大紅袍火鍋料理

Open Now

Now Closed

鍾意呢間打邊爐湯底好多選擇，我嗰日揀咗店長推介「金屋藏嬌」。湯底入邊有冬瓜同埋半隻雞，仲有蟲草花，花膠。淨係飲湯同埋食花膠已經好滿足。另外水餃同脆脘極力推介，仲有響鈴都好好味😆

今日約左班fd出黎聚下舊，為左方便大家，就約左出黎荃灣😆店舖都幾寬落，坐位舒適，裝修古色古香，湯底有好多選擇，有辣有唔辣，我地就叫左個鴛鴦湯底，我地就揀左大紅袍麻辣鍋🌶️同埋養生松茸菌湯底麻辣湯底：好香牛油味，好夠辣🌶️完全唔hea，辣椒落到足，誠意滿分！松茸菌湯底：湯底濃郁，好足料，有好多菇菌😋十分香，鮮味亦都好足！整體配料新鮮，環境坐得舒服，好適合同朋友聚會嘅地方，肉料好鮮，連響鈴都係新鮮炸出爐，值得翻食！

今日同朋友去咗大紅袍打邊爐，入到去都有啲驚喜，裝潢設計有格調，空間寬闊，坐得舒適。我哋點咗鴛鴦湯底：花雕藥膳湯底配重慶空運牛油麻辣鍋。叫咗大紅袍牛王拼盤、芝士墨魚丸、紫菜炸響鈴、招牌三拼餃、特級蟹棒、油麥菜同萵荀片。打邊爐最重要係湯底，兩款湯底都唔錯，但唔稱得上出色。🌶 麻辣鍋唔係好食得到牛油🧈香味，嗜辣嘅我亦覺得麻辣唔夠香唔夠麻，不過我承認我都幾重口味。🥃 花雕藥膳鍋可以再加多啲中藥令味道更香濃、更藥膳。今晚食物頭三排行榜為：1️⃣ 招牌三拼餃 $138總共有九隻，每一隻都漲卜卜，皮薄而餡料豐富新鮮，特別鍾情韭菜餃🥟。2️⃣ 芝士墨魚丸🦑 $98大約有8-10粒，新鮮彈牙，中間加咗芝士令味道昇華。3️⃣ 大紅袍牛王拼盤🐂 $428擺盤用心精美，最欣賞安格斯牛頸脊，肉質鮮嫩，入口即化。服務唔錯，職員友善。

又一間令人失望既食肆😓記得上一次幫襯可能係一年前！估唔到價錢冇跌！食物質素已經下降到咁誇張！賣相可以！手切.肥牛冇牛味仲好鞋！象拔蚌又唔鮮甜！仲話當日新鮮運到！收咁得既價錢應該比啲正常質素客人！難怪成晚得個五六枱客！早幾年去尖沙咀食雖然價錢唔平，食物方面都唔錯！所以人客超多，一定訂枱！今時今日我估唔到會差咁遠，未必再有下次！香港啲飲食業真係好難保持水準咩？

本身諗住食好啲， 畀多少少錢， 好過食放題， 點知非常失望。。。 叫咗本地手切肥牛，隻碟長方形，分量好少， 都唔緊要， 連埋加一差唔多三百九十蚊， 竟然唔好食 冇牛味啲肉又鞋， 我不嬲都食開四成熟 ，幾秒就攞返嚟 ，竟然咁都會鞋! 衰過我街市買嘅$138急凍肥牛! 200蚊得六隻蝦， 啲蝦仲要係細隻。。。 去到嘅時候見到只有坐咗三分一 都有啲擔心， 真係可一不可再， 三個人千五蚊落樓， 都唔知食咗啲乜， 又細份又唔好: 唯一好處係坐得舒服，不過成晚得兩個服務員 ，係完全冇服務囉！！

餐廳裝修氣氛不錯，卡座足夠六人坐；但樓面侍應嚴重不足，引致收拾枱面馬虎，餐牌係濕立立的，有如大牌檔的格局，交咗點餐紙後上餐還算快，但侍應未能通知有啲食物已售罄，直至我哋追問先講，加湯叫咗3次都未加到，侍應只係忙於執枱，見到佢哋執枱咁趕急，感覺好污糟😰，都唔想再叫佢哋幫我哋加湯加餸。仲有唔知點解我去廁所時見到有個流浪者嘅男人(唔係食客)入男廁😱，真不可思議😨，進一步感覺不安。如果服務同衞生唔改善，食物再好都唔值呢個價錢！

環境佳、衛生，不是那些混亂的火煱場，枱與枱有足夠空間，坐得舒服。材料新鮮且有特色，價錢合理。服務員態度非常好，值得再來。還有包房，適合朋友聚會，暢談暢飲一番。推薦啊！

