大瀛喜日本料理 (Closed)

午市放題時段 由12pm食到3pm星期一至五 每位$238 超級抵長者仲要有88折優惠添呀 好正出面有唔少食物可供選擇例如有日式炸雞 北海道鮮奶卷等等仲有椰奶燉雪燕同埋蟲草花花膠雞湯兩樣都好好飲！椰奶燉雪燕有好香嘅椰奶味暖笠笠 好好飲呀之後唔少得嘅當然仲有唔同嘅魚生刺身好新鮮！有質量保證出面仲有菜同凍蝦、凍青口叫咗唔同sushi,好好味好新鮮蒜蓉帶子嘅蒜蓉好足料好香口！蒜蓉蒸蠔大大隻😋😋😋五香粉燒翠玉瓜都燒得好好味😋軟雪糕機嘅蜜瓜味好正！好好味😋仲有榴槤任食都超正😋😋😋好好味呀！

旺角抵食嘅日本放題收工嗰陣朋友想食日本放題，我就推介大瀛喜，因為之前食過一次，款式多又抵食，決定再返去幫襯，果然冇令我失望🥰手卷方面，有得揀海膽，吞拿魚蓉，三文魚腩，蟹柳，我就食咗海膽同吞拿魚蓉，海膽個份量叫多，啲飯唔算大，細細舊又唔會太飽😝魚生方面，有三文魚，吞拿魚，油甘魚，帶子熟蝦、甜蝦，全部都好新鮮，但係唔會太大舊，鍾意食魚生嘅朋友可能要叫多幾次😊壽司方面就分咗火炙壽司，同埋普通壽司，兩款壽司嘅款式都有好多，特別推薦大家食燒和牛壽司，呢款壽司喺其他日本放題都唔會食到，一定要試🥳熟食方面，我會推介大家食炒牛柳粒 羊架同炸蠔，牛柳粒好林，上面啲蒜片好脆，燒羊架啲肉汁好Juicy，炸生蠔唔腥，鵝肝多士特別，但就唔係咁推介大家食🫡除咗掃QR code落order，出面仲有自助飲品區甜品區同熟食區，每個區嘅選擇種類有好多，肯定有嘢啱大家食，最特別嘅係有部軟雪糕機，我自己都食咗幾杯😋

大瀛喜日本料理 - 抵食午市放題今日嚟到旺角區一間日本餐廳，主打日式放題，任食嘅形式，午市仲有超級優惠嘅三個鐘時段，由12點食到3點 ，而且價錢亦都相當親民。午市3小時放題 $238/位一如以往，當然就要食刺身啦，大喜屋嘅三文魚就出晒名，厚身肥美，魚油夠，啖啖肉；另外就係大大隻嘅赤蝦，非常鮮甜。然後可以試吓壽司或者創意卷物，細細件過吓口癮一流，最緊要嘅係可以嗌海膽添！跟住就係熱食嘅系列，串燒、炸物、燒物一應俱全，推介蒜蓉焗帶子同埋生蠔，非常鮮味。估唔到仲會有中華料理同埋日本料理，磯煮鮑魚同埋燒乳鴿，味道可以媲美中式餐廳。最後當然唔少得任食嘅雪糕雪條啦！

都一段時間無食過大本瀛放題啦～食物種類中、西、日、泰、韓等五國美食，食物質素同服務整體都大讚～晚市任食暢飲$258+10%（2小時）1️⃣種類繁多刺身🌊赤蝦，甜蝦、珍寶帶子、北寄貝、馬刀貝、紋甲魷魚、泰式生蝦、日本角螺2️⃣壽司及火炙壽司🍱黑松露珍寶帶子壽司｜柚子象拔蚌壽司蝦頭油玻璃蝦壽司｜蟹膏珍寶赤蝦壽司火炙香蔥燒鰻魚壽司3️⃣小食🥢手拍青瓜👍🏻涼拌木耳👍🏻麻辣扇貝裙邊4️⃣炸物及天婦羅🦑七味魷魚鬚🍆茄子、秋葵🎃南瓜，炸得乾身唔會太油膩香脆可口👍🏻紫心香芋丸👍🏻榴槤炸彈散5️⃣和風料理清酒煮蜆，韓式人蔘雞湯6️⃣一品料理👍🏻鑊炒薯仔安格斯牛柳粒、辣煮花螺、👍🏻芝士黃金帆立貝、👍🏻秘製香蒜焗廣島蠔7️⃣東亞風味👍🏻泰式冬陰功👍🏻飛天通菜8️⃣爐端燒及鐵板燒👍🏻西京燒比目魚👍🏻鹽燒牛舌、沙嗲雞串、👍🏻燒菠蘿、燒羊架9️⃣火鍋有三款湯底，我哋揀咗壽喜燒👍🏻配料，娃娃菜、蕃茄、豆腐、帆立貝及葛粉🔟甜品方面韓國雪條及岩鹽雪糕都好出色。我哋揀咗＂紅棗椰汁桃膠燉雪耳＂較為特別，甜潤養顏

