旦哥火鍋 (Closed)

魚生新鮮，雞煲和味，件件食得，可以任食，無限加添，人多嘅好快要加， 因為係即叫即煮，要畀時間師傅，當然記得留肚食火鍋。火煱配料不錯，推介麻辣湯底，足料！鴛鴦鍋底加$40，有朋友食辣，有朋友唔食辣。部份食材會售罄，所以要快。少人的有卡位，方便傾計。基本上大部分火鍋食材都有，每位客人仲有數款海鮮，大蝦、鮑魚、帶子、花螺、龍躉片各一，海鮮質素唔錯， 食完雞煲再食海鮮已經飽咗一大半。其他火鍋配料繼續任食，包括牛肉、蔬菜、響鈴、魚皮、餃子、鵝腸、雞子、豬潤、豬紅.....應有盡有，材料新鮮，值得一試。