啖啖燕窩 (Moved) New Location

剛在醫院做咗個小手術，好友話要煲湯水比我調理，我一向唔想煩到人所以叫佢唔好操勞，點知佢喺啖啖燕窩訂咗樽花膠湯同 2 包雞湯比我，出院夜晚就送到屋企，好窩心 💝💝打開樽花膠湯係結咗啫喱狀，倒都倒唔到出嚟，要慢慢撩，啲湯好足料，有花膠，雞腳，乾瑤柱，瘦肉，用慢花煮熱啲啫喱熔化，飲落口膠質豐富，嘴巴即時黐立立，感覺好滋潤 😍😍另外 2 包雞湯好濃厚，唔會好油，好香雞味。咁嘅貨色相對其他大眾化湯當然貴啲，但勝在真材實料，飲得出個分別喺邊架 😋😋

觀塘呢間啖啖燕窩食過好幾次，佢嘅椰汁燉燕窩真心好好正，真材實料，唔係得幾粒燕窩果種，而且甜度我覺得可以接受，未去到超甜！今次經過除咗買燕窩之外仲試左我覺得個組合好特別既麻辣花膠，食完既總結係 只可以講係花膠溝左麻辣醬油😂但佢花膠全部都大大舊，都幾有口感！如果再辣多少少會好啲 我本身都唔係好食得辣，我都覺得佢唔夠辣整體我覺得普通咗啲，未必會再encore都係食返佢既甜品&燕窩好啲啦 而家佢仲有埋送貨服務tim ar,不過好似只有大樽可以送貨

早前見到 FB 好多羊腩煲 POST 已經好想試，但天氣一路都偏熱所以等了又等 ~~過完年天氣轉冷，初七人日人人慶祝生日，仲要提防疫症，有咩好得過安坐家中嘆個羊腩煲呢？我訂咗羊腩煲 x 即食燉桃膠 + 雪燕套餐，成為 $600，九龍區免費送貨。由落單到收貨約 3-4小時，套餐用一個精美保温袋放好晒，羊腩煲有 3 包包裝，一包係羊腩，一包係汁，一包係配菜 (有冬菇，馬蹄，枝竹同筍)，返到屋企先用熱水連包裝袋浸一陣，然後全部倒晒入煲煮滾就得，由於我超鍾意食馬蹄，所以自己另外再加添生菜，馬蹄同枝竹 😋😋羊腩煲有小小過咸，但味道真係好似喺街食嘅咁，我哋 2 個人食咗 2 餐先食得晒，第 2 晚翻煮再加馬蹄同烏冬，吸晒羊腩汁簡直係美味 😍😍至於個甜品我揀咗蜂蜜3.6 牛奶木瓜燉桃膠雪燕，店員有提雪凍好食啲，由於天氣凍我哋喺雪櫃攞出嚟攤咗陣先食，一入口蜂蜜味好香，木瓜好甜，食完感覺好滋潤，唔會過甜，成樽有 1060 ml 所以都食到 2 日，原本都比人話我豪，但食咗 2 日感覺好抵呀 😍😍😍我會再試其他甜品架 🤩🤩😍😍

近排天氣涼涼地，又想飲啲野，滋潤下個喉嚨。之後朋友就介紹我去觀塘駱駝漆工業大廈，有間好特別既店舖，可以揀堂食或外賣，仲可以一早Whatsapp訂好，係地鐵站交收，咁就更方便我地呢啲上班族既人士，唔怕買唔到甜品。仲可以一大班朋友夾好買幾樽添。我今日直接去舖頭買，我就試咗一樽 - 清甜冰糖燉桃膠 $168, 700ml （大約3碗半），店員問我要凍既還是熱既，我最後選擇咗熱既，冬天食熱既甜品，應該比較更滋潤。店員話要等20-30分鐘到再回來取。一回到家，我就即刻打開黎食，好多桃膠，好足料，就算係有冰糖，都唔會太甜，好好味道。3碗半夠哂我同家人分享😋😋😋😋😋

平時叫開外送第一次親身上去食叫左依個椰汁燕窩一拎出黎已經好香燕窩都唔係hea你比兩條你果種同場加映大閘蟹好新鮮全部都仲生勾勾郁黎郁去價錢又唔貴 最平9十幾蚊已經有一隻嫁啦

