稻成 (新城市廣場一期)

Open Now

Now Closed

昨晚老友聚會一行四人到沙田新城市廣場稻成食飯，店內裝修雅緻而乾淨，我們叫了一份4人盛宴，包括有小籠包/酸菜魚/鮑魚/雲吞雞/高力豆沙等等，食物味道好並且份量足夠，尤其是小籠包非常出色，比較同一商場的米芝蓮食府有過之而無不及，酸菜魚也值得一讚。服務方面也十分殷勤，不斷地為我們添茶斟茶，我相信已經很少食肆會主動為客人斟茶了。吳經理的接待非常親切周到，餸菜上枱有序，不會一次過送上餐桌上，而是按照客人進食進度而上菜，這點十分難得，客人可以品嚐到熱呼呼的餸菜。我們可以從容地邊食邊傾談，難得是店員完全沒有催促我們，令我們可以悠閒地渡過了一個晚上，我推薦此店並會再來。

去咗沙田搵朋友食飯，本身打算去新開個間漢堡店食，點知6點拎飛都要等200-300人…有啲誇張，所以即刻轉陣，去咗呢間稻成食。一坐低已經放好咗碟前菜係到，好自然一邊睇菜牌一邊食花生，到埋單先知要收$28，都幾貴下…紅油抄手，$58，有8隻，塊皮幾滑同薄，個紅油汁唔係好辣，反而係幾重麻香味，幾好食！孜然手抓排骨，$158，呢個排骨幾多肉，孜然味濃郁，炸到有少少脆，用手食更滋味。最後仲叫咗酸菜魚，仲加咗薯粉同油炸鬼。酸菜魚例牌2個人食非常足夠，我哋叫咗走辣，魚肉幾多，幾滑，連埋個魚頭上幾特別，不過食到幾塊魚肉有腥味。平時配薯粉多，第一次配油炸鬼原來都幾好食，幾吸個酸菜魚湯！

去左沙田新城巿廣場食酸菜魚稻成酸菜魚的湯底通常酸中帶鮮，酸菜的酸味與魚肉的鮮味相互融合，口感層次豐富。適度的酸味不僅開胃，還能平衡魚肉的膩感。材料新鮮：新鮮的魚片是這道菜的靈魂，切割得當的魚片滑嫩可口，與湯底搭配相得益彰。而酸菜則提供了獨特的脆感和風味，讓整個菜品更加立體。香料的運用：在調味方面，通常會加入一些香料如大蒜、姜和紅辣椒，這些香料的使用增添了菜品的香氣，讓人食欲大開。不過長排都好多人 所以建議網上訂座

今天行完山之後跟兩三好友一起出來食個飯，味道很正宗，也很精緻，之前在東湧的這個店吃過一次體驗感不錯，這次提前訂了沙田的，只是可惜不會是所有隊友都享用到～這次還送了coupon，nice！

星期四不算很多人，見到仲有幾張空臺，為何急急腳收走人地d餸菜，還有碗碟？價錢唔平，人均$300幾，未夠90分鐘就黎吹埋單，話你仲有4分鐘，以加睇返埋單時間原來係60分鐘就黎話你仲有4分鐘！咁我唔肯定用餐時間係60分鐘定90分鐘，如果我知道只能食60分鐘，人均$300，我唔會揀呢間餐廳！之後埋佐單，就黎叫你好還返張臺出黎，見到佢餐廳其實仲有幾張空臺，成餐飯感覺好似不停比人催咁⋯好慘！我碟松子魚其實未食哂，傾兩句，忽然發現佢已經收走佐碟魚，都算了，因為自己無留意比佢收走佐，窩豆腐好彩應該係佢唔夠手諗住轉頭放底碟再黎收，咁我啦啦林拔埋落自己碗啦…我隔離兩位d碗已經好快比人收走佐…我食佐一口豆腐，想講兩句野，點知見到有隻手伸埋黎想收埋我隻碗，即刻同佢講我食緊！記得佢疫情剛開時幫襯過，不是這樣，現在已經差成咁，大佬食大排檔咩，你都望下人地食完未丫，個時60分鐘都未夠。一句講哂，唔會再幫襯，非常差的用餐體驗！睇返張單原來65分鐘已經要我埋單，即係我比人收走碗碟應該係大概用餐45分鐘，有無攪錯？！

