稻成京川滬 (新都會廣場)

Open Now

Now Closed

同事相約新都會廣場，6個同事本身想嘆個日式火鍋做午餐，誰不知拿唔到位就轉到這間京川菜館，想不到亦有意外驚喜。每人點一個菜開心share食到多款合口味的川菜是不錯的選擇。麵點自由配搭套餐點了：嫩雞煨麵配雞絲伴粉皮招牌小炒套餐點了：(以下均配白飯一碗)麻婆豆腐糖醋魚塊四川宮保雞丁乾爆四季豆魚香茄子每款不逐一介紹，整體是味道剛好，款式樣靚靚，份量亦不少，岩哂平時有選擇困難又想試哂咁多款口味的食客😋👍👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️/5

午市二人餐 $218 可以揀一款小菜同點心 然後就會配有白飯同炒菜清炒時蔬今日係高麗菜 由於係清炒 所以真係冇乜味😂稻成小籠包小籠包既皮比較薄 所以拎黎食既時候要小心 因為會好容易穿 一定要趁熱食 係餡料方面 肉汁好豐富 肥瘦豬肉既比例好均勻 水煮牛肉份量唔算太大碗 對於比較食開重口味既我黎講 就覺得冇乜辣同埋麻既感覺 牛肉係厚切既 唔會話好嫩 又唔會好韌 普通 然後所有既配料都好爽脆 但係就唔入味 好似淨係係外層包住一層辣油 最好食既係水晶粉 因為佢吸收左啲辣汁

舊年年尾曾到訪過「稻成」，覺得環境幽雅、招呼熨貼、食物有水準，而3月去咗一轉長旅行，事隔一個多月，大家話搞個重聚日，就建議嚟「稻成」食番餐，話晒食過先敢推介俾班「老細」。去旅行又好，食嘢又好，搵埋一班志同「稻」合嘅朋友就過得特別開心。之前嚟喺坐大堂，今次被安排晌坐入房（個房可以擺到兩圍），環境幽雅，感覺更靜侷，方便我哋重溫番旅行點滴。部份老友比我早到埗，已食緊啲前菜（$15 / 碟），趁未齊人，大家就研究吓有咩想食。上次都影過餐牌，目測都無乜點改，只喺調整過價錢而已，所以，今次就唔費時影多次。一般茗茶收$6位，但店長好好人，俾我哋試一試黑杞子茶，小弟井底，都喺第一次飲，色澤藍藍哋，仲誤會以為喺蝶豆花，味道帶淡淡杞子清幽，講到食療功效就多囉，增強免疫力、抗疲勞、養肝明目……等等。雞絲拌粉皮 $52大路得嚟，又穩陣嘅冷盤，等大家可以食住等。雞絲、青瓜絲切得幼細而工整，跟粉皮、麻醬拌勻，食落口感豐富，有爽、有滑，芝麻味香濃又唔過於黏口。蘇式燻魚 $72燻魚喺另一款富特色嘅冷盤，肉質挺身而具咬口，咬落唔會一陣風咁，有嚼頭，而且，煙燻香極為突出，十分惹味，就算配碗白粥，都夠晒作為一餐呀！稻成黑松

同事嘅Birthday lunch book左公司樓下稻成試下京川滬菜。喜歡食辣嘅朋友可以試下呢間，食物水準唔錯，但服務有待改進。涼拌雞絲，青瓜絲，粉皮，配上麻醬，幾有口感。口水雞出名辣，呢個都唔例外，雞幾嫩滑，下次可試酒糟醉雞。小籠包皮好薄，一口咬落湯汁漏哂出黎，還有蟹粉小籠包可選擇。水煮牛肉賣相好紅，辣椒蓋滿哂牛肉，最入味應該墊底嘅冬粉，食得辣嘅朋友可挑戰。上海粗炒炒得乾身，材料還有肉絲，冬菇絲，椰菜，配埋辣醬唔錯。奶白色嘅津白，食完重口味嘅食物，清清地嘅菜蔬幫助消化。

公司同事集餐12位只叫左一個10人餐，但都食唔曬！😂原先打算叫個10人餐再加其他嘢，但一個10人餐原來碟碟都好大碟，食到一半有人都飽左🤣水煮龍脷魚睇佢成碟咁紅都知係辣，但都真係幾辣下，仲要係麻辣果種！好似我平時都只係食到小辣既人，淨係敢食龍脷魚肉，浮面既全係乾辣椒全粒既花椒，鐘意食辣一定覺得好開胃！

