東屋台 (Wetland Seasons Bay)

Open Now

Now Closed

有時唔想煮飯，但帶住兩個女，又要揀啲大家都啱食嘅野，平時諗唔到食咩就一定係揀東屋台咖喇～平時堂食開，所以見賣相同味道都係好。因為今日打左個冇乜風嘅3號波，怕落雨拖住兩個小朋友唔方便去咁遠，所以今次係第一次外賣番屋企食，估唔到味道賣相都ok👍🏻

❤︎ 屋台章魚大阪燒大阪燒嘅蔬菜同章魚比例幾多，幾乎每啖都會有彈彈章魚粒🐙而且可以自己揀多醬定少醬🤣我每次黎食都會揀爆多醬，務求黎個痛快！❤︎ 滑蛋吉烈豬扒丼豬扒炸得金黃，躺平係滑蛋上面🤣整體係同個汁幾融洽嘅，食落鹹鮮微甜，係想像得到嘅傳統和風味道🇯🇵❤︎ 脆香單骨雞翼同快餐店嘅脆香雞翼有99%相似，單骨一食一噒更方便，但份量多返幾隻會開心D🥹❤︎ 芝士奶蓋桂花烏龍黎呢度一定要叫飲品‼️因為好大杯好抵飲呢杯奶蓋有住甜甜奶香，烏龍茶底都好清香👍🏻︎

係天水圍有間可以食大阪燒，專程過黎試試。可以住輕鐵到濕地公園站，行2分鐘就到。裝修簡潔，可於門口有自助售賣機，可8達通或信用卡付款，如要付現金需於到櫃台落單。似快餐點形式的日式餐廳，台面有寫人手不足可以門口，自助售賣機。由職員態度差，問一答一語氣唔想答你咁款。想付現金關係，企左係度抬頭望個電子牌，一輪原來有個餐牌。笑左。點餐時叫了個沖繩黑糖珍珠奶茶，職員問要咩茶底，由於當時係無俾餐牌，自然就問有咩啦，一手遞過黎眼尾都唔望你，你自己搵啦，好喇咁要個茉莉綠茶底啦，仲問咩綠茶，睇完個幾款茶底都係得一款綠茶😅， 我唔係係度做嫁，可能個餐牌係其他頁到有其他款我唔知啦。佢當我熟晒啲野咁。人呢有時好衰既，又要鬧又要係度食。但我真心想食大阪燒先過黎，就算服務咁差都想試下。沖繩黑糖珍珠奶茶，茉莉綠茶，茶底香唔錯。美式咖啡，可以火炙芝士海鮮大阪燒，芝士味濃郁鰻魚滑蛋丼，鰻魚都幾一條，多汁都不錯。份量不會太大份，因此可以作早餐或下午茶。食物質素還可以，都會想再食但服務就差了。明白形式同一般餐廳不同，但面對客人查詢時都不應有此 不願答，唔耐煩既態度。如想再食或有興趣試的朋友建議：1：首選用自助機購買 （可信用

牛肉炒烏冬：吵得幾香，不過可以再乾身啲。首先，他們將牛肉切得非常薄，所以每一口都能感受到柔嫩的口感和完美的融合。烏冬面炒得剛剛好，有著彈牙的口感，真是讓人垂涎欲滴。我還注意到他們使用了一些特別的醬料，增添了風味的層次感。此外，配菜的蔬菜和香料的運用也很巧妙，讓整道菜更加豐富多樣。總而言之，這道牛肉炒烏冬是一個美味又營養豐富的選擇，我真的推薦你去試試！芝士章魚大阪燒：芝士味，好香！他們將章魚烤得剛剛好，外酥內嫩，每一口都能感受到炭烤的香味。而且，他們還加入了濃郁的芝士，給整道菜帶來了豐富的口感。我特別喜歡大阪燒醬汁的酸甜味道，它完美地平衡了整道菜的味道，讓人回味無窮。不管是外觀還是口感，這道芝士章魚大阪燒真的讓我留下了深刻的印象。如果你喜歡海鮮和芝士，這道菜絕對是你不能錯過的！魷魚鬚：魷魚鬚大條啲好啦，這道菜的外觀非常特別，金黃酥脆，看起來就令人垂涎三尺。一口咬下去，你會發現它的口感酥脆又帶點嚼勁，真是令人愉悅。味道方面，它帶有魷魚獨特的風味，非常鮮美。你可以單獨享用它，也可以搭配一些醬料作為開胃菜。需要注意的是，魷魚鬚的食材比較細小，吃的時候要小心一些骨刺。總的來說，魷魚鬚是一道值得冒

