德國餐廳 (Mikiki)

Open Now

Now Closed

呢個商場😊我想行咗好耐㗎啦,成日搭車都經過,望到都覺得好靚， 今日老公得閒，梗係要佢揸車車我去睇下啦 ，行下買下新年嘢， 行下行下又差唔多七點呀 梗係又要搵嘢食啦， 原來商場門口有間德國餐廳 都幾多人食喎 好耐冇食過鹹豬手入去試下先， 原來佢有鋪面同埋露天畀你揀 今次我哋揀坐坐出面 感覺冇咁焗促 我哋坐低就叫咗 德國咸豬手配 酸菜薯仔沙律， 好正呀啱曬我因為佢碎上， 絕對唔需要你慢慢砌 方便肉質 夠淋身 又唔會過鹹 最重要個皮夠脆👍🏻👍🏻， 另外再叫多咗個蒜蓉包 呢個我畀五⭐⭐， 我未食過咁好味嘅蒜蓉包🤤🤤因為我鍾意佢 個質感 佢唔係用硬嘅法國包， 佢除咗蒜蓉嗰個位係脆 成個包都軟淋淋 食落好幸福😍😍， 黎得呢啲餐廳，梗係唔少得要叫杯啤酒啦， 今次我哋叫咗 Hoegaarden, 鍾意佢夠大杯夠滑， 好滿足呀呢餐

經常路經新浦崗呢個商場，但從來冇嚟過，太座話要去行吓，話有間超級市場喺地庫，shopping完之後個肚打鼓，自然喺呢度搵食，行過見到一連3間西班牙、德國同意大利菜餐廳，因為豬手最後揀咗德國，天氣涼可以坐喺外面，環境唔錯，飲啖啤酒嘆吓豬手，感覺好寫意，德國鹹豬手配酸菜和薯仔沙律，呢度隻豬手皮好脆而肉夠乾身，又唔會真係好鹹，果然係招牌菜；法式蒜蓉包，非常驚喜，皮好香脆，但包身好淋，唔同其他地方食到成件包都好乾，比卡豬食到唔停得口；食德國豬手點都要飲啖啤酒，通常兩公婆都會點Hoegaarden，今晚真係好寫意!

本來今日諗住食韓國嘢，門口都有本MENU有下午茶係度，係呢個下午茶嘅時間當然係食下午茶先得，點知一入去得個午餐咁就唔食喇, 情願留番下次。其實一早都望過對面嘅德國及西班牙餐廰，雖然應該係同一集團，但西班牙果間已經食過，見佢MENU都幾抵，就叫一個正常都唔會差又愛食嘅全日早餐，起碼見佢都係早餐嘅香草腸，唻都賣相都唔錯，味道中規中矩，到個豬扒意粉，一切佢好硬好乾身，好在食落去都唔會話硬到係咁趙，所以佢就一般般，另一個東南亞腸意粉，以為係咩腸(唔通臘腸咁奇怪?) 問一問原來係西班牙腸，呢個夠哂肉汁，咖啡方面就唔熱味道偏淡，這裡可以話你想揾個地方傾下計可以唻食下，當然這是下午茶未必等於這個餐廰的食品質素，因為朋友話佢個芝士火鍋都好味，這個我留番下次去試一試。

新一年到了， 經理話我今年好幫到手，所以今晚同我食德國菜喎， 我心諗咁好死，突然對我咁好， 好啦就同你去食。去到先知原來帶我來 Mikiki的 Das Bier, 呢間其實我想食好耐只不過成日都冇人陪我食，今次終於有機會食了，好興奮呢！睇餐牌後我就叫了 西班牙風乾火腿配凱撒沙律，Blue Mussel ，呢到最出名的 咸豬手。先講講沙律，有數片超正火腿，咸咸地配上清爽的沙律菜。 再來個青口，佢分兩種重量來叫的，我們叫了0.5kg， 來到都好多，每件青口都掛到汁，令我好有驚喜。而最出名的豬手都冇令我失望，皮夠脆，肉嫩滑，點小小醬汁仲好味， 配酸菜夠正宗，但比起酸菜我更愛佢的薯仔沙律。今餐真係好滿意，我和經理都食得很開心。

開心歡聚的日子緊係唔好比佢停，話說外國回來的鬼妹約我出來食飯，我心諗緊係帶你去食中菜啦！點知鬼妹要求食德國野，話好想食咸豬手，大佬玩野麼，唉好啦見你想食就同帶你去食。鬼妹打開餐牌睇完已經決定好叫咩！我覺得我好似來陪食咁， 哈哈哈！算數見你咁雀躍比你話事啦！佢就叫左以下三款美食。德國咸豬手配酸菜及薯仔沙律 @@ 皮夠哂脆酸菜入味。西班牙風乾火腿配凱撒沙律@@份量足夠菜夠新鮮配上風乾火腿好夾。季節限定藍青口 @@ 每粒都吸哂d 汁好味。鬼妹食完都話好味。

