，間唔中想食下韓國家庭菜嘅時候我就會去幫襯下！今日自己一個係附近食飯，入到去老闆用半鹹淡廣東話招呼坐低。我叫咗一個小食先再叫咗一個湯飯。唔同其他店賣，佢有炸過仲加埋魚糕。外脆內軟嘅口感超正👍🏻👍🏻👍🏻大醬湯我覺得有少少偏鹹，加埋飯就好啲。湯入面除咗豆腐仲加左海鮮令個湯更鮮味👍🏻