大丈夫食堂

Open Now

Now Closed

大丈夫食堂地址: 長沙灣元州街350號家壹1樓11號舖#yauyau_長沙灣呢間嘢係朋友推薦我嚟食，佢原先喺長沙灣嘅唐樓下面開，應該做起咗，所以搬咗一間好大嘅舖頭，我終於就唔使再排成個鐘嚟食，而且佢仲有gulu app可以遙距拎飛。佢搬完舖頭之後啲食物質素都冇變到，另外佢仲係白飯沙律任叫，但求你食到飽。搬到去新鋪價錢，只不過係升咗少少，呢種經營態度我好欣賞。🍖🍖吉列豬扒定食 $115呢度出名就係個炸豬扒，豬扒好大塊，成塊冇乜肥膏，咬落去個炸皮好香脆跟住啲豬肉好鬆軟，係一啲靚嘅豬扒同埋經過多次拍打先可以做到呢個效果。呢度一定要提佢豬扒汁，係好似嗰啲小丸子個啡色汁嘅味道，呢種偏甜少少又有啲酸嘅汁，好啱解開佢炸豬扒嘅油膩感，令到你食晒成塊豬扒都唔會覺得好滯，而且佢仲跟埋啲椰菜絲俾你，個口真係覺得太油可以整返幾啖。不過啲椰菜絲就真係有啲乾，要點一點啲沙律醬嚟食。🍱🍱鰻魚飯 $105我估唔到佢個鰻魚真係會燒俾我，我入口嗰陣時，個魚肚仲會有少少脆，而且又燒到好香，佢係唔需要用任何嗰啲鰻魚醬汁，嚟冚住出邊街嗰啲雪藏鰻魚嘅雪水味，因為佢真係太香啦。咁當然啦佢嘅份量就被雪藏鰻魚少，但係呢個價錢可以食到佢

花魚一夜乾定食： 皮煎得唔夠香但肉幾滑， 定食有麵豉湯， 沙律菜，香滑茶碗蒸， 小碟醃物， 組合都幾豐富。吉列豬扒定食： 豬扒外脆內軟， 口感有d 口唔似整塊豬扒， 似免治肉扒。 配沙律醬/燒汁（ 似章魚燒汁，酸酸點帶苦澀味）。三文魚刺身(5件)： 厚切, 性價比幾高，$55/5pcs 牛油果三文魚手卷: 似倒轉嘅手握壽司，份量唔大，牛油果經調味唔夠鮮味。

大丈夫食堂（Cheung Sha Wan）對於長駐長沙灣嘅小編來講 呢間舖頭已經開咗好一段時間😌😌 可惜一直未有機會試 今次難得朋友來長沙灣作客😆😆 即刻帶佢試吓呢間人氣抵食日式食堂🇯🇵 順便自肥嘛😈⌖ 塩燒牛舌定食 🐮👅💰$98成個定食拼盤賣相精緻🤓 牛舌一共有十塊 屬於薄切 隔離配有燒汁同埋檸檬🍋 配菜方面除咗有新鮮沙律🥗、日式茶碗蒸🥚、味噌湯仲有特製海帶 配埋白飯好豐富☺️☺️ 牛舌燒到兩面金黃🔥 熱辣辣擺入口好軟嫩 認真不錯！😋😋⌖ 牛油果三文魚丼 🥑🐟💰$85牛油果三文魚兩款都係呈角切 三文魚食落夠肥美😍😍 面頭仲鋪咗啲蟹籽🦀️、紫菜 成個搭配好夾添 食唔停口 配菜方面同上 正常發揮🤔🤔⌖ 唐揚炸雞 🐔💰$50黎之前朋友大推！😎 小編試咗都覺得好正 炸衣非常薄 雞件好嫩滑🥹 配埋沙律醬一流 就算凍咗都保持脆口 足足有六大件 好抵食😙😙☻ 回頭指數：8.5/ 10 ❝ #Amiの九龍覓食記#Fatshit_ami #Dinnertime #長沙灣美食 #香港美食 #港式美食 #食好西 #大丈夫食堂 #塩燒牛舌定食 #牛油果三文魚丼 #唐揚炸雞 #日式食堂 #日本菜 #日式定食 #長沙

同男朋友去食晚餐，可以用電話落單，有個code 自助落單，都好方便。今次我叫左個Double Taste Donburi (Salmon &Yellow Tail)定食同三文魚頭定食，都幾好味🤭👍🏻👍🏻👍🏻環境：二個人座位都相當闊落，坐得幾舒服，見到其他座位都好闊，環境幾好。見到好多人叫燒肉餐，所以食完出返來，身上有有燒肉味。呢個係環境扣分位食物質素：個三文魚頭定食，比想像中好味，肉又滑又夠味又甜，值得一試，唯一缺點，個魚頭眼位好似有少少生😵‍💫但整體唔差提提大家，呢間成日都好多人排隊，最好用app攞定飛，唔係要等好耐，我地食完出來都好多人等緊 🫣