見間舖裝修好日式所以試一下港式改版大阪燒 係幾特別嘅 超多芝士 仲可以加麻辣 味道唔錯嘅朱古力就感覺味道唔夠濃 唔算甜但朱古力味唔香 但有個拉花比我打下卡都唔錯味道同價錢都不過不失嘅一餐

📍東屋台 ⭐️ 堂食分店，多料大阪燒以前一路有聽過東屋台係屯門名物之一，外賣首選～但係因為唔係住屯門，好難買外賣，所以一路想試都冇試～🫣但佢竟然喺天水圍開咗分店，仲要有堂食！！！太幸福了～🥰佢新開無耐就即刻去咗食，一路都成日幫襯！佢喺街坊料理入面，已經算係比較高質！✨ 海量海鮮大阪燒 $52 👍🏻👍🏻👍🏻特別推薦佢嘅大阪燒，唔係淨係得粉。話增量海鮮，真係好多海鮮！🤭魷魚、蝦⋯基本上你每一啖一定食到！同埋佢嘅醬料，千島醬Wasabi比例剛剛好！我仲特登叫咗多木魚，多紫菜條，多到遮住咗個大阪燒😂✨ 滑蛋吉列豚湯烏冬 $60👍🏻👍🏻👍🏻大阪燒因為成日食～好食但都冇話特別驚喜！呢個第一次叫，令我有啲眼前一亮！🤩滑蛋賣相真係好吸引！而且佢都好夾個吉列豬扒同湯烏冬。本來以為佢個吉列豬扒會另上，通常啲日本料理都係咁樣，因為怕個豬扒會吸左啲湯變淋，甚至發咗。但係佢呢個完全冇問題！😋就算吸左啲湯都食到佢本身真係炸得比較薄同脆！而且佢嘅讚岐烏冬非常煙靭！個湯都好清甜😍✨ 宇治抹茶珍珠鮮奶 $38👍🏻👍🏻平時係叫開黑糖珍珠鮮奶～呢個真係好飲！唔會太甜～剛剛好！第一次叫呢一杯，飲落去第一啖抹茶味超濃！有啲落咗太

東屋台係天水圍已經開了一年，本身有食過屯門店，最出名係大阪燒，原來牛肉飯一樣好好食，天水圍店環境又幾舒適，牛肉飯個汁剛剛好，又唔係好咸，蒸蛋好味，伯爵烏龍茶好好飲！

住附近嘅街坊，開左一段時間，今次第一次食餐廳好好食，好足料滑蛋吉列豬丼 ＄58蛋炒得好香滑，豬扒炸得乾身Juicy滑蛋鰻魚飯＄88鰻魚新鮮大大件，好香燒汁甜可惜服務真係差左少少🥹🥹

好鍾意食呢間💛小店嘅大阪燒，好好食，好足料👍🏻見佢喺天水圍開咗分店，可以堂食，所以專登去試下🫶🏻日系裝修，好舒服😌試咗啲新嘢同必試嘅大阪燒，都係咁好味😋🥗牛肉日本油揚芝麻醬冷烏冬 $𝟻𝟺烏冬好彈牙! 喺烏冬上面⋯仲有蛋絲、蟹柳絲同青瓜絲，撈勻埋啲芝麻醬一齊食，好開胃，口感好豐富😋🍱滑蛋吉列豬丼 $𝟻𝟾吉列豬好好味😋炸漿唔厚，所以炸得好脆🤤仲保留住肉汁，唔會乾，夾埋滑蛋同珍珠米一齊食好正💕🥘火灸芝士海鮮大阪燒 $𝟻𝟾超級足料，有海量帶子粒、蝦仁、蜆肉同蟹柳，仲有粟米同雜菜，大阪燒上面仲有海量芝士🧀再加埋大阪燒嘅醬、紫菜碎同木魚碎，真係不得了😆🍵抹茶鮮奶香濃嘅抹茶味😍🧋片片橙•桂花烏龍(少甜走冰)真係有片片橙同熱情果喺入面，配埋好香嘅桂花同濃濃嘅烏龍茶味，好解渴👍🏻

