稻成 (新城市廣場一期)

Open Now

Now Closed

曾經去過稻成京川滬食飯覺得幾好食，所以今次就去左沙田稻成試下。一入到去，坐位寛敞，唔會感到擠迫同嘈吵。小食有炸豌豆及花生，炸豌豆脆，食唔停口。稻成酸菜鱸魚-魚唔夠入味同唔夠酸辣，味道一般般。至於酸菜好味，整條酸菜魚份量適中。花鵰醉雞-雞肉好嫩滑，酒味濃郁鳳梨咕嚕肉-咕嚕肉炸得脆，酸酸地好醒胃澳洲和牛炒飯-炒得有鑊氣，和牛質感冧身，同炒飯好夾，好味😋麻婆豆腐比較辣，比較適合配白飯食。豆苗一般般整體都好食，但略嫌價錢偏貴。

中秋佳節和親朋好友相聚一堂，找一間中菜菜館吃飯，這間上海菜館裝修好傳統，小橋流水般很優雅，而燈飾又帶一點型格路線，中西合璧很時尚。店員首先送上前菜小吃，卜卜脆花生一邊看餐牌一邊吃幾正。稻成小籠包 $58吃小籠包就可以看得到師傅的功架，因為要做到皮薄多汁又不會漏湯是不容易的。四川擔擔麵 $108香噴噴熱辣辣四川擔擔麵都幾大碗，湯底濃郁配肉碎好惹味。川揚鮮肉煎鍋貼 $58鍋貼也是熱選之一，皮脆肉亂多汁很鮮味。酒糟醉雞 $108酒味不太濃不會嗆喉，雞肉非常之嫩滑味鮮。高力豆沙 $68甜品時間，高力豆沙這款甜品是我至愛之一，脹卜卜炸得鬆脆內裡豆沙餡很綿滑。

今晚一家人去沙田稻成食晚餐，原先都是懷著試菜心態入去攞飛排左半個鍾就入坐。入到去坐低見個場非常旺一定好好吃先咁旺😋我哋一家睇左餐牌都覺得幾吸引，就揮手落單但每位伙記都好忙冇見到，但有一位靚女姐姐行過黎問係唔係落單？我一直見佢都係忙著出餐所以不敢打擾，但對方送完餐就走過黎問係唔係落單？我原先散點左幾款餐，但對方好有用心講解叫我哋食四人套餐會低食好多因為我哋點包嘅餐套餐入面都有份量一樣最後點左四人餐。到左上菜咁Q又係佢先見到佢名牌原來叫Mandy，因為上沙鍋雲吞鷄佢問我哋需唔需要幫手分湯又再次留意真係好窩心服務態度好好。我哋坐嘅係8號枱非常近出餐位見到佢好忙但都咁照顧好客人真係好難得。而且推價食物又好味☺下次一定會光顧😊

已經同男朋友第五次幫襯，今次不得不打食評！今日星期日睇完草蜢🦗🦗勁歌熱舞，諗住睇埋戲就過嚟食早段，因為之前是個好難攞位😵‍💫，一到六七點打曬蛇餅🐍🐍🐍所以今次諗住提早佢攞位，食早段就一定冇死😎😎點知去到當時五點38分，望到場內已經坐無虛席，心諗唔係掛，我早到5點幾黎食都爆哂場😭😭😭😭但我今日帶住爹哋媽咪嚟食飯，諗住提早過中秋節，點知好似中秋節正日咁😅😅😅我攞住飛，第一張到我，但全場坐滿，應該最少都要半個鐘九個字，唉！😣😣當我諗住走去其他餐廳睇下有冇位，reception兩位姐姐，一個忙緊同其他客人對答，另一個新型細小啲同我哋講唔好行開，可以盡快幫你安排，有客人時間差唔多，因為見到我daddy媽咪上咗年紀，仲攞埋凳出嚟畀佢哋坐，嘩👍👍👍👍呢個動作好窩心，令我願意等一個鐘至兩個鐘！問咗其他員工，原來佢叫做yoyo，nice👆😮‍💨👍👍👍最後等咗20分鐘就可以入座👍👍🥰🥰終於入到去，入到去個姐姐介紹食套餐非常落力，唔知以為佢係老闆，不過佢講到非常吸引而且望到啲餸菜配搭真係抵食，所以揀咗個四人餐$1488！涼拌海蜇頭酸酸甜甜，食落爽口幾開胃😋新嘢上海分比目魚比目魚炸到香脆，連骨都可以食埋一流😋

早幾日去沙田稻成食晚餐,但遇到好不愉快招待我一心帶行動不方便嫲嫲過去食飯衹係想叫佢喜歡食物,但有肥姐姐走過黎同我哋講要四人餐好低食.我話要單叫佢就立即黑面態度又差.寫完單後仲講左好多難聽說話.我一直都好支持呢間餐廳每個月都會同朋友去四.五次,但决定以後唔會再去.

