大滿喜日本料理 (Closed)

行完個APM，有D肚餓，想食放題，但係APM冇，所以就行左去隔離個OPC一亞太中心,睇完樓下個水牌,一眼就見到10樓嘅大滿喜,於是就上左去。上次第一個叫嘅當然就係個刺身拼盤啦，大件唔在話啦，仲要件件都好新鮮，食完睇返張相都流晒口水。我畫左手卷，心諗好似唔應該叫，因為去食放題，點會咁快就食地咁多飯又大件嘅野食啊，但黎到先發覺，原來係迷你型，兩三啖就可以食晒。唔會影響到我繼續食到盡嘅風格。跟住燒鰻魚嘅鬆化，又帶有極豐富嘅魚油。 黃金燒帆立貝，面個浸燒到焦黃焦黃咁，真係既香口又甜蜜。燒羊架，至愛就係燒到邊位焦焦地，咁就可以鎖緊羊肉嘅水份，保持住羊肉嘅肥美。香噴噴熱辣辣的芝士焗開邊蝦 食到飽一飽，原本諗住可能食唔到美味嘅甜品了，但原來仲食到㗎。 總結以上食品全部都係新鮮，大份夾抵食，服務衛生又一流，坐位寬趟又有靚景，值得推介俾大家。

同朋友慶祝生日 放題早食價錢都幾抵 埋單連加一二百蚊都唔使 座位舒服環境闊落 因為我地早到未有咁多人 但轉頭無15分鐘已經坐滿咁滯我同朋友好鍾意食刺身我覺得淨係食刺身都可以回本 因為刺身都幾高質素 好新鮮 油甘魚三文魚赤貝款款都好新鮮 肉質肥厚味道鮮甜 另外出面都有唔少凍小食 (我的最愛❤)熟食嘅選擇都非常之多有火鍋 粥 串燒 炸物 我食左羊架 好食 食左4 5 枝過癮食物嚟得好快好足 掛住食都唔記得影相呢個價錢絕對係超值仲要有包埋甜品同飲品幾時都話放題係幾時都冇得輸

朋友在觀塘一個新樓盤到買左樓，陪佢過左黎睇層樓起成點，睇完之後肚餓就係觀塘搵食，上網一search，係頭幾位就顯示到呢間餐廳，一出lift就被個大大招牌吸引住，等左一陣，12點就可以坐低叫野食啦。靚靚嘅裝修，同鏡面的互相映襯，增加了空間感排列整齊嘅檯檯凳凳畫好晒d野食，擺係隔離，諗住再睇下有無其他野畫，冇諗到忽然間餐廳嘅侍應會自動幫我收取，呢個服務令我甚覺詫異，我之前食嘅放題大多都係要三催四請才能搵到人收單，而我地只係畫底跟住擺係檯邊，好快就會有人過黎收單，呢個咁貼心的服務，真係值得一贊。 收完單隔左一陣，就即刻送來一盤又一盤嘅食物，個刺身拼盤，擺得精緻之餘，更加巧妙嘅係仲有個液態氮製造的雲霧係刺身拼盤環繞，增加刺身嘅矜貴和”鮮”氣。入口即化嘅鰻魚，我地叫左兩round。不過入口即化嘅又何止得鰻魚呢？蒜香牛柳粒亦都唔少得啦!食完晒香口嘅野，當然不能忘記食埋甜品啦。裡面應有盡有，我地食埋呢兩個甜品，就真係大大滿喜啦。地段，裝修同食物都係眾放題中上乘的，絕對值得推介。

亞太中心入面有好多餐廳 但我樣樣都鐘意食少少 所以放題成日都排係我top list內加上呢幾日熱熱地 我好想食凍野 而大滿喜7:15前離座 埋單連加一$200都唔洗 完全係岩晒我需求!第一步當然係食刺身 幾款都好好食 但我真係好鐘意食蝦 我估淨係蝦都15隻以上 回本回本 除左試埋其他放題都一定有炸物串燒 其他熟食都好多選擇 哈哈 無錯 又係蝦 黃金蝦 花膠鴨掌 沙嗲牛柏葉 都幾特別 最後食埋甜品 食物上菜都算快 野食又上得足 凍熱甜酸苦辣 全部食齊 你話係咪滿足先