今日午餐黎到旺角大瀛喜日本料理，食放題日本料理，入面有好多坐位，中午時段己經全場爆滿，場內有多款飲品、前菜、炸物、甜品、雪糕自助吧，放題區入面仲有清酒任飲。二維碼自助下單，有刺身、串燒、燒海鮮、壽司、水果仲有榴槤任食，中午時段都只係$238，食物種類真係好多，嘢食好新鮮，性價比好高，好少放題會包清酒，老闆好抌本。中午3小時任食，一班朋友可以一邊傾偈一邊飲酒食野，最后再食埋甜品，都真係唔錯既好地方。大瀛喜日本料理 (旺角)旺角彌敦道655號5樓

今日約朋友去旺角大瀛喜食午市放題 只係$238/一位仲可以食足三個鐘認真超值😆.先講左期間限定嘅食物有古法羊腩煲🍲、榴槤王羊腩炆得非常腍 送飯一流榴槤係金枕頭 香甜軟糯鍾意食榴槤嘅就朋友仔必定要去試吓！😋.自助區方面有幾款特色嘅壽司🍣例如火焰鰻魚卷、 京蔥拖羅蓉塔、加州卷蟲草花雞湯、凍蝦🦐、青口、麻辣雞腎、炸鮮奶等等仲有時令水果🍉同多款甜品好似芒果布甸🥭、木糠布甸、香芋慕斯杯、大福、豆腐花 非常豐富.其他食品就用手機QR code落單📲刺身一定要提嘅係有葉松蟹腳🦀！就算係酒店自助餐都唔係間間有🤩磯燒凍鮑魚、油甘魚、吞拿魚、三文魚、帶子、甜蝦等等嘅刺身非常鮮甜新鮮🤓.一般壽司都應有盡有 仲有火焰壽司、手卷我哋就試咗海膽手卷海膽鮮甜 手卷細細件 咁就唔會太飽啦😙.串燒方面我地推薦孜然風碳烤羊鞍🐑羊鞍一啲都唔騷 醃得美味 肉質好腍而唔乾身蒲燒鰻魚亦都好肥美油焗蒜蓉帆立貝都唔錯.燒物有黃金醬燒開邊蝦、西京燒比目魚、燒菠蘿🍍比目魚燒得香脆嫩滑.炸物有吉列炸蠔、天婦羅蝦、蟹棒、榴槤炸彈、芝麻雞翼🐥雞翼炸香脆 咬落去仲有好多汁.一品料理就有紅燒乳鴿皇、清蒸原隻生蠔、麻辣小龍蝦、豉汁蒸鱔球生蠔大大隻

以前比較鍾意去銅鑼灣嘅極尚大瀛喜，執咗之後，唯有揀旺角嘅大瀛喜🥹不過質素都唔錯星期五晚任選兩小時，1900-2100，加埋一$340一位，幾抵食👍QR code落單，刺身新鮮其他嘢食水準都好平均地有中上級數，以下係有encore食品：✨蟲草花燉湯 （自助區拎）✨乳鴿✨泰式生蝦仲有Häagen-Dazs雪糕任食⭐️開心嘅Friday dinner 🫶🏻📍 大瀛喜日本料理 (旺角)旺角彌敦道655號5樓 (銀行中心出口）

耐唔耐都會去一次大字放題大食日式放題一番 今次本身都去旺角其中一間新店 冇位不如去下元組級嘅 大瀛喜放題。雖然係元組級，但係裝修都好整齊唔舊 而且交通最方便就係呢間一出旺角地鐵站E1出口就到。食返個Early dinner 17:30到場 已經有不少顧客正在用餐而且有的一人 單獨享受中 勁👍🏻食放題主打刺身Sashimi多款選擇 松葉蟹腳 磯煮鮑魚 油甘魚 希靈魚吞拿魚 俄羅斯甜蝦 赤蝦 冰鎮花海蜇 三文魚粒貝 帶子 北寄貝 泰式虎蝦元組級有料到。刺身十分新鮮 又排得非常精美粒貝更起肉方便大家食 真係貼心壽司 火炙壽司 手卷串燒 燒物 炸物 一品料理煮物等等 仲有自助區 多款飲品食品可供選擇仲有期間限定嘅羊腩煲😆Häagen-Dazs 至愛嘅精品榴槤王 呢間係凍食嘅非常香甜 一於食返佢幾轉先最後留肚食返杯Häagen-Dazs同甜品2小時享用咗2024第一大餐😁$258再加一 性價比高大瀛喜日本料理 (旺角)旺角彌敦道655號5樓#大灜喜日本料理#日本菜#日式放題#hkfoodblog#hkfoodblogger #hkfoodie #旺角美食 #香港美食#香港放題店

