老爹

Open Now

Now Closed

 最近旺角開飯開到厭，於是決定同同事去上環搵下野食，跟住見到呢間西餐好似幾多野食，於是就決定抱住試下嘅心態入去食下。一入去見到地方都算大，店員仲熱心咁為我地送上menu，仲同我地介紹左好多好食嘅野叉燒飯‌呢個絕對值得一讚架，呢度嘅叉燒飯份量唔少，仲要非常咁貼心即叫即整。叉燒飯未食之前仲好熱架，真心夠晒新鮮，入口感覺好惹味，包唔會有軟淋淋嘅感覺。而且濃厚嘅肉味真係足量，一啲都無花假架。除左野食，餐廳嘅環境都唔錯架，二個人靜靜地坐低食下野，都真係幾寫意架，因為格局或氣氛都比同類型餐好，下次都要同屋企人黎先得。

Found this gem of a restaurant because we were intrigued by the name..came in with very low expectations, but was so pleasantly surprised! The proportions are big and the food tastes amazing. We were sad to see the place so quiet - more people need to try this restaurant out!!

呢度係一個中上環lunchtime 既好飯堂😂👍🏼 菜式選擇多、上菜快、價錢合理同埋座位都算多呀。.紐西蘭肉眼扒配薯菜 $128份量夠大，肉眼扒味道吾錯，不過如果肉質腍啲會更好。薯菜吾錯，新鮮又健康👍🏼.香蒜炒雜菌雜菜 $58蒜香味濃郁，菜同菇炒得香口惹味，夠入味。.麻辣蒜片雞粒炒意粉 $68麻辣味突出，加些蒜香味，非常惹味既意粉呀，而意粉夠彈牙，軟硬度適中，雞肉既數量夠多，係足料又美味既意粉🤤👍🏼

朋友啱啱生完小朋友，約咗係佢屋企附近見面，朋友介紹我食呢一間佢成日幫襯嘅西餐廳，餐廳係一個商場入邊，面積算好大，估唔到閒日嘅晚飯時段都幾多人，證明應該質素不差我哋當晚每人選擇咗一個主菜，然後再加個沙律，凱撒沙律份量算多，而且沙律菜新鮮，口感不錯，另外因為 set 餐，所以每人有一個湯同麵包，抵我哋叫咗一個牛肝菌帶子天使麵，牛肝菌味道好濃郁，帶子煎香左而且好大粒，配合埋天使麵十分惹味另外我哋再叫咗一個歐陸式雜扒，雜扒冇Over cook 而且肉味香濃，兩個人食完個主菜基本上已經飽到不得了，朋友果然冇介紹錯，呢間餐廳真係性價比好高，正

晚上時份，與友人相約到老爹食晚餐。餐廳地理位置算方便，地鐵站走過去只需幾分鐘。另外，餐廳為樓上舖，因此，與一般地下舖相比，較寧靜及舒適。食物方面，我們叫了紐西蘭肉眼扒薯菜及香煎三文魚拼大蝦意粉。☝🏻紐西蘭肉眼扒薯菜肉眼扒份量頗大，肉質鮮嫩多汁，且非常軟Q，旁邊的薯角外脆內軟，還有一些菜在旁邊，感覺非常清新☝🏻香煎三文魚拼大蝦意粉不得不提，大蝦勁大隻，三文魚肉質緊密，油脂豐富，與配上的醬汁非常合襯整體而言，老爹是一間高質的西餐廳🍴，是一間回頭率極高的餐廳。

之前到上環找朋友聊天到晚餐時間她就提議在上環解決晚餐好了她推薦了Daddy’s Kitchen據她所說 性價比高而且是間Fusion餐廳有義式餐點也有日式、中式餐點位於上環皇後大道西聯發商業中心的1樓採開放式清淨悠閒的環境可以慢慢享受和友人的晚餐時間香煎鹹牛脷$42（4片）每片的厚度約2cm外脆內軟鹹鹹的口感跟餐還附送了蒜蓉包蒜香雞中翼$42（4隻）炸得超香裡面的肉還保有肉汁非常juicy我的main course選了香煎三文魚拼大蝦配薯菜$148個人愛好三文魚還有一個主要原因就是三文魚能去補充維他命D老爹這裡的三文魚扒沒有多餘的魚腥味搭配上蘑菇醬清爽卻又不油膩朋友則選了頂級安格斯肉眼扒配薯菜$288安格斯肉眼牛扒之嫩的五成熟剛剛好 切開紅肉的比例4:6非常有嚼勁西柚乳酸椰果綠茶$25酸酸甜甜仲夏之選熱蜂蜜蘆薈綠茶$22

