大呷台灣 (Closed)

🥚🥚🐷中環平價台灣菜✨性價比：7/10🍳食物：7/10🌏環境：6/10🕺🏻服務：7.5/10💰是次消費：$ 250#蛋蛋豬 🏝地點分類: #蛋蛋豬在中環🍰食物分類: #蛋蛋豬吃台灣菜————————這間台灣菜位於中環旺區上一兩條斜路的位置威靈頓街，地理方便，價錢親民，今日做完運動就來這附近光顧一下。鮮茄濃湯酥炸豬排蕃茄麵 ($88) Tomato Noodles with Deep Fried PorkChop in Braised Tomato Soup麵款可以選新竹米粉/幼麵/粗麵，幼麵條條分明，口感煙韌。蕃茄湯底少稀，碗中有很多件蕃茄，連麵條都染成紅色，也有幾條小棠菜，整碗很健康。大呷小籠湯包 ($38) Steamed Minced Pork Dumpling 4 pcs需時十分鐘準備，端出來冒煙的。小籠包有四粒，皮比較厚身，完整地盛載著內面還溫暖的湯汁，夾起不易破皮，內肉團鬆化。蒜泥粉皮白肉 ($68) Sliced Pork Belly and Mung Bean Sheet with Garlic and Taiwanese Sauce大量秘製蒜泥汁連辣椒粒放在白肉頂，包

前日係中環想食台灣野，近近地揀左呢間係donki附近嘅試下🥢大呷綜合滷味拼盤 $108拼盤有豆腐，雞腎，海帶，牛腱，大腸。滷水味幾濃郁，牛腱炆得好淋，豆腐係得食過嘅滷水豆腐中差不多最入味嘅。大腸比較肥🐮大呷紅燒牛肋條麵 $98有得揀幼麵 粗麵同新竹米粉。我地揀左粗麵，麵質彈牙，湯底配埋酸菜食好有風味。牛肋條 大大舊 但依然好淋🍄鍋燒三杯野菌 $88好鍾意腱鍋上嘅菜式 好熱焫焫 一上菜已好香 炒起味道更香 三杯醬都好入味🧋紫心地瓜古早珍珠奶茶 $28呢個係地瓜味嘅奶茶 多數係香芋 紫薯比較少見 幾特別 珍珠口感煙韌 🥢中環呢個價錢食野都算抵 lunch有套餐更抵

今日嚟到中環搵嘢食 朋友想食台灣野 見到呢間大呷台灣離地鐵站唔遠 價錢都唔貴 於是約咗7:30去試吓我哋兩個女仔叫咗幾樣嘢食 前菜係小食拼盤 $108有五樣嘢食 包括醉雞 溏心鴨旦 涼拌茄子 云耳 干貝蔥油拌豆腐 我最鍾意嘅係個豆腐👍🏾干貝脆脆香香咁 同個豆腐好夾！仲叫咗小籠包 好好食 肉汁香濃 大大隻一粒 $38有四粒 抵食！主菜我哋叫咗最傳統嘅紅燒牛肉麵 牛肉係半筋半肉 有六大嚿 足料！炆得好淋好入味 湯底飲落冇味精 有香料同肉骨香味 感覺好正宗👍🏾 麵條嘅質地都好有彈性再叫咗台式蚵仔煎 唔算好大塊不過上面真係鋪滿晒蚵仔加埋少少爽脆雜菜 配埋個甜酸醬汁 唔錯唔錯埋單飲埋野每人$200唔使 CP值都幾高！

呢日係中環上完workshop太過肚餓，所以想係附近食個early dinner點知5點幾太早好多餐廳仲落緊場🤧最後求其見到呢間仲做生意就入左去入到去就知佢地之前應該係做開大陸旅客🥴勁多Alipay、大陸點評嘅貼紙🤧🤧成個feel似大陸餐館多過台灣餐廳😐~~~🐷紅燒豬軟骨麵($68)🪄5.7/10麵條質素一般，個湯味道偏酸，可能落醋落多左😐豬軟骨就幾腍幾入味🔸炸花枝之丸(加錢配 但唔記得左幾錢😅)炸得ok，得兩粒唔係幾著數.🦆飄香鴨肉飯伴滷糖心鴨蛋($58)🪄4.9/10一上檯我有少少😧因為完全冇expect過係呢個樣🥶🥶一碗白飯淋少少汁，再擺幾塊鴨胸係面，成件事勁hea…鴨胸仲要勁細塊，攝牙罅都唔夠🤷🏻‍♀️好彩冇臊味個飯仲配左個流心鴨蛋，味道就正正常常啦但唔改變到成碗野同自己係屋企煮個頹飯冇乜分別呢個事實🤷🏻‍♀️~~~⭐️回頭指數🌕🌑🌑🌑🌑雖然食物質素真係普普通通，但呢個價錢係中環食飯又唔可以complain咁多💩當係中環食個快飯係ok嘅，但就唔好特登走去食啦…

