大丈夫食堂

Open Now

Now Closed

前排好多朋友都介紹我去食大丈夫食堂，但次次經過都大排長龍，難得今日下定決心排隊都要食，結果等左半個鐘就有位，真係喜出望外，揀左個海鮮丼，有茶碗蒸、漬物、沙律、麵豉湯，沙律、湯都好大碗，幾種海鮮刺身都食得出好鮮甜，好新鮮，配埋烏冬，食到好飽。見到其他枱的炸物十分吸引，下次再過黎試佢地嘅炸物定身啦~

「大丈夫食堂」係一間位於長沙灣嘅日式餐廳，當中最出名嘅應該就係佢哋嘅吉列豬扒🤩 我第一次食嘅時候係同事帶我嚟，而且都係推介我食吉列豬扒，的確幾出色，雖然價錢都唔平，但性價比都算高，包你食得飽！😆 因為定食包埋白飯、椰菜、日式蒸蛋、漬物、麵豉湯，而且白飯同椰菜都各有3個份量可以揀，白飯最多有成300g，差不多等於成個碟頭飯嘅份量🫢今次我就帶咗朋友嚟呢到食dinner，夜晚原來都幾多人🫢~ •🥢 吉列豬扒定食 $115 吉列豬扒好大塊，而且一睇就知好鬆脆！炸衣算薄，一啲都唔油，入面嘅豬扒都厚身，有少少乾，但唔算嚡，都幾易咬嘅～ 加埋個甜甜味嘅日式炸豬扒汁同埋檸檬汁，幾夾～旁邊嘅胡麻醬係配椰菜絲嘅，我揀咗多菜，所以變咗個椰菜山🤣 啲椰菜唔苦，可以解一解炸豬扒嘅油膩～ 整體嚟講，呢到嘅炸豬扒都幾出色，而且好大份，我揀咗少飯都好飽！抵食！ •🥢 特上塩燒牛舌定食 $118朋友見好多人推薦特上燒牛舌，佢本身又鍾意食牛舌就試咗呢個餐～一份有9-10片牛舌，牛舌偏向薄身，但又未至於薄到透光🤣 牛舌係有落咗啲鹽同芝麻醃過，加上個爐夠熱，燒完都幾香口，口感少少腍又帶少少爽彈，點埋燒肉汁就更加正😛 整體唔錯

呢間食肆想試好耐，但礙於中午太趕，店家中間亦有落場時段一直無機會試，所以都係晚飯時間係最好嘅時候試啦。 首先要投訴嘅係個<商場？>，我喺香港真係第一次遇到無冷氣在公共地方嘅場，正直呢幾日三十幾度又焗又熱，店家雖有擺放大型涼風機出門外，但都無濟於事! 去食嘅人最好先用apps攞飛，到差唔多先好上去門口等。大約等咗30張飛，入到鋪內冷氣都不算足夠，但店內枱櫈間距充足夠梳闊，所以不致於太焗促及不舒適。點咗兩份定食，招牌嘅「吉列豬扒定食」同「XX牛溫泉蛋定食」及「油金魚腩刺身」。吉到豬扒對比連鎖店有過之而無不及，而且豬扒厚度都有一隻手指左右，咬落吉列皮層鬆化而不鬆散，眼見每枱都係必食嘅定食，而且份量亦不少! 另一定食係「XX牛溫泉蛋定食」(🤣忘記咗個名)，呢款定食溫度相對較低，可能係怕牛肉和溫泉蛋會變熟透，牛肉本身係入味及淋身，但可惜有筋在肉片中間位，咬落變得有啲韌。唔知係唔係我唔好彩果碗係咁啦。油金魚腩忘記影相，但魚片係厚切而且解凍做得好，係幾好食。🤭整體用餐都係舒服嘅，食物質素正正常常，驚喜唔算大但都可以再去，因為未試好多人點嘅鐵板燒。🤣🤣🤣

呢間長沙灣日本定食店已經唔係第一次黎幫襯，因為真係好好味🤤所以又突登搭車去食👍星期五晚6點幾黎到已經要等位，等左都大約20分鐘先入座。呢個吉列豬扒定食次次黎都會叫，因為佢既豬扒炸得好好，脆卜卜，其實佢其他炸野都好好食。定食仲會包埋沙律菜、茶碗蒸（茶碗蒸都好好味👍）、麵豉湯、同一碟小前菜。另外佢既牛舌又係必食，佢分左普通同特上，建議大家一定要揀特上，因為真係好食好多🥹有幾次晚市黎食，佢既特上牛舌已經賣哂，所以真係人氣之選！仲叫左個牛油果三文魚手卷，賣相幾好，味道不錯，不過可惜塊紫菜係淋既🥲