之前行開上環，見到商場樓下有個易拉架寫住daddy's kitchen，心諗下次要帶daddy過嚟食下先得，今日終於帶埋daddy一齊過嚟試下。餐廳都好闊落，牆身用左紅磚牆，有少少英倫風。除咗有西餐食之外，亦都有烏冬同拉麵，仲有精選全日套餐，都好優惠，好抵食。 不過爸爸話想食西餐，所以最後都係揀咗食扒。套餐方面有餐湯同蒜蓉包， 餐湯方面就揀咗一個羅宋湯，同埋一個忌廉湯，佢嘅忌廉湯唔係一般忌廉湯咁簡單，而係菠菜蓉湯， 個湯唔會太稀或者太傑，質地啱啱好。 羅宋湯酸度適中，菜蔬材料豐富， 蕃茄味濃。 蒜蓉包夠曬香脆，蒜蓉味好香。首先黎個頭盤-白酒煮藍青口，份量好足夠，青口隻隻新鮮肥美，散發住陣陣白酒香味，唔會有海水味，仲有蒜蓉包伴碟。主菜方面，爸爸揀左個歐陸式雜扒，非常之豐富，有大大塊牛扒、雞扒同豬扒， 肉質嫩滑， 加埋燒汁， 味道更加豐富，仲有條司華力腸添。至於我自己就揀左個紐西蘭肉眼扒，味道甘香，油脂分佈平均，肉眼扒份量足夠，薯角金黃香脆，烤焗嘅時間掌握得非常好。跟餐免費有一杯飲品， 可以揀珍珠奶茶、金桔檸檬、蜂蜜綠茶、檸檬茶、咖啡。我就揀左杯蜂蜜綠茶，味道不錯。如果加$5仲可以轉特飲

在上環水坑口探完姑媽後，覺得非常肚餓，就去吃晚餐，同時在對面馬路見到一間叫老爹的餐廳，就決定去試下！首先，先叫一個煙三文魚凱撒沙律，煙三文魚大大塊，非常厚，加上脆卜卜的麵包粒和新鮮的沙律菜，質素不錯。吃完沙律，還未夠，叫多了一個脆炸魚柳拼薯角，薯角是我的最愛，不錯不錯。還有湯和蒜蓉多士！到主菜，我們分別叫了兩個，第一個是紐西蘭肉眼扒配意粉，肉眼扒頗大，吃起來一點也不覺得韌，六成熟已經可以，配上我最喜歡的黑椒汁，真是絕配！另一個主菜是黑松露帶子天使麵，帶子大大粒，微微煎至金黃色，和白汁天使麵非常配合。特色飲品蜂蜜綠茶這裡性價比非常高，誰說上環沒有好西吃！

餐廳隱蔽，位於一間商場的二樓，樓上則是其他酒樓，佈置帶點工業風，座位寬敞。菜式選擇眾多，適合不同食客的口味，除了主打西餐，還有其他泰式、中式、日式亦有。價錢大眾化，相信以街坊生意、附近工作的上班族為主。白酒煮藍青口：藍青口口感煙韌，份量算多，以白酒烹調，酒味都揮發了，配上蒜片、野菌，味道香口，不太濃～蒜香雞翼：雞翼略炸過，所以外皮脆脆的，內裡的雞肉出奇地入味，濃濃的蒜味。鮮茄海鮮燴意粉：海鮮有帶子、煎魚塊及大蝦，蝦肉及帶子肉質均實實的，魚塊煎過後香口。意粉以鮮茄醬，酸酸的很開胃，亦不會太膩。大千辣雞炒飯：想吃點較濃味的食客，這個炒飯也是其中一個推介。沒想到那麼惹味，有鑊氣，麻麻辣辣的，有點四川菜的味道，雞肉挺多，不過吃多幾口，卻有點點鹹。

