稻成 (新城市廣場一期)

Open Now

Now Closed

從來唔寫食評，因為堅嬲一行6人，我哋叫咗個套餐，食物唔係好食到唔食唔得，不過服務態度真係衰到永不幫襯，超差！仲有20分鐘先到90分鐘，已經放低帳單叫你埋單（枱面仲有食物未食完😡）朋友都合作先付款，一俾完錢即刻2個人嚟清枱，我哋筷子都未放低😡朋友話洗唔洗清咁快趕人走，未夠鐘，個四眼女侍應話：［我哋呢度食飯係咁。」😡😡鐘意食受氣飯的就去吧！！

上個禮拜六夜晚七點過到黎稻成，見到好多人已經係出面等緊，我地一家四口等左20分左鐘左右就被安排入座！比我預期已經快接待員耐性值得一讚，黎到稻成當然要試下佢地招牌菜酸菜魚同片皮鴨侍應係落單既時候問我酸菜魚想要咩辣度，我就問可以走辣可以嗎？竟然可以走辣出面好多食酸菜魚既餐廳都唔可以走辣😂片皮鴨我地叫左一隻，另外叫左小籠包同埋蟲草花炒翡翠苗，片皮鴨皮脆膜膜皮同鴨剩餘5片既時候，跟既醬同埋青瓜京蔥已經無哂😅於是膽粗粗問侍應可唔可以refill，居然可以小籠包皮夠薄，一咬落去就爆汁翡翠苗味道岩岩好，又唔會無味，非常清新的感覺，呢次用餐體驗整體都好滿意！絕對會同朋友或者屋企人再次幫襯

今日再嚟食我念念不忘嘅比目魚🐠原本訂左8點半 去到同門口果個接待員講 佢叫我地等一陣 我哋等到8點50分 問佢大約要等幾耐 佢話:仲有幾張再早過你既都等緊丫🙄我都系想問下姐 我吾介意等 但吾系咁既態度囉😡今次照舊都系嗌左酸菜魚同前菜既比目魚🐠當然都要試下啲新野🫢所以另外就嗌左蝦滑蓮藕餅 鍋貼同辣炒花菜🥦酸菜魚🐠上次都已經試過呢一個餸 今日再試多次發現味道吾同左 比起上一次油左好多😖味道都差左 比目魚🐠味道都系一樣咁好味 但今次就略為炸得太乾身 入口太乾 蝦🦐滑蓮藕餅食落去完全系無乜味😑食落去仲有種一口油既感覺 都系靠個沙律醬先叫做有啲味 但系成件事就同食沙律醬無乜分別👎🏻辣炒花菜🥦味道偏咸 如果吾食飯根本就食吾到 同埋都系好油😖但都算系比較惹味 鍋貼🥟一落枱就知道系炸出黎 同我想像中既都有出入 以為會系煎既😅味道就不過不失冰粉🍧呢一個上次都有食 但係今次一見到冰粉變咗粉紅色就覺得有啲奇怪🤔食落去原來係西瓜🍉味 都系原味好食啲 加上今日既黑糖糖水都比上次甜左好多 真系食吾到幾多啖🤢我同朋友都嗌咗碗飯黎食 嗌左3次都未到 甜品就嗌後上 飯都未到 甜品已經到左😑一路食張枱就一路搖搖下🙄真系食

首先值得稱讚的是店員服務水準一流， 非常友愛，有禮貌 。 食物水準 也非常好， 每樣餸都 很好味。 座位舒適 。等餐時間也合理， 價錢公道， 會再光顧。 最緊要的是有冷氣 ，香港很少有寵物公融餐廳。

好耐冇同班fd食飯，就約左去稻成食啦，5個人叫左個4人餐，都有成6，7樣野有d都ok既，有d就一般個鮑魚雞煲唔錯幾入味，苏泥白肉卷都可以，特別推介個奶油津白，好食好creamy,最好係依個仲有個雜菌炒飯都ok,至於個酸菜魚就麻麻啦，升左做班但係都唔覺有咩特別最後講下個菜苗卷，唔記得係咪咁叫好似係依個，真係唔建議叫，又無味又無口感，唔知食左咩咁。5個人食完埋單大約2000蚊，d野其實算ok，但性價比黎價，可以搵其他選擇。

