啖啖燕窩 (Moved) New Location

幾次都係自取外賣 試過杏汁牛奶花膠 牛奶薑汁杞子花膠 靈芝鱷魚肉海底椰花膠 因為近公司 但原來仲有好多自取店 又有送貨服務 最重要係足料 味道濃郁 最啱我呢d放工冇時間自己煮的人潤一潤好味

今次同媽咪兩個人食，所以無叫好多食物。另一方面是最低消費，每人都要點一杯飲品，實在無quota叫太多食物。點左黃豆枺茶特飲及水果茶。杯黃豆枺茶無枺茶味，但反而好濃口黃豆味，如果係枺茶控就不要試了。水果茶是點給媽咪的，香口既百香果味，仲有清新水果香，十分易入口，一試一定愛上，如果有茶包，可以添加熱水就更好。另外點了小食拼盤及黑松露意粉。比較失望是食完個意粉先上小食，小食拼盤真係等得太耐，等到都飽左食唔落小食，最後要打包。但黑松露意粉真係好有水準。意粉口感剛好，不會煮過熟，松露份量也剛好，每條意粉都有濃濃既松露香。

其實幫襯咗成年咖啦🤣🤣🤣但唔知OpenRice都可以有得寫食評🙈🙈🙈見到梗係要即刻寫先🤘🏻🤘🏻🤘🏻今次試咗le個季節限定ge黑糖黃耳3.6牛乳燉桃膠😝😝😝植物界ge黃金滿滿ge骨膠原🙊🙊🙊次次見到D料多到嘔都勁開心🤓🤓🤓食落d黃耳同桃膠都好彈牙好爽最緊要係1d都唔貴試過自己喺屋企整又浸又要挑雜質，仲未計要整咩味ge價錢啖啖燕窩ge價錢真係抵到1個點👍🏻👍🏻👍🏻1個月1次認真唔過份😎😎😎

成日係FB都見到呢間啖啖燕窩，已經好想試佢啲糖水，今日就到時間，就決定試下whatsapp落單！！.12點幾send msg俾"燕窩佬"落單，希望4點送到旺角舖頭，佢都話無問題，盡量安排！.係舖頭先收到msg，之後收到送貨員電話，好有交帶！👍🏻今日叫左蜂蜜北海度3.6牛奶木瓜燉雪燕，未食過咩叫雪燕，就膽粗粗試下😆！原來雪燕係木髓分泌物，我諗同桃膠都係朋友黎架啦！牛奶味唔會太重，加左蜂蜜，甜甜地，更好味！雪燕本身無味，樣同口感都好似燕窩！雪燕份量都幾多，飲到最尾個啖都仲食到有雪燕，我自己一個人，都食得哂700ml😋，真係正！下次再叫其他試下先得！

假日與媽媽行下工廈，尋下寶！之前見朋友IG勁推呢間店的燕窩，所以就黎試一試我諗好多香港人都知道駱駝漆大廈係好多隱世好西一座工廈都夠你行一日！等𨋢時見到原來幾日前做緊雪燕優惠，個心諗唔知仲有無呢？上到去，見到靚仔哥哥，問下佢仲有無優惠做緊，佢話做完但唔知係咪見我肥嘟嘟，竟然話做埋俾我，好開心！但傾多2傾原來雪燕唔係燕窩，係一種植物木髓分泌物，係新型的補品但阿媽都係比較想食燕窩，所以最後買左一樽大的椰汁燉燕窩，1050ml 大約有5碗到。包裝好細心，會有個紙盒仔裝住封好再放落保溫袋超細心返到去都急不及待，即刻開黎食真係好足料有圖有真相亦都唔會唔足秤，足足有五碗幾椰汁好香但唔太甜三百幾唔洗自己整又乾手淨腳學阿媽話齋，個玻璃樽咁厚身都值返幾十蚊啦佢地除左燕窩仲有燉湯架！要搵日一試嫌遠都唔怕，4點前落單加運費仲可以即日送到門口，真係唔幫襯唔得