我都好耐無食過日本放題啦，今日特然想食，就搵左呢間係觀塘既日本放題餐廳。佢既位置係APM旁既亞太中心，地點都算方便，由地鐵站行過黎都係幾分鐘。坐life上樓之後，一出life 就見到好搶眼既招牌同收費牌啦。收費都算幾合理同埋經濟，相比起其他坊間放題店，都算平。佢個場都幾大，野飲甜品前菜都係自助任拎既。坐低左之後，就睇下有咩食啦，選舉有炸物，刺身，壽司，燒物，煱物，一品料理等等。到上菜啦，侍應拎左一大盤刺身黎，真係好大盤好豐富，真係見到都開心，刺身種類都好多，質素都唔錯，個人比較鐘意佢既赤貝，爽口新鮮。我仲叫左唔少野食，比如燒物，當中特別想講既燒鰻魚，真係熱住上同埋燒得好好，係放題店中真係相當高質，好抵讚。我地仲有叫燒牛舌，通常好驚食到好似香口膠咁un既牛舌，果d真係好難食🤮🤮 呢到燒無呢個問題，燒得唔錯。仲有炸物，都炸得好好， 渣漿唔算厚，脆口。之後仲有煱物。食完以上既野都好飽lu~最後拎左杯雪糕食就完，overall黎講，呢間放題收費合理，食物質素唔錯，個別食物更加係屬高水準，值得一試👍👍

今晚放工去左食好西😁 我地去左觀塘食放題！其實好少食放題，因為驚質素問題。 今日食過呢間店，性價比高，食物質素一d 都唔馬虎👍🏻搭𨋢去到門口晚餐時間$238， 唔貴呀😆入到去已經有好多人食緊啦！ 雖然店唔叫好一， 但係坐得舒服，枱與枱之間好闊，唔洗迫迫gip gip👍🏻雖然款式就唔係話多，但勝在樣樣都有d 揀，而且最緊要係唔會款式多得黎忽略食物質素，所謂貴精不貴多！好啦叫野食啦！ 梗係先黎一盤刺身啦☺️😋各款都點了少少試下，刺身厚度十分好，唔會太薄食完無食咁，又唔會太厚，基本上都好鮮，質素幾高👍🏻👍🏻其中劍魚腩好肥美👍🏻燒菠蘿，好好好甜呀，唔會燒到乾哂，相反係爆哂汁！ 壽喜燒，細細個，主要有牛肉，菜同菇。 份量剛剛好，唔會食完就飽哂😆壽司方面，點了這個鰻魚忌廉芝士壽司，鰻魚燒得好好👏🏻芝士焗帆立貝有飲品雪條、甜品前菜櫃，自助式

其實我諗依家既都市人,每個月大大話話都起碼會食二.三次放題,一個價錢任你食重要好多款式,依家大滿喜重出埋打邊爐,見到好多人都打,口水都流,只可惜個日趕住睇戲要趕住係45分鐘内食完走打唔切邊爐,如果下次再去食再同大家分享番刺身好新鮮,特別魚生同甜蝦同帶子好鮮甜!!!冬菇花膠燴鵝掌,花膠索曬個汁好好食,口感有膠質感!!!炒元貝,d蒜香味好出,很有d萵荀伴炒!!!酒煮大蜆,鮮甜無沙!!!炒通菜,炒得好入味,好野味!!!炒油蜜菜燒菠蘿,燒得燶燶地,迫曬d糖份甜味出黎!!!燒油益玉子燒,好厚身,好多層,好味!!!燒鯖魚,香口唔腥!!!小食前菜海浙,好香麻味,爽口!!!東風螺較細粒無咩肉!!!PS*個日咁小時間食都咪話唔驚佢上菜慢又成,結果係依到上菜好快同無漏單!!快靚正!!

