大救駕 (Closed)

又食啦今晚~三個人食,點了兩個米線,四個小菜,三杯特飲金菇肥牛米線湯底ok,米線唔會煮到淋,幾好過橋米線 好大碗,足夠兩個人食...個湯底好清,不過d料就唔係好多囉~羊乳餅味道好特別,充滿騷香水晶皮凍好似食緊咸味既jelly咁~炒菜心不過不失涼拌三絲土豆絲好麻,貢菜絲好爽,豬耳絲辣辣地木瓜子涼水,雲南奶茶,柑桔檸檬今次d野食唔係咁岩食~可能係我地食唔慣

第一次食~同兩個友人去試呀~發覺有驚喜呀~豆花米線豆花好滑,有腐皮,芽菜,炸醬等等..幾好味黃鱔米線黃鱔好辣,岩曬嗜辣既朋友三鮮耳塊湯年糕,朋友試左話好清喎...木瓜籽涼水jelly狀~一喝感覺清新,唔會太甜,我好buy~雞絲粉皮幾大碟,粉皮同青瓜好爽口,但就略甜唔知咩醬醬雞叫左例牌,雞好滑,雞上面鋪左d乾辣椒,但d汁就唔辣既...甜左d啦整體泥講都唔錯,d野食都ok,服務幾好,店員主動落力介紹~下次試埋過橋米線先~~

今日同成班朋友出旺角，諗起前幾日上黎睇過呢間餐廳既資料，所以就試下有咩好食。一入到去，需然地方唔大，但係好有雲南菜館既feel.....XDD職員好nice，坐定就問下佢有咩好推薦，如果食得辣，就可以試下醬爆排骨米線，所以我就叫左個黎試下，其他朋友就試金菇肥牛米線。一黎到，辣味已經聞到，鐘意食辣既我，急到立刻食一口，嘩!!!!!!!!!驚喜既一點，排骨好鬆軟，一D都唔，好有咬口，辣度適中，唔錯唔錯。米線更加唔洗講，唔會好林，值得推薦試下.........午飯一碗米線約$25~32到，加飲品只需$5，相當底食。

醬排骨米線：排骨好味…味香而肉嫩~米線也幾好丫麻辣牛展、蒜香骨：我同家姐可能自小食得辣，所以就唔覺辣…對於正常人，麻辣程度也適中吧！總括幾樣小食都幾好味…$15價錢經濟但細碟南瓜籽茶：好得意，好像JELLY...雲南野WO~$15

今日小比帶左2位大師兄去大救駕~其實都有d自私~雲南野離不開米線同辣..雖然知佢地鍾意食米線~但唔食辣~偏偏小比就好鍾意食辣~結果都黎左~希望佢地有啖好食啦由入門口的那一刻~已經感受到好的服務態度無著制服的(應是老闆吧?~見蔡san都係同佢影相)仲同我講笑~每次有2人以上的大餐~小比都會瘋狂地點菜的~呵呵~因為機會較少嘛叫完都覺得自已有d過份~~不過食唔晒都由佢啦~~~hehe先有coupon送的水晶皮凍~是豬骨湯ge Jelly版~感覺幾得意~小比一向都不好這些~因為始終想起...''肥膏''但大比吃得津津有味ga呢~再來蒜泥白肉~老實說..實在配不上用蒜泥來形容吧..不過轉為酸辣鳳爪的汁~~~又有意想不到ge醒胃效果看似細細碟..但其實都有好多片~食極都有~呢樣都係大比清碟~雞絲粉皮大大碟~不只是平常單一種麻醬~所以吃起來無咁嗆喉~不過小比就甜左少少~但依沙就10個喜歡ga呢~~~依沙清碟~再來是涼拌三絲~本來是土豆+萵笋+豬耳但小比不想吃豬耳~就嘗試問一問waiter可否轉做貢菜~waiter小子答我不可以~小比唔憤氣~問多次老闆~哈哈初初話只可轉青瓜~但我說~價錢差得多啊~~~

