大少燒味茶餐廳

Open Now

Now Closed

《大少燒味茶餐廳 - 大埔》我同我屋企人每星期日都會例行有個早餐會，唔係食魚蛋粉，就一定會過黎大少食燒鵝瀨，呢個習慣都維持左好多年，所以大少算係我屋企人既其一食堂🤓前幾日屋企招待客人，屋企人叫我斬料返屋企，我就梗係去返飯堂買燒味啦，除咗燒味之外，其實呢度仲有多士俾你揀，晚市仲會有臘味飯添，天氣凍冰冰就最適合💁🏻‍♀️大少潛艇 $40呢度雖然燒味出名，但係其實佢嘅潛艇都好好食嫁，佢個麵包烘熱咗之後再搽牛油，入面夾咗煎蛋、芝士同埋蜜汁叉燒，熱辣辣嘅話勁好食，芝士同埋蜜汁叉燒嘅味道其實係好夾㗎，我十分推介💪🏻💁🏻‍♀️燒鵝上庄 $128特登買呢個燒鵝返去屋企整燒鵝瀨食，呢度燒鵝嘅做法係比較脆皮的，個皮會有陣木香味，我屋企人比較鍾意食上庄有骨位嘅部份，一般嚟講比較入味，配返瀨粉就啱晒啦，呢個份量夠晒四個人食，啲燒鵝汁仲可以落埋個瀨粉湯度一齊煮更加濃味💁🏻‍♀️貴妃雞半隻 $78同樣都係我爹哋鍾意食嘅燒味，佢呢度嘅貴妃雞鹹鹹地好入味，有啲似鹽焗雞嘅感覺，個人覺得用嚟煮雞粥的話非常適合，半隻雞都已經好大份，朋友過到嚟都覺得佢個雞整得好入味同好滑，就算凍咗都好好食💁🏻‍♀️肥叉燒例牌 $88叉燒就係細佬鍾意

《大少燒味茶餐廳 - 大埔》九月份好多人生日，其中一個就係我爹哋😎屋企人鍾意食燒味，所以Daddy生日嘅時候除咗煮大餐之外，我仲去咗平時食開燒鵝嘅小店斬料返屋企加餸🤭平時星期日，我哋一家人都會去呢度食燒鵝瀨粉，因為佢嘅燒鵝唔會太過肥之餘仲有陣果木香，燒味飯平均$48起大大碗包飲品，燒鵝貴少少$58，喺大埔區內算係抵食既燒味之選😉當日下午茶時段去，仲可以喺果度食埋個下午茶先番去😝我果日叫左個招牌大少潛艇，入面有半肥瘦叉燒、煎蛋、芝士同埋沙律醬，食落超惹味😋叉燒煎蛋同芝士呢三個配搭本身就好夾，夾喺麵包入面真係犯規😂食一個已經飽晒，配埋杯凍檸茶走甜就最啱不過，午飯晚飯時間有時要排隊入座，不過一般都好快等到位今次加送嘅有大少既肥叉燒例牌、油雞半隻同埋上庄燒鵝叉燒我個人覺得呢度嘅一定要叫肥叉燒，因為大少用嘅肉比較瘦少少，鍾意食香口嘢嘅一定要叫肥啲，咁先至會有燶邊既口味另外油雞食落都好香豉油味，上色均勻，望落十分靚仔，配白飯或者粉麵食都好好味👍🏻而燒鵝我就一定係揀上庄，有冇人同我一樣係鍾意食燒鵝近胸骨嘅位置呢？下庄普遍我都覺得比較肥少少，鍾意食油香嘅話或者鍾意食脾，但係我全家都鍾意食骨位，味道香濃