響觀塘工廈揾食之後就當然要行下街啦。而且一般女仕都係鍾意食下甜品做結尾既。行到五樓呢間舖頭，響外面完全唔會睇到入面既間隔。都有諗過好唔好推門入去既。好彩㨂左推門啫。入面得三張枱，可以坐6個人。周圍都係介紹燕窩、花膠、雪燕、鮑魚等。有教人點煮，又有教話邊類人可以食乜野。有湯水既、有甜品既。睇到餐牌仲知道佢地做外賣添。買得多仲可以免費送貨。鮑魚佢地有紅燒同埋磯煮鮑魚！分別係$68三隻，$78四隻。問老闆邊隻好，佢話磯煮好味d. 咁都真係既！朋友叫左雪燕、我叫左北海道3.6牛乳紅棗杞子花膠，有原隻花膠，紅棗大大隻仲有味既。熱食甜甜地真係唔錯既甜品。呢間商舖仲可以用支付室既收費工具，方便唔帶現金出街既朋友。

適逢中秋節，就緊係要買啲補品同屋企人一齊補補佢。用whatsapp 落單比錢非常之方便，而且回應速度十分快。仲會講解加熱方法，十分細心。我係選擇送貨的，師傅亦很準時送到。買左3.6牛奶杞子紅棗燉花膠 同 北海道3.6牛奶燉燕窩燉花膠放左落雪樻，第二日先食，拎出黎再燉時，發現凝固了，真材實料，滿滿的膠原蛋白啊。但就個人黎講偏甜了少少，睇下下次可唔可以少甜先。燉燕窩就甜度適中，但牛奶味冇想象中咁突出。睇下個樽，半樽以上都係燕窩啊。其實唔係第一次幫襯了之前都係自取點自取，依家有埋送遞服務更加方便，安坐家中，就有啖啖燕窩送到🤤。

今日發神經突然想比d好野屋企人食，但日日放得工都好晏，唔好話煮好野，就連休息時間都唔夠😣之前成日係網上見到個廣告話可以送d即食燕窩呀，湯呀上門🤔今日咁啱又見到個廣告就去個網站睇下價錢同點訂。呢間野叫啖啖燕窩，入面有燕窩，雪燕，雪蛤膏，花膠等等，你可以訂大或細ml數，你可以落左單後就即日送上門🤩咁我今次就試下訂個特濃4.2北海道牛乳燉燕窩比屋企話下。落左單後其實都好快送到上去👍我家人收到覺得都包裝得幾好好整潔，我訂呢樽係細ml, 可以有3.5碗飲😚我家人飲左，都覺得牛奶淡左d, 我有少少surprised, 因為其實都特登唔揀3.6係揀左4.2，同見佢寫住特濃我先買，但兩個都試左話奶偏淡同似溝左水😗，不過話燕窩份量都ok同唔會太甜都唔差。本來我諗住訂個燉花膠試下，不過可能要諗下先🤔

得閒就要補一補☺️ #女人唔補好易老 順便孝敬下媽子💁🏼‍♀️•雞鮑翅燉湯 700ml入面有花膠 2隻鮑魚 素翅 同雞絲好夠骨膠原☺️☺️滋陰補身 好滿足喔•蜂蜜3.6牛奶木瓜燉雪燕 1000ml小女子唔想洗咁多錢 又想滋補下所以買左雪燕 可以減肥排脂😛蜂蜜既甜 再配木瓜牛奶 豐胸又養顏😳🤭•第一次買送去九龍區仲免運費而且買多過一樣都會有優惠 佢有唔同既package☺️仲有好多款味道揀今次咁樣就買左$618 主要係個雞鮑翅比較貴 但真係好正！一定會再黎試其他🥰

