泰金國

Open Now

Now Closed

去九龍城按完摩，好肚餓見好多人排隊食這間泰國餐館便入去試試， 心想咁多人食應該 OK冇中伏， 殊不知餐上桌，吃第一口便知中伏， 先唔講配菜金邊粉嘅味道超油， 味道唔夠酸偏鹹， 配菜除了雞肉、蛋、 芽菜 和少許豆幹，便什麼都沒有，還好金邊粉不是太淋，我苦撑下吃了1/3便放棄了。真不知道為什麼咁多好評？真係難吃到不知所謂。

又一間隕落的食店！這是一間我很喜歡的食店，但是很多人排隊，所以平日得閒，就回來搏一搏唔使等位隔了幾個月沒有來，今次來吃，非常失望！最失望的是，燒牛肉的質素大不如前！平時這個燒牛肉很好，即使冇位，我都會外賣返屋企食……可惜今次…..其實這個燒牛肉不是不好吃，仍然有中上水平，但是完全沒有了炭燒的香氣。他們的炭燒廚房，放在外邊，但已經加上了玻璃紙，不讓你看見裏面，我相信他們只是燒一燒牛肉的外表，並不是由生燒熟 。少了一間好的食店， 十分可惜 。

都有幾年冇過嚟九龍城食呢間泰金國，之前佢喺舊舖嘅時候座位比較少，所以每次嚟食都最少排一個鐘以上😢 近年換咗新鋪，坐位闊落咗又乾淨咗排隊大概可能15分鐘就入到去食飯啦👍🏻今次同兩個朋友，三個人一共嗌咗六道菜，包括必食嘅燒牛肉，燒烏頭，細嘅小食拼盤，馬拉盞炒通菜，青咖喱雞，同埋蒜蓉包，之後每人都嗌咗一杯椰汁沙冰👍🏻先按評語整體嚟講，佢嘅味道都算係九龍城泰菜一流嘅水平，冇話轉咗新舖之後菜式味道嘅水準keep唔到同以前一樣，不過要批評嘅就係佢份燒牛肉份量就比以前細咗大概一半左右😅 但總體嚟講都係值得推薦嘅👍🏻 泰金國之前都試過喺唔同區分開分店，但最終都鎩羽而歸😅 而家市道艱難，希望佢哋保持水準，做好九龍城本店啦👍🏻

星期五7:30pm左邊到，要排個半鐘先入到，食得都宵夜了，不過都好值得🍴燒牛肉 $88 (9.5/10)份量勁多，五成熟口感嫩滑，有牛味，配上香就辣嘅泰式辣汁，非常惹味。🍴泰式燒雞翼（2隻） $38 (7/10)燒得香口唔乾身，幾好食。🍴 泰式冬蔭功（細） $118 (7/10)叫咗少辣，飲落酸酸辣辣，幾開胃，唔會太刺激，入面有幾隻蝦同秀珍菇，蝦肉爽口，正宗泰味🫶🏻🍴飛天通菜 $78 (8/10)炒得香口，有豆瓣醬嘅香但唔辣，通菜爽口，好食！🍴 青咖喱炒飯（豬肉） $85 (5/10)同想像中唔同，炒得較濕，食落勁辣，辣到食唔到，咖哩味唔濃，唔推薦，得個大份😂😂😂🍹泰式椰汁沙冰 $35 (8.5/10)椰汁沙冰香椰味，少甜都好夠味好好飲！推薦指數: 8.5/10炒飯真係唔得，其他都好食，唔貴又大份。

六點半差唔多排到八點先入到，大誇張😂 （所以其實應該唔使點介紹，大家都識路）三個人挑戰究竟可以食幾多嘢：泰式生蝦爽口彈牙，仲有脆卜卜既炸蝦頭好食～一個價錢，兩種享受咖哩蜆 呢個反而無乜特別，正常普通 （可能要夾蒜茸包先可以發揮到佢嘅美味）豬頸肉沙律 肉質唔老，份量多，啖啖肉食得夠爽🐮 燒牛肉（五成熟）- 依然係必食！粉嫩嘅肉肉令人欲罷不能！肉碎生菜包冬蔭功（細）炸鰂魚 - 呢個繼續係大癲之作！鰂魚已經起埋肉炸香香，同青木瓜沙律一齊食濃郁酸爽惹味醉貓炒金邊粉 - 神奇地平時應該好辣嘅醉貓炒反而唔多辣？唔係唔好食，但又唔係我心目中諗嘅嗰樣嘢，懸疑辣椒葉炸皮蛋 - 因為怕太飽嘅關係 （?!）大家今次唔要皮蛋蝦餅要咗呢味新菜式，估唔到有驚喜！香辣中帶有皮蛋獨特嘅香味同粘粘又帶脆嘅口感，complex 又有趣份量大價錢平質素高！開心又滿足！大家都汲取上次嘅經驗，唔做大嘥鬼，自攜飯盒打包~