今日母親節點左四人餐，野食已經麻麻，酵夫同紅燒肉百葉超甜，食左一口唔想再食。最驚喜係鍋湯加料，好大隻烏繩，叫佢即刻換第二樣野...真係無下次。呢間野上次已經嚴重失誤，Openrice訂座寫明要留壽包，點知黎到話無留，咁一心黎慶生就咩都無。今次仲咁差，真係無下次。上菜一鍋鋒咁上，張枱根本無位擺，但係叫我地搬開啲野，我想問，點解可以差到咁？本身都限時1個半小時，食到未夠一個鐘已經拎單黎叫你埋，其實真係好影響人食飯心情。

今日有啲唔舒服，諗緊去邊度食飯呀到葵芳差唔多8点鐘,友人想食小籠包剛記起上次食過呢間，不如 就返嚟食啦我哋兩個人等咗大約15分鐘每次入座之前，都已經準備咗一個前菜放喺枱面味道有少少似泡菜噉樣，但係又冇泡菜噉spicy今日覺得好肚餓啊,食嘢mode啟動小籠包五分鐘就出到喇仲係好熱辣辣,出曬煙都食過好幾間小籠包, 但係好多間都反而唔夠呢一間咁熱,同咁薄皮夾起左好耐都冇穿但係個皮都幾薄身,個皮都幾軟熟入口小籠包好熱,仲好多湯汁推介鎮江淆肉 同 青城山素腐方個人幾鍾意食呢間嘅小食上次嚟食個小星都覺得好好味今次這兩款都唔錯仲膽粗粗叫咗酸菜魚上枱時份糧okay,諗住唔夠食所以已經嗌咗炒飯魚片分量都好多148都算抵食,最意想唔到嘅竟然係....酸菜魚要個底仲跟咗好大底寬粉即刻覺得超級抵食，早知炒飯唔嗌不過個炒飯都幾好食炒得幾香，顏色又幾靚，又多料招牌炒飯冇丟架不過實在食得太飽 唔好嘥嘢個炒飯打包啦

週日通常瞓到日上三竿，梳洗出去食我地嘅早午餐！今日同老公去左葵芳，方便食野又可以去一田入貨！新都會咁多間食市，稻成應該留底都多腳毛😂，但卻無寫過1篇關於佢嘅食評，今日補返先😝泊埋車上到去around 1:40pm,直入無需等位（晩飯時間等過成個鐘），由於唔係第一次黎，所以好快決定食乜😋稻成小籠包小寵包-皮薄餡肉多汁，每次必點（老公最愛）老成都夫妻肺片夫妻肺片-望落好似好辣，但其實小麻辣，越食越開胃雞絲粉皮雞絲粉皮-呢個並唔太特別，只係唔想食d開胃小菜炸醬麵炸醬麵-首先，要一上枱就要撈均，如果唔係就會乾到撈唔均😂，天氣太熱唔想食熱野係個唔錯選擇平時會叫下擔擔麵/上海粗炒/鍋貼/抄手等等，仲有個螞蟻上樹都幾好食架！下次去再分享俾大家😉

電梯旁邊，萬寧隔離，餐廳屬算當眼地方Shopping 後就能容易找到餐廳 有個地方坐坐，今次和朋友剛好安排卡位，不過最欣賞每卡位有獨立空調 可隨自己調較，大愛！！！！

顧名思義，稻成京川滬菜都有，但個人平時食佢都係食川菜多佢d小菜真係超級好下飯，碟碟都好香好好味欖菜炒四季豆，欖菜本身已經好下飯，佢仲炒到勁香，d肉碎都好香欖菜味宮保雞丁，呢味菜同我地平時食既宮保雞丁有分別，佢係酸甜版本既宮保雞丁，當中只係帶左丁丁辣，有d似甜酸排骨既汁，如果想食平時食開果隻雞丁就未必岩了麻婆豆腐，呢個真真真係要絕對推介！佢隻汁真係有麻味，再加上佢d豆腐係超~級~嫩滑，不消幾分鐘，碟菜已經比班食鬼掃盪一空，可想而知個受歡迎程度相比之下，呢個京蔥拌面就一般，佢個醬好咸好重味，d肉碎吸哂d油同汁，咸上加咸

