旦哥火鍋 (Closed)

食物質数一般水準！湯底偏咸有待改善！最令我不再来原因系！服务質素系超差！其店的部長！在埋單時張找回的錢（訂）落張枱一言不發就離開，之后我们只好無奈地收回錢準備離開，離開之際部長回來收回張单在銀機前大叫一聲！呢张枱一毫子tips 都冇比！我们真系超嬲決定不在帮亲！希望贵店改善否則聽執！！

魚生新鮮，雞煲和味，件件食得，可以任食，無限加添，人多嘅好快要加， 因為係即叫即煮，要畀時間師傅，當然記得留肚食火鍋。火煱配料不錯，推介麻辣湯底，足料！鴛鴦鍋底加$40，有朋友食辣，有朋友唔食辣。部份食材會售罄，所以要快。少人的有卡位，方便傾計。基本上大部分火鍋食材都有，每位客人仲有數款海鮮，大蝦、鮑魚、帶子、花螺、龍躉片各一，海鮮質素唔錯， 食完雞煲再食海鮮已經飽咗一大半。其他火鍋配料繼續任食，包括牛肉、蔬菜、響鈴、魚皮、餃子、鵝腸、雞子、豬潤、豬紅.....應有盡有，材料新鮮，值得一試。

老友話好耐無見，想搞搞新意思，於是約左奧爾加去先雞煲後邊爐的說，以前讀大學個時勁過飯就食過雞煲火鍋，但無諗過出黎做野都有得食，雞煲味道好食又juicy,而至於個邊爐，自問最鐘意係隻美國桶蠔，又滑又鮮甜，勁想encore呀！呢個價都幾抵食！我就約左朋友打晚市邊爐啦！ 248一位，都算係咁啦！如果搵到再平既記得話我知。份量足兩人 惹味雞煲開始打邊爐啦！會唔會太豐富呀！嘩！好大隻鮑魚呀！如果有人請我食就更好啦發下夢先

朋友介紹話依間餐廳好抵食 就即管去試下，果然無令我失望 😋一次過滿足我三個願望（雞煲,魚生/海瞻,火鍋）,d雞仲係走地雞 好好味 值得一讚價錢只係300$位 真係抵到喊 仲要任食 ,兩個人黎都有sofa坐😆好小餐廳做到,服務態度亦都ok

環境都ok，食物就一般， 有分任食同自選。我哋最後揀咗自選， 湯選擇種類很多， 食物種類都可以，分量正常但員工態度就好一般了。沒有什麼特別食材，下次應該都唔會黎呢間了。

愛食火鍋之人都應該食過旦哥火鍋。都唔係第一次幫襯，之前已經食過一、兩次，貪佢嘅食材尤其是海鮮真係好新鮮！不過原來佢地轉左新menu, 好似貴左少少, 但就唔限時間, 同埋d野食係多到你食唔哂，所以好適合一大班人黎食。人均消費約$250-300，但已經包埋刺身、雞煲、一盤海鮮同一碟牛肉，同汽水任飲。不過汽水嘅選擇比較少，得三款。但食物就真係多嘅，而且質素都ok。不過感覺上海鮮就無以前咁新鮮了，但環境係唔錯同舒適的。埋單主要收現金，信用卡要收手續費，一坐低時職員就已經同我地講左了，所以都無咩大問題。不過下次再去的話，我就會記得㩒定錢的了

黎過2，3次打邊爐，都係貪佢同朋友吹水好盡興～食物質素過得去，算好抵食，重點係環境好有氣氛，打邊爐一流，最岩同朋友啤一啤，個碎雞鍋酒味算好夠味，但海鮮稍嫌差少少，唔算太新鮮，不過上桌時惟獨有隻蝦腳仲郁緊，其他聖子，扇貝唔算太鮮甜。牛就不得而知，因為我唔食牛，墨魚丸都係不過不失，唔係特別驚喜，但叫唔難食。不過難得是$3xx俾我地坐足成晚傾計，都叫好盡情。不過，要留意既係座位其實都幾隨意，其他客都好嘈，係好熱鬧，但如果真係要靜靜地，咁就唔好揀呢度啦

朋友屋企人食過話正 於是今次介紹哩間 我地一行十個人就即管一試！樓上鋪 地方好大 個個都一大班朋友咁 坐埋都唔會覺得好迫佢話係任食任飲2.5小時，但過左都無趕我地走啲手切安格斯牛牛好正 雞煲建議可叫中辣 海鮮併盤啲海鮮上台都仲郁緊好新鮮！其他任食食品不過不失 火鍋又多個choice了

