大救駕 (Closed)

星期三晚上堂前, 來了這裡晚餐. 當然係食米線, 再加碟小吃已經好足夠.豆花米線$25: 6分, 因為是晚有點唔舒服, 都係唔要辣了, 就算店方提供的只係小辣, 一樣要求走辣. 結果味道係有點怪怪的, 好像被酸菜搶了風頭, 食落口係比較酸酸的, 至於豆花, 基本上都係作用不大, 玩票性質為主. 我那碗的豆花其實不少, 差不多有一半的碗面, 但出來都係無乜味道, 無豆味, 又唔多滑, 仲帶點鹹, 總之就係比酸菜味蓋過了. 加上豆花委實未能跟米線起到化學作用, 似乎這碗米線的效果只係一般.又或者加辣後的味道會完全不同?!上湯米線配腩肉$18: 7分, 其實同豆花米線大同小異, 味道差不多, 沒大分別, 腩肉係瘦帶肥, 不俗, 不過無乜特別.鹵水大四喜$28: 6分, 大四喜即係有四樣鹵水食物, 包括鹵水雞蛋, 鹵水豬耳, 鹵水雞翼同鹵水牛展. 整體來講四樣鹵水的食物都係沒有太濃的鹵水味道, 不太入味, 是不夠時間? 看來鹵水也不是這裡的強項.食物水準一般, 豆花米線叫做試過就算. 無乜再來的興趣了.

個人覺得小吃比米線吸引!!豆花米線及炸醬排骨米線大大碗, 望落好豐富, 可惜湯底味淡, 味道全靠酸菜, 菜, 排骨及炸醬. 幸好排骨尚算炸得香口唔, 而炸醬濃淡剛好, 但若與湯底混合, 則不太夠味了!!蒜泥白肉及雞絲粉皮可算人氣小吃, 幾乎每檯都有. 兩者的醬汁皆是微甜帶酸, 很醒胃. 白肉口感有點似燻蹄, 切得夠薄, 所以肥肉位置亦不覺膩. 雞絲粉皮以價論, 份量算足! 而且雞絲沒有鞋口感覺, 粉皮爽口, 青瓜/蘿蔔絲也很新鮮. 水準不錯!!飲品要了木瓜籽水. 似木瓜味糖水+白涼粉. 當成飯後甜品也不錯!

琴日去金魚街買野後肚餓走去西洋菜街食雲南米線,發現對面有間紅當當的鋪又係食米線,好其心試試,睇裝修用過下心思,住價錢會貴,又唔係喎！小食有好多種,叫左一個優質過橋米線,脆香骨,滷水豬耳,試一杯叫雲式凍奶,一杯木爪子,兩杯飲品好好味,再試小食又唔錯,米線個湯底好似雞湯咁,好好味。

因為要出去工作關係, 所以星期五既中午約左老闆食lunch...大家無咩目的之下去左此店食米線..2個人叫左什菌米線, 五香肉卷及雞絲粉皮...可能未到1時啦人都唔多坐位都比較舒服d唔會太迫..至於食物都唔錯既..特別個米線都幾好味, 粉皮都幾爽口不過個醬汁一般啦唔算太岩我口味, 個肉卷係由d肉再包腐皮去炸味道ok唔算太油...食物樣樣都ok啦..不過服務就麻麻特別係位收銀小姐...同場加映: 一位男食客叫一杯水, 點知亞姐唔小心張成杯水倒潟最慘係整到男食客個新電話濕盡係連電池都濕曬...所以男食客被迫等老闆娘回來講數..(結局係點)

係旺角, 呢個價錢, 食物質素中上, 環境幾好, 不妨一試同女友兩個人, 八點去到唔使等位, 叫咗:1. 豆花米線2. 雲南米線3. 當歸氣鍋雞4. x子豬扒5. 騰衝大救駕6. 八寶茶豆花米線我無食, 但女友話好味, 所以我唔以呢個米線加減分數雲南米線好味, 米線有咬口, 湯底夠味又多料當歸氣鍋雞不錯, 不過如果煲耐啲, 濃味啲仲正x子豬扒, 即係炸豬扒, 有淡淡香茅味騰衝大救駕, 係炒年糕, 連我唔係咁鍾意食炒年糕都食咗唔少, 做得真係唔錯八寶茶, 來得就點都要試, 好甘香但又唔太甜, 食完嘢飲幾杯真係好舒服服務唔錯, 小店環境舒適, 不過位就窄咗少少(可能我肥啦)