標題：一般質素沙田行街，順便約埋幾個朋友聚餐，求其入咗稻成，叫咗個套餐。招牌酸菜魚味道可以，不過食物大多偏鹹，飯後好口渴，炒飯夠乾身都ok，其他真係好普通！以呢個價錢真係唔太抵食！而且食得好趕，待應給予好大壓力，好難會再嚟。平均消費：$450

我係喺沙田好運中心返工，做sale的，平時聽到身邊同事朋友都話呢間餐廳野食好味兼有水准準，一早就想去食，前幾日同友朋一齊出黎食飯,4⃣️個人齊齊去食🤫🤫🤫一入餐馆，裝修好特別，同埋夜晚黎食，燈光少少昏暗.環境乾淨雅致，營造左一個浪漫嘅氣氛，都嘅情侶黎食👍🏻👍🏻👍🏻不過我地都比較細食，所以淨係叫左少少小菜食第一樣就係涼菜口水雞，食落去雞好嫩滑唔會因為係涼菜變到好（鞋），佢嘅辣汁唔會話太過辣（對我黎講），反而會令到想去追食。跟住落黎就係黑毛豬叉燒，叉燒肥瘦均勻加上佢有密汁，甜而不膩，亦都唔會燒得太燶。最後有叫左個招牌楊州炒飯，呢個飯唔好過太鹹同太油，食落去都感覺都好乾身，配料都好足料。除左野食好食佢地嘅服務都好好，我覺得當日嘅reception阿茵態度好好，我地當時去好嘅時間係晚餐時間，所以無論堂食同埋外賣都好多，好多人追問幾時有枱或者車手問外賣攞得未，但係佢都不厭其煩好逐個逐個答佢地。大家如果有時間經過可以去試下，總括都唔錯😋😋😋

位處於沙田新城市所以裝修都有花心思以叢林為主題座位都夠闊夠舒適2-6 個人黎都okay 既一坐低佢會拎啲小食俾您$28係花生同炸豆💥記住唔要要一早講我地就係唔記得左所以硬食係咪都要俾錢見住佢冇蓋冇盛唔知擺左幾耐輪左幾多枱客（您懂的）都照試下啦驚喜既 香口既🙈一場黎到嗌左半隻片皮鴨、雞絲粉皮、小籠包、豆腐魚菜羹（個名唔太記得）、擔擔麵（💥想要食先既野一定要嗌先！ 等陣先再嗌其他野。佢會同步所有餸一齊上！ 唔會同您分前唔前菜）雞絲粉皮 普普通通 麻醬少冇芝麻唔太值得試片皮鴨唔太肥 okay 香口好食 配菜夠既但麵皮真係唔夠 要嗌多籠皮🤢🤢🤢嘔心位🤢🤢🤢佢擺啲鴨係個櫃仔上面既入面有濕紙巾同手套 但我一拎有唔知邊枱客剩左既肉絲係入面🤢🤢🤢即刻用自己啲消毒濕紙巾抹手😭小籠包熱辣辣 唔會太咸重點係個醋 比出面既淡而清甜夾埋唔會「漏」豆腐魚菜羹？夠熱 但普普通通擔擔麵正常發揮純因為唔夠飽而嗌❤️要留意呢排做緊like 社交平台送糖水❤️不過呀staff A 話有 到Staff B 又話冇 要做問卷先送想試下啫 咪做囉送到上黎係 芋圓五色冰粉幾得意 幾好食既老人家ok我就okay 了

第一次嚟沙田食酸菜魚，有比佢震驚到。真係出乎意料地好食，同埋足料。癡鬼線夾極都有，最嬲咪都係食唔晒要打包打包服務非常之好，出色過某些XX茶樓入埋不特止幫我入埋袋添。佢嘅酸菜魚我喺度形容用唔到，一定要去試吓先知，我佢唔似得出邊嗰啲又柴又唔知酸定係辣嘅感覺。同埋去到一定要食佢哋嘅小籠包，好食到不得了不過要小心佢入邊嘅湯汁，好似瀨尿牛丸咁😂服務來講：出餐非常之快手！！估唔到星期日八點幾，鋪面咁忙嘅情況下出餐都可以咁快。服務生都有留意到我哋要加水即刻幫我地。（長毛男仔）接待處嗰兩個女仔，就算好忙都有幫我哋盡快安排。不過星期日真係要等等嘅咁多人大概等咗20分鐘左右但係同你地講絕對值回票價我都係唔講咁多啦大家得閒的去試吓啦