喺中環見完客，咁啱對面馬路就有間新嘅台式餐廳，同事話好想去試下就一齊食個early dinner！地點喺士丹利街尾，餐廳menu主打台灣麵 🍜肉燥飯🍚同特式小食，中環黎講價錢超親民而且份量多！裝潢簡潔，座住濶落舒適，一邊播住台灣歌食特別好味😋🍜干貝蔥油乾伴麵 $88一上枱已經聞倒超香蔥味嘅干麵！一大堆炸到香脆香口嘅干貝蔥油醬超級惹味！干貝煙韌有咬口，撈勻食味道啱啱好！麵質彈牙煮至適中，我自己就超鐘意！跟埋上湯，可以一啖麵一啖湯，食完都唔會口乾！麵底份量足！性價比高！🍚古早肉燥飯伴糖心蛋  $68 滿滿嘅肉燥飯嘅肉香濃多肉汁，肥瘦適中，香而不膩！每一啖飯都夠食倒滷肉！ 配飯有一隻糖心蛋，隻蛋爆汁勁香勁好味！配菜仲有雪菜，飯嘅份量都好足！唔錯！🍗鹽酥雞 $68  炸得酥脆嘅鹽酥雞 ，啖啖雞肉嫩滑有肉汁唔油膩！推介！🍹飲品 $33 點左百香果QQ ，甜度適中好多QQ好好味 玫瑰水晶洛神花 , 味道清香好啱我！

去開中環做嘢～食個lunch今次一於試下 大呷台灣特價小籠包 $18 有四粒皮都算薄，好多湯汁👍🏻好抵食另外點左招牌鍋燒三杯雞 $108一上枱已經好香😌平時我會連埋九層塔一齊炒，通常都炒到老晒佢似係最後放九層塔，用鍋嘅熱力輕輕整熟，所以食落仲好鮮嫩，亦都食到佢個味～食台灣野必食 古早味蚵仔煎$78蚵仔嘅數量相當多～完全唔吝嗇通常地瓜粉都整到一pat pat 呢個又唔會～好乾身，但又唔會太油，外圍仲係脆嘅添干貝蔥油乾拌麵 $88 都係我必食加$10有埋鹽酥雞扒～個麵真係好好食😋好多干貝絲反而雞扒我就覺得個炸粉，唔太平均，有啲位就好大舊炒，不過整體味道都好食台式飲品都係我至愛～紫薯控當然會嗌杯 紫心地瓜粒粒芋頭 $33 好飲～真係有好多芋頭喺下面😋朋友杯芒果布甸特飲$33 佢話都唔錯朋友OpenRice book 枱仲有折添👍🏻

平時去中環都係食西餐/日本野多，經過見到喱間食台灣菜，見平時少食開就入去試吓啦🥢食物🥢1️⃣紅燒牛肋條麵$98: 通常食麵我都會飲啖湯先，喱個湯底好濃牛味之餘，亦有少少藥材味道，唔好以為會係好苦！其實味道真係好甘香👍🏻牛肋骨size好厚大，口感卻是好軟淋，麵是粗寛麵，吸收左牛骨湯更加好味😋2️⃣香樑酒香雞湯麵$93: 精粹係個雞，好香既酒味，呢款面嘅湯底就係屬於淡口味，唔會搶個雞嘅風頭。3️⃣蒜蓉炒水蓮$88: 這款菜平時好少會食，口感幾爽同埋好香濃嘅蒜蓉味。4️⃣古早珍珠奶茶$28: 可以揀黑糖/香芋/椰香…而我揀左紫心地瓜，口感軟棉好粉，味道好濃郁芋頭味又唔會過甜💗💥環境💥小小嘅店舖座位都幾多，但就座位比較迫，地方都幾光猛乾淨。💥服務💥感受到男店員好殷勤服務，知道我哋想坐卡位，中途都俾我哋搬過去，而且好好禮貌，真係值得讚👏🏻