位置方便易搵，就在楊屋道街市附近地方寬闊，枱大，坐位寬敞，坐得舒服員工有禮親切，廚房出菜快，員工上菜很細心放菜醬料新鮮多款，鵝腸肥美又新鮮本地手切肥牛肉嫰有口感雲吞多蝦又新鮮九菜和白菜餃菜和肉均勻又新鮮最鬼馬的是油炸鬼釀蝦膠油炸鬼夠脆蝦膠又彈牙全部食物勁新鮮勁整啤酒款式多，生啤超滑超好味價錢大方又合理在此特別感謝經理給我們一個這樣特別的水果盤在這特別的日子給我們一個很美好和深刻的回憶我們決定每月聚會都會再來荃灣這店

每次聚會，諗唔到食咩，自自然然就會去打邊爐🍲。好中意去大紅袍，因為佢嘅食物全部都好新鮮。淨係湯底都好多款，每次都諗食邊款湯底，都要諗好耐😊。經過Ling 姐介紹，試咗象拔蚌刺生、和火鍋，好鮮甜👍🏻👍🏻。平時好怕係亂叫魚生，但佢地嘅魚生拼盤，好新鮮。打邊爐嘅大主角，當然係肥牛啦，佢嘅牛肉，屬於牛味重，入口好滑唔鞋。所以唔知㨂邊款牛嘅時候，我都係會選擇牛肉拼盤，咩都有，啱晒我啲貪心咩都想食嘅心態🥰

這間火鍋店的食物比我想像中更優質，全部都採用了非常新鮮的靚料，而店舖也很開揚座位寬敞，而且是燈光暗暗的格調，使人吃得特別放鬆。蕃茄薯仔湯底，本以為是普普通通的一個鍋，誰知是專貴版，湯底濃郁足料，薯仔煲到爛更加入了牛腩粒，絕對有誠意。極級本地手切肥牛，雪花紋非常靚，油脂分布平均，肉嫩新鮮滾一滾便能入口。梅菜豬肉丸好好味，梅菜香味突出肉丸彈牙，像在吃梅菜蒸肉餅。招牌餃(黑松露肉蟹餃)是非一般的餃，餡料滿佈肉蟹絲，與黑松露相交輝映，啖啖美味之享受。

成日都會黎大紅袍，但偏偏成日都係兩個人先黎。兩個人黎確實會食得比較貴，呢次食左$1000。但係呢度真係坐得好舒服，位夠闊，凳夠舒適，而打邊爐最緊要張檯夠大。呢度基本上我覺得咩都好食，特別推介豬腦、手切牛、牛胸油、廣島蠔、火焰花甲湯底。

太貴了，唔值。二個人吃左1200元。原本聽講幾好食，食物水準一般，價錢方略高。成晚叫左一碟牛和其他普通野。都要1200二人埋單所以應該唔會再去吃了。未試可以試一次嘅！

天氣開始涼，朋友飯局少不免打邊爐，今次呢間之前已經來過一次，今日同行6人，可以叫多幾款食材😋好多款醬料揀，打邊爐最講醬料👍👍👍湯底-金屋藏嬌，濃濃既湯同配料，有雞，花膠，夠滋補食材好新鮮👍👍👍😋

「大紅袍」開左好幾年，一直都係人氣火鍋店，今次同屋企人一齊黎試試呢到裝修好古色古香，而且座位好闊落，就算多人一齊坐都唔會覺得攰～～湯底叫左呢到招牌「金屋藏嬌」，裡面有半隻雞、花膠、竹笙同冬瓜等等，十分足料，而且建議打邊爐前先飲一啖湯，非常滋補，正！呢到牛骨髓($40)同萵筍（$35)都好新鮮抵食，一定要試！呢款松露蟹肉餃($98) 真係好大粒，好特別，佢裡面全部都係蟹肉成餐飯最令人有驚喜既係呢款澳洲手打和牛，雖然外表平平無奇，企響到咬爆哂肉汗，果陣牛味超濃，一定要試　～

好耐冇打邊爐啦！是晚同老公一齊放假，二人世界，好想食高質素火鍋，之前未試過大紅袍嫁，睇食評既時候，比佢種類繁多既湯底吸引住，一於試下啦！我好鐘意有酒味既湯底，所以今次試左呢個清酒蜆湯底先，入面有少少牛粒，姐姐先黎將湯底點火，火焰中炒香湯底入面既蜆同牛粒，清酒味湧晒出黎香噴噴，炒左一陣加湯，湯水濃牛，擺咩材料入去都咁好食！由於都只係兩個人，所以肉類只係點左花雕醉牛肉，海鮮點左桶蠔，桶蠔共有5粒，粒粒都咁肥美，鮮。其他菜類既野就冇咩特別，除左牛肉其他野都大大份，一班人來食當然扺食好多。我地兩公婆埋單大約$750，下次一定要約成班老公友黎食多啲野先得！