稻 (Closed)

有日喺k11行街，發現開咗間新派特色中菜，見佢裝修幾特別，所以決定入去試試。打開餐牌，發現雖然係中菜，但又加咗西菜煮法，成件事好有趣。店員好熱心講解菜式特點，最後決定點幾招牌菜。北海道帶子桂花汁伴三文魚籽：作為前菜係清新嘅，帶子好鮮甜，加埋桂花汁多咗陣清香。酸菜加拿大鱈魚：未見過酸菜魚係浸喺泡泡入面上菜，原來係份子料理煮法。食落酸味啱啱好，又唔會太辣，仲有魚係粒粒形狀，加上筍、秋葵粒，好似食緊高級法國料理感覺。甜菜頭澳洲和牛炒飯：個飯炒得幾乾身香口，加咗紅菜頭就冇咁油膩，唔錯唔錯。整體來講用餐體驗都唔錯，店員都好熱心解答問題。希望個餐牌有更多選擇，下次就可以試多幾款菜式啦

行街路過，見新開一間餐廳。出邊就見p環境勁靚，位都好闊落。行左成個上晝，即刻入去坐低食埋lunch。環境睇得出好卑心機，超多打卡影相位。我地三個人，一個前菜，兩個主菜，一個主食，四個甜品。每道菜上檯，賣相就surprise到，感覺係廚師為每一位食客製作噶藝術品，眼同相機先食。味道都好出色，完全顛覆傳統中菜概念，好驚喜原來中菜有哩種表達方式。酸菜魚 湯頭泡沫綿密豐富，酸味適中，輕微辣度配合得好好，一個湯味道口感都兼顧得好好，魚肉又嫩滑，蘆筍做配菜，好滿足。甜品激讚試左四款，款款都無敵好食，恨不得試晒所有甜品。傳統甜品創新真係好少食到驚艷味道。食完會霖到係邊個傳統甜品創新，同時好佩服霖到甘做噶人。每個菜品都係一副藝術品，味道口感層次好豐富，創意令人佩服，每個細節感受到用心。身心享受噶一餐，大滿足

K11 musea B1層前兩天有間新開幕的餐廳，設計好似一個洞穴，但卻加入時代感及藝術感，相當吸精，不禁吸引了我去嚐鮮。詢問過店員後，得悉是稻城亞丁的集團的，所以都會加入川味元素，但這間食店更有高級感。餐廳暫時是沒有套餐的、只能單點，而菜單上的菜式是很fusion，基本上外面不會吃得多，但配搭上感覺不太吸引，今次指點了兩款菜式試試，川味炸薯角及酸菜銀鱈魚。川味炸薯角這個菜式一上桌的時候，就比人一種很辛辣的感覺，裏面夾雜了乾辣椒及麻辣花生，不過麻辣花生及薯角都有一點淋，沒有香口、脆身、惹味的感覺，對於我這種很喜歡吃馬鈴薯的人，也算不太吸引。酸菜銀鱈魚 $2XX這菜式由於分子料理及藝術品，賣相精緻，打卡不錯，但一上桌時卻有一種莫名其妙的酸縮味，感覺不太吸引，裏面的銀雪魚不是塊狀、而是粒狀的，配合了秋葵、迷你蘆筍、一些菇及酸菜，食落會有越來越辣的感覺，但不惹味，蘆筍亦有一點偏苦。總括而言，是打卡好去處，但追求食物質素的人未必適合，不過值得讚的是員工服務態度好，都會於食客用餐後詢問食後感及評語，希餐廳食物質素遲一些會有改善。