💛東屋台 (天水圍)天水圍濕地公園路1號Wetland Seasons Bay地下9號舖東屋台有台式飲品，大阪燒，仲有多款丼飯，無論大人細路都好啱食以前返工成日都食到，自從搬咗屋之後就冇食過啦，事隔兩年幾再食，真係好好味🤤天水圍分店座位坐得舒適，日式裝修，舒服乾淨，要自助下單，食物款式多☁️芝士奶蓋四季春奶蓋非常出色，厚實濃味，加上淡淡清香的四季春，好夾，好好飲🤤☁️火焰芝士海鮮大阪燒$58海鮮非常足料，我有章魚椰菜絲等，表面鋪滿到熱熔芝士，好食，大滿足☁️滑蛋鰻魚飯$88鰻魚大件，無骨，滑蛋鋪滿飯面，二人食都好飽☁️照燒鯖魚這個有少少燒汁，魚皮燒得好香，少少骨，魚肉滑，加埋白飯，美味☁️可樂餅$15表面炸得鬆脆，即叫即做，熱辣辣☁️炸餃子五隻$25旁邊有沙律，餃子外脆，內裏Juicy#天水圍#天水圍美食#香港#hongkong#hkfood#hkfoodie##dessert #甜品#drinks #台式飲品#鰻魚#鯖魚#芝士#奶蓋#四季春

今次去左呢間日式既餐廳，但日式唔一定係壽司刺身既🤪 呢度係食飯，烏冬，同埋最特別係有大阪燒😮 而座位方面就感覺舒服乾淨，不過枱就唔算大，整體滿意👍🏻我就叫左一個野菜黑咖喱雞飯+吉列豚（大）（$58）🤓我覺得賣相幾靚，好有日式風味，咖喱既份量中等，算係岩岩好，日式咖喱一般唔會好濃味既，我覺得係好食😋 而豬扒都炸得唔錯，有成5件，外脆肉又唔會韌，仲係入口即溶😍大阪燒我就叫左櫻花蝦蝦大阪燒（$48）😁佢可以+$5升級做激辛麻辣味，不過我就冇加到，份大阪燒size唔算大，個樣都唔錯，食落料都多，覺得好驚豔🤩 想食大阪燒可以黎試下，香港都唔多地方有得食🥲我幾鐘意呢間餐廳，佢地既野飲睇落都好似幾正，但可惜我太飽冇叫到，價錢又唔算貴，呢種日式餐廳唔多，所以係值得一試😉

去完 #濕地公園 🌳親親大自然，睇咗好多特別嘅雀仔🦅，行到肚餓，就喺 #天水圍 附近搵嘢食啦🍣。今次嚟到一間街坊人氣日式小店🇯🇵。雖然主打係日式 #屋台料理 ，即係日式大排檔式平民🏡居酒屋🍶料理，舖頭裝修、食物賣相都好有日系 #咖啡店 🍵嘅感覺。舖頭唔多位，同埋係自助服務，不過最大問題係有好濃烈嘅油煙味😖。夜晚嚟食，一啲菜式已經賣晒🈳。我哋嗌咗屋台章魚大阪燒($44)，野菜風咖喱雞伴讚岐烏冬加溫泉蛋($43)。價錢💵幾平，不過嘢食份量比較少，如果肚餓就唔夠食喇。屋台章魚大阪燒🌟🌟🌟大阪燒🥞味道唔錯，沙律醬🥗加埋日式中濃醬🥫，味道濃郁，幾好味！不過質地有啲鬆散，如果結實啲就更加正宗，同埋章魚🐙嘅份量唔算多，比起餐牌上面除了好足料、好吸引嘅食物相爭好遠🧐。野菜風咖喱雞伴讚岐烏冬加溫泉蛋🌟🌟🌟日式咖喱嘅味道真係冇得輸😍！甜甜地嘅咖喱味🥘，令人食到停唔到🤤，撈埋溫泉蛋🥚落去更加邪惡。烏冬🍜嘅口感亦都軟硬適中，夠滑又彈牙，唔錯😋！不過雞肉🐔嘅肉質一般，同埋咖喱味道算係正常發揮。

今次叫東屋台外賣，要咗2個大阪燒，鯖魚丼，屋台炒讚岐烏冬，可樂餅同薯條。大阪燒好食，多芝士多醬。烏冬味道都唔錯，炸物都好食。除咗鯖魚丼味道一般，鯖魚好乾。整體黎講，呢間食物味道都唔錯，尤其係大阪燒必食。

喺屯門已經食過佢嘅大阪燒，但座位少冇機會堂食。去到有得用自助落單機而唔係QR code 落單，介面同麥記相似所以好易用，身上冇現金好彩可以用八達通/信用咭。揀咗個套餐，牛丼+茶碗蒸+味噌湯，已經揀咗少飯都好大碗😂牛丼我覺得好食過間有名連鎖已合格有餘，多牛又多飯，飽到食唔落個茶碗蒸。感謝揀天水圍開分店，又多一個選擇。

同同事一齊叫外賣午餐，試吓呢間。白飯軟糯，好好食，因為仲係熱辣辣，高質嘅。但係牛肉…睇圖就見到有幾多油~真心出事🥲個味係OK嘅，但係成件事係油撈飯咁，應該冇下次~