星期五晚諗住食好d前排見有好多人介紹去食大丈夫食堂嘅炸豬扒都幾多人排隊不過應該都係做街坊生意多等咗差唔多15分鐘先有應該係差唔多見枱枱都有order一黎到炸豬扒咬落去都好juicy而且個脆醬都做得幾薄另外再order咗南蠻炸雞便當wa好好味r呢個冇得輸好似仲好食過炸豬扒如果炸豬扒有6分呢個係8分以上每個set都有茶碗蒸同一個漬物而椰菜有胡麻醬可以加我地再另加咗油金魚腩同三文魚腩刺身做頭盤呢個都幾新鮮

朋友帶我去食個朋友已經行勁遠都話想去食😂好彩食完 完全無失望份量夠多 炸得又好食最重要性價比真係好高🥹🥹出色而我最鐘意個炸軟殼蟹 真係超級出色外脆內軟仲要原隻上👍🏻👍🏻👍🏻👍🏻正

我和朋友難得到來長沙灣，所以想一試之前在YouTube 看過有介紹的餐廳；這裡的吉列豬排和鰻魚飯都不錯，豬排不是厚切，肉質較鬆軟；飯量可選擇100g 和300g; 但原來100g 都已足夠，因為配菜份量也不少；若吃鰻魚飯，可能選擇300g會較好，因為有鰻魚汁的飯，確實不錯雖然價錢較同區貴，但該質素是值得的。我們是在平日晚上6時多入座，當時餐廳沒很多人；但7時離座時，已坐滿及有很多人等候，所以建議早一點過來，避開人潮。

突然很想吃日式炸豬扒，見到網上推介這間餐廳，價錢合理，選擇都算多，就平日放工去試試。- 炸豬扒定食定食有茶碗蒸、麵豉湯、沙律、前菜木耳絲，炸豬扒配大量梛菜絲，醬料有芝麻醬和豬扒醬，非常日式。雖然豬扒的肉質就一般，肥肉比較多而且有少少韌，但勝在炸得夠酥脆，價格亦算親民。茶碗蒸個蛋都幾滑。- 炸軟殼蟹定食除了炸軟殼、還有炸金針茹和少量配料，一樣炸得幾香口，份量又多。一樣都有茶碗蒸、麵豉湯、沙律、前菜木耳絲。差不多8點走的時候餐廳外面很多人排隊，建議早點來吃不用等位。

今日一行三人去了找小女人👩🏼的另一半（大丈夫）尋美食。見佢11:30開鋪，於是我哋11:29到達。但是分針去到11:33仲未營業……. 個門牌仲掛住準備中。（這個要扣點分數了）大概11:35才有員工出來招待我們。做食肆遲到不要得，希望有改善。我們叫左三個不同定食，唸住可以一齊share 。當然要order 它的主打菜式：吉列🐷扒。果然炸得不錯，份量又大件。但個炸🐔麻麻地，個脆漿好硬。至於個🐟，正常味道，不過不失啦！但單點的燒魷魚🦑，好香好惹味，我❤️❤️。

📌 大丈夫食堂 - 長沙灣元州街350號家壹1樓11號舖🗓(23/4) 星期日 ⏰ 中午12點左右 💈特式：今日約左朋友係長沙灣食lunch，見好耐無食過大丈夫食堂，上次經過又咁啱佢落場時間無得食，今日見個時間啱啱好，所以食返次先。🥩🍔🌭🌮🥗🥯🥘🍲🍝🍣🥟🍤🍱食物：我地今日3個人，總共叫左3個午市定食套餐，而家等我同大家講下🐮👅味道先。特上塩燒牛舌定食$118 - 呢個餐包括左前菜/茶碗蒸/麵豉湯/椰菜絲沙律/一碗飯同一碟大約有9片嘅牛舌。先唔講主角牛舌，佢其他跟餐食物嘅質素都已經做得唔錯，牛舌切得都算有返咁上下厚身，每片都係燒大約15~20秒已經食得，口感都幾爽口有質感，肉味就普通，不過性格比係合格以上嘅。南蠻炸雞定食$75 - 佢個南蠻炸雞我每次去都會叫，就算唔叫定食都會散叫嚟食，因為佢真係做得好出色，價錢又抵，佢炸得外脆內軟，又唔油膩，入面仲有肉汁好juicy，加埋佢地個醬汁味道唔係太重，唔會掩蓋炸雞嘅味道，相當出色。天婦羅軟殼蟹丼$98 - 呢個上枱都嚇一跳，佢成隻蟹咁炸，size都幾大，仲有配埋炸金菇天婦羅，雖然炸得唔油，亦無好油膩，但食完都好滯，因為份量真係有點