茶記周街都有，當中亦有專賣燒味嘅茶記大埔都有一間喺廣福道嗰頭，行過見幾多街坊入去幫襯，睇嚟幾有料到咁喎燒味唔一定配飯嘅，原來配潛艇麵包一樣得，呢個隱藏menu，店長唔提大胃真係唔知一打開塊麵包，塊塊叉燒厚切極度色誘，仲有煎蛋同芝士，連包一齊咬，層次合一，肉香、蛋香、芝香三連爆頭先只係頭炮啫，燒味飯點都要食，一食就食兩個最上等嘅餸，就係燒鵝髀同乳豬。乳豬啲皮燒得勁脆薄，豬肉好有層次，唔會得個肥字。燒鵝嘅皮都好香好薄身，肉質激嫩，點醬食更提鮮見到叉燒飯有埋煎蛋，成件事咁黯然銷魂，一定要試吓啦揭開塊蛋，又係塊塊等住你嘅誘人叉燒，肥瘦太完美，加上有靚米襯托，好食到變家燕姐呢間啲嘢食勁大份，驚死你唔飽咁，連菜都成座山咁，菜心又粗身又多，青翠爽口，都唔怕唔夠膳食纖維喇食燒味呢間油物，飲吓檸檬飲品就最解膩呢度竟然，都有無糖可樂配只要篤爛啲檸檬，一樣都係咁好飲頂癮

今日放工懶得煮飯，決定外賣大埔大少燒味，一解燒味癮！叫咗例牌叉燒、半隻燒鴨同兩隻乳鴿，外賣送到屋企依然熱辣辣，香氣撲鼻！叉燒肥瘦適中，蜜汁香甜，肉質軟嫩，入口即化，絕對係水準之作！燒鴨皮脆肉嫩，鴨油香濃，蘸上酸梅醬，更加開胃。乳鴿雖然外賣，但皮依然脆口，肉質鮮嫩多汁，醃得入味，食到舔舔脷！整體而言，大埔大少燒味質素穩定，外賣都保持到水準，價錢合理，絕對係大埔區燒味之選！下次一定會再encore，試埋其他款式！溫馨提示：外賣建議盡快食用，以免影響口感。

餐廳午市的時候都很繁忙，基本上都要搭檯才可以，要等位了！這間燒味真的挺有驚喜的！燒鵝例牌（１２８元）這裡的燒鵝真的挺不錯，鵝味香濃，肉質結實，皮脆肉嫩，肥而不膩的，入口滿滿是鵝油的香味，非常下飯！燒味飯雙拼（５３元）叫了切雞配燒肉，切雞有雞味，吃起來肉質有彈性。燒肉的皮很酥脆的，雖然是燒肉不是燒腩但肉質還是挺嫩和彈牙的，也不會乾硬。燒味飯雙拼（５３元）（＋１０元燻蹄）另一份叫了油雞配燻蹄，油雞的味道比切雞更香濃，適合重口味的人士！燻蹄口感很爽滑，配上酸辣汁更解膩！燒鴨髀（４５元）比想像中要大的一隻，肉挺多的，雖然沒有燒鵝的皮脆，但本身用的鴨的質素也挺高的，有肉香，味道鹹香，鴨腿肉更有彈性！西多士（２２元）這個挺有驚喜的，想不到是三層的西多士，每層都放有花生醬，新鮮炸起特別香脆，外脆內軟的，配上牛油和糖漿真的很邪惡！

大少燒味茶餐廳係一間地道港式燒味茶記～裝修簡單樸實，座位有啲逼，但系好有香港茶記嘅feel！服務快手，夥計態度都幾好，幾友善！😊豉油雞（半隻）🐔  雞肉好滑，啲豉油味啱啱好，唔會太咸，仲有少少甜味，送飯一流！雞皮夠曬油亮，食落去好香 😋，半隻大約可以2-3個人食👫👫。燒腩仔（例牌）🥓  燒腩仔真係正！皮脆肉嫩，咬落去“咔嚓”聲，啲肉又唔會太乾，肥瘦適中。點啲黃芥末醬，味道更加豐富，食完仲想再encore！🤤海蜇燻蹄（例牌） 🥗  海蜇好爽脆，燻蹄肉質結實，加埋蒜蓉同醋汁，酸酸甜甜好開胃 😍。食完啲燒味再食呢個，感覺好清爽，唔會膩。【大少燒味茶餐廳】📌大埔大明里23-39號金福樓地下B號舖