五點幾嘅一個人嚟食，當時冇乜人，但我都選擇坐咗係一個雙人座（兩人對面坐嗰種），跟住我同佢講話要嗌芒果糯米飯，見我自己一個仲要嗌個甜品，就問我好唔好外賣😅我已經覺得好奇怪，但係我企硬話要堂食，跟住佢又要我坐過第二張五人枱嘅，我覺得非常之奇怪…過多一陣佢又要我轉返做坐二人枱😅😅😅😅即係我堂食，佢要我轉外賣，期間仲要我轉咗兩次檯….會話我食個芒果糯米飯都係15mins嘅事，使唔使叫我轉三次檯呀…😅😅😅另外，堂食芒果糯米飯，但佢用外賣盒裝…啲芒果仲要係酸嘅😅😅😅嬲到傻

朋友話呢期去九龍城一定要試泰金國，聽聞呢間人氣爆燈，無時無刻都排緊隊🚶🚶🚶🚶 於是派出屋企人提早去攞位，5點幾已經堅有人龍，好彩一行9人準時6點到齊就剛剛有位🤩 🐮必點燒牛肉，我哋叫咗一份七成一份五成熟，兩碟肉味都好香好濃，醬汁鹹酸酸鹹鹹，點嚟食更開胃，推薦💯🐷豬頸肉厚實爽脆，點埋泰式辣汁勁惹味，令肉汁層次更豐富👍🐽兩款炒肉碎都好味，一辣一唔辣，辣嗰款真係幾辣，食唔到辣既朋友要注意啦🦐冬陰功夠晒足料，配料例如有蕃茄、斑蘭葉、鮮蝦等。泰式香料味好足夠，蕃茄味好出，反而唔算好辣，蝦夠大隻可惜唔夠新鮮🍜濕炒河粉好食過炒金邊粉🍝咖哩雞，咖哩炒青口同拼盤就比較普通最後每人食咗 HKD $150，雖然要排隊，但係真心平靚正抵食👍 不愧係長龍店。Thai food in HK cannot be skipped, in particular for Vancouverite as it's challenging to find a good and authentic Thai restaurant in Vancouver. My friend told me that we must try

九龍城人氣店，成日見到門外排隊人龍不斷，今次準時等佢12點開舖就黎！假日沒有lunch set，只有單點，所以價格稍高。燒牛肉$118重頭戲燒牛肉必點，可自選5成熟或7成熟！今次叫左7成，上枱時見到肉肉粉嫩及好香炭燒味，食落好有牛味及炭燒味好重，配既汁有小小辣及酸，整體好夾。我會為左燒牛肉再黎一次。醉貓海鮮炒河粉$88配料有蝦及魷魚居多，好有鑊氣；但略嫌有小小油；但整體用泰式香料炒得好香，份量十足。泰式拼盤$118比我想像中出乎意料之外，蝦餅魚餅是真材實料，炸蝦卷的口感是鬆軟，不是只用炸粉及死硬的口感！泰式椰汁沙冰$35夏天飲品透心涼，出面少有飲品，所以就叫了品嘗！好濃的椰汁及奶味，且用沙冰堆了小山丘，好抵飲！

🌟泰式咖喱炒雞🐔好大碟，椰香味咖喱，配蒜蓉包好正🌟蒜蓉包🍞蒜蓉牛油香，皮脆內軟，配埋咖喱好邪惡🤤🌟泰式蝦餅 🦐足料又大件，蝦餡飽滿 juicy ，十分彈牙🌟燒牛肉 🐮必點❗️❗️❗️份量多，七成岩岩好，五成太多血水肉嫩多汁，肥瘦適中，秘製酸辣汁好開胃🌟芒果沙冰🥭特色飲品，即叫即整，新鮮芒果打成，濃郁芒果味📍泰金國 (九龍城)九龍城侯王道9號地下A號舖

今日去醫院落訂，同媽咪去食好野。咁岩lunch time有lunch set，又幾抵喎。份量都大，味道好。牛肉船河 - 真係好令人懷念既正宗泰式船河，牛肉又大又嫩。出唔到國既我可以係呢到當去左泰國泰式炒金邊粉 - 好食既，不過普通左啲。

雖然九龍城多年來有衆多泰国餐廳，仍是想不到“泰金国”提供了跟曼谷相似的味道.開店中午 12時，20分鐘前到 店外已排了一條龍. 點了 馬拉𦾟通菜. 通菜新鲜用汁非常惹味;蝦膏炒飯略嫌飯粒唔夠乾但蝦膏很香;肉碎粉絲湯用充足配菜 👍🏻最讃是燒豬颈肉 燒得邊皮带炭黑香香的 肉質甜美. 自製的辣汁一流.必再来 要試在旁槕上看見的蝦餅大大塊炸得金黄.

