老爹

Open Now

Now Closed

D晚約左FD去扲D野, 所以就係FD既屋企附近是但揾間黎食因為叫Daddy's Kitchen 令我諗起已經唔係度既老爸煮既西餐所以吸引左我入去食D間Daddy's kitchen位於個商場既一樓, 位置方便香煎司華力腸(10片)-$28有少少蜜糖去煎, 少少甜幾好味蒜香雞中翼-$42炸得好香口, 外脆內嫩, 蒜香味更吊起個味, 唔錯之選跟SET/ 轉SET+$12我叫SET所以唔洗補錢, FD果個唔係SET, 所以要加工12蚊, 個湯幾真材實料, 幾好味紐西蘭肉眼扒-$128$128既扒估唔到咁大塊, 抵食, 而且叫五成熟真係五成熟, 入面仲係好嫩, 一D都唔韌, 牛味好濃, 有驚喜麻辣蒜片雞粒炒意粉-$68少少辣, 吊起左成個意粉既味, D個味好得意好好味, 而且雞粒唔少, 意粉又煮得岩岩好, 另一驚喜之選薄荷朱古力-$10朱古力味好濃, 仲有淡淡既薄荷, 咁既配搭好好總結, 估唔到街坊小店咁有驚喜, 可以再黎食野傾計, 唔錯唔錯!

陪友人行完大館，打算過去上環搵食。記得皇后大道西聯發商業中心有間一人火鍋專門店，之前曾幫襯過，想帶朋友去試下，點知原來已經轉咗手，換了另一間叫「老爹 Daddy’s Kitchen」嘅西餐廳，反正沒吃過，一於上去試下。其實之前在中環上班時，經常會和同事來這個商場飲茶食晏，所以對周圍的環境，絕不陌生。餐廳藏身於 1 樓 A 區，店內地方頗大，牆身用上紅磚砌成，座位非常闊落，就算人多來亦絕對唔會感覺迫狹。翻開店員遞上的餐牌，食物非常之多元化，除了有頭盤/沙律/小食同 9 款廚師推介嘅套餐外，另外仲有意粉/意大利飯、拉麵/烏冬套餐、米飯、精選全日套餐同一系列特飲，選擇甚為豐富。先揀幾款小食做頭盤，選了日式煎餃子 ($32)、瑞士雞翼同香蒜炒雜菌雜菜。餃子外皮唔算好薄，不過外形非常飽滿，而且煎得夠曬香脆，餡料入面嘅豬肉肉味濃郁，蘸點醋汁吃，甘香惹味。瑞士雞翼 ($38)，雞翼一客有 4 隻，size 屬中等，唔算特大，不過就浸得非常入味，最正當然是面層香甜滑溜的雞皮，雖然脂肪多，但膠質也多，加上入面的雞肉，肉質非常嫩滑，軟而不爛，大人細路都啱食。香蒜炒雜菌雜菜 ($58)  雜菌雜菜材料非常豐

臨近中秋想在海味街預先睇下有咩夠平，睇完之後夜啦諗住就地食dinner，上環好多舊式小店，難得見到聯發商業中心棟大廈外觀夠晒靚，所以就入去望下。搭上一層，一出lift轉右就到～坐低望下餐牌，難得夜市都唔貴😂真係不得了太多野食揀，同埋我地係想食好西，所以就由「廚師推介」入面篩選就算～（已經係餐牌入面最高價架啦😂）紅湯與麵包！第一個先上香蒜炒雜菜雜菌（$58），我呢啲健康人士，難得在西餐廳見到除咗沙律外仲有熱菜食，係多麼的感動😭煮到好香口、好好食！第二個上蒜香雞中翼（$42），一共有四隻，夠晒肥美～先上我的C4黑松露帶子意大利飯（$128），奶油味好重好正😍😍😍好邪惡呀♥️啲帶子煎得恰到好處C5紐西蘭肉眼扒薯菜（$128），好易切開，肉質鮮美～最抵係只係加$5就有特飲，呢個真係良心企業黎😂朱古力曲奇妙趣沙冰，好重朱古力味，無花無假，極好飲！必點！結論：黎開上環辦貨，可以一戰😘