下午行完中環街市，走左過黎食台灣野，我地點左鴨蛋配肉燥飯、紅燒牛肉面、鹽酥雞同蚵仔煎!紅燒牛肉面係最推介既，牛肉好嫩，煮得好淋，個湯有中藥味，感覺健康！肉燥飯都唔錯! 不過蚵仔煎味道一般，蛋不夠多! 食完令人好懷念台灣夜市

今次放工同朋友過嚟中環食台灣野 始終好耐都冇去過旅行台灣就口痕😂干貝蔥油乾拌麵 跟上湯蔥油味幾香 加埋個上湯感覺幾好😛鍋燒三杯野菌都幾足料 呢一鍋嘅份量好多 同埋野菌都好入味 幾推介👍🏻高粱酒香雞酒味唔算好濃 適合大部份嘅人食 而且雞好滑 送飯一流😂😂大呷紅燒牛肉麵牛肉麵個湯底唔會話好鹹 牛肉都幾厚 很好食😛😛整體：🌟🌟🌟🌟性價比：🌟🌟🌟🌟食物：🌟🌟🌟🌟環境：🌟🌟🌟🌟🌟人均消費：100-200/head

提起新竹，除了貢丸外，還有新竹米粉，外表比平常見到的米粉更幼細，可以煮米粉湯外，還可以加入各式各樣的配料製成炒米粉。「呷」字是「吃」的意思，所以「大呷台灣」就是指這裡有不同款式的台式美食，大家可以大吃！大呷新竹炒米粉 $98炎熱的天氣，唔想食湯麵，轉而叫呢款炒米粉。用上比較幼細嘅新竹米粉，配料有冬菇、肉絲、蝦乾、菜等等，簡簡單單，是一道平常且好味的家常菜。蒜蓉炒水蓮 $88去台灣嘅時候成日都會食台灣嘅山菜，而水蓮就係其中之一，脆口鮮甜無土味，用蒜蓉炒更香口。香炸蚵仔酥 $68炸起熱辣辣，粒粒蚵仔酥都帶有蠔味，好香口。和風秋葵沙拉 $43底部是番茄粒粒，加上面層的秋葵，清新的一道沙拉。大呷小籠湯包 $38小籠湯包一口咬下有熱熱的湯汁，餡料都好滋味。蘆薈冬瓜茶 $33夏天消暑冬瓜茶，加上粒粒蘆薈增加口感。桂花烏龍冷泡茶 $33入口有微微的桂花味，是不喝甜的好選擇。

朋友喺附近返工，推薦呢間台灣菜。午餐Menu喺中環區來講好抵食😌最緊要位置就腳座位就一般好坐，如果係聚會傾偈就唔會揀呢間，只係lunch一個鐘時間就冇所謂。古早肉操飯間間台灣餐廳都一定有，呢間係用珍珠米，肉碎好多最緊要唔鹹，撈埋粒粒分明嘅珍珠米食口感一流。紅燒牛筋牛展面試咗啖湯底，唔錯，甜甜哋。牛展牛筋煮到好入味，個面就好一般，一碗麵咁足料都對得住個價錢。炸雞扒超大塊，兩個人食唔晒。個炸粉好薄，炸到好靚好脆，加埋椒鹽好好食😋仙草奶茶朋友極力推薦，我飲完就覺得好一般😂早知飲珍珠奶茶好過😅中環區呢個價錢好抵食食物好足料，好大份，一定夠飽。最欣賞佢唔會好似其他台灣餐廳咁得個鹹味😂位置就腳，附近返工嘅不二之選。

@kan.teen一間以小店來講 服務態度有200分嘅餐廳😇一入到去店員已經超熱情歡迎我哋 當時店舖都有幾台客 但店員依然熱情推介餐廳招牌菜，佢哋分別推介左蕃茄牛肉麵🍅同埋蚵仔煎~服務態度超nice 內心為呢間餐廳加左好多分💗💗.👅鮮茄濃湯精品牛肉蕃茄麵 $93最impressed我嘅係個蕃茄麵我覺得好有心機🧡蕃茄麵食落煙煙韌韌有淡淡蕃茄味 湯底蕃茄味就濃好多 好似羅宋湯嘅味🥫無好酸 我覺得點都有啲味精 唔係100%鮮茄🤣而佢嘅牛肉就滑牛 呢個係厚切🥩唔係一般食台灣麵嘅牛腱牛腩 我自己偏向中意牛腱呢啲~.👅鍋邊三杯菇菌 $88三杯係指：麻油、醬油、米酒，份量各一杯，呢三個份量嘅醬汁就係呢道餸嘅靈魂😇我覺得呢個都古早味濃🤎有薑片又有羅勒呢個係三杯雞嘅素版 —— 三杯菇🍄即使無用肉 但都完美還原個個味道好惹味 份量又係好多 完全對得住價錢.👅古早蚵仔煎 $78呢個蚵仔煎外皮嘅邊邊位 好煙韌好有咬口🤣🤣而且超多蚵仔 好足料 雖然蚵仔稱唔上鮮甜但至少唔腥.👅珍珠奶茶 $28奶茶偏甜 茶味比奶味重🌿珍珠唔係波霸size 正常珍珠size 偏彈牙外軟內實嘅珍珠～.👅芒果布甸特飲 $33朋友仔話飲呢