這天朋友相約一同前往新蒲崗吃飯，朋友安排的餐廳，正正就是東歐中的美食，德國菜， 德國菜最出色的一定是兩大巨頭香腸與及豬手。餐廳裝潢方面分為兩部分，室外和室內，室內配搭半開放式的廚房，一目了然。明知山有虎，偏向虎蹤行。 沒有危，怎會有機。我們點了墨西哥香蔥芝士薄餅， 再次證明我們的選擇是正確的。 食物味道方面芝士味香濃，加上丁點的香蔥， 蔥味又能帶出芝士的鹹香， 配搭香脆可口的薄餅，絕對是美食之選。看起來普通的分量，但吃起來卻是充滿飽足感。

這天跟朋友一起到這裡的百貨公司，然後一起吃晚餐。餐廳環境整潔，有室內室外空間。由於天氣較冷，所以我們選擇了在室內用餐。到德國餐廳不能錯過豬手、肉腸及啤酒。考慮到要不浪費及我們的肚皮體積後，我們只是點了豬手！豬手是我其中一項最喜歡的食物！這裡的豬手味道適中，不會有過度的調味，所以可以大口大口吃！這裡的豬手皮肉是分離的。由於我比較喜歡香脆的豬皮，所以我幾乎把所有豬皮吃光！兩個人吃一隻豬手並不過分，份量這樣才剛剛好！

超市大減價，作戰前先在附近食飽飽，原來在新蒲崗都可以食到德國菜。室內氣氛不錯，很熱鬧，有不少大班人聚會，坐室外有異國風情。估唔到鹹蛋黃入侵埋德國界的豬手。發現有兩種豬手，都好吸引，選擇困難症出現。傳統德國白豬手($218)外面比較少有，唔好睇以為白灼豬手冇咩味，肉味香又入味，肉質扎實有嚼勁，仲好濕潤，骨膠原豐富，想吃嫩的就可以吃這個，沒鹹豬手那麼熱氣。仲有條法蘭克福腸，盡享德國美食！配薯仔和醃酸菜

今日嚟到位於新蒲崗mikiki ge德國餐廳食野，話明係德國餐廳，當然唔少得德國香腸啦！我地就點左一份香腸拼盤、美式燒排骨同香草醬三文魚意粉，食到超級飽。香腸拼盤既份量適合多人分享，有兩款唔同嘅醬汁，香腸好巨型，咬落去好juicy，又唔會覺得好油膩。不過我哋得兩個人去食就比較吃力，叫多啲朋友一齊分享就更好。另外都要讚一讚薯角夠香夠脆。美式燒排骨嘅醬汁甜甜地，咬落去都叫喺啖肉，味道香濃多汁，而且份量都好多。香草醬三文魚意粉雖然望落去滿滿都係香草，味道唔算太濃，反而香氣仲濃D。以我最鍾意就係呢支野飲，雖然有酒精，但係飲落去似有氣嘅蘋果汁🍹飲落好爽。

今日同朋友去咗新蒲崗嘅德國餐廳Das Bier食晚飯，我朋友係專誠黎食佢地新出既泰式香腸，我哋本身想食冬蔭公味，可惜已經買完，所以最後我哋就揀咗咖喱味既香腸拼盤。 Das Bier嘅香腸拼盤份量巨型，加埋熱辣辣脆卜卜嘅薯角，一個女仔絕對食唔完，最好就叫多啲朋友一齊嚟開心share🥳拼盤附上兩款醬汁，分別係茄汁同一種味道似黃芥末嘅醬汁。香腸口感好好，外皮稍脆，咬落去好多汁，又唔會好油膩。香草醬煙肉三文魚意粉賣相不俗，意粉條條分明，有淡淡香草味，唔會過份重口味。三文魚充滿咸香，同意粉好夾。呢度仲有藍青口食，可惜今日太飽了，唯有留待下次再試！