探完朋友經過商場見好多人上去，即管上去八吓見好多人入呢間餐廳睇吓錶原來已經中午時段，就入去坐低尋食一番先雖然裝修簡單，但地方寬敞坐得舒適睇餐牌都多嘢食，可散叫或套餐，我就叫左個套餐：頂級安格斯肉眼扒配薯菜，跟餐包和餐湯，加錢轉左杯特飲（西柚乳酸椰果綠茶），另外叫左碟：白酒煮藍青囗西柚乳酸椰果綠茶，椰果粒香甜有咬口，西柚乳酸入囗酸尾尾，綠茶清新，溝埋一齊飲好好味白酒煮藍青囗，藍青囗份量幾多，味道鮮甜加左洋蒽、鮮菌和辣椒，增加左辣味更惹味，拌碟既蒜蓉包好香好脆頂級安格斯肉眼扒配薯菜，好厚好大塊牛扒和好多薯菜，薯菜入口好脆，味道甘甜，安格斯肉眼扒好嫩有肉味但今次選左7成熟，比較熟浪費左塊扒我覺得大家要食可選3或5成熟，但呢間係得1,3,5,7成選，所以選3或5比較好。估唔到普通一個商場有間噤好質數既餐廳

老爹係多國菜餐廳, 餐牌有中、西、泰、日菜式, 價錢平宜, 我公司就喺附近, 今晚決定去試一試!香煎三文魚拼大蝦配薯菜 $148海蝦大大隻, 肉質爽口彈牙, 好味道! 三文魚扒外皮層煎得香脆, 內裏肉質嫩滑, 加上少少黑椒同鹽調味, 味道恰到好處!配菜薯角都炸得好香好脆, 同樣大大件, 而且份量好多! 旁邊的白汁有好多雜菌片, 味道很香滑濃郁! 個人覺得就連薯角點白汁都好夾, 好滋味!紐西蘭肉眼扒配薯菜 $128肉眼扒又係好大塊, 而且係厚切, 真材實料! 我地要求五成熟, 煎得岩岩好! 肉眼扒內裏粉嫩, 肉味濃郁!配菜薯角都炸得好香好脆, 同樣大大件, 而且份量好多! 香煎咸牛脷(4片) $42牛脷咸咸香香, 牛味濃郁, 好嫩滑, 有入口即溶既感覺!瑞士雞翼(4隻) $38雞翼煮得夠入味, 唔錯!蒜蓉包蒜蓉包烤得好香脆, 又有濃濃蒜蓉同牛油味, 正!餐湯（紅、白）凍柑桔檸檬凍檸檬茶

餐廳位於商場內，門外擺有兩個趣緻機械人，相當搶眼。店內環境雅緻，充滿西方格調，跟門外的小商鋪對比，完全是兩個世界似的。落地大玻璃令空間感十足，坐著靠窗的座位觀看街景放空、歎著美食，更添一份悠閒寫意，好令人放鬆。餐牌上的食物選擇比想像中多，有多款小食、沙律、特飲、扒類、拉麵烏冬、意粉及飯等，價錢相宜，絕對是平民之選。店員的服務很好，有禮又殷勤，好欣賞他們每道菜均緊接送上，完全不用等候。晚餐附送餐湯、餐包及飲品。忌廉蘑菇湯內有很多蘑菇粒，蘑菇味香濃，好開胃。蒜蓉包散發出陣陣香味，烘得非常香脆，蒜蓉味十足，相當美味。煎餃子熱騰騰的，趁熱吃最正！餃子有日式的風味，煎得香脆可口，但又不會好乾或好油，恰到好處。內裡餡料飽滿，非常美味，忍不住一口氣連吃幾件。蒜香雞中翼好有水準，絕不欺場，每一隻均是肥美，外皮非常香脆，肉質超嫩滑，而且蒜香味十足，相當入味，滋味無窮！黑松露帶子意大利飯好有驚喜，賣相精美，帶子大大粒又厚身，肉質很新鮮又嫩滑，意大利飯非常creamy，軟硬度恰到好處，醬汁夠多又香濃，加入不少菇菌令口感更有層次，美味得很。紐西蘭肉眼扒好有份量，大塊又厚肉，肉味濃厚，沾上碟邊的調味料和醬汁令味