男朋友住附近，所以我地經常係中上環區搵食今日天氣好好，我地係中山公園散完步後就隨意咁亂逛，無意中發現呢間叫Daddy’s Kitchen的樓上舖餐廳幾得意咁，係樓下見到餐牌都好平，就決定上去試下。我地叫左三樣野再加兩杯飲品。煙三文魚沙律份量好大，搭配我最喜歡的卡邦尼意粉真係好正！俾人好清爽的感覺。另外，蒜香雞翼熱辣辣，好味我同男朋友一人叫左杯奶茶，原本都有啲擔心珍珠奶茶會好甜，但好意外地呢到既奶茶甜度剛剛好！埋單都係得200蚊到。好抵呀！

👫好少可會嚟到上環搵食，就search下附近有咩好西😝 搵到呢間位於小商場內嘅餐廳，主打係西餐，門口仲放咗兩個機器人用嚟迎賓添🤖️，都幾盞鬼😳一一一一一一一一一一一一一一#瑞士雞翼 <$38/4隻>雞翼有4大嚿，好肥美🤤醬汁令雞翼色澤均勻，而且仲好入味✌🏻雞皮嫩滑，肉質軟身，好有屋企嘅味道🤓.#白酒煮藍青口 <$68>藍青口好特別，殼入面除咗鮮味嘅青口仲好足料☝🏻有洋蔥、蒜蓉、辣椒等🌶️配埋淡淡嘅白酒香，好正呀😝仲有兩塊蒜蓉法包，食落得個脆字，無咩特別🤔.#白汁巴馬火腿燴長通粉 <$66>·轉套餐 <+$12>▫️餐包▫️餐湯白汁超級濃郁，粉同白汁嘅比例啱啱好，掛滿曬每一條長通粉😚火腿好香，食落好似煙肉咁，燶燶地仲脆脆地🤘🏻長通粉份量夠兩個人食，質感唔會太稔👍🏻.#紐西蘭肉眼扒配薯菜 <$168>▫️餐包▫️餐湯我哋嗌咗五成熟，但都好韌好難切😫食落係鮮嫩嘅肉質，仲帶少少血水🤯就咁食無咩牛味🤕配上燒汁作蘸醬，先有返少少香味😐反而係啲薯菜好出色，青瓜好爽口又勁新鮮😍薯條香脆又好味🍟.·跟餐飲品#好立克麥味珍珠奶茶 <

同男朋友放工去咗附近搵嘢食，見到有間西餐廳，喺樓上嘅，都算幾多人，於是上去試吓啦。上到去環境幾好，坐得幾舒服。我哋叫咗兩個set，價錢都唔算貴，喺上環百零蚊据到扒其實都好抵。 除咗傳統西餐有嘅野，仲有我最鍾意嘅珍珠奶茶，味道唔錯，可以媲美出面嘅珍珠奶茶店。我叫左三文魚扒，男朋友叫左個牛扒。2個主菜我地都非常滿意。三文魚肉汁鮮嫩，白汁都配合得非常好。牛扒方面都幾新鮮，好有牛味且唔un。總括而言非常滿意！會 encore