尋晚同d朋友, 諗住求其搵間野入去坐, 結果入左大救駕呢度d環境幾好, 唔多人, 又好似好乾淨咁, 好適合我地傾偈我地四個人, 叫左都幾多野食, 不過佢勝在d野細細碟, 又唔貴, 可以叫多幾款唔同既野食, 不過入面大部份食物係辣既, 小妹唔食得辣, 所以叫d野都係以唔辣為主我地叫左以下菜式:1. 蒜泥白肉~ d肉唔會太肥, 佢個汁係白雲鳳爪d汁, 有小小辣辣地, 不過我接受到, 一碟細細碟, 大約十塊到, 幾好味~2. 酥炸雞軟骨~ 真係好好味!! 好入味! 推薦!!3. 鹵水雞翼~ 一碟得三隻, 都唔夠我地四個人分, $14碟咋! 好味!~4. 鹵水豬耳~ 又係$14, 平靚正~5. 白焯時菜~ 我地叫左生菜, 我覺得ok喎~ 冇咩特別~ 6. 鬼雞~ 佢既招牌菜, 其實係雞沙律, 成份有烏雞同雜菜, 不過我淨係食左塊生菜就已經冇再食, 因為真係好辣!! 佢辣既程度係5隻辣椒呀!~ 因為佢加左紫天椒! 不過我d朋友話好味囉, 佢地都覺得好辣, 但都食得晒, 咁我諗都真係好好味~7. 雞絲粉皮~ 又係超好味!! 我唔知佢個汁加左咩落去, 除左花生醬, 應該加左其他野, 甜甜地咁, 又係

先申報利益，這次是拿著openrice的coupon慕名而來吃的，因此那水晶皮凍免費。有否鱔稿成份請自行決定。先說要付費的。五香肉塊好像獅子頭，又有點像腐皮卷。外層炸得脆脆的，內裡就是爽爽的、有點兒像午餐肉，可說是集各家之大成? 麻辣雞軟骨並不是將辣粉鋪上面就算，是真入味的，而且炸粉不厚，很好吃。送的水晶皮凍是用肥膏雪成的，但配上那醬汁後吃下卻不覺膩，看來也有下過一番功夫才能製成。最重點的卻那是糯米香綠茶，淡淡的糯米香留在口中，如果真是沒有糯米卻可以做成如此的味道，確實是高章。相比之下，招牌的醬爆排骨米線反而只是不太差，吃不出怎樣醬爆，辣辣地而已，但米線本身就不俗。再加個菜心平衡一下全肉及全辣的一餐。就算沒coupon那款，也是抵吃。可算是decent雲南菜的選擇。

7點鐘左右, 隔離的譚仔已經排了很長龍! 不過我們可能尚早, 不用等, 就有位子! 我們幾個人點了水晶皮凍-->口感得意, 汁好食! 建議趁它冷的時候就吃!豆花米線-->我個人覺得沒有什麼特別, 只是加了豆腐花的米線, 不過, 豆花都挺滑!排骨飯-->是ㄧ個不錯的選擇雞絲米線-->清淡, 我覺得還不錯! 至少可以食出湯的味道!它的飲品也很特別! 我叫了糯米綠茶, 淡淡的糯米味, 不太甜!好喝!妹妹叫了木瓜子涼水, 他說很得意, 好像有些jelly係入面!

果日經過此店~見有蔡生大力推介~入去一試~要左個豬扒，好細碟同乾身，個個麻香幾正，只賣十幾蚊田七湯味濃，真材實料，但太細，有點貴肉燥排骨飯，最好味

上OpenRice 見到呢間啲食評，講到幾好咁，加上DBS 信用卡有九折, 於是決定一試....但因為來食之前同女友食左一大個cheese cake, 所以只是叫咗以下食物(1) 豆花米線: 幾滑，味唔太濃，適宜食第一 (2)炸醬排骨飯: <排骨>完全同五香肉丁的味道一樣， <炸醬>太多油，啲油多到流咗過隔離的飯底裡， 攪到啲飯有一半都唔食得，實在太浪費啦。 此飯可以不試!! (3)蒜泥白肉: 唔錯，個汁係用酸辣無骨鳳的汁，減底咗肥膩的感覺， 不過唔夠蒜泥，size 亦比圖片 & 想像中迷你。 (4)白灼油菜: 油太多，菜面的油，多到連毫油都點唔到(5)木瓜子涼水(凍): 圖片係見到有一粒粒的木瓜子， 但出到來，卻唔見有，只見有