早幾天跟男友去到上環睇婚紗，因為搞到好晚，就係附近搵野食，去左呢間唔係幾起眼的街坊西餐廳食飯！位置一個小商場內的餐廳，由多個鋪位組成～食物主要以西餐為主，小食、沙律、意粉、意大利飯、扒類，連日式拉麵都有，種類都幾多，而價錢都大眾化，主要是街坊生意為主！凱撒沙律 HK$60凱撒沙律配上多士粒、芝士碎及煙肉粒，混入微酸的凱撒沙律汁，清新爽脆，沙律菜亦都好新鮮，十分開胃！餐湯：菠菜忌廉蘑菇湯跟餐係附送餐湯一碗，我哋都揀咗呢一個菠菜忌廉蘑菇湯，淡淡的菠菜味，味道適中唔會太咸！黑松露帶子意大利飯 HK$128 之後我就叫左呢個黑松露帶子意大利飯，上枱時已經聞到好香好濃郁嘅黑松露味，帶子表面微微煎香，咬開好彈牙，外香內軟，口感十足～至於意大利飯煮得軟硬適中，醬汁唔會太多又唔會太少，中混入左唔少嘅什菌，入口有陣陣嘅黑松露香味，都幾濃郁，不錯！香煎三文魚拼大蝦配薯菜 HK$148三文魚表面煎至微焦，食落好香時，魚油味都好濃郁，而大蝦肉質好新鮮同彈牙！配上薯菜感覺唔會太飽，醬汁都好惹味！冰感薄荷朱古力 +HK$5 加胚芽+HK$4益力多乳酸沙冰 +HK$5餐飲加左五蚊轉特飲，我的是冰感薄荷朱古力，再加左

平時除左返工之外都好少去上環一帶，今日約左朋友去上環睇展覽再食飯，由皇后大道行返去中環時見到間樓上舖［Daddy's kitchen]，就上左去試👦🏻👦🏻餐廳係聯發商業中心一樓，門口有兩個機器人歡迎我地🙈🤖🤖室內環境同外面有好大差別，估唔到裝潢別緻用心，天花掛滿黃色燈泡，夜晚來食飯應該更浪漫我地剛好下午茶時間來到，見到茶餐定價平均$45-50，仲包飲品😮😮 係港島區來講真係好抵～👀👀食物款式都幾多，除左西餐之外，仲有日式拉麵、韓國泡菜、泰式咖喱、中式叉燒、炒飯等等～ 真係多得驚人😮😮 差點以為去左酒店食buffet😅😅是日餐湯-揀左蔬菜忌廉湯，味道易入口、香滑黑松露帶子天使麵 $118麵既份量多得嚇人😮應該足夠兩個人分享，三粒大帶子煎香比刺身更好吃麵裡包含不少磨菇、忌廉，每條麵都是精華香煎三文魚拼大蝦配飯 $148套餐價錢已包餐湯、餐包+飲品～講真，依個價錢本身唔會抱太大期望😌但係食落先知，竟然同出面賣貴一倍既西餐一樣質素蝦肉新鮮彈牙又夠大隻，三文魚扒亦是足料真係好難相信港島區有咁平價既西餐～芝士蛋糕套餐 $35估計不是店家出品，但味道還好，來個飯後甜品就岩哂下午茶餐仲加杯飲品，我地又

