稻成京川滬 (新都會廣場)

Open Now

Now Closed

本人非常喜愛成上海菜 而這間餐廳第一次光顧環境很大很闊落 是次點了： 雞絲粉皮： 雞絲比較少,粉皮比較多 ,青瓜又比較多, 芝麻醬很重花生味。整體味道不錯！ 炒鱔糊： 非常喜歡食鱔糊！這碟鱔糊非常足料！份量多！炒得好味！推介！上海粗炒： 味道濃郁！入味！不錯！蟹粉小籠包： 皮薄餡靚！蟹粉味充足！一流！ 薑汁芝麻湯圓： 湯圓夠大粒！芝麻味濃！我喜歡！ 酒釀小丸子 ：煙韌好味！總括而言：大滿足的一餐！ 餐廳人不多 ，地方闊落，很好坐，很適合聚會傾計嘅地方！ 食物整體製作也很好味！加上好的食飯對象，相同口味一起愉快享用，絕對是開懷的一餐

第一次去稻成京川滬，訂左枱中午12點。一去到門口已經有服務員招呼，然後帶位入座。 係一個有房既4人枱，充滿隱私同空間感。由於只係3個人食，叫左蟹粉小籠包，津白春卷，上海粗炒同樟茶鴨子半隻。食物都算上得快。 蟹粉小籠包同上海粗炒不過不失。津白春卷香脆。最好味係樟茶鴨子，好香鴨味，而個皮又薄又脆， 仲有蝴蝶包比你包住食！必食之選！總括而言，環境好，服務質素好，食物亦有水準，值得再去！

大時大節中伏夜..諗住做節同屋企人食餐好嘅，見佢成日門口都多人等位，openrice又可以訂，所以就試試佢啦...點知......訂5位，佢比張4人檯我，只係求其係個路口位擔張圓凳俾我，姐係咁...咁我訂位黎做乜？同埋你價位中上，我唔expect坐到大排檔咁🌚之後坐低無耐，侍應黎左幾次問你落得單未，我明大時大節你想翻多幾張檯，但同樣地唔係人地餐牌都未睇完就追人落單，仲要黎幾次🤡總結，份量overall係少嘅。個片皮鴨黎左碟肉成5分鐘，d皮仲話蒸緊，都算！上枱竟係凍嘅？一岀爐就吹凍曬咩？侍應推薦嘅稻成炒飯普通過茶餐廳食到個兜，雖然算炒得幾乾身，但一望價錢又會覺得搵笨🤷🏻‍♂️高力豆沙算有驚喜新鮮制唔會太甜，算係成餐比較好嘅一道菜！仲之..呢間又係無下次

老公突發來我公司接我去食晏，為方便泊車就了葵芳新都會廣場，雖然這裡食肆多，但中午食晏時段都人山人海，老公想食小籠包，於是我地就去了稻成京川滬。意外地餐廳人不多，我們被安排了角落頭的一張圓枱，環境很好坐得很舒適。由於時間有點趕急關係，我地唔諗點了個二人用的午市套餐($208++)二人套餐可於頭盤煩，包點類，小菜類，三項各選一款，我地選了當然有老公至愛小籠包，口水雞，京葱炒羊肉。小籠包一般，京葱炒羊肉有點過甜，口水雞完全無雞味，好似煲完湯既湯渣，靠啲川辣油掩飾，好失望，我以套餐優惠價❨$12❩追加了一碗酸辣湯，都ok埋單連收茶芥加一，都要$260, 仲要侍應忘記送上甜品，要我問至送來。

用餐時間只有1.5小時，訂位時沒有說明，到了才告知，5個人食得好趕，如果一早知道便不會在這裏用餐。食物水準一般，包填鴨的皮很厚，破粉。砂鍋雲吞雞，雲吞可以但湯底超油。松子魚可以。我們點了4人餐，但整體而言不值這個價。失望