小時候，家中的飲食都是以唐餐／粵菜為主，後來家人又加入外國的飲食元素。可是，當年資訊不發達，家人學尐唔學尐，聽到菜名＝學懂烹調方法。以中菜的煮法，現有的材料，依樣畫葫蘆，加少少幻想來烹調外國菜式。有時候，因誤打誤撞，反而煮出好東西。今天，終於在上環的內街，遇到同樣烹調模式的餐廳。　因為這天工作太忙，没有早餐也没有午餐。在完成工作後，已經是四時多。極餓之時，看到商場門口佇立的下午茶餐牌。樓上有餐廳，馬上衝上去。就座後，點了下午茶和小食，實行一次嚐盡早午茶三餐。白酒煮青口　　　滿心歡喜，以為是法式的＜白酒煮青口＞，即是有白色濃湯浸著藍青口。但這一碟有排列整齊的青口，青口殼內有好多菇，有洋蔥碎，有辣椒，但無香草，無白汁！！！藍青口肉質正常，有鮮味，無霉味。香辣配料有鑊氣，偏向中式做法。腦海中的畫面：以熱油爆香蒜蓉辣椒洋蔥，放入菇類炒香，再放入藍青口不斷翻炒，直至青口開殼，令調味料迫入青口內，最後灒酒，待酒精揮發後，即可上碟。　先把青口拆肉配雜菇，跟各種調味料同品嚐，啖啖肉，很方便。全部都是豐富的蛋白質，香辣惹味。真係越食越有Feel～有當年家的感覺～以幻想來烹調，達到不中不西的境界。現今的用

屋企人喺上環區返工，就同佢附近食啲嘢唔使返屋企煮飯。以前呢個位置係一間打邊爐嘅，但係已經轉咗做一間西餐廳，價錢都好適中。睇咗餐牌一陣，原來除咗西式嘢食之外其實都有日式嘅拉麵，不過感覺上呢度比較西式，所以都係叫返啲西式嘅食物。+12 x 2 紅白湯+包每個套餐加$12就可以有湯同埋包，個蒜蓉包非常香脆，同湯就比較濃味，白湯清新。湯有兩隻，都叫做有選擇。香煎司華力腸（ 10片） ＄28都煎得幾香㗎，每塊都熱辣辣，啲油嘅份量都好適中。紐西蘭法式羊扒配意粉 $168羊扒有羊嘅香味，而且好厚肉啖啖肉，可以唔需要點上醬汁。不過意粉就真係冇咩味，純粹煮熟左做返一個澱粉質飽肚感。黑松露帶子天使麵$118相比之下黑松露帶子天使麵就比較出色，因為黑松露味都有啲痰響，帶子就彈牙，天使麵同忌廉汁嘅比例啱啱好，而且唔會太林唔會爛。叫咗個餐再飲嘢其實係平啲藍莓珍珠＄10媽咪話好有藍莓嘅香味，值得推介。好立克麥味珍珠＄10+$4我呢個就再豐富少少，因為本身好立克麥味珍珠已經豐富，我仲加埋杯芽，表面有好乾爽同埋好有口感嘅杯芽成件事好甜又適中，啲珍珠都好彈牙呢！

不計九龍，港島有3個電腦商場，其中2個都在灣仔，就是修頓中心電腦城和298電腦城，至於第3個，似乎已沒有太多人記得起了。這個就是位於舊城上環，近水坑口的聯發商業中心內的百匯電腦城。在這個被遺忘的電腦城內，有間不錯的餐廳，在1樓A區，叫老爹。老爹門口有2個Robot，好搶眼，聽說是上手食肆留下來的，以前用作送餐之用，現在退役，放在門口，充當迎賓。老爹地方闊落，佈置簡潔，座位寬敞。一排玻璃窗面向水坑口街，光線充足，環境舒適。餐廳有多款全日套餐、廚師推介、頭盤、沙律、小食和飲品選擇。坐下就叫了廚師推介紐西蘭肉眼扒配意粉($128)和牛肝菌帶子天使麵($118)，配餐湯、餐包及飲品，另叫了小食蒜香雞中翼($42)。先來餐湯和餐包，餐湯野菌忌廉湯，湯底幼滑，菌粒不多，濃稠適中，味道不錯。蒜蓉餐包焗得香脆，牛油蒜香味濃。紐西蘭肉眼扒配意粉，7成熟的紐西蘭肉眼扒十分鮮嫩，肉汁豐富，再配上燒汁，爽滑意粉，叫人回味。牛肝菌帶子天使麵，帶子大大粒，夠鮮甜，牛肝菌清香，天使麵幼滑，賣相不錯，味道吸引。蒜香雞中翼有4隻，外皮鬆脆，蒜香撲鼻，肉汁充沛，十分惹味。珍珠奶茶亦很有水準，珍珠大大粒，嚼感十足，茶底清香