尋晚，一家三口去到沙田新城市廣場地下，一間想食好耐嘅【稻成】晚飯，佢門口仲特登標注咗【好食不止酸菜魚】，入到去感覺地方好大好寛敞，坐位都超寛鬆，環境舒適典雅，我哋坐低各自預算叫自己鍾意嘅餸，啱啱一位叫做阿Yan嘅女仔，走過嚟斟茶同介紹菜式，原嚟佢哋係京川滬菜式，屬於嚐高美集團，此家品牌有6間分店，集團屬下仲有其他如燒肉谷、牛氣、浦和、山一、台式火鍋及西餐等等，我哋本嚟想單點，之後就聽佢建議叫咗個二人套餐，再加個孜然手抓排骨，食完又再叫咗五彩芋圓冰粉同椰汁燉蛋白湯圓。酸菜魚雖然有啲乾辣椒🌶️但係唔算辣，條魚就好新鮮，肉質爽滑，湯入面有酸白蘿蔔及子薑，味道非常好👍燉湯有鮑魚螺頭同菇，好香濃；小籠包咬一啖漏出肉香嘅湯汁，再點一下醋，食落好正，媲美好多上海舖；夫妻肺片好地道嘅四川風味，有啲麻麻辣辣；手抓骨一人一條，直情揸住嚟咬，有啲似蒙古烤肉；值得推介嘅係佢啲甜品，家人都好讚嗰個冰粉，直頭頂瓜瓜👍👍👍嗰個燉蛋白湯圓都好好味😋唔算好甜，又香噴噴✊佢哋嘅服務態度好好，要多謝一個大隻肥仔哥哥，及另外一個姐姐，經常幫我哋斟熱茶同換骨碟，仲有嗰個靚仔經理，都有詢問我哋對佢哋食物嘅意見，非常之有誠

好食不止酸菜魚晚上6點15左右已經開始等位大約等了30分鐘環境以綠色植物簡約風地方算大，位置亦算多酸菜魚必點菜式（少辣）不太吃辣的我都能夠食到魚片完全沒有骨酸度剛剛好配上酸菜十分開胃蟲草花炒翡翠苗清清地十分幼細嫩滑雞絲粉皮花生醬超香青瓜絲爽口雞肉嫩滑小籠包多汁啖啖肉必點！職員服務效率高又快

前菜嗌左個雞絲粉皮 涼拌七彩絲 老上海燻比目魚 雞絲粉皮正常無乜特別 涼拌七彩絲就無乜味 反而比目魚真系好好味😋食完都想再嗌 不過已經last order左🫢之後仲叫左小籠包 不過不失 片皮鴨半隻 份量就有啲小 酸菜魚就加左紫薯薯粉 不過我都係覺得配白飯更出色😋😋👍🏻👍🏻奶油津白都系普通野 系金華火腿太小 無乜咸香味 所以無乜特別 下次會試其他甜品就嗌左個冰粉 味道吾錯 吾會太甜 香蕉紅豆窩餅 如果可以熱上同多小小香蕉會更好味😋

我係沙田新城市廣場返工嘅，做sale，平時聽到啲客同身邊同事都話呢間餐廳嘅酸菜魚好味兼有水準，一早就心動想食，今日啱啱好同朋友同事齊齊放假,4⃣️個人齊齊去食酸菜🐠🤫🤫🤫一入餐廳，裝修好特別，以植物為主題.環境乾淨雅致，在忙碌的都市生活中，給予人一種優閒的感覺🤪👍👍中午餐牌原來仲有一人套餐：茶樹菇炆雞（配白飯）$148，茶樹菇索晒雞汁嘅精華，十分之嘢味，最主要係個雞唔會柴，送白飯一流👍👍👍老乾媽彩椒和牛（配白飯）$188，老乾媽辣椒醬炒和牛，炒出嚟嘅味道夠香口，和牛嫩滑，🌟🌟🌟🌟另外仲叫左稻成嘅必食:稻成酸菜魚$248，佢哋用嘅魚係鱸魚，魚肉新鮮嫩滑，入口無骨，再加$28薯粉，飽到攬住個肚走🤣🤣稻成片皮鴨$228（半只），皮脆肉香，⭐️⭐️⭐️⭐️🌟，店員上菜時仲會溫馨提示抽箱里有濕紙巾同手套👍👍👍餐廳除咗食物好食之外，服務都值得一贊，尤其係興姐同亞超，興姐會將最好嘅食物介紹俾我哋之外，仲會細心留意到我哋嘅食量，令我哋剛好恰如其份，唔會浪費食物，而超哥即使係經理，但也積極配合各崗位所需，唔會因為自己係經理而疏忽工作，真係要比個like佢哋👍食物好味，價錢唔貴，我哋會一有時間就去幫襯

沙田新城市廣場有一間主打酸菜魚的餐廳，裝修簡約舒服。佢個餐牌封面都幾得意，雖然酸菜魚係主打，但佢寫住「好食不只酸菜魚」哈哈😂因為嗰日同朋友食午餐所以我哋選擇咗下午優惠二人餐$268。套餐包含涼菜，主菜，蔬菜，白飯。-瓦屋山龍抄手-乾爆重慶辣子雞-清炒翡翠苗-加$12 酸辣湯其實套餐都夠飽，味道又唔錯，呢個價錢環境服務同埋食品都算合理。相信下次一定會試佢哋嘅主打菜食酸菜魚。📍新城市廣場1期L2 112號鋪📞26213233