理到葵芳行街行到夜，突然想食酸辣野，所以決定試下e間京川菜，因為都開始夜所以都唔係要等好耐，十分鐘都有位入得餐牌選擇都算多因為肚餓兩個人最後叫左四樣野食加一個湯首先黎夫妻肺片唔夠辣唔夠香，感覺好似就咁煮熟再淋d滾油上去咁，失望酸菜魚片酸菜唔夠酸，辣又唔夠，魚片又碎，都係失望酸辣湯辣味係辣粉味，所以比較搶喉，酸味還夠最好食的就係一口臭豆腐好脆好香口，細細粒剛剛一口，唔錯小籠包皮較厚，但味道還可以總結e餐飯係失望的，除左個臭豆腐其他全部都係水準以下，冇下次！

lunch一班朋友嚟食！唔駛見到川菜就驚會好辣好辣！反而想講好好味啊。同埋可以揀啲唔辣嘅食啊。我覺得我太遲先發現呢間嘢。真係超好味！干扁四季豆真係好正。同埋小籠包料好足，有啲剩得個皮，無咩肉！最後仲食多籠唔錯唔錯😬無影得個豆沙餅😭😭😭😭😭好食到癲咗，我哋又叫多個！同埋可以食埋高力豆沙，但所有甜品一定要趁熱食啊！😬😬😬😬因為凍咗就唔好味，同埋個人鍾意食熱嘅甜品多啲🤤💓💓💓💓

國慶日同兩位好姊妹👭食個豐富下午茶☕🥟；揀左葵芳新都會稻成，每人一個tea set 再另加一杯豆浆，加埋一每人都係$100,而且又吾限時間，真係好抵👍🏻，食物質素都好好😋。我同另一位姊妹入座先(當時15:30)，而在等緊另一姊妹期間未有落order. 但刭15:55分，有個侍應先同我地講仲有5分鐘截單……。我地拿拿臨兼好求其揀3个set. 希望下次可以早d比提示d食客截單時間，尤其是知道未齊人。

10.1黃金週正開始，我帶坐輪椅的婆婆，千里迢迢由觀塘來到葵芳，由於下午1點才出發，怕去到新都會廣場超多人到食肆等位，再細看openrice的食店推介，見這間店評語都尚可，而且又可以經openrice即日訂座，就抱試一試的念頭去了。去到俾接待員知我已訂座，已經不需等位直闖，我點左4款食物，其實兩婆孫都幾大食，最後是掃光光。稻成小籠包肉嫩皮薄多汁，可惜是食物溫度不夠熱，就算做得再出色也被扣分，有待改善香蔥肉鬆餅賣相同蔥油大餅一樣，外脆內軟，有少少蔥油香，肉鬆也不油膩，減少左罪惡感。一口臭豆腐送來時嗅到少許臭味，隨著溫度減退，臭味漸漸消失，婆婆問點解唔覺嗅，在商場有中央冷氣系統的食肆，點可以做強烈味道的菜式，不愛吃此類食物的人，可能連商場都不敢入，所以只能夠做出少臭的豆腐，一口的尺寸真太少，同腐乳差不多大，所以食物較乾，做不到外脆內滑，好似食緊豆卜的口感。銀芽炒鱔糊這款令我喜出望外，首先價錢有點貴，好似$138，但老人家喜愛，再貴也叫得值呀！食物送來一望，有好多黃鱔肉，唔同其他食店，十隻手指都數得晒的黃鱔肉，銀芽幼嫩，不會黐牙，又有韮黃，醬汁恰度好，不會太咸，最緊要鱔肉完全冇幼骨，起骨細緻

同屋企人行街，有老人家係到，揀返d中菜，去左食通海野，小籠包夠熱多汁，一定要慢慢一啖一啖食，不能太快，雞絲粉皮，哩個係我鐘意食，其他食物都ok，哩間其實唔差，同大集團果間拍得住。

