稻成 (東薈城名店倉)

Open Now

Now Closed

屋企人生日，全家開開心心專登過嚟食飯，諗唔到服務勁差特別係一位負責傳菜嘅男性服務員，態度差到你唔信呢間餐廳直接黑名單！！除咗服務，味道普通，份量偏少，不建議前往！！

上周和朋友到東薈城逛街，經過門口時，被門口招牌上的酸菜魚所吸引！於是決定來嘗嘗鮮我們點了一份酸菜魚和夫妻肺片，分量很足，真的是飽到扶墻出了!招牌稻成酸菜魚$198是主打菜必點！ 採用鱸魚，魚片上一點刺都沒有，口感非常順滑細膩，金黃的湯底，酸辣味正合適，酸菜爽脆的口感特別好，復合飽滿的滋味，再伴著魚湯超級下飯!老成都夫妻肺片$82 （微辣） 牛肉片薄濃香，牛肚嚼勁十足，香脆可口，牛舌細膩可口，豐富的紅油上面撒了白白的芝麻，再來一點香菜蔥花作為點綴，讓每一口肉都有獨特的口感，裂墻推薦!

抗疫戰大家都好少岀街食飯，但我呢d冇住家飯食既人唯有約埋班同類岀街食飯，仲要食川菜過吓口癮！東薈城二期開咗咁耐以來都係第一次行，行到頂樓決定食呢間稻成川菜整個酸辣湯先，呢個湯好岩我口味，因為夠曬酸！辣就bb辣啦，天氣咁凍飲完即刻暖曬！，口感似碗仔翅，黑木耳有嚼口，仲有蝦仁🍤好味！前菜有醉雞，雞肉夠嫩，不過味道偏啖，酒味過分濃郁搶咗雞肉本身嘅味道。呢味叫夫妻肺片，牛肚牛柏葉牛肺乜都有。。。不過牛肺好似有啲霉，無咬口，牛肚唔夠爽，辣椒撈得唔夠均勻，整體來講麻麻。呢個翡翠苗太強草青味，唔係好岩我。不太喜歡。呢個酸菜魚真係好出色，平時唔食魚嘅我都鍾意食，魚肉去骨，好滑溜，烹調時間啱啱好唔會過熟，魚頭分開炸熟，香味十足！酸菜夠晒老練夠曬酸，好開胃同埋我哋加咗薯粉，薯粉勁彈牙勁好食，吸晒酸菜魚嘅甜湯，酸酸辣辣冇得彈！我哋另外仲加咗$18油炸鬼，我想講唔吃油炸鬼真係會蝕抵，因為原來係絕配，勁勁勁好食，油炸鬼浸湯5秒就食得，油炸鬼金香脆口，配搭埋湯嘅精華，每咬一啖都啖啖濃湯浸岀！yummy 呢味黃金蝦球就麻麻哋，味道過鹹，蛋黃可能太多，食完好油膩好濟，蝦肉鮮味唔夠岀而且同外皮分離，同預期差得遠。

每個菜式擺上枱都有模有樣😈😈個花雕雞十分之花雕😂😂酒味濃😄😄個黃金蝦，我覺得蝦味吾夠，咸蛋味吾夠，咸！香！濃！兩樣嘢做吾到融入既感覺😌酸菜魚，個酸菜未夠酸，比較淡，見到甘多辣椒以為好辣，辣度適中，不過都值得一試😋😋紅燒肉😍😍肥瘦適中，入口吾會話好肥膩，配搭得好嘅係個菇，個汁真係整得吾錯，唔會話太咸，完全合唒我心意翡翠苗😝個色水一睇就知好新鮮，但係好大草青味，可能只係我純粹接受唔到，呢個食剩好多。上菜速度還可以，服務態度還可以。🤪

紅油炒手，樣貌ok但幾乎完全無味，肉餡無味，紅油配上甜豉油係個汁，兩者加埋都係無味好神奇，唯一出嘅味就係少少甜味...主角酸菜魚......唔明點解會係主打，個湯ok,魚好滑啖啖肉但只有少許咸味完全稱唔上酸菜魚，因為個酸菜唔酸又唔辣，點解d人話好味？睇左評論發現應該係個湯，用個湯撈飯果然有淡酸辣嘅味道，合理好多，但係好食嘅酸菜魚。豆角係最出色，入味整體應該不會回顧吧⋯⋯

前幾日同朋友約左食飯，行到4樓見到呢間餐廳好多人排隊，於是諗住試下新嘢。我哋叫左個酸菜魚，巴蜀口水雞，同小籠包。酸菜魚嘅魚係鱸魚，分量十足，而且魚片嘅厚薄適中，魚肉好嫩滑，又酸又辣嘅魚湯好開胃，仲可以餸飯，好惹味！小籠包真係好啱我口味，一籠4隻，咬落去好多汁流嗮出黎，一唔小心仲會燙到舌頭，但食落好有滿足感，好正！真係又愛又恨！口水雞麻麻辣辣好開胃呀，唔會過分辣，但係調味啱啱好，蘸一下汁就會更加入味。

今日唔知點解特別想食d酸酸辣辣嘅嘢，啱啱好行經過，見到門口大招牌嘅酸菜魚，實在太啱我心水。同朋友兩個人叫左酸菜魚同小籠包。酸菜魚嘅魚肉鮮美，有泡椒嘅味道，同埋用鱸魚，所以幾乎冇刺，魚湯酸酸辣辣，十分開胃，啱曬餸飯！小籠包一定要叫呀！好多汁！好多湯！比起好多主打上海菜的餐廳好食好多！店員嘅服務態度都好好，好留意我哋嘅情況，一飲完水即刻過來加水。隔離檯叫左夫妻肺片同口水雞，睇黎好似都唔錯下次過來再試試

諗返起我好耐都冇嚟過東涌啦 ，2020年嘅第一日去行完山之後金見到當初開咗東薈城二期見到幾多嘢食，就諗住試吓新野啦！見到呢間野標榜食酸菜魚，仲要寫住好食不只酸菜魚，咁就比次比次機會佢啦見佢咁有信心！呢一餐我哋叫咗水煮魚，雞絲粉皮，炸饅頭。但我想講，成餐最好食嘅就係碟花生！第一次食嘢食到咁失望！即使唔係食酸菜魚，我都真心唔建議大家嚟呢度食。炸饅頭同雞絲粉皮正路都應該正正常常冇乜野，但係雞絲粉皮雞絲得三條，同埋亦都唔係粉皮，係寬粉，仲要太林煮到好似一餅野咁樣，個麻醬就一般般啦不過不失。炸饅頭就仲衰，真係完全唔係炸嘅饅頭，感覺好似係蒸既啡色皮嘅饅頭。怪唔得知個餐牌冇雙色饅頭啦，因為蒸同炸饅頭係一樣㗎。 好啦，到水煮魚。唔算太辣，但冇乜味，就好似真係水煮魚咁，魚還魚，辣椒還辣椒，不過都好嘅，最少有芽菜同埋辣椒都真係辣嘅。見到隔離枱食酸菜魚，都聽到佢哋好似好不滿咁。真心推薦大家嚟呢度食任何野。