老爹餐廳位置不顯眼，但食物質素和服務態度都十分好，算得上隱世食堂。蒜香雞翼(42元4隻)，雞翼外皮鬆脆，雞肉嫩滑，蒜香味濃，還有陣陣的酒香味煙三文魚凱撒沙律(75元)，煙三文魚份量多，三文魚和蔬菜都十分新鮮👍🏼黑松露帶子意大利飯(128元)，帶子十分分鮮甜，煎得剛剛好，嫩滑，意大利飯也很creamy ,不出十分鐘已經鯨吞曬成碟意大利飯另外跟餐會奉送餐湯和蒜蓉包，蒜蓉包烘得十分鬆脆重點要讚一讚飲品金橘檸檬，十分好飲，完全是誠意之作。

是晚與港島之友晚餐，雖則不是經常見面，不過每次她都會帶我食特別得來又性價比高的餐廳，邊食邊聊天，開心就是這樣的簡單！上環其實隱藏著很多美食，細心發現總會有意想不到的收穫。隱身在一個不起眼的商場裡，不過人流卻挺多。門口擺放著一個機械人，挺新穎的感覺！瑞士雞翼 - 雞翼肥美，食落啖啖肉。肉質細嫩肥位不算多，醬汁味道挺入味。香辣蕃茄汁煮藍青口 - 青口均為我與朋友愛吃的海鮮之一。青口數量正常，肉質煙韌彈牙，配上酸酸辣辣的蕃茄汁，其實挺開胃。蒜蓉包 - 雖則的骰，但香蒜味挺出，熱烘烘的溫度加上酥脆的口感，不錯！扒牛肩脊拼扭倫堡腸配意粉 - 牛肩脊煮得剛好，不會過熟，肉質軟綿綿，肉香香濃。扭倫堡腸不會太油膩，食落帶點脆，點上醬汁更能突顯味道！意粉煮得分明，爽而彈牙，不錯。紅酒燴牛尾牛肋條配飯 - 牛尾牛肋條均炆得軟稔不黏牙，紅酒味牢牢滲入其中。份量不少，配上白飯一定不愁不夠醬汁點！

餐廳喺上環文娛中心附近嘅一個商場內，商場人流唔多，但周圍都係屋苑，所以都係做街坊生意。價錢方面自然相宜，平嘅有$50左右嘅拉麵/烏冬套餐，價錢高嘅都只係百幾蚊。門口有兩個機械人，造型好似某電影中嘅傻強同奀妹咁，不過當晚就冇serve客，只係企喺門口郁都唔郁，但都幾得小朋友歡心。我哋每人叫咗兩個【厨師推介Set】【凍珍珠奶茶】一般餐廳轉凍飲，有良心嘅都要加$2，呢度轉飲珍珠奶茶竟然唔駛加錢。奶茶唔算好甜，味道啱啱好。【益力多乳酸沙冰】加$5就可以揀特飲。益力多味都算濃，乳酸菌有益，啱我。【蘑菇忌廉湯】味道淡咗少少同稀咗少少，還好有好多人蘑菇蓉喺入面，配湯嘅蒜蓉包亦夠香脆。【香煎三文魚拼大蝦配薯角$148】三文魚煎到外面有少少脆，仲帶少少魚汁，味道啱啱好。配上嘅蘑菇忌廉汁就鹹咗少少。薯角係即炸，香脆又熱辣辣。【歐陸式什扒(肉眼扒、雞扒、豬扒、司華力腸)$158配飯】初初以為什扒會係每樣俾少少，出到嚟原來三塊扒都唔細。最正係塊肉眼扒，夠厚，切落去軟腍，叫咗五成熟，帶少少血啱啱好。一食就有驚喜，估唔到什扒餐嘅肉眼扒質素可以咁高，肉汁非常豐富，點埋紅酒汁就味道更突出。司華力腸得半條，不過夠大碌又

