大熱高湯麵 (Closed)

各位，不想受氣不要光顧。非繁忙時間，座位多的是，職員態度卻緊張嚴肅，大小朋友剛坐下，不是先給水，而是訓示小孩多句，難道大人不會管教嗎?食慾已大減。食至中段，一切平静，一大姐走來非收拾枱面，面無笑䆟，為了小事，背住罵客人!食品非常普通，湯麵及餸菜份量少。座落北角住宅區，周圍食肆林立，選擇多的是，竟如此待客!

幾經辛苦，終於約齊姐妹飯眾，聽講呢間口碑幾好，於是嚟試下我地七點去到，唔算多人，餐廳仲係得幾個人，一打開menu，不得了，二人餐$198有兩碗面，一個涼菜，五款點心，一碟菜，加兩杯飲品，心諗金翅大煲了，邊有可能咁抵？我地三個女仔食得唔算多，order住個二人餐先人漸漸多起嚟，我地嘅嘢食都到咗，點心用細細嘅碗裝住，非常精緻。兩個面嘅湯底分別係雞湯同魚湯，不算濃，但味道唔錯，食完唔會有口渴嘅感覺。點心全部都好好食，首推墨魚餅、炸蝦球、豬頸肉，雖然份量唔多，但味道方面真心出色。尤其是炸蝦球，一咬開竟然會爆汁，酸酸甜甜十分好味全院滿座係有原因的，十個讚，下次一定再嚟過

店內只賣三款高湯麵，再配各類點心而吃，估唔到又幾好味！是晚二人食，各點了一碗麵加三款點心。白湯：鮮魚熬製，岩鹽調味，好味既，但冇想像中咁濃。黑湯：牛骨與羅漢果熬製，開頭食覺得好正，但越食越甜，最後覺得飲緊羅漢果水咁。😂滿意點心：竹笙金腿百花卷(有上湯浸住，濕濕地幾好味)黃金墨魚夾 (黃金是蛋黃汁，夾在墨魚肉內，鮮味)酸梅炸蝦丸(熱辣辣炸好，好香口惹味，裡面包著酸梅汁，小心爆汁和燙親)香菇蠟腸雲吞(新口味又幾夾)失望點心：柱侯牛腩蘿蔔蠔皇炆冬菇

早排search炮台山一帶有什麼好食，呢間高湯麵係我個list其中一間，睇番啲食評有好有不好，各人要求不同而已，抱住試下的心態也無防……來之前也有搜尋過這裡有什麼招牌食物，麵有三種湯底~大高湯（雞湯）、白高湯（魚湯）及黑高湯（牛骨湯），所謂點心，其實是作為配搭麵來吃的小餸，這裡用印有"大熱"字樣的似蒸籠樣子的瓷碗仔盛載，的的骰骰幾得意，有十八款小點任你選擇……我們七點前已到，人客不多，我點了白高湯陽春麵及兩款點心~蓮藕鹹魚肉餅、韮菜竹笙豬肉餃，朋友點了辣的大高湯陽春麵及兩款點心~脆炸鯪魚角及柱侯牛腩蘿蔔……我覺得白高湯麵夠熱，味道濃，有魚湯香味，蓮藕鹹魚肉餅味道香口，個豬肉餃幾好食，韮菜味香，幾juicy，炸鯪魚角都好香脆，好好食，蘿蔔牛腩夠腍又入味，一籠仔幾件，細細件來送麵食啱啱好，這裡還有九大簋2人餐，即是有兩個麵加九款點心，我覺得好似太多了，如果吾大食，兩至三款點心配麵就啱啱好……這裡有加一，環境都整齊企理，服務都OK，沒有似有D食評那麼差，80多元食一碗濃湯麵加小點心，不算太貴，但也不便宜，吃過後看看自己覺得值不值吧。

經同事介紹，認識這間湯麵店。已經吃過幾次了，每次都特登行15-20分鐘由公司來到這裡午餐，因為實在太好味了！睇這個湯底就知這店誠意十足。白高湯配米線，湯有濃濃的魚香味道，有數塊螺片及幾粒杞子，豐富了湯的味道。每次來吃完麵必定會把湯喝光！叫了幾款點心：雲耳、雞脾菇、蜜汁豬頸肉、雲吞及芥末炸墨魚球。雲耳爽脆，十分開胃；雞脾菇健康又軟滑；蜜汁豬頸肉是我的最愛之一，酸酸甜甜的蜜汁再加爽滑豬頸肉真是絕配！另外我亦推介芥末炸墨魚球，但要小心咬下去時被芥末汁液濺到嘴邊呀。