通常有質素嘅吉列豬扒定食，閒閒地都$2xx，普通日式餐廳幾十蚊嘅吉列豬扒質素一般，而位於長沙灣的大丈夫食堂的吉列豬扒定食可以話係性價比最高之選。🥩 吉列豬扒定食 ($115) 👅: 91.43 分 外皮非常酥脆，豬扒厚身，鍾意佢個肥瘦比例，食落好有口感同充滿肉汁，略嫌有些位置比較難咬。配上酸甜醬汁同芝麻醬，可減低油膩感。不過還是建議share食，無咁飽濟。定食會附上珍珠白飯，茶碗蒸，味噌湯，沙律椰菜，漬物。椰菜絲同白飯可以添加。🐠 鰻魚定食（$105) 👅：80.27 分 正常發揮，鰻魚算肥美，有足夠鰻魚汁拌飯。環境: 👍👍 👍回頭率: 👍👍👍 訂座: ❎ 㩒飛等候等候位置時間: 平日1點到，等大概15分鐘。

附近通常茶餐廳比較多，這間餐廳食過兩次，質素都有保證，在附近可以去試一試。特別推介明太子焗牛油果，好食😋味道配合得好好鰻魚飯多汁 味道唔差 鰻魚肥美沙律，有兩種，跟餐可以無限添加，鍾意食菜既朋友可以去一試～

睇住呢間餐廳由細鋪搬超大鋪！真係戥佢開心😙Weekend成2點嚟到都竟然爆‼️等左十分鐘左右先有位❣️牛油果三文魚丼($85)定食包漬物、麵豉湯、沙律、茶碗蒸～漬物係少許生菜😂湯好大碗😇沙律都係😇餐廳最出名就係沙律白飯都任食‼️上次喺舊鋪食左3碗沙律😝健康呀嘛食多啲菜😜新鋪都係一樣任食😙不過今次淨係食左2碗姐，有啲椒同沙律菜咁😋三文魚非常大舊😍牛油果都係😍少許日式醬油加埋蟹子撈埋一齊真係好好味😚（牛油果加豉油my fav food combo😋）本來以為飯量會好少，但其實一碗都夠飽😊蛋冇開蓋影到😂係正常發揮嘅茶碗蒸，夠滑👍❣️塩燒牛舌定食($95)燒肉類定食仲會包含一大碗椰菜🤣🤣幫你解膩牛舌有九塊，唔算好重牛味但勝在可以自己控制生熟度而且都幾爽口，可以加少少檸檬汁會再fresh啲😋一人燒肉都幾過癮😙整體都好滿意😊好食😋😋😋回頭率：4.6/5我覺得性價比算好高❗️價錢唔算太貴就有高質日本野食，仲包左咁多野😳下次可以嚟試下佢出名嘅吉豬😎

去唔到日本，唯有食住大丈夫嘅吉列豬扒，真心話一啲都唔差的，豬扒完全唔會有油漬味😅，吉列脆面好鬆化，豬扒有肉汁及軟硬適中，豬扒醬汁甜酸度適中，味道剛剛好。還可以改加量椰菜絲，跟餐還有芝麻醬，可以清清口腔肥膩感覺，而且椰菜絲很乾淨，唔會有水的。茶碗蒸暖笠笠，味道同平時差不多，沒什麼特別。日本白米飯也是一般午市 ～ 吉列豬扒定食$105 🎉抵食另外，除了沙律菜（椰菜絲）可以加量，白飯也可以的，不過如果要加飲品，就要加錢了。

炸豬扒飯在網上YouTuber中聽講過，十分抵食。今天一試，果然名不虛傳，豬扒大大塊，加上麵包糠一起炸，名皮酥脆，裏頭肉質軟及有肉汁。而且位置座落放長沙灣區，份量都有顧及區內勞動人口的需要，有加大飯及沙律的選擇，而且不需要另加收費，令人感到窩心及貼地。午市用餐，有不少打工仔光顧，需要排隊一段時間，但工作人員還算有禮。經過不妨一試。而且餐廳地方大，沒有很迫的感覺，有空間感之餘也用餐舒服，地板不算滑。

由原本細舖搬到依家大舖既大丈夫食堂, 今日試左佢地店既2款人氣定食, 味道都非常唔錯！🍽️ 鹽燒牛舌定食 $98一碟有10片薄切牛舌, 雖然店舖有用鹽同黑椒略為調味, 但都唔會蓋住牛舌本身既牛味, 餐廳會另附一個鐵爐比你自己燒, 可以自己調節牛舌既熟度. 🍽️ 吉列豬扒定食 $115餐廳招牌菜之一, 豬扒份量大,而且仲保有小許肉汁,唔會炸得太乾, 炸粉夠脆亦唔會太厚每個定食都會跟一個茶碗蒸,味道正常, 但蛋唔算太滑, 另外仲有沙律同白飯, 兩樣有減量同增量揀, 細食人士唔驚食唔哂, 大食既都唔怕食唔飽!😆💡大丈夫食堂長沙灣元州街350號家壹1樓11號舖