約咗個識咗十幾年嘅朋友一齊聚一聚，因為佢已經結咗婚所以都好耐冇見，諗返起細個嘅時候差唔多每日都見因為係住喺隔籬屋，所以一齊玩，而且好好朋友的，回想當年日日都見面，今次難得又見返可以一齊食飯梗係要搵間舒適嘅餐廳，而且大家都係住觀塘所以就諗住食呢個日本放題大滿喜，上到去真係好多人，睇嚟非常之受歡迎，好彩佢座位方面都比較多，所以我哋八點幾排隊，但係都好快有位，入到去飲品當然係任你飲啦，而且又甜，或者無糖嘅茶任君選擇，食物方面似新款式多，而且新鮮，種類又多，食落非常之可口，其它食物更加係水準之作，兩個人埋單570文左右，都屬於正常嘅價錢

雖然食得唔多野，但久唔久都會想食下放題，呢間放題夠晒就腳，環境都幾乾淨，而且唔貴，款式又多，所以值得encore！首先係野飲，除左汽水之外，呢度有各式各樣嘅茶類飲品，另外仲有平時放題都未必有嘅清酒，如果鍾意飲酒就啱晒😂 野飲夠晒凍都係加分之處，另有仲有熱飲可以揀。而我最欣賞就係呢度嘅湯，有人蔘雞湯同花膠湯。人參雞湯味道都幾濃，但一啲都唔味精，可以係我最推介之一。另外仲有多款前菜可以自己任拎，有蝦、青口、螺肉、雲耳、蟹子沙律、泰式鳳爪等等。刺身款都有好多，樣樣都幾新鮮，啲赤蝦真係幾大隻，當然仲有我最鍾意食嘅帶子同甜蝦。😍😍🤤炸物天婦羅，都係新鮮炸，一拎出黎果陣真係會辣口，粉漿又唔會太多，都值得推介。其他料理期實都十分之唔錯，但因為太肚餓關係，相都唔係影得好多，下次再去先補返😂😂最後緊係要食甜品，雪條有好多款，仲有豆腐花，蛋糕咁，食晒就真係好滿足🥰🥰

呢間放題都開左一段日子，之前應承左媽咪帶佢黎食成日都就唔到時間，就趁復活節假黎食個lunch!我地撘正12點就到~入到去岩岩坐低媽咪就即刻衝左去甜品同沙律櫃果邊，番到黎好開心咁拎左d前菜番黎，有中華沙律、有木耳有牛展，竟然仲有佢既至愛酸辣鳳爪~媽咪話酸辣鳳爪仲好味過之前食過既泰國餐廳!係媽咪開心食緊既時候我就每張紙剔d~好快刺身就黎先~呢個刺身船個賣相好靚~媽咪開心到係咁叫我幫佢影相~d刺身唔止靚仲好新鮮，之前食過其他放題d蝦唔新鮮有腥臭味，但可幸呢度食到既係好鮮甜!其他魚既刺身都好厚肉好鮮味，就咁呢個刺身船係出面餐廳食都唔止百幾蚊!食完刺身媽咪又走左出去搵野食，今次拎番黎既係冬菇花膠湯。呢個被佢形容為今日之最~原因係夠哂熱而且好足料，非常鮮甜，熱既程度係燙口既熱~非常出色!壽司方面叫左幾款，細細件食多兩件都唔會好飽，炸物都夠熱，其中芝麻雞翼最出色最入味!燒物既羊架都唔算好濃醃料味，不過都冇蘇味，唔錯!另外天婦羅蟹棒都好好食~而我本人覺得呢餐最出色既係個蟹粥~綿得黎食到蟹既鮮味而且咸咸地唔會淡貿貿~出面甜品櫃有好幾款細細粒細細杯既甜品~仲有龍眼同提子~雪櫃仲有雪糕糯米糍同好多款雪糕雪條

又係舒緩壓力，慰勞自己既時候。今次去左官塘呢間大滿喜度食個放題。其實平時食佢集團其下既其他放題比較多，今次係第一次食呢間。門面一睇，感覺乾淨。景色超好，個大窗睇落相當開楊，睇落都有食慾啲。餐牌種類都相當齊全，大部分應該有既刺身、壽司、天婦羅等等既種類都有齊。芝麻雞翼：係一罐芝麻雞翼嘅味道，好食嘅味道，鹹味適中，炸到剛剛好土匪雞翼：係比較特別嘅，你放題都唔會見到，但相比起上嚟都係芝麻雞翼好食啲菠蘿燒：超甜，我忍唔住手叫左幾次，真係好甜，好好食，又無渣燒帆立貝：還好，啲醬料嘅味好好味甜蝦帶子油甘魚：呢兩日對刺身嘅慾望唔係好大，加上又係小朋友口味，所以最主要都係食甜蝦，都係好新鮮好甜既蟹籽手卷海膽魚子軍艦：我覺得質素幾好，好怕魚子唔會咸到接受唔到，呢度就唔會燒三文魚壽司：好香三文魚味鰻魚壽司：好食，大大件繼續燒三文魚壽司牛油果燒三文魚腩壽司：我個人覺得普通嘅燒三文魚壽司好食啲雞軟骨鰻魚：肥肥的，好香繼續芝麻雞翼天婦羅：我覺得好好既係佢全部都熱熱既，絕對係剛剛炸好，啲粉食落又唔會好厚總括嚟講，幾好食，可以再食過。