假期前夕想去食好野，咁岩係YouTube 見到e間招牌炸豬排同各種炸物嘅餐廳，夜晚價錢百幾蚊相當合理，就派左男友大大6:00攞位，最後6:30入到去～炸豬扒定食（連茶碗蒸、麵豉湯、沙律、木耳絲）$108佢煎炸嘅手法係同日本非常相似，咬落去炸漿好鬆脆，但遺憾嘅係豬排肉質較差，唔夠實淨似擺左冰箱一段時間有少少梅，不過整體都ok ge ，記得要問拎沙律醬點豬扒會好過傳統個隻偏酸嘅醬汁；白飯用日本珍珠米幾有咬口，而茶碗蒸都不得不提做得好滑，水準極高南蠻雞定食 （連茶碗蒸、麵豉湯、沙律、木耳絲） $75 E個真心有驚喜😆😆😆😆個人覺得好味過炸豬排，可能炸漿有啲唔同，佢偏硬身口感會更脆口，而內裏雞球好嫩滑juicy，配埋蛋黃醬好好味❤️❤️❤️係我食過最好食嘅南蠻雞～總結：我認為餐廳招牌應該係南蠻雞，炸豬扒礙於肉質本身冇咁好食，不過坦白講百幾蚊有咁幾質素水準好難得，同埋一過7點就開始排隊，我地8點食完見到仲有好多人係出面🙊好彩餐廳面積都幾大，係6人枱少啲，卡位都多，大家如果想去記得要早少少～地址：長沙灣元州街350號家壹1樓11號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️

—南蠻炸雞定食味道不錯熱辣辣又夠脆個汁好好味—鹽燒牛舌定食好多片好多汁不過要自己燒所以都係要靠自己掌握時間每個定食有蒸蛋同麵鼓湯沙律可以同佢講加量如果飲野要另叫假期比較多人有機會甩單

大丈夫食堂地址:長沙灣元州街350號家壹1樓11號舖今日要同大家介紹一間位於長沙灣隱世高質嘅日式餐廳🇯🇵，餐廳地方寬躺舒服，雖然出餐比較慢😂，但食物質素都真係值得等，CP值真係幾高。特上​塩燒牛舌定食👅$1XX作為食肉獸人士，牛舌當然係我係我其中一樣最愛啦🤩。自己親自刻燒即食​嘅9大塊塩燒牛舌薄薄地肉質好嫩😋，肉同脂肪分佈好均勻，而且口感爽滑入口即溶又帶有少少油香爽口感，真係超級高質，正😍。吉列豬扒定食🐷$108豬扒份量比來像中多和大塊，豬扒炸粉厚度適中炸到外脆內軟😚，食得出一定係即叫即炸😛，而且食落口堅係啖啖肉又保持到軟腍有肉汁又唔會好油，再點埋佢自定汁酸酸地，好夾🤫。P.S 最後佢配茶碗蒸入面有冬菇和蟹柳，熱熱地🤩 都幾香蛋味又幾滑，正。芝士薯仔年糕 (3件)🧆$32熱辣辣即叫即炸芝士薯仔年糕外皮又薄又好香脆🤩，中間軟中帶點煙韌好棉密，啖啖都食得出芝士味😚，估唔到芝士嘅鹹香同薯仔係會咁夾～吉列炸蠔🦪$32炸蠔鮮甜無腥味，正正常常。🤪海鮮天婦羅盛合🍤$118呢個真係超豐富好大份，海鮮包括有蝦、蠔、沙追魚😍，全部都係即叫即炸所以都好辣嘴🤣。個人最鐘意係蝦，啲蝦炸粉厚度適中，而且真係超級

已經想試呢間大丈夫食堂好耐，今次終於搵左日lunch time去食😄佢地搬左新舖之後位置都好闊落，而且枱都幾大張幾夠空間～定食每份都有好多唔同野食配搭，檯面既位置充足有餘，食落感覺好舒服～ 1⃣️吉列豬扒定食（$105） 黎到一定要試下佢地既招牌吉列豬扒！定食有飯、椰菜、茶碗蒸、漬物同埋麵豉湯。吉列豬扒好脆好大份，厚肉，而且食落juicy，點埋酸酸地既豬扒醬食落味道更加豐富～茶碗蒸滑一滑，入面仲有冬菇、蟹柳、豆。成個set食落好豐富好滿足！而且呢個價錢食到呢個質素既吉列豬扒真係好抵！  

嚟咗數唔到咁多次了有舊舖 到搬新鋪都一直支持因為 食物質素同埋員工嘅態度都好抵稱讚呀, 所以 就算唔就腳了, 我哋都會特登過嚟幫襯~ 每次都會encore佢個生菜沙律 (佢仲有椰菜沙律的), 感覺清新健康, 食炸物嘅罪惡感大大減低呢~ XD吉列生蠔定食追加炸雞塊生蠔嘅生熟程度啱啱好完全冇腥味 超 超 超 超 超 超 超 超超級鍾意佢嘅炸雞塊啊!!!外面炸得乾爽鬆脆入面雞肉 keep得住嫩滑多汁我嘅最愛 黎親必食啊吉列豬扒定食魚生定食燒鯖魚 定食