今日喺大埔做嘢,收工順便買啲燒味🔥~呢間大少燒味茶餐廳勁多人排隊斬料👯‍♀️👯‍♀️,見佢啲燒味睇落都幾靚~我最鍾意食燒鵝🦆~佢呢度除咗一隻半隻,買例牌仲有得揀上庄下庄~下庄當然貴少少🤏,但有得食大大隻燒鵝髀~佢嘅皮脆脆地,鵝肉味香😋~另外再叫咗個燒腩🐷~脆卜卜外皮,真係忍唔住想即刻食,唔想等到外賣返屋企🙈🙈~另外仲有叉燒飯🥢~叉燒份量都幾多,肉質軟腍腍,而且肥瘦程度適中~配嘅飯量都大🍚,女仔胃口細啲隨時分到兩餐,實在好抵食👍~佢哋除咗燒味,仲有啲小食🍟,潛艇堡之類🌭,外賣堂食都一流~Klook 3%優惠碼: HELENCKLOOK

大埔呢間燒味店輪候外賣同堂食嘅食客 源源不絕皆因呢度嘅燒味真係好有水準隔著玻璃都見到燒鵝．叉燒色澤好靚✨燒鵝拼燒排骨飯燒鵝外皮香脆配上燒排骨兩樣都係我嘅至愛打開蓋已聞到香噴噴✨大少叉燒 呢度叉燒真係好正肥瘦適中．肉質軟腍淋上香甜叉燒汁...超好味✨燒鴨 燒鴨皮脆肉嫩燒至色澤金黃，多汁肥而不膩．沾上醬汁更香甜惹味✨貴妃雞半隻雞份量滿滿一大盒肉汁非常豐富．口感嫩滑帶有濃郁的雞味，吃出雞肉的細膩下次一定要試紅燒乳鴿

大埔燒味斬料加餸好選擇💕收工時間去斬料 見到餐廳食飯時間好忙碌 但唔洗等好耐就有 真係快靚正❣️價錢大眾化 買外賣燒味飯仲有優惠 真係糧尾恩物.玫瑰豉油雞 半隻 $78廣東經典美味玫瑰豉油雞🐣經過特調的玫瑰豉油醃製香味特別香濃😋色澤金黃好誘人 肉質鮮嫩 大大隻啖啖肉 正👍🏻.大少叉燒 例牌$88蜜汁滿滿的叉燒表面微焦叉燒肥瘦相間口感豐富💕.大少潛艇 $40餡料有半肥瘦叉燒·煎蛋·芝士潛艇獨特創意十足 第二到食唔到🫢口感層次好豐富口感 幾有驚喜🥴🥴🥴.郊外油菜 $20大大條的菜心 軟硬度岩岩好

中午食飯時間入面滿曬人搵個位都難唯有買外賣大埔一直係一個超多美食嘅地方生存到嘅餐廳絕對唔容易叉燒蛋芝士潛艇這間燒味舖創意多多 把傳統黯然銷魂叉燒荷包蛋和烘底芝麻包相結合真係第一次見熱辣辣再加上熱熔芝士不得了燒排骨yummy 蜜汁叉燒的半肥瘦口感超讚，加上蜜汁真的很美味，甜甜的送飯一流。新鮮出爐的燒腩仔，外皮咬下去時特別脆，肥瘦比例也剛好。每一口都聽到卜卜聲。這裡的燒肉不會太鹹，味道剛剛好，讓肉的鮮味更突出，吃起來真的很滿足。這裡的貴妃雞超滑。雞肉很嫩，雞味濃郁。好滿足，超預期無得頂外賣的特價飯真的是很划算，雙拼只需35元，性價比超高仲有乳豬乳鴿都係超級引唯有留待下次再試