前幾日食左好多野，需要食番D比較平D的野食，咁今日就同朋友尼左大滿喜，不過唔係食放題，係食lunch，我就叫左最平$58的lunch set。$58有maindish，沙律bar，湯，小食都係任食，真係好抵!!!!小食有炸魚手指，丸，中華沙律，我叫左雜錦海鮮烏冬今次對佢個烏冬有D失望呀!!!!首先烏冬味道一般，又浸到林晒，冇晒口感炸蝦又浸得太耐，林左，好可惜，不過佢係一半林一半唔林.....不過份量都夠，食得飽，再食埋D小食就滿足

因為係觀塘返工，有日ot完同個同事就好想食放題，於是就去左呢一間試試一坐低就叫左一round刺身，種類都算多，都好新鮮然後再叫左個海膽手卷，細細舊，食起上黎就特別滋味海膽都好juicy，好食好食！呢個雞翼都唔錯，炸雞翼應該人人都鐘意食友人係蟹柳控，見到有呢個蟹柳天婦羅就當然要試試！再叫左呢個黃金蝦，咸蛋黃同蝦果然係絕配，好味！食放題又點少得食串燒呢！雞軟骨都整得不過不失，略嫌味道有少少太濃，但配啤酒就一流！牛脷同翠玉瓜都係必點兩個食落去都好多汁！食到一半再encore左少少壽司，一般般，都係留肚食刺身好d!我地就再叫左碟菜，辣辣地十分惹味！最後就以一個花膠湯去結尾，個湯都好足料，花膠味都好濃！總括而言，呢間放題都十分抵食，食物種類都夠多，如果有機會都會想再去encore!

我不嬲都好鐘意食放題架！坊間咁多間，有時都好驚會中伏，咁岩係觀塘，朋友又想食，就入左去嚕！如果7點前離坐，一個人$200都吾使，實在係抵到爛啊🤤🤤！哩間放題店擺係出面既小食都幾多，例如木耳啊芽菜啊沙律啊湯果d,仲有吾少甜品同野飲選擇！👹👹有刺身，壽司，一品同燒焗料理，卷物，天婦羅等等！放題既重中之重一定係佢個刺身！哩間無論上碟同質素都好出色！三文魚好滑好香，叫幾塊真係黎幾塊，吾會呃單🙈🙈甜蝦都好大隻🤪🤪鮮甜到不得了！鮑片好值得推介下！另外，哩度既燒物都做到好好，燒牛舌，燒蝦，翠玉瓜等等，調味好香口，都幾重支然粉味💖💖燒菠蘿都勁甜，正中我下懷😍😍炸物都吾會好厚粉同擺到凍哂先上，黎到果陣熱辣辣！真係食到爆倉都願意🙈真係無去錯哩間放題店，環境坐得舒服，野食都吾錯，推介大家去試下！

好耐冇食過放題了，突然想食，為方便友人工作地方，我們就到這間食放題！內裡都頗大，但位與位之間都不算擠迫。沒想到放題都有火鍋，但我們一心想食放題，食多些款式，太飽食不到火鍋，唯有下次有機會再試。嘩！一來就是刺身，肉很厚、鮮甜，美味 有三文魚腩，點都要食少少壽司。串燒海蝦，燒得香口惹味 仲有我最愛食的燒菠蘿，酸酸甜甜，幫助消化。瑤柱鮮蟹粥，二人份量，剛剛好，不會太多，鮮甜美味！食左咁多肉，要食下菜，點了清炒油麥菜，清新爽脆，好味 嘩！突然見到「薑母茶」，急不及待拿來飲，之前沒有見過的，不太甜 最後，食埋雪糕，很飽、很滿足呢  ^_^