吃了不滿足的板前，幾小時後就肚餓了，於是來這間吃米線。蒜泥白肉($20)︰喜歡它切得薄薄的，吃起來很爽口。蒜泥不太多，但奇怪用上了酸辣鳳爪的汁，好在我倆都不抗拒。排骨米線($27)︰湯底是沒有味道的，有點馬虎。排骨都頗辣，肉很腍，都算好味。米線不過不失，不會過腍。像是經理的男人服務不錯，可以一試。

黎呢到試下個豆花米線...抱住個試下既心情,因為真係幾特別..但試完覺得唔算好食..又幾淡下...純粹滿足下自己既好奇心咋"下次會去返隔離既食麵果間xd 邊間我諗都知嫁喇"不過可以試下d小食..因為比d麵好食好多"試左個牛肚絲.. 幾好味嫁..

和親愛的在final前忙裡偷閒一下帶著OR的coupon來到目的地--大救駕店內環境幾好, 細細間不過看得出下過工夫去設計的這裡有一個waitress好有耐心好詳細的介紹, 簡直係倒背如流例如過橋米線有甚麼料, 與另一款有甚麼分別, 甚麼叫木瓜籽等等最後要了豆花米線, 炸醬火巴肉飯, 木瓜籽涼水, 還有OR送的水晶皮凍豆花米線, 豆花令米線更加滑, 如果更有豆香就好了, 配料和湯底都幾好味炸醬火巴肉飯, 飯的份量較為少, 勝在火巴肉入味, 伴飯一流水晶皮凍雖然吃不到豬骨湯味, 不過個汁有少許辣, 配合得幾夾木瓜籽乃某些植物種子, 好似者喱口感好得意, 不會太甜總括這間小店實比隔離的譚仔出色很多, 食物質素種類, 服務都優勝得多, 會encore~!

其實我唔係咁鍾意食米線,但同個friend行街,佢話想食,就下佢....去到我想掉頭走,因為見到譚仔好多人排隊,個friend話唔係譚仔,係隔離個間,叫大救駕.....我問侍應有咩辣野好食,佢推介黃膳米線,再加酸辣大辣,個friend就點左炸撈米線,另外再叫左蒜泥白肉同雲式炒通菜.....首先黎係蒜泥白肉,一入口D好香,酸酸辣辣好好味,一D都唔漏,跟住係炸撈米線,可能我鍾意食好辣,我唔覺得特別好食,但我個friend就幾欣賞,黃膳米線到,先試一口,個醬好特別,D豬皮吸晒D醬,好好食,D酸菜亦都夠酸,但係唔係好似平時食開果D咁,酸得幾香,雲式炒通菜亦係水準之作.....值得一提係服務都幾好,兩個同我地接觸ge侍應都唔錯,尤其是個經理,上個星期六個friend亦都係道食野,當時落好大雨,有個客人比人係門口個摭桶唔見左把摭,見到個經理將佢自己把摭比左個客,可以做到喜出望外ge服務,抵比5分!!!!

今日同朋友黎附近食lunch本來打算去譚仔,但係見到門口排左好多人所以決定去第2度搵食,經過大救駕門口見到lunch好似幾抵食,出面又落大雨,就入左黎啦入到去有個桶擺遮,雖然係細左D,不過都好過拎住之後朋友拎住一大袋野,侍應都話幫我地擺去收銀吾駛拎住阻住我地食野,喱個服務態度我幾欣賞之後叫野食啦,我叫左一個炸醬鮮牛米線另外一杯凍奶茶(+$2)佢加五蚊都可以多一個小食不過得三樣野揀,所以我地冇要到首先講講碗麵,炸醬撈勻左幾好食喎又仲有少少腐皮,芽菜同九菜,不過鮮牛吾係好得我覺得吾係幾好食,不過朋友個碗腩肉睇落幾靚另外凍奶茶極之難飲....陣味好似樂家杏仁糖飲到想嘔......千祈吾好叫食野ge時候聽到經理問客人夠吾夠辣可以幫佢拎辣椒油,我覺得喱到ge服務真係吾錯所以有機會都會再黎食