一直都知道觀塘駱駝漆有好多隱世好野,無論食既用既都多荀野靚野,,亦知道有間專為想滋補又懶既人燉燕窩燉湯燉補品…但一直就唔知係咩價位, 諗住會好貴,但原來經了解之下亦o係甘o岩做優惠之下價錢又唔係甘難接受ja wor..呢間野主打當然係燕窩 , 其次仲有d燉大大隻既花膠, 燉湯 , 仲有呢期興食既桃膠等等….燕窩既味道選擇有好多, 有傳統有新式,有普遍冰糖啦, 薑汁啦 , 椰汁啦 , 仲有d係水果+牛奶….店主話水果併牛奶保鮮期較短, 最好”不”起水果先食, 而且最好 3日內食晒..店主好nice架, 呢度眼見衛生唔錯 ..我最後都係簡左佢呢度既皇牌 : 蜂蜜北海道木瓜牛奶燕窩甘o岩做優惠 , 燕窩一大樽$300/1060ml , 應該分到5碗左右.黎! 食後報告報告 !!!啖啖燕窩呢個名真係冇改錯, 燕窩好多, 一絲絲的, 好爽口,佢係用日本3.5牛奶做架, 平時買3.5牛奶都差唔多成$25,我估佢冇咩溝水, 一樽應該係用晒盒奶,木瓜好林好香, 成個糖水偏左甜dd, 可能佢怕燕窩冇味啦,不過好似話早打去訂,request少甜架.眼見佢呢樽野成本應該都唔少!!食過好食,之後再買椰汁桃膠食

大大話話幫襯左呢間嘢成年，由冇鋪頭到有實體店，我諗我真係呢間嘅嘅fans😂😂呢度係近幾次買嘅食評，之前太忙冇時間打😂😂見今日有時間，就打返呢平年嘅食評，幫佢地賣下廣告啦😂😂p.s呢間小店有速遞架，可送上門同地鐵站交收，好方便呢個係榴連燕窩呢個係蜜瓜燕窩首先講下個榴連燕窩/蜜瓜燕窩先，呢個都算係佢較新嘅產品，一開個樽，好大陣嘅果榴連/蜜瓜味湧上黎，真係好是聞，食落口每一啖都有果香，再配埋燕窩，口感真係好滑，不過有一點美中不足，如果架少少果肉，就完美喇呢個係我大力推薦嘅冰糖雪耳燉燕窩，唔會太甜，雪耳又爽，有咬口，啱哂我呢啲成日想咬嘢嘅人冇記錯呢嗰應該係螺頭烏雞燉花膠，呢個湯不得了，本身買返黎打算成樽就咁食，但一打開蓋就見到啲膠質多到令個湯琼哂，要落煲加熱先可以飲，講返先，個湯多渣到暈，好岩鐘意食湯渣嘅我，本身以為因為加左熱啲膠質應該溶哂，點知飲湯嘅時候都仲會痴住個口，啲膠質好多，完全係係女士養顏嘅法寶，成樽食完完全飽哂，可以當正餐食都得😂😂

蜂蜜北海道3.6牛奶木瓜 打開蓋係滿瀉嘅,絕對冇渣留灘!!!斟咗一碗仲有咁多喎~木瓜好香甜,一樽我估有一隻細細既木瓜。第一次網上買嘢食擺入口，超激讚💥順帶一提:店主及店員的服務真係一流

行開觀塘就見到廣告好吸引上左去睇下見佢三百蚊就有 仲有好多五同選擇 仲有埋花膠最後買左朱古力燕窩同紅棗杞子燕窩反到去試食 未開望一望已經見到好多燕窩一食真系啖啖燕窩 好扺食一試完個個都想槍 五夠十分鐘就冇哂

甘岩有日同個朋友去觀塘買野，經過駱駝漆大廈 見到有間啖啖燕窩，甘就行佐入去睇 見到都幾多款式 ，全部都系佢地新鮮燉 有成十幾種款式，仲有燉花膠燉湯 好吸引！😋最重要系冇加防腐劑，食都食得健康啲！又岩晒我呢啲上班族無時間補身既人，重點系又平民化價錢 $300一大樽 最後我就揀佐峰蜜北海道3.6牛奶木瓜燕窩$300同一個螺頭元貝豬展燉花膠湯$340返到去屋企就緊系同屋企人拎黎做飯前飯後甜品啦！花膠湯好香好甜 超足料！完全冇味精冇鹽！有成5舊花膠系入面 料仲多過湯 真系好抵！媽咪都話好好飲 而個燕窩都吾輸蝕 食飽飯一家大細開黎食，真系冇呃人 啖啖燕窩 仲分到6-7碗出黎！我男朋友話吾食但都食佐2碗😂😂😂甘既價錢有甘既貨色非常好！個店長仲好好人提我三日食晒佢 但我地一日已經清晒啦😂我決定下次要食下其他味 ！