這家餐廳的主廚擅長將傳統中式料理重新詮釋,推出了一道道令人驚豔的創意菜品。例如他們的奶油津白就有好香濃的牛奶味，使得津白口感變得更加細緻綿密。除了美味的菜品和優雅的環境,稻城餐廳的服務人員也給予了優質的體驗。他們不僅對菜單瞭如指掌,還能根據顧客的喜好和飲食習慣,提供專業周到的建議。即使遇到高峰時段,他們也能保持微笑service,確保每位客人都能得到細致入微的照顧。這種貼心的服務,讓用餐過程更添愉悅。

行完街就去試下呢間滿場餐廳「稻成」🤪.乾爆重慶辣子雞🐓雞粒酥脆🤤乾香帶麻🌶️黑松露鴨肉炒飯🍚黑松露、青豆、鴨肉炒成🦆黑松露味足夠👍🏻飯粒夠乾身🔥.熗炒麻辣花菜🥦椰菜花及肉片麻辣惹味🐖😛.羊肚菌螺頭燉雞湯🥣有羊肚菌🍄‍🟫螺頭🐚雞🐓滋潤清甜又足料☺️.川揚鮮肉煎鍋貼🥟鍋貼煎到脆卜卜😆點埋薑醋就啱啱好🫚.椰汁燉蛋白湯圓🍡椰汁蛋白香滑🥥🥚湯圓亦充滿黑芝麻🖤.前菜🥢分別係炸黃豆同花生🥜食落幾香口😗.豆漿(2杯)🥛.茗茶(2位)🫖

新城市廣場除了高樓層有傳統酒樓外，這間算是比較中式得來有點創意。🍽️砂鍋華亭餛飩雞（半隻） 🐓大大鍋餛飩雞，應該可以分四人份。湯底雞湯味濃，餛飩餡鮮。飲完一碗，渾身都感覺到溫暖。🍽️黑毛豬蜜汁叉燒🐖黑毛豬做出來的叉燒，原來真的很黑，哈，叉燒豬味濃郁，有燶邊。🍽️金華火腿奶油津白🥬金華火腿有鹹鮮，津白順滑，配搭奶油非常美味。🍽️川揚鮮肉煎鍋貼煎鍋貼煎得非常香口。🍽️金絲南瓜餅第一次吃南瓜餅，味道也不錯。

今日同朋友慶祝生日就過咗嚟稻成，因為佢鍾意食酸菜魚同埋中式嘢食，我哋叫咗酸菜魚同埋片皮鴨，酸菜魚唔算太辣味道好入味魚片很滑。片皮鴨加埋塊皮一齊食好味！最尾仲叫咗高力豆沙好食！😋服務態度都不錯，侍應會幫忙加茶！

之前聽朋友講稻成酸菜魚好好食，最近生日就過黎試下，我好少覺得食物難食，但呢間餐廳真係幾令我失望。我地叫左個$688嘅2人餐，涼菜揀左老上海燻比目魚，肉質鬆散，個汁甜甜地，唔係好夾。湯default左鮑魚羊肚菌燉雞湯，你可以話佢好清、冇味精、唔油，但就淡而無味，好似飲水咁。主菜揀左呢度嘅招牌酸菜魚，員工仲貼心咁提我地辣汁可以另上，自由揀辣度。魚係好多，而且厚肉，但又係唔入味，唔滑。落單時仲加左錢要油炸鬼，但油炸鬼都唔脆嘅。菜同小籠包都一般般，食到無心機影相。唯一好食嘅就係個甜品香蕉豆沙鍋餅，好脆，甜度適中。總括黎講，黎呢度食甜品就夠，另外見食評話員工態度唔好，但我嘅經驗係員工有禮貌，仲好樂意幫客人影大合照添。不過咁嘅價錢配咁嘅食物質素，唔會再幫襯lu！