同朋友食飯有人提議想食粉麵 所以就揀咗砲台山呢間大熱高湯麵 未入門口已經要排隊 職員仲話魚湯已經賣曬原來呢度呢到既高湯分三款 分別係 牛湯 魚湯 同雞湯 店主話呢度嘅湯用咗六至八個小時去煲同全無味精 見到餐牌話黑高湯有羅漢果 我就即刻揀咗呢個與別不同嘅牛湯(黑高湯)嚟試試 估唔到一入口就發現同我哋平時飲嘅湯底真係有好大分別 粉面可以選配兩款或三款餸 每款食物都係用佢哋自家嘅碗仔裝住 另外由其是要推介醬爆芥末墨魚丸同埋墨魚夾 完全唔油膩 而且非常香口 記得留意芥末墨魚丸要好小心禁食 因為要因住佢會爆啲汁出嚟 由於係非常新鮮既緣故 所以一咬落去就會有爆漿既效果 離開之後仲係令人好掛住佢嘅湯呀 下次一定會再食

其實呢間「大熱高湯麵」已經開左好耐，但因為門面唔太吸引同欠奉裝修，所以一直都未有嘗試。最近天氣凍左好多，突然想食碗熱湯麵，終於入去試左第一次！有3種湯麵㡳，今次我試左招牌高湯陽春麵！而套餐可加配點心，我點了15-黃金墨魚夾 同17- 柱侯牛腩籮白。首先湯底可以食到係用雞湯做主，清甜得黎又唔算太咸，配陽春麵不錯！15-黃金墨魚夾要一讚，外面脆而中間有蛋黃汁，夾埋好配！但17-柱侯牛腩啲牛腩應該炆唔夠淋，比較失望如果大家行過也可一試的食店！

剛剛揸車經過電氣道, 成日話果度好多小店。呢間系食會麵既+特色小碟, 好似好吸引 我地一家三大一小B叫左個2人set, 有2個魚湯及雞湯麵, 感覚清新不油, 又有清菜魚湯無味精, 感覚良好。 我同老公最中意個特色六小碟, 當中有一個炸墨魚餅內有wasabi 漿, 值得一讚。 最令人喜爱系呢間小店所有店員好親切, 呢種感觉好似久遺了好耐, 呢度可以揾得番。好多時出外晩飯, 都系想尋找些久遺既人情味, 原来呢度有。。。2人set 约$2XX, 都系好化算(如果胃口大的相信2人set 不足夠3人)

幾年前開始營業的大熱高湯麵，我們一試已經愛上它，偶爾便會在這裏吃午餐。後來少去了炮台山，所以很久沒有再來，今天再光顧，覺得比之前稍為遜色，不過還是很好味道。大高湯陽春麵湯底用金華火腿、老雞、豬骨熬製而成，味道非常濃郁又不油膩，兼有咸香味；陽春麵很滑很彈牙，吃完麵連湯也一喝而盡，很盡興。白高湯米線配三款點心魚湯底用大量鮮魚熬製而成，一點腥味也沒有，非常濃郁鮮甜，配上彈牙的米線，非常好吃。芥末炸墨魚球墨魚球炸得很香脆，所以很爽口彈牙，一咬下去有芥末醬在嘴裡流出，很特別很好味。竹笙金腿百花卷賣相很精美，竹笙內是滿滿的彈牙蝦膠，吃起來感覺很清新。溏心蛋顔色很橙紅，似是用走地雞蛋做的，所以濃濃雞蛋味又帶酒香味，總之就是很好味道。