朋友食量都幾厲害，佢好鍾意去啲任食嘅餐廳，呢日佢帶咗我嚟呢間日式放題餐廳🤣，呢度有 $238「成人放題」🤣餐廳有自助區，自助區有 沙律、小食、熱葷、飲品、甜品、雪糕，好多嘢食好多嘢飲🤩首先食「榴槤王」🤣刺身就點咗呢啲：空運吞拿魚刺身、油甘魚刺身、挪威三文魚刺身、俄羅斯甜蝦刺身、大赤蝦刺身、北寄貝刺身、薄切鯛魚刺身、希靈魚刺身、帶子刺身、酒煮榮螺片刺身、松葉蟹腳刺身、甜蝦刺身，全部都幾新鮮😋食咗呢啲壽司🍣：池魚壽司、柚子油甘腩壽司、醬燒左口魚邊壽司、火炙鰻魚壽司、帶子壽司 等，又係全部都幾新鮮🤩仲有 燒翠玉瓜、蒲燒鰻魚、蒜蓉焗帆立貝😆竟然有 金牌紅燒乳鴿皇🤩孜然風碳烤羊鞍 出奇嘅好味👍繼續食 松葉蟹腳刺身、鹽燒牛舌😋仲有 燒七味鳕魚干、精緻鮑汁花膠盛宴、豉汁蒸鱔球朋友真係好胃口，令我深感佩服🤣

今晚我地決定去旺角 大瀛喜日本料理探店，5點未到去到五樓已經有50幾人係度排隊，不過都好彩，因為我地早去所以仲有位剩。晚市放題(1700-1900) $248大瀛喜日本料理屬於半自助式放題，先講自助區域，有京蔥拖羅蓉塔、加州卷、鰻魚卷、炸鮮奶、炸雞塊、炸餃子、龍蝦沙律多士、牛油粟米、味付螺肉、中華沙律、帶子裙邊、枝豆、椰汁雪燕切、蟲草花雞湯等，真係有好多選擇。飲品區域，汽水、紙包飲品、果汁、啤酒當然一定有仲有清酒、梅酒，估唔到連Hoegaarden都有。其他主要用QR code 下單，刺身選擇有三文魚、吞拿魚、北寄貝、帶子、甜蝦等大路嘢，其他仲有磯煮鮑魚和松葉蟹腳，由於未試過，所以我地都係穩陣啲每樣點一件試下。刺身全部都非常新鮮，叫咗咁多round，質素基本上都可以保持得到，抵讚。除了刺身，壽司，其實仲有好多其他嘢食，好似芝麻雞翼、芝士燒蝦、燒牛舌、燒菠蘿、鐵板一口牛柳、京燒比目魚、羊鞍甚至連酸菜魚、羊腩煲和北海道牛乳海鮮鍋，真係總有一款會啱你。甜品區選擇都唔少，軟雪糕、甜筒、雪條、蛋糕、啫喱、豆腐花，仲有我至愛嘅Häagen-Dazs 雪糕杯。總括食物質素真心全部都唔差，改變咗我對

✨刺身：三文魚、吞拿魚、油甘魚、帶子、鮑魚我地都冇特別expect刺身好有鮮味🙈😂質素上OK啦，三文魚少少彈牙，有淡淡嘅三文魚香🍣我就狂叫三文魚過癮下🧡🧡✨壽司：花之戀、鵝肝壽司就係普通花之戀啦，幾塊三文魚包住飯同沙律醬，只係相對細舊啲，食落少啲負擔感。而鵝肝係唔好食嘅，有一浸膻臭味😂唔建議試伏😵😵🤢✨炸物：虎蝦天婦羅、蟹柳天婦羅、炸榴槤、炸蠔最鍾意一定係炸榴槤，榴槤香好濃郁💛💛，呢個炸蠔都唔腥，咬每一啖都有啲水分～天婦羅就係普通嗰啲 冇咩特別。✨榴槤第一次聽日式放題有得叫一嚿嚿嘅榴槤🤣🤣有個frd好鍾意榴槤就不斷叫，其實係咁叫 都好似抵咗咁💛榴槤都大舊，唔算好新鮮啦，不過都幾香😋✨手卷海膽同拖羅手卷真係不了不了😅好彩細細舊咋…✨熟食✨有蝦串、蒜香帶子、蒜香蠔、芝士蝦、雞軟骨串等等👈🏻蒜香方面，真係落太多蒜😂😂不過啲蒜粒幾好食，有啲似旺旺脆餅嘅味，帶子同蠔就唔算新鮮，蠔有少少腥味。芝士蝦唔會好膩，好濃味就真🦐。而雞軟骨加嘅調味料好多，微微辣+鹹鹹地，好有食欲。--自助區-小龍蝦多士同炸鮮奶最好食，其餘偏普通，雪糕方面我好滿意 好多樣化😍😍硬軟雪糕都有 又多口味同品牌(eg. Häage