同男朋友係度食佐幾次，每次都會點酸菜魚，例牌份量幾足，兩個人絕對夠食，例牌是一條細魚，魚肉嫩滑厚身無刺，鋪底嘅是大量金針菇，藕尖，酸菜蘿蔔，湯底酸味夠，稍鹹佐啲，送飯唔錯。

舒服好坐，環境浪漫嘅餐廳，稍為等位就可以入座。.節日期間，同朋友兩人叫咗二人餐，係非常豐富嘅菜單：🍴中湯 - 鮑魚雞湯一人一盅湯，飲得出好足料，每人碗湯都有一隻鮑魚，同埋雞件，湯味濃，湯料亦都唔老🥣.🍴點心 - 小籠包皮薄餡靚，湯充足嘅小籠包（朋友一夾已經穿咗，浪費晒😝）.🍴涼菜 - 口水雞好惹味，但冇白飯嘅情況下，食多一兩啖，就覺得辣同偏鹹，雞件亦唔算好滑嫩。.🍴主菜 - 招牌酸菜魚非常好食的酸菜魚，魚肉滑口入味，份量亦十分充足，有火㷫住碟餸，令溫度keep得好好👍🏻.🍴蔬菜 - 火腿奶油津白非常足料的菜，眾多濃味餸中的清淡調和～.🍴甜品 - 香蕉豆沙鍋餅香蕉味充足，唔太甜，好食👍🏻價錢唔算便宜，二人餐連加一要每人$400+，不過食物質素係好好嘅，餐廳環境亦都好，所以值唔值就見仁見智

本來我食酸菜魚通常都北上,但係聽個朋友講話呢間嘅酸菜魚又抵食又好食,咁就同我媽咪嚟試下啦。真係有驚喜碟酸菜魚又新鮮又滑又大碟,仲有個熱鍋暖住,慢慢食慢慢傾,好滿足🥰仲要其實係同深圳價錢差不多,咁以後我就隨時想食就有得食喇😃尤其呢間舖喺新城市廣場,非常之方便店員嘅服務都非常好,好親切,好殷勤👍佢哋時常都留意我哋有冇需要添水,也會問啲餸菜啱唔啱口味👍經理仲有介紹佢哋原來有VIP計劃。佢哋有好多分店,入咗會之後喺佢各個分店食野可以儲分會有優惠同折扣👍

整體味道還好但已經收茶位，冇理由上埋d花生要收56真係癡線，同埋完全冇講就上服務員態度差，落單講她好忙，收野講，得埋單唔講。一直sell套餐， 諗唔到食飯都被人hard sell冇下次真係不如北上

稻成 (新城市廣場一期) (沙田)沙田沙田正街18號新城市廣場一期1樓112號舖稻成酸菜鱸魚👍🏻👍🏻👍🏻👍🏻👍🏻我地平時都好少食魚因為怕有魚骨😖但餐廳完美好起哂啲骨出嚟而且魚肉非常嫩滑😝酸菜、魚、另加嘅紫薯粉同其他配菜都煮得非常入味，值5分！稻成小籠包👍🏻👍🏻👍🏻👍🏻小籠包最緊要係皮要厚薄適中，夾起唔會穿皮漏湯，亦唔會太厚。今次呢個小籠包做到之餘，湯夠熱、肉夠鮮，比個4分佢啦！蓮藕蝦膠香煎餅👍🏻👍🏻👍🏻蝦膠餅外表煎得脆脆，蓮藕口感好爽唔粉，配搭埋一齊好食到嗦嗦聲😋四川擔擔麵👍🏻👍🏻👍🏻👍🏻碗麵一上到枱嘅時候熱辣辣香氣撲鼻即刻清左碗入面嘅野來一碗擔擔麵😍擔擔麵有辣味得嚟唔會太嗆，食得出花生醬味濃，肉醬嘅鹹味同擔擔麵好夾。#稻成 #DabPa #sichuan #asianfood #cusine #chinesedish #restaurant #foodie #hongkongfoodie