我哋(兩個人)下午六點八到達門口拎飛，鋪入面已經好多人用餐中，門口receptionist 話七點後就會多啲位架喇，所以我哋都預咗要等一等位，而我哋係第二張二人枱，好快地已經入咗前面果pair情侶，我哋就係下一張嘅二人枱，之後佢不停安排入坐嘅係四人，六人嘅大枱，我哋亦明白佢哋係唔會拆大枱俾兩個人。但眼見門口有一張二人枱，所以就問門口receptionist 點解唔安排門口嗰張枱我哋。而receptionist 當時嘅答法係「張枱係留俾啲有寵物嘅人士用的」，我明白每間餐廳安排嘅枱都有限制，亦尊重佢哋有呢個安排。之後七點鐘我哋順利入座，已好快地點好餐，幫我哋點餐嘅夥計問我哋會唔會先叫埋甜品，而甜品可以後上，所以我哋亦同時落埋單，亦交帶左「叫上」，幫我哋點餐嘅夥計亦有覆單「好，甜品叫先上」。主食好快地已經上到菜，等待時間唔算耐👍🏻👍🏻加上我哋之前已經食過呢間餐廳N次，不過次次都係叫外賣，所以食物質素我哋係滿意同已經心𥚃有數。食食下，留意到頭先receptionist 答係「張枱係留俾啲有寵物嘅人士用的」嘅果一張枱連埋旁邊張枱入左個四人家庭(沒有竉物！)，嗯，唔通小朋友當咗係竉物？如果你地係想

今日係同老公結婚一周年的日子，老公同我都喜食酸菜魚，從䋞上見倒呢間店嘅食物都好多选擇，於是就棟咗黎沙田稻成，第一次黎，一入門口就見到Reception姐姐亞茵態度親善有禮，里面環境優雅，干淨，座位與座位之間保持一定的距離，令人坐得舒服，而食物方面，試過之後，當然係頂呱呱👍👍👍最後想點甜品食，但都食唔落，因為D嘢真係好味，👍👍👍，另外仲有贊一贊店員Silvia 同霖sir,Silvia 除咗把本店最好食嘅食物介紹比我哋食之外，仲待人有禮，親切，而霖sir（我係聽倒佢哋叫霖sir，先知道佢係本店嘅經理🤣🤣），他做事勤快。態度友善，是一個不可缺少的員工👍👍，在佢哋殷勤的服務，令我同老公有一個愉快的周年紀念晚餐，我會將此店推介身邊啲朋友

絕對絕對冇下次嘅餐廳 完全俾出面排隊嘅人潮呃咗 啲嘢食就真係好一般 啲服務態度就真係差 需要好多改善 最嬲嘅係用餐時間仲有多個30分鐘 一見到我哋放低筷子 就即刻過嚟擺低張單 好趕客嘅感覺 仲要輪流有啲職員過嚟企 好似比壓力叫我地走咁擔擔面啲面嘅份量可以 味道都算正宗 但係比嘅湯實在太少 擺低冇耐就已經變咗撈麵 係要要求拎多一碗湯小籠包嗰皮厚咗少少 入面嘅湯汁都足夠蓮藕蝦膠餅呢個就完全唔推介 裏面有層粉漿好奇怪 入面嘅餡都完全冇調味

早到咗係店舖門口，前台位靚聲姐姐話，用app拎住飛先，17:30開業。第一次食呢間，對酸菜魚好有期待入到去，侍應話：90分鐘用餐心急想食，無影底個餐牌，失策。。。叫咗個二人豐盛餐。我地兩人都係女性，食唔多上枱先係熱呼呼嘅小籠包，怕破皮，無咗湯嘅精華，所以要慢慢夾起！！食完，侍應會好快收走，上下一道菜。炸蝦春卷唔記得係咩名嘅湯，應該係菌菇湯，裏面材料有：雞肉，螺肉，羊肚菌夫妻肺片，個人本身食唔到太辣。呢個無辣度揀，所以太辣，不過，朋友食得辣，覺得都可以。期待嘅主菜，酸菜魚上菜啦！！！白雪～雪～，滑溜溜～～4個字：無骨嫩滑得小辣，中辣，大辣可揀。我地選擇另上辣，謝謝侍應先生嘅提議。蟲草花炒豆苗覺得蟲草花少咗d甜品要同侍應講：上得，先有好吃甜品，豆沙鍋餅好意外，豆沙和香蕉好夾完食到炒菜個part 已經覺得飽飽地唔食黃豆，花生，所以就免前菜費

剛剛習慣性點了五星，但是因為特別不滿意，所以特地寫評價。之前吃過他家別的還不錯，沒吃過這家片皮鴨，所以想著來試試，點了個外賣，分量小就不說了，見仁見智。關鍵是沒給醬，沒給黃瓜絲，就一盒麵餅，一個烤鴨。吃過這麼多家，沒見過這樣的。。。無語，真的無語。帶去朋友家吃飯的時候人家都笑傻了。。。之前有一次點這家夫妻肺片外賣也是，做的特別咸但一點辣味沒有，跟我在店裡吃的完全不同。這家堂食的時候菜品都不錯，但外賣品控真的要注意。