尋日同家人食生日飯，又要泊車方便又要搵圓檯，終於搵到呢間餐廳。記得幾年前喺圓方食過印象都唔錯，幾年之後試呢間分店估唔到水準一樣咁高。食物推介佢個口水雞真係好香，香味好有層次，基本上係必點嘅頭盤；炸臭豆腐咁邪惡嘅小食竟然喺度有得食， 人多就叫碟嚟試吓，香脆可口又唔會太油；再叫埋另一邪惡小食-黃金炸魚皮，價錢唔貴細細碟一人一舊剛剛好。主菜叫咗片皮鴨，皮脆肉香份量都多8-10人食都夠 ; 另外仲叫左辣子雞都炒得好香，其他推介食物仲有川味涼粉，雞絲粉皮，小籠包每樣都好有水準。而酸菜魚味道較一般，螞蟻上樹過份濃味，呢兩樣就唔係太推介啦。我哋食到好飽每人都係$200價錢算合理，餐廳環境同服務都唔錯絕對有下次。不過留意返切餅費要$100就算叫甜品都無豁免。

4/4襯5/4唔洗返工想同男友食餐豐富D.今次就揀左稻成京川滬la.唸住食一餐全四川菜.打開餐牌展開我地味蕾挑戰......川菜之夜開始la.全餐最唔辣的只有lee樣小龍包la不過一夾個包就爆曬D汁出黎.成都夫妻肺片.好麻辣ar....不過唔夠香.只有麻之後一味麻婆豆腐.豆腐好滑好唔錯.因為食左最辣的第三樣所以lee味變得唔辣...到最辣的水煮牛肉la.足料水煮牛肉.內面有粗薯粉/蓮藕/冬荀/牛肉等。。。我地叫左碗白飯送tim.不過真係真係太麻太辣食到我地sss聲面又紅又出曬汗完全食唔到.....叫埋杯豆漿都食唔到...所以我地決定打包返屋企先挑戰la...打包個時發生小插曲.同個姐姐叫佢麻煩打包.点知佢講左句叫樓面la.之後就拎左兜野人去..我見怪怪地即刻問樓面.之後佢答我入去包緊..點知個經理走黎話唔好意思佢倒左...我都未黎得切回應個經理已經話係我地問題幫我再整一碟幫我地打包...不得不大贊個曲髮男經理.反應快又不得失客人......成餐飯點曬D辣野.真係有D不自量力...下次都係叫一樣辣算la....不過食完咁辣ge野出一身汗sss曬聲又幾爽ge!!!食得辣的人應該會喜歡的一間

一家人星期六晚上打算開開心心食餐飯，但比職員激死。食佐30分鐘職員左右，職員巳經不斷問要否加單加甜品，到佐50分鐘左右，在無問人情况下直接比張單我埋單，我覺得係迫人走，好無禮貌。5個人叫佐6碟餸。

是日與朋友二人聚餐，事前已訂座，19:00來到入座，點了糖醋排骨、乾煸四季豆、雜菌蕃茄豆腐魚片湯、上海炒年糕。整體而言，食物唔錯，環境舒適，服務態度好，會再光顧。

想帶小朋友去食D令佢有興趣既野,所以就決定帶佢去食片皮鴨,有好多介紹但都人多要等位,又怕唔乾淨,所以最後選左依一間,睇落十分乾淨, 很信得過既餐廳!可能因為我地7點去,比正常既晚餐時間早左小小,所以唔洗等位,一入去要讚既係知道我地有小朋友,比左個角落我地坐, 又即刻拎張BB椅比我地,員工好貼心,而且仲要有兒童餐具提供!真係服務很好!我地叫左4-5樣野4個人食,都夠飽,個面好好食但唔記得影相,因為主要係想食片皮鴨,所以黎講下片皮鴨啦,個片皮鴨十分好食, 一D都唔肥同油,arm曬帶小朋友黎,而個皮就好似同出邊果D有D唔同,可以話係一D都唔正宗,有D厚, 但食落又出奇地搭,都因為佢厚而唔會食到成手係油,完全就係出奇地欣賞佢地既設計!總結黎講,正常價錢下可以食到咁既服務同質素我覺得夠曬!帶住小朋友, 最緊要食得開心同乾淨。