Video
Above information is for reference only. Please check details with the restaurant.
今次來到這間有口皆碑嘅店試咗幾樣菜，實話實說，食物印象深刻！首先個芝士奶蓋香桃茶，味道透𠱁晒甘橘香味，飲落去芝士同桃茶配合得宜，正到飛起🚀！卷餅墨西哥粟米蓉真係好食到一個唔想停，酥脆嘅卷皮同甜味滿溢嘅粟米蓉簡直係絕配，好有層次感。講起呢度嘅海量海鮮大阪燒，簡直係海鮮控嘅夢想啦🤤！表面金黃香脆，一刀切落去，足料嘅海鮮同煎得啱啱好嘅麵糰糅合得好完美，每一啖都滿足到五臟廟。喺屋台牛肉炒讚岐烏冬方面，呢個係牛肉同烏冬嘅戰爭，只係今次冇輸家，因為雙方都咁出色。牛肉嘅嫩滑同烏冬嘅Q彈交織出一幅美味圖景，香口得黎又唔膩，真係夠晒umami！成間店澎湃嘅味道飄曳喺空中，將我嘅食慾揚升到最高點。職員友善得來又效率高，更加令今次嘅食飯體驗加分。班煮食嘅手藝，真係行家手笔，每樣小菜同飲品都做得認真同專業👩🍳。結論係，這家店聽日我又要黎大大力懲罰啦！
continue reading
今日突然想起食大阪燒，呢間想試好耐，因為屯門唔係好多地方有大阪燒食。今日叫咗個海量海鮮大阪燒做下午茶，果然材料真係海量wasabi / salad 醬份量啱啱好，唔會好厚粉唔會太硬。可能即叫即造，等咗一陣。等我下次試埋其他口味先；想試章魚大阪燒同芝士海鮮大阪燒。本來想由網上外賣平台order, 不過原來直接去店買仲平。而家天氣熱，有時唔想食飯/湯麵，大阪燒都是不錯的選擇 仲有好多飲品選擇，不過今次沒有購買。
continue reading
見佢係黃店就幫襯一下 今次就叫咗個櫻花蝦大阪燒 40蚊就有一大塊 仲要好足料 同埋好抵食 當lunch咁食到好飽 所以成日都見到好多人幫襯 不過如果唔係住呢頭嘅都好少會特登過去🙈
continue reading
成日太夜去都無晒咖哩！今次終於買到每次去都必食牛飯，或者佢個麻醬烏冬。 牛肉無得輸，烏冬亦好彈牙。 但今次目標係咖哩，事關每次都話咖哩吉烈豬係賣晒！！！ 一直開咗咁耐都未成功買過😳 雖有啲誇張，又可能我黑仔… 終於可以試到又真係幾好食！ 個吉烈豬炸漿唔會好厚好粉，炸得好脆，而且肉汁仲保留住，唔係乾柴亦唔係整定翻炸果啲！ 難怪成日都好早賣完.. 黑咖哩食落就同普通日式咖哩差唔多。相比其他舖，佢算多配菜。喺咖哩汁入面有蘿蔔之餘仲有少少脆肉瓜同薯仔，洋蔥等。 但我就覺味道略為偏甜，唔辣。 如果唔好咁甜就好喇… 唯一要彈就係吉烈豬太多油，如果可以回鑊𤇢多嘢迫返啲油出嚟，乾身啲就完美！ 之但係50幾蚊有咁鬆化嘅吉烈豬，仲想點？好滿意喇！ 出面比2百蚊果啲都係好啲啲，唔係差咁遠… 另外必食佢大阪燒，好大件，永遠都眼濶肚窄食唔完… 啲木魚好似唔洗錢咁！ 三款醬汁都好好食，尤其個少少辣芥末醬👍🏻 題外話… 鍾意食呢間店除咗味道仲有人情味。呢間舖已開咗一陣子，幾年前老細兩姐弟為咗幫一班後生仔而被判入獄一個月… 事隔幾年，人流少咗好多… 希望大家掛住佢味道之餘都唔好忘記佢哋嘅負出👍🏻
continue reading
喺屯門區返工，午餐間唔中就會買東屋台外賣！佢啲大阪燒都好好食，但就咁食大阪燒又好似唔太夠飽😳 所以多數都嗌細嘅牛肉飯加温泉蛋😍牛肉份量多，唔會太乾，洋蔥又稔又甜又入味，加埋啲牛肉汁撈飯超正！蛋就可加可唔加，但我本身鍾意食蛋所以都會加！間唔中仲會加杯無糖四季春！佢個茶底好香好好飲！應該好飲過大部分飲品店啲茶😳
continue reading