約咗一大班同事一齊打邊爐！一齊滾滾佢喇呢度嘅環境唔錯，服務嘅態度都幾好！ 當然食物嘅質素係最重要啦！ 一坐低即order左個紅魚刺身，味道都幾新鮮，唔會有好大陣雪味！都夠爽口！呢度好出名食牛，跟住我哋都叫咗手切肥牛，肉質一流！用嚟打邊爐就最正喇！我哋仲叫咗個招牌牛骨煲，啲料好足，味道都好香濃！除咗用牛骨煲之外，入邊仲有好多牛雜等等嘅配料，所以牛味充足！花雕雞，酒味濃郁，蟹肉味道都夠鮮甜！蟹肉仲要啖啖肉食到好鬼開心其他食物材料都唔錯，整體來講有下次！

約了一大班朋友聚腳，最岩打邊勞，早兩星期book，十個人book到房book房係每位加$30以任食價錢來說，相當抵食一開始先上刺身，除左三文魚，蝦，北寄貝仲有活魚刺身活魚刺身相當新鮮之後上左牛好林好有牛味跟住有海鮮拼盤，當中有螺，蠔，鮑魚，蚌，蟶子我地湯底要左個牛雜窩同冬瓜湯底當中牛雜窩印象非常深刻多料之餘，甜甜地又有牛味個蘿蔔去到最尾又林又吸哂湯味，好正呢度既食物選擇好多環境舒服，以任飲任食火鍋來說十分高質

已經幾個朋友介，都第2次來，咁岩有朋友生曰，所以再來。d食物係對得住個價錢既，大家都好飽星期五8點到，都9成坐滿了。可散嗌或放題。咁放題係抵d 既，248加一，放題分3parts，1）可選刺身或其他前菜 2) 食雞煲 3) 打邊爐, 有多款湯底，要左胡椒豬肚湯底，不錯的味較濃味的。呢度個雞煲就普通啦，不過不失。我最喜歡就係果盤大大盤的海鮮，有聖旨，鮑魚，帶子等十樣左右新鮮海鮮，鮑魚好正👍牛肉都幾滑，唔錯。而其他追加食物種類都比其他放題多，有雞子，鵝腸好爽好食。呢度既服務態度係ok既，就算佢地個樣比較惡，但都有禮貌，竟然英文都不錯的。因為佢地都有同我個法國佬吹下水。其實食完d海鮮已經好飽，追加食物都係由d男既去處理😂

已經第四次光顧，今次也是最後一次！失望.... 從不寫食評也要動筆😔食物質素和之前吃差不多。火鍋最重要係什麼？ 是個爐（廣告講）不合格👎服務質素..... 炒語一番！ 第一次問order 食物是否到齊已經入座超過60 分鐘，然後幫忙跟單。再過半小時問是否已經到齊，職員回答，不夠吃加單！ 😣 呢個係放題，也不想浪費食物，良心消費者不會亂叫也清楚瞭解點左咩食物沒有到啦⋯⋯結帳- 第一次出醜，OpenRice 都有寫可以使用信用卡結帳，我們用信用卡係visa 不是AE 也不是銀聯付款，今次話要收3%手續費! 那當然不會比信用卡啦，身為少少精明C9 點會無啦啦比呢D手續費，但現金不足唯有叫佢等下地提款(都不知多久沒有襟機提款） 現今流行電子消費，突然時光倒流，奇怪也令人出醜！無下次!

今日lunch 上咗去旦哥火鍋度食，不過唔係食火鍋。哈哈，俾樓下派傳單的哥仔講到個牛三寶咁得，決定試一次。下午12:30入到去， 只有兩枱客，唔多人，可能樓上舖的關係。我就點左清湯牛三寶米同一杯竹庶茅根水。嘩！好大碗面，D牛三寶多到遮住哂D米粉咁濟，好開心😃。牛三寶有我的至愛牛肚，牛筋用牛腩，全部都好入味。牛筋好食，牛肚好爽，牛腩好淋，湯底又夠味，加少少辣椒油，真係好鬼正丫！唔單止個牛三寶得，杯竹庶茅根水都係真材實料，冇溝水，唔太甜，啱哂呢個炎炎夏日飲！

先講價錢，任食任飲埋單總平均人頭收費要$293食物質素同價錢算相對😼由於今次係同幾位好耐無聚的舊朋友相聚，無影食物，但我地係網上見以下圖吸引而黎的，係好吸引的😻😺海鮮值得讚，鮑魚不停郁very新鮮，牛肉好吃*唯一覺得d刺身不是很新鮮好食重點：野食品質係有水準的（我地傾計多過食野，所以點左唔多野食，最享受第一輪的美食😸*第一輪的野食永遠是最好最吸引最理想的✊🏼）*可以坐好耐唔會趕客走*夏天好去處（冷氣非常大）*服務態度幾好（特別謝謝幫我地影相的職員👨‍💼自動多角度拍攝三張，好專業啊😻）美好的一晚，給5🌟By Good Chui😸

初5去食，還境很好，服務很好，食物生鮮，又有海鮮，朋友聚會，傾計唔錯既地方。麻辣煱好食，但叫小辣啦，叫左普通好辣~送既海鮮拼盤款式多，自己買和洗海鮮，真心覺得煩，呢個價錢，我覺得性格比高