葵芳新都會廣場大裝修後，進駐了不少食肆，今晚選擇左食上海菜，稻成京川滬做晚餐，一行5人4大一小，因食物份量好少，共點了10款食物先夠飽前菜肴肉、雞絲粉皮，炒小菜宮保蝦球雖然好味，但$168一碟只得8隻好少唔抵食。砂鍋雲呑雞(半隻)6粒雲呑，小籠包同煎餃子味道也不錯，小朋友啱食雞肉煨麵，另外叫左酸辣湯麵及酸菜魚，但有點失望，酸辣湯整得唔好味，湯好淡好結，酸菜魚勁多魚骨碎，容易插到魚骨落牙肉，一邊食一邊吐碎骨，甜品點左高力豆沙$48一碟4個，好好味。餐廳食物不過不失，但上菜好慢，砂鍋雲呑雞等左超過半小時都未到，追左2次單先有，食完甜品高力豆沙先到。

我的家人特別喜歡食上海野，成日周圍去試，見葵芳呢間終於開，我地一行4人就專登去會一會佢。星期日6：45去到暫時唔洗等位，但見一到7：15就開始聚集左一d人係門口等位。我地嗌左夫妻肺片，辣辣地好好食，超級推介，雖然貴左少少。又嗌左小籠包，非常多汁，值得一試！其他的擔擔麵、酸辣麵、上海粗炒都幾好😋會再去食！

是晚跟朋友到葵芳新都會吃飯，眼見這店都幾好，又好似幾新淨，於是入去試吓。服務都十分一般，侍應是要叫好幾次才來，我們都點了十分普通的 浙醋排骨(涼菜)(但實際來是熱), 東宮炸醬麵，一個甜酸蝦球和素菜餃。首先說他們食物喺可以的，不過四款裡有三款比較甜，而且都幾重味。之後就開始出現問題了，我們覺得那些餸都幾適合撈飯，於是便打算叫一碗白飯大家Share 。咁我哋就叫人嚟，又係叫咗幾次冇人理，之後見到個冇著制服的，高高大大嘅男士，就叫佢落柯打 (因為我一直都見到佢有幫手寫柯打)。但碗飯點了接近半小時都未嚟，咁算啦反正都飽。但我卻發現這位疑似侍應的男士的工作十分有問題的，因為我發現每逢由這男士負責的柯打，其他檯都係有問題，不是出錯就是漏單，甚至別人叫他埋單，他都是懶理，他根本就是走來hea 你，完全唔係Serve 你，我覺得成件事好有問題。之後埋單又係不停舉手，就算有侍應點頭知會都係不了了之，而且張單是嚴重出錯，食了四樣菜竟然有七個柯打，咁混亂都可以嗎？而且更要核對了幾次才正確。食物可以，但服務態度真係唔合格，需要重大調整才可以，而且我更發現其他檯的柯打很混亂，居然主菜未嚟就先上甜品，甚至根本是

新開張後已第三次來，可能是新開張，免3位大人茶介。小籠包豐富肉汁、皮夠薄，很值得推介。（但因趁熱吃，忘記拍照）這天1:40入座，原來2:00 有下午茶。價錢肯好不算太貴，雞絲粉皮、排骨辣味擔擔麵、陽春麵、鍋貼、小籠包。約合共$310-$320，三個大人，兩個小朋友也吃得飽飽的。職員也樂意加茶，服務態度亦尚算可以。上菜時間亦算很快，沒有漏單和錯單。環境光猛，地方寬敞，感覺亦舒適。適合一大班人談天、聚會。

今次呢間食午餐，葵芳分店，環境好舒服，不過放袋位置比較少，服務質素 OK，員工態度都好好，一向都鍾意雞絲粉皮同埋口水雞，二話不說即刻叫咗呢兩樣，口水雞比預期之中辣， 如果鍾意食辣嘅人，必定要嗌，，我三個女仔，叫咗二樣菜，仲有炒飯，雖然配菜唔多，但係都幾入味、份量啱啱好，嘢食嘅賣相都好靚，下次你會試吓其他菜式，因為中午，唔係食得好多野，唯一改善嘅就係雞絲粉皮吖可以分量多番少少，同埋口水雞唔會咁辣，會比較易入口