岡山一番店 (樂富廣場)

Open Now

Now Closed

琴日我就十一點二十分企定定等十一點半開門😂 唔駛排長龍～ 以為自己會係第一個，點知我前面仲有一個大隻佬同另外兩姊妹👯‍♀️ ..我輸咗啦排唔到第一… 不過唔緊要，店面唔係得一、兩個位，一樣有得食😂 望住menu, 真係只有拉麵（手工製太麵）五款口味～我揀咗小盛半熟玉子拉麵，芽菜雙倍，其他一律普通無加配料～ 走到cashier, 原來有小食！！關東煮🍢 新鮮自取再計錢～ 仲有汽水、果汁同啤酒揀完付款後自取～ 唔飲甜嘢/酒精嘢，都有個大水吧可自助斟水任飲🚰小盛150g, 對我嚟講份量剛剛好～ 第一啖充滿醬油同蒜香，超香濃惹味❤️ 鐘意蒜嘅朋友記得要加量😋 因為第一次食，只夠膽叫芽菜雙倍，但原來份量比想像中少～ 下次應該叫三/四倍，夾住麵一齊食真係超正，好享受爽脆同軟腍麵嘅混合質感（注意：有啲人唔鐘意不同質感嘅食物混埋一齊入口，所以呢個係我非常個人嘅偏好）麵嘅質感亦可以選擇軟硬，我係鐘意全熟軟麵！ 鐘意彈牙厚實口感可以揀硬！醬油湯底原汁原味😋 真係一番一級棒👍🏻

呢間嘢之前已經食過 作為樂富嘅居民 好開心呢度有間又抵食又大碗嘅拉麵🥹呢度係sell二郎系拉麵 以我理解應該係好大碗又好濃郁咁解 之前同過啲好大食嘅男士嚟 佢哋嗌最大個碗 飽到食唔落🤣上次我就食沾麵 今次我試呢個溫泉蛋叉燒芝士拌麵芽菜可以揀四種唔同份量 麵嘅gram數都係其實我已經嗌咗最細份量 但加埋啲芽菜都會飽 佢嘅麵條係粗身嗰隻 我試過普通同埋最硬度 作為一個好鍾意食煙韌嘢嘅人 我會話普通已經夠 最硬嗰隻會有啲生硬個湯底/汁底都可以揀濃郁嘅程度 我呢一款係仲有少少麻辣 撈勻晒所有嘢之後係幾惹味叉燒望落以為係乾爭爭 點知食落都幾易咬 而且又配搭左脂肪 識落口嗰浸油脂香湧出來另外個麵仲配搭咗蒜片😋唯獨有個唔好嘅地方 就係個溫泉蛋熟咗🤣半熟玉子拉麵另一半叫咗大盛 芽菜三倍 個湯底係濃郁除咗拉麵，佢仲有唔同嘅關東煮可以揀我哋試咗豆腐 佢係外面焦焦的 暖暖地 正常同埋叫咗個飯團 個飯團啲飯係好黏埋一齊同好密集 外面就加咗飯素 都係正常～總結來講 呢度大碗夾抵食 如果我仲住喺呢頭一定會成日嚟食喎🥹 晏晝同夜晚嚟食都見到有人排隊🥹 今次晚餐食完出嚟都仲有人等緊😆

好鍾意呢間拉麵店。裝修好似去咗日本咁，餐廳播住啲日本流行曲，氣氛好relax自己落單，可揀醬油濃度、口味湯底、芽菜/蒜份量、拉麵軟硬度等。我地叫咗：❤️豚骨醬油沾麵佢以濃郁嘅豚骨湯底同香濃嘅醬油調味，配上彈牙嘅拉麵麵條，配上4塊好大嘅肥瘦豚肉，絕對係一道讓人回味無窮嘅美食。豚骨湯底係由豬骨長時間熬煮而成，湯底濃郁鮮甜，帶有濃厚嘅豬骨香氣。每一口湯底都能夠滲透入拉麵麵條，帶嚟一種濃郁嘅味道。湯底配上醬油增添咗一份豐富嘅鹹香味道，令整碗麵更加美味。仲可加蔥頭。拉麵麵條嘅彈牙口感令人愛不釋手。佢嘅口感細緻滑順，同湯底完美結合，吃落即刻能夠感受到每一根麵條嘅彈性同口感。❤️半熟玉子拉麵湯底都係豚骨，配有4塊好大塊嘅叉燒、4片半熟玉子、生芽菜。半熟玉子嘅蛋黃滑溜，蛋白柔軟，味道濃郁。將半熟玉子拌入湯底同麵條中，增添咗一份濃厚嘅蛋香，令味道更加豐富。湯底嘅濃郁豬骨味道、彈牙嘅拉麵麵條，每一口都帶嚟一種滿足同享受。如果你鍾意日本拉麵，呢款醬油麵絕對係一個值得一試嘅選擇。