晚餐想簡單中有點花巧，價錢又不會太高，就想起久違的太熱高湯麵。因為光顧2次仍保持到水準，今次帶另一位朋友品嚐。點了自選麵點心2人餐 $192（涼菜一款、麵2碗、點心5款、菜、飲品2杯）。點了大高湯，以老雞、金華火腿、豬骨等，湯底濃郁又不油膩，啖啖鮮甜雞湯，幼身米線更易吸吮到湯底。另一樣是白高湯，鮮魚加鹽調製，鮮甜不腥，味道相比雞湯較淡。而點心就是用一個個精巧點心盤上碟，而點心就放在大架上，賣相一流！黃金墨魚夾：幾厚身及彈牙，不過有點油溏心蛋：有點酒香味，不錯蜜汁豬頸肉：惹味中帶甜味，肉質有嚼勁，份量頗多竹笙百花卷：竹笙包著好彈牙的蝦膠酸梅炸蝦丸：好熱騰騰，小心燙咀，酸梅在中間流心，酸度十足，但感覺上有點熱氣。

今天帶小朋友行完山入左去。帶左湯及西蘭花俾阿囡自己食，點知老板話唔得。於是出返來。都是第一次遇到D咁嘅餐廳。當時成間餐廳只有兩三台客。一個餐成七十幾，都唔平。都諗住叫三個。真係不知所謂。

黎炮台山搵野食見呢間鋪幾特別 又有點心食抱住試下入去都幾多外國人幫趁 估計因為點心既招牌吸引到嗌左二人套餐 因為散叫都唔平 要成$80Total有5個點心 一個前菜同一份菜我叫左白湯米線 男朋友就嗌左個黑湯粉絲味道認真麻麻 好淡 唔夠熱呢個價錢係唔抵食

坦白說，高湯真失望有點太鹹，而且加了陽春麵後有點酸。價格在這地區真不便宜，服務員態度很差，一食完就開口叫我走（註：有其他桌是吉的）我都有點O左嘴---不會在去了。

幸福，是要很多因素配合。吃，本來只是一個動作。需要心情，食物質素，環境的配合才令"吃"變得"幸福"。今日，幸運的我在炮台山就吃了一頓幸福的午餐。是日路經炮台山，工作過後要找個午餐快吃，緣分下經過了它，便入去解決午餐。坐下一看餐牌，便下了一個午餐兩餸麵($75)。麵底點了 大高湯陽春麵，湯底的清澈，它用了雞湯，豬骨，金華火腿長時候煲煮，雞味同金華火腿的肉香令湯底倍增濃郁，而滑質的陽春麵可以完美地掛著濃湯，每一口都是充滿鮮味。點了兩餸，第一餸是馥郁溏心蛋，蛋白滲了醬汁，夠入味，不太咸很好。然而煮蛋時間很對很準，中間的蛋黃熟度剛好，帶著絲質的幼滑，不會熟得糊口，蛋香又足，很好味。第二餸柱候蘿蔔牛腩，看來份量少少，其實內藏蘿蔔牛腩各兩三塊，都很足量。蘿蔔沒渣很甜，而牛腩都很入味，略嫌有渣不夠淋，但味道仍然很好。緣分讓我遇上它，令我在忙碌中得到一個幸福的午餐，感激這小天地

最愛大高湯陽春麵，湯底係雞湯，真材實料，飲左半碗番到office都唔會覺得有好多味精好口渴咁，個陽春麵又夠彈牙👍🏻如果叫白高湯米線，會配魚湯，個湯都可以，米線就普通。如果叫黑高湯葛粉絲，就配牛骨湯底，不過唔係好飲到係牛骨味，麻麻。其實個湯底同麵可以自由配搭，朕就認為個大高湯同陽春麵係絕配😎必食系列：黃金墨魚夾-熱辣辣，一咬開d墨魚肉同咸蛋黃就湧晒出黎，回味😋蓮藕咸魚煎肉餅-都係熱辣辣，重咸魚味，好有家鄉風味👯香菇臘腸雲吞-個臘腸味好出，夾埋個菇粒，好鮮味👍🏻wasabi炸墨魚球同酸梅炸蝦丸都幾爽口，可以一試。之前都食過竹笙百花卷，好麻麻。個牛腩蘿蔔👌🏻牛腩入味，唔痴牙，蘿蔔隔過渣，夠甜👍🏻價錢都算相宜，1個麵跟1個點心就$52；2個點心就$62；3個就$72。眼見好少人order飲品，無咩特別。