呢間餐廳久仰大名，無論係午餐定係晚餐時間，經過時都會見到大排長龍。今次專登喺午餐再早少少嘅時間，排左大概20分鐘到就有得入座。❇️菠蘿海鮮炒飯炒飯香，米粒粒分明，另外份量都好多🫶🏻❇️燒牛肉食到呢碟燒牛肉，真係驚為天人，雖然睇落有啲生生哋，但食落完全冇生嘅口感，牛肉有咬口，配上個醬汁好開胃，喺呢度試過呢碟燒牛肉就返唔到轉頭🥵❇️蝦醬炒飯個人更加鍾意呢個炒飯，蝦醬嘅味道鹹鹹地，令炒飯更加鹹香，香氣十足！

講起九龍城泰國菜，一定會諗起泰金國，人氣爆棚到好似無時無刻都排緊隊😂我同朋友六點半左右到，等咗十分鐘就有位🤩❣️泰式生蝦生蝦好新鮮好厚肉，肉質結實。配埋蒜片同泰式辣汁一齊食，非常開胃。蝦頭做裝飾賣相好靚。❣️燒豬頸肉豬頸肉厚實爽脆，口感好好。點埋泰式辣汁非常惹味。辣汁都幾辣，食唔到辣既朋友要注意啦。❣️燒牛肉每一檯都會點既馳名神級燒牛肉，我地叫咗五成熟🤩肉味好香好濃，帶少少肥既部分更加好食！醬汁鹹酸口，點嚟食更開胃。非常推薦，願意為佢再排隊🥹❣️泰式咖哩炒蟹見網上冇乜人推薦，冇抱好大期望，但真係有驚喜‼️咖哩有椰香味，裡面有好多舊蟹，大大件仲要爆多膏！蟹膏撈埋咖哩一齊食，勁滿足🥰推薦叫埋蒜蓉包點咖哩食，重口味邪惡之選🥳❣️皮蛋炸蝦餅❣️泰式肉碎生菜包呢兩樣相對普通，正正常常。❣️椰汁沙冰大大杯，椰香味十足。記得快啲飲，融得好快會滴到成檯都係😂

某幾位泰國服務員態度惡劣，特別係收銀嗰位，可能係老闆娘，講嘢非常冇禮貌又串，叫咗嘢食好遲黎，但準時一個鐘就趕人走，擺張單喺枱度叫你埋單，碟餸啱啱食到一半，都未食晒就話再黎趕人走，完全唔明白點解好多人肯排隊等，嘢食就一般冇話特別好食，同區九龍城有更多更好選擇，又唔係特別平，重點係態度趕客，如果係一大班人就千祈千祈唔好嚟，位又有排等，未食飽就俾人趕，好失望，本身一直覺得泰國人好友善，去完呢間餐廳真係嚇親，做生意唔使咁嘅，你不如等我慢慢坐低食叫多幾樣餸，咁嘅服務態度真係唔值得鼓勵。

今日突然好想食泰國菜 黎左九龍城好多人排隊既泰金國🤩🤩🍻 叫左3樣野食👉🏻燒雞翼 4串 ($76) 💓💓💓💓💓佢個雞翼完全唔乾柴 好多肉汁 咬落去有蜜糖既甜味 同埋肉汁爆發 勁正！ 好彩每人都有2隻唔洗爭食👍🏻必叫👉🏻香葉肉碎飯 ($88) 💓💓💓💓💓個肉碎勁入味 又惹味 但係唔食得辣嘅話千祈要叫小辣 唔係就肯定食唔到😂😂因為泰國啲辣真係好辣。。辣住都忍唔住食停唔到口 好夠鑊氣啲肉碎👍🏻👉🏻燒牛肉 ($108) 💓💓💓💓💓呢個燒牛肉我眼見每枱都必嗌😋😂😂 一試就知原來咁好味 佢啲牛肉燒到半生熟點埋佢嘅秘製醬汁 簡直一流 同埋啲牛肉又唔會太過韌 佢有七成熟同五成熟可以俾你選擇 我呢個就係七成熟 同埋啲牛肉諗住少少肥膏食落去真係入口即溶🤩🤩唔怪得每枱都嗌👉🏻芒果沙冰 ($38)💓💓💓💓💓呢個沙冰唔係間間泰國餐廳都整得好飲 呢間泰國沙冰超級濃嘅芒果味 唔講以為啖食緊芒果😋😋真係抵飲 38蚊大杯到比到成杯小山丘😂😂 真材實料👍🏻👍🏻雖然呢間餐廳要排隊 但係真心平靚正抵食👍🏻👍🏻唔怪得每晚都咁多人過去排隊食五個心心為最高分泰金國 (九龍城)地址 : 九龍城侯王道9號地下A號舖