《台菜真好呷💕》———————————————-#大呷台灣 🇹🇼-最近朋友去咗中環返工，突然覺得通貨膨脹咗好多，就專登同佢去捐窿捐罅搵吓啲性價比高嘅餐廳，點知原來喺威靈頓街就有一間經濟又實惠嘅台式菜😋-🐣 干貝蔥油雞排乾拌麵跟上湯雞扒炸得非常酥脆，好似手掌咁大塊，肉味香濃！尤其抵讚嘅係個乾拌麵，調味非常有層次，配埋古早味濃郁嘅湯頭，味道即刻升級左🆙-🍍 鳳梨魚柳朋友覺得呢款相當有驚喜，台灣鳳梨入口清香，味道唔會死甜，魚柳塊真材實料，啖啖肉！-🥟 大呷小籠湯包餐廳即叫即正，新鮮出爐熱辣辣，皮薄餡靚，一咬落去即刻爆曬汁🤤-飲品就叫咗兩杯台式風味十足嘅芒果布甸特飲🥭同古早仙草奶茶🧋，消暑解渴～-⭐ 參考價錢︰（另收加一）鳳梨魚柳：$108干貝蔥油雞排乾拌麵跟上湯：$98大呷小籠湯包：$38芒果布甸特飲： $33古早仙草奶茶： $33🍌 抵deal 指數：9/10💰 人均消費：$175

之前朋友喺中環返工，就推介我嚟試下呢一間佢成日食lunch都會去嘅台灣嘢😚環境：7/10成條威靈頓街其實都好多嘢食，台灣嘢就真係少啲嘅！餐廳四四方方大概可以坐到30人到！食物: 8/101️⃣大呷綜合涼菜拼盤$108台灣出名小食多，樣樣野都想食直接來一個拼盤啊，高樑酒香雞好有酒香同埋雞都好嫩滑，其他小食都不過不失性價比高！2️⃣台灣香腸 $58台灣香腸就係好食嘅，甜甜地撈埋蒜蓉，正常發揮🤪3️⃣ 和風秋葵沙律 $43想食得健康嘅人都好多選擇，呢個秋葵沙律撈埋蕃茄莎莎同埋和風麻醬，一個人食一碗冇問題😜4️⃣大呷紅燒牛肋條麵 $98想讚嘅係個牛肋條炆得好琳一啲渣都冇😍仲有成五六件，如果湯頭都好重牛味😋5️⃣雙菊會🌼 / 蘆薈冬瓜茶 $28 / $33菊花物再加左乾菊花泡茶，清熱養生嘅好選擇！而蘆薈冬瓜茶唔會話好甜同埋啖啖都飲到蘆薈🌵💰性價比 :7.5/10 ($180/人)，中環來講呢個價錢都算抵食，同埋佢平日同埋呢時段都有set，所以都幾抵食👍🏻

中環真係好多唔同既食肆，選擇真係好多，中西日泰台美咩類型都有，今次就試下台灣野先。“大呷台灣” 好似都幾多人食咁喎，其實同一條巷都有其他連鎖台灣餐廳，不過我想試下D未食過既，就挑選左 “大呷台灣” ，但係食完之後就有D後悔😓。因為味道不似預期，仲要都唔算好平。叫左一個香酥豬扒湯麵 $68 ，包一個小食，我 order左麻辣豬耳，加$8可以有一杯飲品。香酥豬扒湯麵，先講個湯底係完全無味😵，麵既質地好淋，成個口感都唔好，好似滾水煮一D脹左既烏冬🤢🤢再講個豬扒好嚡，又係無咩味😢。小食 麻辣豬耳，算係好少少，但只係因為其他野太差，所以先對比好D🙄。我覺得自己浪費咗個quota，唔明點解有咁多人食😅無下次