同朋友黎試位於樂富好出名岡山拉麵，點解出名？因為佢有得揀四倍量嘅芽菜份量，出左名係小山丘咁上枱。作為大胃王嘅朋友一早講好左要試最大碗嘅特盛，再要咩都多挑戰下喎😆放左工嗱嗱林黎到樂富，一到飯市就排長龍㗎啦。寫完紙仔再到收銀處付款，攞到牌仔就可以係位等送餐，自己個碗好正常㗎，朋友個碗就極重口味😆芫茜辛辣拉麵（中盛）兩倍量嘅芫茜同芽菜，辣度就係小辣，望落唔誇張吖😊湯底微辣幾啱口味，麵條粗身有咬口，有啲上海麵嘅感覺但更彈牙，沾滿湯汁好正，叉燒同玉子都係正常拉麵店嘅水準，真係幾好食噃🤤半熟玉子拉麵（特盛）朋友碗特盛連碗都超級大，四倍量嘅芽菜果然成小山丘，勁誇張呀🤭濃湯加上重油，再要大量蒜，朋友話個湯味真係好濃郁，正喎😌但食完個口有一大陣蒜味囉。價錢同一般拉麵店相約，但份量就大好多，最重要係湯底同麵條都出色，值得排隊食喎。拉麵只有五款選擇，小食亦只有關東煮同飯糰，貴精不貴多，專心做好拉麵👍

樂富廣場新駐場嘅日式自家製拉麵店 🍜店舖所賣嘅拉麵款式只有5款 😯但每款份量就分為4個等級（由150-450克）🤩🤩 如果自問大食嘅 可以叫特盛 足足450克 勁大個碗端上 🍜🍜🍜 細食嘅叫小盛150克 都夠食既🙈 連芫茜🌿 芽菜份量都可以自選揀1-4倍😍 真係夠晒 tailor-made 🥰 🌿芫茜辛辣拉麵 $95 👉🏻 4倍芫茜 ｜小辣｜中盛 ｜追加叉燒x2 賣相十分驚人🤩 好多芫荽鋪在拉麵上面湯底味道濃郁🤤 少少辣辣哋 加上4倍芫茜好惹味 令人胃口大增🤰🏻拉麵麵質彈牙煙韌 能索晒湯汁😋😋🐷豚骨醬油沾麵 $87 👉🏻 2倍芽菜｜大盛沾麵係分開咗配料拉麵 另外有一碗湯汁拉麵碗清楚分類有齊芽菜 蒜蓉 叉燒 豚肉 拉麵沾麵嘅拉麵質地較硬身 唔係太索到啲湯汁🙈 豚肉較軟腍 勁入味🤩😋 加分💯🍽️🍴總結 🍽️🍴餐廳開業無耐🙈 但門口已經keep住有人排隊 👫👭👬🍜拉麵款式唔多 但勝在可以自由選擇份量❤️‍🔥價錢方面 由$59起 都好抵食🤤🤤 仲可以係收銀處旁邊加購飲品 同關東煮 真係好有日本拉麵feel ☺️☺️下次可以再黎食埋其他款式先😙😙👼🏼期待餐廳再推出其他款式 keep住人氣💃🏻

再訪抵食拉麵店！晚市時段滿座，非常受歡迎🥳 餐廳環境乾淨企理，店員服務態度很好🥰 食物方面有沾麵、拉麵、小食及飲品，質素很不錯，價格偏低，人均消費低於$100已經好飽！性價比好高🥰 💟食評💟🍜芫茜辛辣拉麵 (中盛)🍜半熟玉子拉麵 (中盛)湯頭濃郁，鹹香惹味🤤 拉麵粗身，麵質軟硬適中 口感煙韌，好掛湯😋 叉燒肉質相當軟腍有咬口👍🏻 鋪滿大量爽脆芽菜芫茜辛辣拉麵香濃辣味適中，麵條煮得剛好，加上芫茜的清新味道，非常推薦🍚叉燒飯叉燒肉煮得非常入味，口感軟腍多汁，每一啖都有豐富肉汁，配飯食很不錯，叉燒肉香嫩多汁，搭配著軟糯的米飯，簡單而美味😋👍🏻🍙飯糰好軟糯，沾滿飯素，簡單又美味😋