星期日去食午餐，吃了豆腐花米線和魚蛋米線，也叫了雲南奶茶和有淡味jelly的凍飲。魚蛋米線當然極為普通，豆腐花米線不錯，但我不愛吃的酸菜卻很多，破壞了味道。兩杯七蚊的凍飲比想像中的好很多，不像別的在飲料中欺場。差點漏了，帶位的一個有點問題，明明說了兩個人要求不搭枱 的，他應承了卻安排我們坐六人枱 ，擺明欺騙，結果我們主動調枱 。後來又見有兩人有似我們的要求，也同樣安排坐六人枱 ，結果當然有其他人搭枱 了。如果做不到的話，不如不應承人客吧，你情我願。

特色米線- 炸撈米線, 即係炸醬撈米線. 米線唔算太彈牙, 都幾好既. 炸醬唔錯, 小小辣幾香幾好味.大救駕- 係類似炒年糕, 有金華火腿, 豬肉,菜一齊炒, 最後係面加塊蛋餅. 首先, 年糕幾硬身, 無口感, 餐牌度寫呢d係叫耳塊, 但其實都係街市買到既上海年糕. 跟住以為個蛋係會同d年糕一齊炒, 炒成蛋絲, 令到d年糕有d蛋味, 但點知係分開既. 油左少少之餘, 味道都係普通, 真係有點失望.三七氣鍋雞- 雞肉好少好少, 雞味唔出, 不過係湯就幾甘lor.見櫃台有幾個奬 杯, 幾似拎左好多奬咁, 但試過就覺得普通, 可能我無食到得奬 果d 餸 啦.

那天放工後，相約打完波的男友食dinner。看到他滿頭大汗，又大呼肚餓，就立即拉他來了這間食米線。正當我們看著餐牌，猶豫不決的時候，店內(應該是)經理走過來問男友能否食辣，推介他食黃鱔米線(中辣)，又說很少地方有此味云云。男友最耳朵軟的了，就想也不想照order一碗。而我就要豆花米線(小辣)，加小食蒜泥白肉。蒜泥白肉($18)︰想不到份量是很少的!白肉切得十分薄，應該沒有十片吧，有些不值。可幸味道仍可，試試無妨。豆花米線($25)︰有豆花、炸醬等主要材料。正如其他網友所言，湯底是沒有味道的，小辣是來自炸醬。炸醬很香口，豆花夠滑，這種配搭蠻新奇的。黃鱔米線($28)︰看賣相好像有很多黃鱔，其實有六成是豬皮來的，好像被騙了，哈。我嚐了一塊豬皮，覺得很辣!男友更是愈食愈辣，愈食愈熱，食到滿頭大汗，樣子十分搞笑!誰叫他輕易相信別人的說話!他也說味道不特別，也不算十分好吃。餐廳裝修得不錯，不用加一。不過就要和人搭木台，而且除了那位經理外，其他服務生都不太殷勤。感覺不太抵食，有更多好的選擇!

初次接觸到呢間食肆都已經係8月頭既事，去到住低既感覺係間鋪頭雖然細細咁，但係又住得幾舒服，個設計都ok丫，旺角區黎講都算係唔錯喇~侍應既服務都好好，只係有個別既可能係新入行o掛，講野唔夠靈活、圓滑，變相會得失客人。食食下野，餐廳經理都會主動埋黎同你social，問下你d食品好唔好食呀，又會介紹你叫d咩食好，咁殷切既服務、氣氛都抵晒啦。食物既賣相都算係幾吸引丫，講真，佢都係主打食米線+小食咁，十幾廿蚊既價錢買到食物、氣氛，都算係咁啦。至現時為止，我去過呢間鋪頭食野3-4次，水準都keep得幾好，我每次都會食雞絲粉皮<--呢個真係正,大家如果去食一定要試^^ 同埋五香肉條兩樣，另外都推介大家試下黑白椰子氣鍋雞，d湯真係非常之甜，好味!