呢間主打各款中式燒味燒味茶餐廳，燒味高質好受街坊歡迎，另外有茶餐同小食，選擇豐富，外賣燒味飯有特價 價錢親民👍🏻😙，最近仲新推出左大少潛艇，即叫即製😋熱辣辣好正✅燒腩仔 例牌$128燒腩仔外皮香脆咬落卜卜脆，腩位半肥瘦肉質食落肥而不膩，好滿足🤪✅大少叉燒 例牌 $88叉燒都係半肥瘦，望落都覺得好靚仔，烤至微焦帶焦香，肉質香嫩不柴，每片叉燒都均勻地掛滿蜜汁👍🏻✅大少潛艇 $40潛艇係大少自創只有大少有😜有雞蛋🥚、芝士🧀、叉燒🐷第一次食叉燒做餡的潛艇，咸香芝士同甜香蜜汁叉燒好夾，加埋雞蛋🥚食得好滋味❤️

偶爾經過燒味店時，都能看到門面旁的透明櫥窗映射著各樣燒味依次排開。餐廳除了外帶還可以堂食，除了提供燒味外，還有公仔麵、三文治等茶餐廳美食。大少潛艇麵包鬆軟，內餡豐富，有半溶芝士、煎蛋和厚切叉燒，很有新鮮感。燒腩骨 酥香鬆化的皮包裹著細嫩的肉，肉軟多汁，滿嘴油星開始慢慢炸裂，肥而不膩。大少叉燒 光澤十足，肥瘦相間，不過分油膩，入口極之鬆化，口感軟腍適中，香濃帶甜。紅燒乳鴿體型適中，色澤較深，肉汁不足，但勝在肉香四溢。

早幾日難得一家人都放假可以一齊食飯，諗住響屋企整返個海鮮大餐，點知小朋友突然間話想食叉燒飯，加上爸爸都係無肉不歡，咁就斬埋料返屋企，一次過滿足所有願望🔸叉燒(例牌)半肥瘦叉燒，肉質軟腍入味帶微焦燶邊，掛滿蜜汁送飯一絕，小朋友都大讚好好味🔸燒鵝 (例牌)燒鵝真係無得輸，色澤油亮，皮脆肉嫩🔸貴妃雞脾 雞味濃郁，皮薄肉嫩，大大隻雞脾啖啖肉🔸大少潛艇潛艇入面有半肥瘦叉燒、煎蛋同芝士，蜜汁叉燒加上蛋香同芝士鹹香，層次豐富，平時下午茶配埋杯熱奶茶真係超滿足

星期五晚回家吃飯，斬料加餸，於是去到大少燒味茶餐廳。大少潛艇選用品質上乘的叉燒肉，肉質鮮嫩，香氣四溢。加入雞蛋，增加營養和滑嫩口感。融化的芝士增添奶香，令潛艇更加豐富。外層的麵包微微酥脆，讓人一口接一口。叉燒(例牌)經過醃製後燒烤而成，外焦內嫩，香甜可口，肥瘦適中。海蜇燻蹄(例牌) 的海蜇口感脆嫩，清爽可口。燻蹄質感特佳，經過燻製，味道獨特，帶有煙熏香氣。豉油雞非常入味，肉質鮮嫩，表皮光滑。半隻的份量適中，不怕浪費。

今日去大埔探表姐，行過一間叫大少燒味茶餐廳，見到廚窗掛滿燒鵝、燒肉、油雞、白切雞、乳鴿和叉燒等燒味，色澤鮮艷，令人垂涎欲滴，決定斬料請表姐食。叉燒：半肥瘦叉燒，微微燶邊的叉燒食起來微脆鬆化，肉質鮮嫩多汁，蜜味香甜，入口肥而不膩。燒鵝（上庄）：金黃色的鵝皮非常油亮，入口有豐厚的油脂，同時肉質相當軟嫩，配上秘製的醬汁，絕對是美味。大少潛艇好足料，餡料有厚切嘅半肥瘦叉燒 、煎蛋和芝士，咬落啖啖肉，層次極感豐富。