金裝燉奶佬餐廳 (大河道) (Closed)

今日諗住買個外賣返公司食，點知等左勁耐，超過30分鐘都有。就問個職員，佢就話：等等啦好快有。我見佢求其答我又無問廚房，所以我就話要退錢唔要，佢先肯走去問廚房，點知都要等多10幾分鐘先出到外賣。眼見堂食好快，坐低無耐10分鐘就出餐。其實唔想做外賣就出聲，唔好要客人等咁耐，叫得外賣就係無時間慢慢同你堂食先叫架嘛。仲有啲豬扒韌到咬唔開，上次叫牛已經韌到乜咁今次又係，以後唔會再幫襯呢間公司。我知而家度度都缺人，但無心機就唔好害人影衰間公司

今日黎試新野。燒汁豬排意粉食落可以，豬排好脆口好香，意粉有用蕃茄汁調過味，唔系過水就上黎果種。份量好似偏少，唔系好夠食。滷肉飯好似話唔夠入味，唔夠鹹。聞落幾香，份量又系好少，都系唔好夠食。覺得呢間店有d出蠱惑。明明冇寫加一服務費，張單又寫左新年服務費。如果系店門外明碼實價寫住都話好d.仲無啦啦黎左碟油菜，唔知系跟邊個餐，餐牌又冇寫喎。所以我地估果十蚊系加呢碟菜？？總括價格尚可，野食質量可以，但系份量偏少。一試無妨，再試投降。

男朋友都幾鍾意黎燉奶佬，因為夠多唔同類型野食選擇。咁一間茶餐廳多野揀，就一定會有d野好食，有d野唔好食。今日就穩穩陣陣叫咗兩個雞脾薯條下午茶餐，一個瑞士汁脾一個炸脾。如果唔怕熱氣，炸脾真係突出好多，估唔到都真係幾好食。雖然要等多十零分鐘，但係上枱熱辣辣，雖然睇落炸粉比較厚，但係食落香脆都ok，肉質keep到炸完都juicy唔乾。相比瑞士汁脾，落單之後就好多上枱，暖暖地唔夠熱，普通茶餐廳standard，不過不失，無期望無失望咁啦。

第一次光顧，餐牌無燉奶和其他甜品。二人叫了一個叉燒芙蓉蛋飯，芙蓉蛋好大份，不過叉燒不多，有蝦和芽菜，跟白飯幾硬，中湯味道似出前一叮湯底怪怪的。另叫一碟咸魚雞粒飯，幾大碟，但飯粒炒到幾硬吓。

好耐無去燉奶粉食，lunch 時間去食先，印象中好多野揀，但味度還好。。見佢餐牌依然好多野揀～.雞翼喇沙米線🐔同事落單時，叫了多喇沙。。試了一啖湯底，喇沙味好香👍🏻👍🏻而米線質地見佢話ok...不會太淋/太硬～好味度：⭐️⭐️⭐️⭐️.牛肉炒意粉🐮🍝好味度：⭐️⭐️⭐️哇。。個牛肉醃得太誇張喇，淋到似雞肉，完全無sai 牛肉的口感🥺🥺🥺而意粉炒得算香，但質地偏硬，所以整體麻麻地🥺 本來覺得值⭐️⭐️...不過見意粉炒得唔錯～.+$13 轉特飲，紅豆奶茶。。.凍檸茶+$3....特飲+$13~.

今日(3-7-2022 Fri),又同老公食個晏王買餸,由於我又唔太餓,我哋邊行邊諗,佢話燉奶佬啦,食多食少都得,好啦.我哋嚟到坐到出口嗰張四人枱,雖然係出口,但唔多人出入同冷氣開得勁,所以唔會好熱,睇完menu,老公要$68.00嘅香妃雞蟲草花雞湯飯,加$10.00要熱情懷喳咋.我要$38.00嘅生炸雞髀,飲熱檸水.1. 熱檸水呢個檸檬有啲澀.味道:2分2. 熱情懷喳咋冇諗到即上,呢個係足料嘅,除咗花生腍唔晒外,其他都冇乜問題,亦唔太甜,OK.味道:4分3. 香妃雞蟲草花雞湯飯同油菜香妃雞雞肉嫩滑,雞湯雞味好濃;個飯就唔多夠水,有啲乾;油菜係生菜,正常冇問題.味道:3.5分4. 生炸雞髀落單時話要等20分鐘,冇問題.嚟到,就正正只係一件炸雞髀,別無其他.而睇個樣同其他食昇嘅唔同,佢蘸咗炸漿嚟炸,食落,炸漿係脆但會唔會多餘咗?佢嘅雞肉仍保持嫩滑多汁.而味道多數來自嗰個炸漿,都唔太鹹.味道:4分抵食係2.7分上次食評係2019年10月2日刊登嘅呢篇: https://www.openrice.com/zh/hongkong/review/%E7%9B%8A%E5%92%97%E4%BD%

餐廳明顯一次過轉了全新餐牌，都幾進取，今日一行3個男人，試了幾樣野，口水雞蝦子麵，夠曬辣，不能嚐辣的不要叫。咸雞粒炒飯，正正常常但夠鑊氣。雞中翼蛋蓋飯，好味呀！我阿女一定鍾意食，下次帶佢來。