收工時間出到旺角~D餐廳爆滿都不得了~突然又想吃米線WO~剛好見到有間新開,又裝修得幾好既『米線專門店』門口個牌寫住$18~好似好抵甘~就入左去試下!入到去都覺得OK~只係細左D~都算坐得舒服~服務算OK~不過不失甘~食物:食物方面...我真係要講一句『我未食過甘難食既野』點左『酸辣,雞肉,腩肉米線』===> 小辣來到個時~覺得碗野都幾細碗~唔大食都夠飽O既!個湯底,可以話冇湯底可言只是『滾水+鹽』!超差『酸辣』...半點酸都沒有,亦食唔出辣...勁差D酸菜好臭...完全冇洗過甘...成碗野陣味『好"壓"』係好酸"叔"個D味...極差米線算正常D~唔會太淋~BUT 成碗野加埋真係太差喇~一定唔會再回頭!!!真係唔好亂試~_~

點左個雞肉米線，個湯底係用Ｄ湯粉沖?，仲淡過係超市買的即沖湯包（超市的即沖湯包都已經唔好味，呢間！可想言之...）。Ｄ酸菜就咁放落個碗麵度，個麵係果Ｄ就咁滾熟左放落個碗度，自己煮公仔麵都好食過佢囉！我好懷疑間舖頭，究竟有無廚師煮?（我覺得呢間野係無專業的廚師，因為Ｄ野係撈埋一碗就萛，都唔覺佢有乜烹調過）。另外，我同事叫了一碟豬扒，當個waiter開係張?度，我倆即刻眼都突埋，同張相分別超大，簡直係兩個?。個碟豬扒少過張相所show的一半（切到同一個女仔的尾指一樣咁幼，仲要得六、七件），仲要個樣都唔同之餘，收人十五蚊碟。金玉其外，敗絮其中。

今日同朋友Y同佢BF黎呢度食~~叫左好多野呀,1)豆花米線:好食,推介,同埋幾special!2)炸醬排骨米線:呢個d排骨好靚呀,又林又有味~好食!3)老水拼盆:都好食!!4)木瓜水:wa,呢個清得黎又好飲,夏天好o岩飲呀!!!5)雲式炒通茶:呢個真係highly recommend!辣辣地又好香炒得好有鑊氣^^overall,我都會再黎架!lunch加3蚊又有野飲,d米線好大碗,佢比我感覺唔hea!唔似出面d雲南米線咁,幾好食!PS:thanks朋友仔~~~^^

其實佢間鋪唔細, 但可能你睇唔到, 佢樓上都有2000 尺80 個位既。至於腩肉點都有d 肥, 可能同你想要既有出入, 至於你說對面的米線, 我覺得好多味精, 呢d 都係純粹我個人既意見,並無他意

禽日終於試，有點失望呀，因為都唔大間，食的是米線為主，味道普通，餐牌上明明寫分大中小辣。但問他們時又話咁樣即係加$3要酸辣。我要了豆花米線，呢個無咩特別。暖暖他就要了腩肉冬菇米線，不過是肥腩肉，暖暖唔鍾意。其他小食呀，冷盤呀都唔係我杯茶，因為好多都係肥肉。另一個酥炸系列，又係煎煎炸炸的，我覺得一般囉。裝修都ok，整間店紅噹噹的。始終對面的雲南米線，口味會比較適合我地。

睇過報紙雜誌極力推介呢間食店，好奇心驅使我呢個食神必須要落去睇睇佢地有無吹水唔抹嘴！落到去更係周圍Scan下佢地裝潢，睇完都OK喔！幾特別，起碼其它類似的店無佢地咁有心機，佢老板話係請D專業攝影師走上大陸實地影，拍左成日先至搞掂，果然有heart啊！我試菜既慣性同其食客唔同，我唔會叫報紙雜誌登寫個D菜式，偏會叫D無登的菜式咁先至試到佢地既工夫得唔得，你跟報紙叫分分鐘佢地早有準備實做得妥當格。我兩個人叫左兩碗麵兩杯特飲四個小食，另外重叫一鍋三七氣鍋雞燙，食完之後有下面評價！1.) 麵-- 炸醬排骨非常正，一定要食！葉子黃鱔加酸辣- GOOD ! 又係要試！2.) 小食-- 五香條-正！拍青瓜-好脆！涼伴雞絲-好味！鹵味大四喜就同其它差唔多，OK好食。3.) 飲品來講：我平時都飲開奶茶，於是乎叫杯凍雲式奶茶試一試，出奇的正呀！好特別好香！木瓜子涼水配玫瑰糖都好涼快好舒服，正！以咁既價錢有咁既水準，都算可以接受，應該短期內會再來多趟，下次就可以試報章寫個D啦！因為佢地無放流料呀嘛！臨走前睇到收銀隔離擺左好多獎杯，八卦問一問原來佢地just贏左食神爭霸戰，呢次真係食神遇到廚神，唔怪得有番咁上下