📍大丈夫食堂📍長沙灣📍日本菜/刺身/壽司/西餐📍營業時間：Mon-Sun1130am-1430pm1800pm-2130pm（中途有落場‼️‼️‼️）前幾日lunch 同朋友過黎試食呢間餐廳，食完之後覺得可以再食多次🤣🤣-豚肉生薑燒定食（💰75）我鍾意食呀呀呀呀呀因為個豚肉燒得好好，多肉，同好多汁，適合撈飯食，然之後有個燉蛋，我覺得個茶碗蒸太少🤣相比起壽司郎，壽司郎啲茶碗蒸啲蛋會多過佢地🤭湯就同普通日本餐廳嘅湯一樣，冇嘢想評價😂-鹽燒牛？定食（💰九十幾）係牛黎嘅，不過唔記得係牛咩😂，有得自己燒俾自己食，自己可以控制想食肉熟嘅程度，不過對一啲人黎講都唔係咁容易handle燒呢part，因為燒過左就會唔好食🤔所以唔識燒嘅人就揀返啲燒埋俾你嘅嘢食喇🫢🫢個肉薄，容易燒，份量適中。-小食炸雞（跟餐加💰$28）我覺得冇咩特別，同平時係牛丼食個啲炸雞一樣，都係炸完即刻出，所以外面個層麵粉唔會好淋。ps：想食落order嘅話揀返跟餐加係最平嘅，因為單點係多一粒炸雞，但係係要俾多十幾二十蚊，唔抵。環境方面，座位寬闊，環境舒適唔吵雜，有空間感，有好多卡位，同埋都有啲係可以一大班人坐埋一齊食嘢嘅位置，傾計都會方便

搬左新鋪後都係第一次幫襯十二點半左右黎到，等左兩張枱十分鐘左右就入得環境比舊鋪大好多，舒服好多枱同枱之間都有好充足嘅空間，唔洗好似以前咁要識縮骨功先攝到入裡面個位炙燒魚背壽司🍣～唔錯，油脂豐富不過又未至於成舊入口即溶，中間仲有啲位爽爽地，如果連中間位都可以做至入口即溶就更加正燒花魚一夜干定食～ok, 魚肉滑嘟嘟，但越食越覺得咸。。。吉列豬扒定食～大丈夫必食之選性價比高南瓜天婦羅～正👍🏻天婦羅粉漿唔會好厚，天婦羅皮炸得好鬆脆平時唔太好天婦羅，但呢個真係好食到想encore呢個比吉豬更吸引食完出去埋單就有好多人等位，好彩早少少到———————————————————————餐廳環境除左比以前大左、舒服左之外，餐廳裡面亦有男女廁🚺開頭對廁所環境都唔抱任何期望，諗住有得去就算。但原來廁所都好企理，仲要有兩格女廁，而且一啲都唔窄，唔洗縮骨功先入到去雖然唔係喺廁所開餐🫢，但個廁所咁乾淨又寬落都加左分。。。。不過咁乾淨唔知係咪因為時間尚早，未係好多人幫襯個廁所———————————————————————以前喺舊鋪會間唔時外賣三文魚牛油果丼，因為外賣炸野一定焗到淋晒，所以一定唔會外賣吉豬三文魚牛油果

由小店搬到中鋪，地方比以前大咗，而且整潔，就是少咗以前小店味道。有遙距排隊，有QR code落單，而且食物餐單選擇多咗，值得一讚炸豬扒保持水準，今次試埋炸蠔，炸軟殼蟹，炸虎蝦，都鬆化美味，燒鯖魚就普通合格啦。定食由$7x -$11x，性價比絕對係掂！

今日和朋友往長沙灣大丈夫食堂食晚餐,這裡主要食日式定食用QR code點菜,我點了南蠻炸雞定食,朋友則分別點了燒鯖魚定食和燒花魚一夜干定食,南蠻炸雞定食份量十足,還有椰菜,漬物,日式蛋和味噌湯,炸雞炸得金黄香脆,肉質鮮嫩,配上沙律醬和千島醬一起食能提升炸雞口感,椰菜新鮮爽口,白飯飯粒軟綿,而且白飯可以加大,漬物味道醒胃,日式蛋食落香滑,味噌湯咸度適中,豆卜吸收味噌湯,口感豐富,餐廳座位闊落舒適,食物美味高質,高質好味日式定食

禮拜去食都幾多人下好彩都係等咗一陣就有位見到好多家庭去炸豬扒定食標準日劇個種，厚炸豬扒配一大堆菜茶碗蒸偏鹹味噌湯泡飯好惹味d豬扒好實正，個炸皮好好食燒魷魚配mayo絕配不過唔好俾佢凍咗個炸雞就不了，個皮唔好食，好油