Mikiki可以話係屋企附近較大型嘅商場我哋成日一家去行下街食飯！呢個商場大部份餐廳都食過，呢間餐廳認真要推介！佢有啤酒飲兼有BB櫈，所以真係可以帶埋BB去飲野！今次我地叫左一杯德國黑啤另一杯係本地啤，有少少陳皮味仲有招牌菜德國鹹豬手、德國香腸拼盤同埋德式肉丸燴松露意大利飯招牌菜德國鹹豬手一直都係我老公飛佛！外皮好脆，但一d都唔油膩原來浸左雜菜同香料3個中，之後再360度旋轉風乾多餘嘅油同水都抽走曬，再焗一焗，唔怪得咁正！碟德國香腸拼盤都好正，勾起曬當年去德國嘅回憶佢一碟有四款腸仔，四款腸仔我淨係識紐倫堡香腸有d辣辣地，有d有香草，全部都好juicy，仲配d薯角！兩個人的話其實可以唔叫德式肉丸燴松露意大利飯不過姐姐係度，兩碟就唔夠食好彩個飯都幾好味，有好多菇，同埋都好香！下次再encore！食斧頭扒！

好姊妹要出嫁啦，趁佢未做人妻，想搵間餐廳放工近近地，又可以chill下，又可以放心啤一啤⋯⋯ 我即刻諗起德國咸豬手配啤酒！睇openrice搵到呢間城市綠州嘅 Das Bier! 位於Mikiki，又係downtown, 唔駛去到西貢赤柱都可以Chill～兩個女仔諗住都主要係飲酒傾計，所以冇嗌到好多嘢。最後我哋叫咗一個香蔥芝士薄餅，加德國鹹豬手配酸菜及薯仔沙律！再加一杯Hoegaarden兩份飲（一睇就知唔係飲開走但又想Chill下）我哋本身以為都唔係叫咗好多，但嚟到就開始擔心了。因為原來份量都幾多，薄餅有成八九塊，可能因為有埋芝士所以更加「漏」，但我個人覺得好好食，所以我食到停唔到口。不過我唔係好鍾意個醬，覺得唔係幾夾，所以我都係空口食件芝士薄餅，就咁食都覺得好好食。香蔥味幾濃㗎 ！另外個德國豬手真係不得了，因為原來真係好大份，食到三份一嘅時候，我哋有諗係咪要打包返屋企。啱晒大食嘅人！豬手都幾好食，個皮基本上好脆身，不過有啲位就有啲太煙韌啦～ 肉又唔係好乾身喎，幾好食！酸菜又未到人哋Table 18嗰啲咁酸（好易入口）！呢個組合都夠晒我哋傾足一晚，配埋啤酒坐低傾計都幾舒服，店員有冇趕

即興去左新蒲崗覓食，因為想飲啤酒，所以揀左呢間德國吧！成日都覺得去德國吧最穩陣一定係食德國豬手所以第一次都係叫左佢！ 呢間既豬手個樣幾靚仔！調味唔差，不過皮有一半脆，另一半脆得黎又淋淋地，肉就真係唔夠熱啦似翻叮叮熟左外皮，但入面唔熱，酸菜味道一般，個薯仔就唔好食啦，如果係薯蓉會吸引d！佢跟左兩隻芥末，一隻好辣身，一隻係蜜糖芥末，兩個芥末都好一般....整體普普通通啦。啤酒就唔錯啦，有我鍾意既黑啤！見到佢都有手工生啤，不過唔係my favourite

放假即興去試新餐廳食德國豬手，豬手調味唔差，皮有一半脆，另一半脆得黎又淋淋地，但豬手肉就真係唔夠熱，似翻叮叮熟左外皮，因為入面唔熱，知道太熱係好難切開，但係唔熱就係食得無咁開心囉。配菜有酸菜同薯仔沙律，呢兩樣味道好一般。啤酒方面選擇都算多既，有手工啤又有黑啤，個人喜愛飲黑啤，揀左Erdinger. 不過友人果杯朱古力味黑啤仲正，不過唔記得左影底... 其實一人一杯啤酒同一隻豬手share已經好飽！下次會去試下其他野食既。

已經好耐無同班舊朋友聚會，我地黎到咗呢間Das Bier緊係要慢慢坐低傾下計探個豐富的晚餐。餐廳環境好舒適，裝修精緻，座位也比較寬敞，非常適合聚餐的好地方。德國超級香腸拼盤對於這盤香腸的評價，就是juicy! 尤其是切開的時候，肉汁直噴出來，看看那橫切面就知曉了法式燒春雞隻雞大大隻,隻雞脾大大件啖啖肉,有肉汁唔會話食落好乾爭爭咁,雞肉嫩滑既,附上既兩個醬同隻雞味道都好夾!!!墨西哥香蔥芝士薄餅，味道同中式蔥油餅差唔多，好香香蔥味，不過同中式蔥油餅唔同嘅地方係，呢道菜仲有芝士同牛油香味，餅底亦都比較薄身同脆，配搭埋鷹嘴豆蓉，好食！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民