最近友人話我知樂富有間拉麵店非常有人氣🫢 每次經過都大排長龍 呢晚就嚟咗試吓啦 果然門口排咗十零人 喺排隊嘅時候 友人話我知呢間餐廳係嚟自日本岡山縣 係主打二郎系拉麵 睇嚟佢對拉麵真係好大興趣🍜 聽到我一頭霧水 佢話我食過就知同其他拉麵有咩唔同喎 終於排到入去 我地要先去收銀處俾錢 然後再入座店員安排嘅座位半熟玉子拉麵一上檯真係嘩然 原來大盛嘅拉麵份量有咁多😮 再加上我好鍾意食芽菜 叫咗4倍芽菜☺️ 成碗麵好似堆起咗一座山咁 原來呢個係二郎系拉麵嘅其中一樣特色 而另一樣特色就係拉麵係粗麵 粗麵更加有嚼勁👍🏻 芽菜口感偏爽 拉麵配上豚骨湯底同兩片一肥一瘦嘅叉燒 鹹香得嚟又有芽菜嘅鮮甜味溫泉蛋叉燒芝士拌麵呢個嘅芽菜份量就係一倍 但係都有一座小山㗎啦😝 大家記得要根據返自己嘅食量去點餐啊 呢個拌麵幾惹味 因為底下有個黑椒辣汁 但係又唔會辣到好辛苦 撈勻啲芝士之後 芝士溶溶地咁喺粗麵上面 味道非常融合🧀叉燒飯朋友仲同我推介呢個叉燒飯 汁煮過嘅叉燒好日式風味🐷 係叉燒角嚟嘅 本身以為佢冇乜汁 會比較乾身 但係原來啲叉燒汁喺底🍚 叉燒飯嘅米係日本米 食落口都比較有咬口 面頭有一隻烚蛋🥚 再加芫荽 食

最低消費$59 per person******************************🥢豚骨醬油沾麵 特盛 $103🥢半熟入味玉子 +$9每款都有4個麵量可供選擇按麵量收費芽菜份量，醬油&油濃淡，蒜份量都可以揀我哋揀咗濃厚醬油，普通油，多蒜蓉，4倍芽菜麵底偏硬 我麻麻地硬麵所以覺得唔係好好食沾麵汁偏淡 當湯麵汁食就會好食啲🫠特別要提嘅係4倍芽菜嘅份量誇張到不得了真係成座山咁高多到一開始完全睇唔到啲麵😂兩個人share都食唔哂我哋唔想浪費所以買咗個外賣盒拎走啲芽菜結果食剩嘅芽菜都可以裝到滿滿一盒🤣***🥢迷你叉燒飯跟餐+$12叉燒食落似豬軟骨多啲🤔不過味道係唔錯嘅

兩個字：好咸，湯同肉都好咸，揀咗淡味都係冇變，同第一次食一樣。份量係足，湯算濃，但煮又耐，1:30pm入，已經唔多人，要等25分鐘，諗唔明煮個麵要攪咁耐，應該冇下次。

同媽媽落去樂富中心地下，沿大馬路入地點非常便利，食客很多仲有半開放式自助關東煮 🍢店內光猛整潔店員服務不錯，親切有笑容🍜客製化拉面🍜下單需填寫order form 有圖片 清晰易明可選擇 湯底濃度🥣/油濃郁度/芽菜份量🍜/蒜蓉份量 等按自己喜好㨂選口味 😋✅豚骨醬油沾麵 🍜加叉燒雙倍芽菜少蒜叉燒厚切大件麵條挺身有嚼勁沾上濃濃的醬汁讓味道更提升🤤✅叉燒芝士拌麵（特大）比攤開的手掌還要大 😱2位女士都食佢唔唔曬呀😍醬汁帶少少辣🌶️好惹味芝士溶了更香口🧀

Miso, shoyu, shio, tonkotsu and tsukemen — I love them all$100以內有得食厚叉燒沾麵、免費芽菜增量至4倍任食、小食關東煮飯糰唔駛$10/個，加罐$6飲品，邊會唔飽、抵呀Tonkotsu Shoyu Tsukemen豚骨醬油沾麵 (小盛)150g> 叉燒唔會太薄脂肪和豬肉雙間口感唔嚡味道okay，麵質唔過淋，醬油質地較稀。點咗2倍芽菜，自己知食唔晒4倍份量無謂浪費，話你知芽菜可以叫普通至4倍量都係免費Mochi Kinchaku(關東煮) 年糕福袋> 餐廳有個自助關東煮吧讓客人自己夾心頭好。腐皮福袋外觀可以、中間嘅年糕煙煙韌韌幾好𡁻Onigiri飯糰> 有啲芝麻圍邊、略覺得飯嘅質感較黏糊。有保鮮膜包住放關東煮吧旁、要食自己拎Honey Pear Tea蜂蜜雪梨茶