同朋友有聖誕聚餐，揀咗大瀛喜依間餐廳，雖然我就麻麻哋刺身呢啲生冷嘢，不過呢一間餐廳除咗日式刺身之外，仲會有唔同嘅熟食，所以就算唔想食生冷嘢嘅話，都可以食得好開心。佢裏面熟食選擇好多，自助區裏便會有雞煲，炸鮮奶等等。QR code點單裏便會有牛肉壽喜燒，羊腩煲，芝麻雞翼，蟹粥同埋海鮮鍋等等各式各樣嘅熟食。雖然佢係日式放題，但係佢嘅選擇多到完全唔似只係日式。而且令人出奇嘅係佢每樣嘢嘅味道都整得唔錯。當中亦都有啲幾得意嘅嘢，例如原隻蒸生蠔，隻蠔只係開左一半，所以要自己開埋另一半，令到成件事好有參與感，都玩得幾開心。

每次去大瀛喜食飯都覺得勁開心，因為選擇勁多，除咗有刺身壽司之外，仲有好多熟食，更加重要嘅係佢有Häagen-Dazs雪糕。而佢刺身嘅質素都唔錯，唔會因為價錢太平而俾啲劣質嘢你，所以食落都滿意，而且佢除咗刺身之外亦都有好多熟食，連乳鴿都會有。而且佢飲品嘅選擇都好多有梅酒同清酒，不過得意嘅位係，佢會用膠樽裝住酒，都幾有特色。另外依度店員嘅服務態度都好好，佢哋會過嚟同我過嚟傾吓偈，特別係我同朋友喺度拆聖誕禮物嘅時候，佢會一齊嚟吹水，超級friendly🤣🤣。

同老婆喺旺角行街濕平完，就喺雅蘭中心附近嗰度搵嘢食。樓下有人派傳單推介，就上去試吓。佢有幾個價錢可以選擇，當然越貴就越多好嘢食。但睇番食物種類，就算最平嗰個都好多嘢，魚生、壽司、前菜、燒物、麵食同甜品等等，真係乜都有。飲品都有好多種，清酒、梅酒、各樣汽水飲料任君選擇。坐低先點咗一大盤魚生，有三文魚、吞拿、油甘魚、帶子、翡翠螺、鮑魚同蟹腳，各種魚生都好新鮮，可能係人流夠多所以食物就會積存太耐。跟住叫壽司、燒蠔同烏冬。食到咁上下就叫榴連王，非常之香甜軟滑，引唔住口又叫多碟，跟住又食咗幾樣甜品，捧住個肚走人。

年尾機票貴去唔成旅行食好野，所以今天相約友人去呢間既種類非常多既日式放題名店「大瀛喜日本料理」品嚐是日晚餐止止咳❗餐廳裝修簡約乾淨有條理，店員殷勤有禮，入座時即時俾QR code 點餐，不論上菜速度超快，食完執碟都迅速，而且準確無誤，讚！我們惠顧了晚市放題 $268@：以下是對每個菜式的簡單食評：1️⃣🌟新鮮刺身、壽司手卷：提供了多種新鮮的刺身包括吞拿魚、油甘魚和原隻粒貝的質地鮮嫩，味道鮮美。松葉蟹腳和大赤蝦刺身提供了豐富的海鮮風味，而海膽手卷則帶來了獨特的濃郁口感。2️⃣🌟燒物及天婦羅：燒物選擇有蒲燒鰻魚、鹽燒雞軟骨串、炸廣島蠔和燒有機新鮮菠蘿。蒲燒鰻魚的醬汁經典而美味，結合了鰻魚的蓬鬆口感和甜味。鹽燒雞軟骨串炸得酥脆，帶有微妙的鹽味。炸廣島蠔外酥內嫩，給人豐富的海鮮風味。燒有機新鮮菠蘿提供了清爽的口感和微酸的味道，與其他燒物形成了一個有趣的對比。3️⃣🌟小食：金牌紅燒乳鴿皇肉和酸辣鳳爪是這個小食菜式的亮點。金牌紅燒乳鴿皇肉擁有香氣四溢的紅燒味道，肉質鮮嫩多汁。酸辣鳳爪則給人一種辣味和酸味的絕妙結合，帶來了一份刺激的口感。4️⃣🌟一品料理：金湯酸菜魚、古法羊腩煲和日式稻庭烏冬組成了這個一品料理。金湯