貨真價實！ 真係冇改錯名， 確實啖啖燕窩～ 話說一家人團年飯想豪一豪，賀一賀佢！ 係 IG 見到啖啖推出套餐優惠， 平均$600-800 既價錢， 就有一樽1060ml 大燕窩 搭 一樽大1060ml桃膠/ 雪燕/ 花膠 , 價位係有d 豪氣得黎但又 負擔得起 ， 今次試埋，真心覺得 買去拜訪 未來奶奶或未來外母絕對 合長輩心意，大方得體， 之餘自己又有得食好西～ 我今次係訂單家中收貨。 啖啖whatsapp msg 回應得極為快速， 基本上一問就有人回覆， 仲有今日訂明天發貨的承諾。 好趕既話仲有得商量。 係有heart 既套餐花多眼亂， 無限配搭下。 我今次首選套餐三 招牌椰汁燉燕窩（大）+ 北海道3.6 牛奶杞子紅棗燉花膠（大）= $860。 又燕窩又花膠今次真係好補。我前後揀左一粒鐘先決定到， 皆因啖啖既套餐組合真係好多， 款式又多， 淨係揀燕窩都要諗半粒鐘 啦。 送貨的又準時又快， 仲跟埋個保溫袋比你。 打開隔住個樽都見到好足料 。 眼見好似好細樽， 但真係足足夠分到 5 個大飯碗的份量！ 童叟無欺～ 招牌椰汁燉燕窩。 一羹落去就見到燕窩一絲絲，燕窩份量超多， 你想要淨椰汁都

最近愛上左飲呢間燉湯🍲佢哋有得外賣同埋堂食，不過堂食就少啲選擇，我多數會飲蟲草花三黃雞螺頭元貝燉花膠湯或者烏雞螺頭元貝燉花膠湯，細細碗，不過超足料超補身超正呀🥰😍佢除咗有燉湯，仲有燕窩，花膠，桃膠，雪燕，全部都超補超滋潤😚😚😚

門口貼滿介紹食品的宣傳資料，在門外猶豫一會，剛見到有人提著外賣盒走出來，便乘機入內看看是否可堂食。此店以預定外賣為主，凍櫃內有鮑翅花膠湯或甜品都有。內部有幾張細枱仔，職員講繁忙時間，人多便不做堂食的。牆上亦有一些小幽默，令人身心都能潤一潤。好在去的時候是下午3時左右，人不多，可以坐下食。招牌椰汁燉雪燕，雪燕並不是真燕窩，而是樹的木髓分泌物。職員話有些人可能對燕窩內的物質產生敏感，這也是好的選擇。椰汁很幼滑，唔算太多奶味，反能嘗到淡淡的椰香。再者，雪燕是一絲絲透明的，外觀與燕窩頗相似，但食落少了燕窩獨特的彈性和味道，當然味道主要靠椰汁的。如雪燕亦能增強免疫力和滋補，便宜些，咁可以得閒就補一補也無防啦！

朋友去我屋企食飯，買左呢間糖水！幾正！佢買左個套餐700ml 桃膠 + 700ml 雪燕，加埋$350，總共1400ml 分到7碗糖水清甜冰糖燉桃膠：唔太甜，好清潤北海道3.6牛奶燉雪燕：好香牛奶味，好滑兩款糖水都幾足料，我地4個人食，勉強分到8碗。除返開40幾蚊一碗。價錢就中價啦，但呢間小店係有心經營，佢糖水既款式好多，裝糖水既樽係可以重用既設計。如果覺得觀塘遠，加$40 有delivery, 都ok～值得再幫襯

第一次買啖啖燕窩，必試金牌四寶，符合咩都試下ge我，即拿即食，只吃了朱古力奶，好香朱古力味但又唔太甜，食到Last 一勺都好鬼足料。好想再食埋果三樽，但媽媽教落小食多滋味，唯有收工再戰。好難唔愛上啖啖燕窩😘

小妹幫襯店家大大話話都已成年幾2年了, 見證小店用心制作密密耕耘, 由網店至現時開到實體店, 確實替小店高興。小店主打平版民燕窩滋潤糖水, 由桃膠, 雪燕, 雪蓮子至燕窩花膠鮑魚均一應俱全, 非常適合生活繁瑣的都市人。最緊要是價錢公道(平均300多元有交易), 足料又美味(一樽700ml起), 每月或閒來光顧一次, 寵寵自己或家人, 一點都不過份。店家亦不斷改善餐單以迎合客人不同的需要, 所有花膠燉湯更可提供預熱服務, 非常貼心, 不論你親身到店家下單或經網店下單, 均可提供即日送貨, 對於懶人一族, 簡直就是救星。當中特別推介滋補燉湯, 小妹過往試過雞鮑翅及Y款螺頭元貝烏雞燉花膠湯。真心一句, 一試難忘!! 真的超勁好飲, 湯水足料不在話下, 重要的是你會感受到店家那份用心制作的心意, 湯水流露出沒有味精的鮮甜, 簡直令人念念不忘。希望店家能保持這份心意 , 繼續用心制作, 相信日後定必客似雲來!!