聽講近排多咗一間拉麵喺樂富商場我同朋友勁鍾意食拉麵，忍唔住都要過嚟親身試吓😛約好咗朋友lunch time嚟，好彩我早咗少少嚟到唔係要排隊等位啦😝😝😝半熟玉子拉麵我同朋友一齊叫咗一碗特盛玉子拉麵，再追加6件叉燒😂 459g拉麵真係好大碗😲，職員送餐上台嘅時候我同朋友都已經驚訝🙀真係好大碗😳😳😳我哋再加上有6件叉燒，兩隻半熟蛋🫣🫣兩倍芽菜，再加兩倍蒜蓉🤣🤣湯底非常濃郁，而且唔油膩，拉麵比較粗，咬落去好有口感好煙韌，再配上佢嘅秘製蒜蓉好夾個湯勁重蒜蓉味😋叉燒飯細細碗都可以一個人食晒，叉燒碎肉上加一隻全熟雞蛋🥚淋上叉燒汁同埋8分一齊食，味道都好味😋食拉麵一定要加杯飲品，拉麵店有雀巢檸檬茶、OOHA 0糖同啤酒🍻一啖拉麵、一啖汽水🥤好chill😛

前2日同呀媽係樂富食飯，見呢間拉麵舖食飯時間排曬隊，所以都想試下。有5款拉麵揀。落完單去counter俾咗錢先。莞茜辛辣拉麵(小盛) $79我覺得正常食量食小盛有150g麵已經好夠。加上可免費揀芽菜同莞茜既份量，我2個都揀左3倍份量！淨係食芽菜都食飽我😂湯唔算油，我揀左重蒜😝辣度方面揀左2辛辣，不過只係覺得少少辣。有2大塊厚切叉燒，食落幾腍身。個太麵係粗身既，幾彈牙掛汁😋追加半熟入味玉子 $9有啲熟過頭，不過真係好入味。關東煮 年糕福袋 $9/個年糕略嫌唔夠實同煙韌。

香港的二郎系拉麵店並唔多，二郎系拉麵賣點係大，粗，多。大：份量大的意思粗：因為拉麵選用的就係粗身的太麵多：拉麵上面舖上滿滿的芽菜，呢間店仲可以加到4倍份量都係免費架！形成巨大的芽菜山，非常吸睛！由拉麵種類、芽菜份量、醬油濃度、蒜蓉份量等等都可以按自己需要選配，價錢最平$59已有一碗，絕對抵食。除了拉麵，呢度亦有關東煮供應，自己夾，好方便。價錢都只係$9至$12左右。一碗有齊大根、豆腐、魚蛋、年糕福袋同燒獅子狗卷，滿足又飽肚，鰹魚湯都算入味。半熟玉子拉麵（$63）雖然只係小盛，但加上其他配料都夠飽，醬油濃淡就視乎個人喜好，呢碗就係普通濃淡口味的。愛蒜者可以加到多份量呢。豚骨醬油沾麵（$77）相比之下，中盛的size大好多，仲有追加埋叉燒，多蒜同多蔬菜，非常飽足！

上網關注組大推！終於有機會黎試下呢間過江龍！芫茜辛辣拉麵 + 紫菜 + 叉燒對於芫茜控黎講，一下就俾佢個名吸住左，又加上鐘意食辣既我真係唔洗揀直接叫得。佢呢到出名有4倍芽菜加但怕眼闊肚窄所以叫2倍就算，我覺得大家可以挑戰4倍！除此之外仲有醬油既濃淡、油濃郁 同 蒜既份量揀！重口味之選！超級濃厚！然後我想大推佢既叉燒！本身跟麵既叉燒就係圓圓地，而我追加個2塊係 超 級 大 塊！ 超 級 厚 切！所以加12蚊黎講我覺得係值回票價！我都加埋紫菜既，吸埋拉麵既辣湯同麵一啖咬落去真係好爽！覺得自己加得好岩🤣🤣題外話。。。因為佢有4個size揀。見到隔離枱叫左個特盛既沾麵。黎到既時間嚇左嚇。大到好誇張！大胃王可以黎挑機！再加個4倍芽菜trytry🤣🤣然後我走既時候先發現到佢仲有關東煮可以追加。但我已經飽左🤣🤣留返下次再試下佢既關東煮！野飲都有既！唔算貴！良心價！