那天在上環工作完畢，朋友和我都肚子餓了， 但是又不想去熟食中心， 始終那裏環境不算太舒適， 就在我們覓食之際， 忽然抬頭見到上環富x酒樓下面有一間新的西餐廳， 我們二話不說就上去試試這間我們也沒有吃過的餐廳。 原來這間餐廳叫老爹。餐廳是在整個商場的最側邊， 有一大排玻璃可以望著樓下皇后大道西車來車往， 在餐廳一渴著湯一路吃著東西， 看下面熙來攘往的情景， 實在是寫意。今天和朋友一起來， 叫了兩個套餐， 每個套餐也包餐湯和餐包一份， 我們選了忌廉蘑菇湯， 蘑菇湯喝得出是用了很多蘑菇去打成的， 都算足料， 唯一美中不足是蘑菇湯比較偏鹹， 可能係廚師稍為下了重手一點吧。凱撒沙律每次去親食西餐我都會叫凱撒沙律, 因為最簡單的菜色最能顯示出餐廳的誠意, 材料有羅馬生菜，烤麵包粒及煙肉碎, 但好像沒有巴馬臣芝士在內。。羅馬生菜算新鮮, 吃得出是爽脆的, 唯一美中不足的是麵包沒有烘過, 有點敗筆。紅酒燴牛尾牛肋條配飯我和朋友都愛牛尾, 因為佢富含膠質, 可惜出面好多餐廳的炆牛尾好多時都會較硬, 係男朋友面前食就有D「論盡」。但老爹呢到D 牛尾燉得入味之餘更是肉質軟稔, 牛尾燉得肉軟鬆潤, 肉與骨輕輕

朋友住附近介紹左我地食呢間西餐廳，話幾抵食同埋味道不錯，真係唔講唔知，原來有間餐廳隱藏左係一個舊式商場裡面。。。。。。。。。。。。。。歐陸式什扒(肉眼扒，豬扒，雞扒，司華力腸)▸平時嘅什扒通常得其中兩款扒再搭火腿腸仔個啲，估唔到呢到三款有齊晒😍一上枱真係嘩左聲，完全無諗過咁大碟，一個人真係唔會食得晒，仲要只係賣$158，連餐湯同飲品，又可以揀配飯/意粉/薯菜，薯菜係薯角，熱辣辣又唔會唔乾好淋，肉眼扒肉質都ok，有少少咬口，豬扒就乾左少少，最正係雞扒，皮脆肉嫩，但就油左少少😊。。。。。。。。。。。。。。另外嗌左蒜香雞翼同白酒煮青口前者炸得好香口，但蒜味可以再重啲後者夠惹味，而且份量好多同埋唔韌飲品方面也很不錯，唔會好甜好假

老爹位於上環皇后大道西聯發商業中心，就咁講可能唔知係邊，其實是在上環文娛中心的斜對面， 由地鐵站出來大概走十分鐘就到其實都幾易搵。 餐廳面積都幾大， 算坐得舒適 ，不會背脊貼背脊。今日和朋友叫了幾道菜式:白酒煮藍青口 青口creamy得黎都算鮮嫩，最主要係因為呢到提供的是細SIZE 的藍青口，入口有海鮮味兼白酒香，加埋滑滑溜溜的忌廉十分吸引。另外餐廳又比多兩塊用烘過既法包可以點剩低的醬汁黎食，食到停唔到口。細細隻藍青口加法包，果然是最佳的配撘另外我們又叫了兩個晚餐, 晚餐包湯和麵包。羅宋湯羅宋湯酸中帶甜, 搭配大量各色蔬菜和蕃茄, 在這炎熱的夏天炎熱，甜甜酸酸甜甜的羅宋湯讓人特別開胃。黑松露帶子意大利飯意大利飯吸收了上湯的精華，煮得外軟內韌的感覺，不會過份糊作一團，粒粒有口感，非常Creamy，而且上菜時就已經聞到陣陣的黑松露味，色香味俱全，黑松露與帶子的味道也很夾，香氣燶郁，而且飯裡也加點素菇，感覺就不覺太膩。安格斯肉眼扒配薯菜與朋友歡聚周末晚上，一塊美味的牛扒總是不可或缺。老爹的安格斯肉眼扒，牛肉質細緻紋理清晰，切開肉汁算可以，而肉眼部份油份不多，肉眼即牛脊前半部份，因為活動少，肉