今次同朋友夜晚過黎食酸菜魚🐟，又係一個新體驗😂，夜晚既人真係好多，要係門口攞飛等候，門口既服務員vivi同yoyo既服務態度非常好，雖然人好多，不過好快就等到位置，入到去照樣係90分鐘用餐時間，時間非常充足，嘢食質量非常之好！酸菜魚亦都一如既往地鮮嫩！服務質素非常滿意，有一個比較高嘅經理仲會喺時間差唔多嘅時候過嚟提醒我哋👍🏼，今次食唔曬，要打包服務生仲好好心地幫我地全部包起，裝喺袋入邊，服務非常好。

平時放假同屋企人出嚟食飯，都係選擇食放題同中式酒樓，今日換一換口味，選擇咗集合京川滬嘅食肆，（沙田稻成），適逢今日假期，我哋打電話去Booking，被告知晚上六點到八點唔接受Booking，原因係方便啲Walk in客到來時唔使等咁耐👍👍，接電話姐姐仲好有耐性告知我哋早啲過嚟攞飛，於是我哋一家四口6:30就到達喺門口攞飛，到達時門口已經擠滿了人， reception姐姐🍂Yoyo好有專業精神，告知我哋大概7:00就可以入座，仲抄低咗我哋嘅電話，叫我哋可以行下商場先，有位就打俾我哋👍果然到7:00就打電話俾我哋安排我哋入座👏👏，因為用餐時間只得90分鐘，我哋就嗱嗱聲叫咗我哋鍾意點嘅物，品嚐過佢哋嘅食物之後，就覺得佢哋咁好生意，原來真係有原因嘅😃😃

與幾位家人相約沙田晚飯，因為試過外賣尚算不錯，就打算試試堂食。基本上食物環境合格，但服務態度真係差，與之前外賣感覺落差太遠！坐底半個鐘已經再三提你用餐只有90分鐘（其實入門口已講2次，有點煩厭！）最離普食食下問你有無加單，轉頭待應就放張單你面前叫你埋單，我們幾個人都O晒咀，枱面仲有好多未食，誰叫埋單？再然後係倆人不停輪流執枱（大約離夠鐘前半小時）務求令我哋食得唔安樂 ，最終未夠90分鐘清走晒檯面要我哋走！（離開時還有15分鐘先90分鐘）我想講，澳洲xx公司，人哋唔優做都改善了服務態度，這種趕客式服務真的不敢恭維，以後連外賣也不會再來！香港好味酸菜魚好多選擇。建議沙田區朋友，如在無選擇下要在那晚餐，不要選擇6點-7點時段，要食就8點後，因為冇人等位，可能會食得比較愉快！

從沙田大會堂下車，正在步入沙田新城市廣場的時候，遠距離看見稻成的招牌招牌下方還有一句寫著好食不止酸菜魚，我和朋友懷著是不是真的好食不止酸菜魚的心態嘗試這間餐廳我們被安排坐在卡座，這餐廳裝修風格以樹林作主題，讓眼睛看下去很舒服餐牌都是以綠色為主選好想吃的食物後，便找侍應下單朋友和我都喜歡吃辣，所以點選了水煮龍躉，夫妻肺片，辣子雞，本來我點選的是水煮鱸魚，侍應推薦龍躉的魚肉會更結實，魚肉份量會比鱸魚多就相信他吧首先來到的是夫妻肺片，味道還不錯，廚師炒的辣子雞很有鑊氣而且不會很乾，跟花生一吃起的口感很棒最後水煮龍躉也來到了，份量真的是很多魚肉確實是很結實，辣跟麻的程度我和朋友都滿意這頓飯很滿意！我相信真的是好食不止酸菜魚了

今時今日可以帶埋寵物嘅餐廳真係少之又少，今晚就去左沙田哩間食川菜，首先當然試吓佢哋個酸菜魚，味道夠濃且帶回辣，魚既份量都算幾多，啖啖肉冇骨，連湯都飲晒、小龍包，包皮夠薄但湯汁極多，豬肉碎都算入味、糖醋斑塊，魚肉炸過再上汁，全部都係大骨，可以放心食用、奶油津白，高湯煮至奶白夠哂creamy、賽旁蟹略嫌多左啲油，其實都冇乜好挑剔。

再次過黎食念念不忘既酸菜魚，今次就約左兩個朋友一齊黎，我早到左所以就入去點野食先，岩岩叫完一陣就到左啦，真係好快😂。我朋友唔太食得辣，所以就叫左個走辣既酸菜魚，我自己就未試過走辣既酸菜魚，所以覺得都係一種新嘗試，味道都唔錯，魚肉好滑，湯既味道都岩岩好，原來走辣既酸菜魚都一樣咁好味，我就連湯都飲左幾碗😂😂。用餐環境都好舒服，好乾淨，整體黎講我都會比滿分，服務員既態度都係一樣咁好，非常之親切。仲會有下次！