今日去左燉奶佬食快lunch。挑選了瑞士汁雞翼拼炸蝦飯跟配菜，熱奶茶。首先講講嘅係擺盤係OK（以呢個價錢嚟講），不過d飯完全係冇汁🙈。好彩問姐姐後來都俾多d汁我，如果唔係真係好dry🤣啲瑞士汁有啲稀，雞翼有d overcooked.不過d炸蝦🍤值得一讚，應該係即炸，夠脆同埋都幾好味😋不過上菜時間等得有d耐🙏🏻希望會有所改善。奶茶👍🏻👍🏻有keep住水準😽總評分：6.8/10

今日去荃灣大河道染焗頭髮由於得返幾個字時間，要速食晚餐所以喺返同一條街 事但搵一間餐廳食平時我避得就避燉奶佬因為周圍都有由食到大 食開都覺得麻麻不過趕時間 都食得過嘅曾經喺其他分店食過米線🍜 都係一般般係淡而無味嘅湯底 - 不過係n年前食架喇今日呢碗有啲驚喜由賣相開始 睇落去都吸引喎！湯底有幾款揀，我揀麻辣，當然冇我最愛個啲米線店咁正，但都叫做唔係淡味！而且係$50以內嘅價位，慳錢之選！不過米線唔係好夾香茅雞翼囉（夾泰式、越式多啲）我都係鍾意炸雞翼多啲

今日去到4點先有得食晏，行過見到燉奶佬就即刻入左去下午茶雖然都多選擇，但唔算特別吸引🤔太肚餓之際想叫啲暖胃啲既野，就叫左香茅豬扒米線（$38）配埋杯熱鴛鴦🍜食物質素就認真麻麻地，湯底完全冇味，而且米線太林😔豬扒就尚算合格，都夠軟林，但香茅味唔太重熱鴛鴦就算正常☕整體黎講唔推介🙅‍♀️/😋食物質素：3/10🍽️用餐環境：4/10💰性價比：4/10👣回頭率：3/10/📌金裝燉奶佬餐廳 (大河道)荃灣大河道99號99廣場地下1A-1E號舖

話說最近真係食得太多嘢，嚟緊七月又要做姊妹。咁就出咁荃灣做gym,做gym之前係附近食個快飯。咁就揀咗呢間餐廳。星期日十二點嘅午市時間人比較多。好彩都唔洗等位就可以坐低。叫咗午餐嘅喇沙雞扒米線配凍啡。等咗大約五分鐘就有嘢食。先講湯底，未食已經聞到喇沙嘅香味。再望下配料都幾多，有半隻蛋。同五至六塊嘅木耳，而且雞扒分量亦都唔算少添。以50蚊嘅價錢嚟講我覺得係ok嘅。惟一嘅係米線份量比較少。男士可能會唔夠飽。食完就去做gym喇。教練同我講原來喇沙係好肥好啦。做gym加多兩分力落去啦

一入去坐低，枱面有幾張餐單，一個女店員語氣好差地大聲講:依家得早餐咋。因為見到有全日餐，就問多一句:呢張餐單有無?女店員:頭先咪講左咯，話左得早餐架啦。問佢有無餐具，黑口黑面，應都無應。

今日放假,打算行荃啲激安之殿堂,所以中午時才出動,荃灣有好多食肆,所以中午時間,好多都唔使排隊燉奶佬係呢區荃灣有好多分店,今日去咗大河道呢間食午餐叫咗個穴子鰻魚肉燥大碗飯+柑桔蜜,賣相唔錯,但入口有保留穴子即雞蛋半隻,有少許滷水蛋味,有兩塊豆腐,入口較硬,鰻魚肉質較軟,全冇彈性,肉燥幾香,可送一碗飯至於杯飲品,柑桔蜜,全冇柑桔味,唔咸唔甜

噚日(1-10-2019 Tue)郭襄黑色紀念日假期,晏晝肚餓落荃灣食晏,諗住拉麵台風開咗,點知行到嚟都只係開咗半閘,仍未營業,睇睇隔離嘅寶田源(https://www.openrice.com/zh/hongkong/r-%E5%AF%B6%E7%94%B0%E6%BA%90%E7%B4%94%E7%B4%A0%E9%A4%90%E5%BB%B3-%E8%8D%83%E7%81%A3-%E8%A5%BF%E5%BC%8F-%E7%84%A1%E8%82%89%E9%A4%90%E5%96%AE-r434250),點知原來執咗,變咗牛極(https://www.openrice.com/zh/hongkong/r-%E7%89%9B%E6%A5%B5-%E8%8D%83%E7%81%A3-%E6%97%A5%E6%9C%AC%E8%8F%9C-%E7%83%A4%E8%82%89-r630897),假期只供應牛,於是我哋唔食.繼續行,行去食撳掣拉麵(https://www.openrice.com/zh/hongkong/r-%E5%9C%98%E6%97%A5%E5%BC%8F%E6

喺我仲讀緊中學嘅時候就成日食呢間餐廳 今日上午經過就黎食個早餐叫左個香煎農場雞扒餐 $37 感覺還好 沙律菜新鮮 雞扒亦煎得剛剛好 仍有少少肉汁 但真係有點細舊 至於個餐包 係烘過 但感覺烘得有啲過乾 外皮有點兒韌哦😐至於跟餐嘅咖啡 都幾香濃同口感順滑 但係我食完個餐3份2都未黎 喺我催一催之下先知比漏左我 搞到我乾爭爭食左咁多野先到總體黎講 佢食物質素（除左舊包）都保持到ok嘅 只係份量明顯少過之前好多同埋服務如果可以更醒目 一眼關七可以更好